يعني ايه الحكومه تهين الشعب كده ....؟؟؟

[هشام اللول1]

يعني ايه تفتح مشروح صغير والحكومه تحاربك فيه ...
يعني ايه كل يوم تلاقي بتاع الضرائب والتموين والمصنفات والكهرباء ولما المياه و المباحث و ...... و ..... واقفين علي باب محلك علي الصبح

ويعني ايه اصحاب المشاريع العملاقه والكبيره يتهربوا من الضرائب بالملايين ومنتجاتهم معظمها عيوب ومحدش يقدر يقف في وشهم ...

دي قصه حصلت مع واحد قريب مني
هذا الشخص كان فاتح مشروع صغير (( سنترال )) ... استيقظ الصبح وصلي ركعتين الصبح وفطر وشرب شايه ونزل يفتح المحل ويتوكل علي الله ويقول ((يا فتاح يا عليم يارزاق ياكريم )) وفتح محله وقاعد في امان الله
وبعدها يدخل عليه ضابط من مباحث الاتصالات ويدخل يسال علي الخطوط المحمول التي لم تسجل بالشركه (( المخالفه )) وصاحب المحل ماشي سليم وكل البضاعه اللي عنده سليمه
الضابط طبعا قلب المحل راسا علي عقب وقال ايه ... لازم يخرج بمحضر علشان ترقيه ولا مكافاه وفتش بنفسه المحل
وفي الاخر لما لم يعثر علي شئ ... قام باستفزاز صاحب المحل ورفع صوته عليه غير السب والقذف طبعا
طبعا صاحب المحل قاله ... حاسب ياباشا انا ماشي سليم وماترفعش صوتك عليه
الضابط ده ضابط يعني البلد بلده واحنا الاغراب... عاوز يضرب صاحب المحل وشده وقطع له القميص
صاحب المحل راجل حر برده ... راح شده هو كمان قطع له التيشرت

وللاسف جاء مشهد الاهانه للشعب المغلوب علي امره
صاح علي العساكر وطبعا ( العساكر هما العبد المامور في البلد دي )
وسحبوا صاحب المحل وبهدلوا في الشارع امام الناس
وركب معاهم عربيه الشرطه
مشهد للاسف غلط في غلط

ولولا قدر الله انه اخوة صاحب المحل طلع علي النائب العام في المحكمه
وعمل ( مذكره في الضابط ) كان صاحب المحل اتبهدل كمان جوه القسم
وكلنا طبعا عارفين يعني ايه قسم الشرطه
ولكن بفضل الله خرج سليم والحمد الله في نفس الوقت

يعني ايه بقي اللي بيحصل في البلد ده ....؟؟؟؟
وهيفضل الشعب ده متهان لامتي .....؟؟؟؟؟؟
والحكومه هتفضل تحارب الشعب لامتي ......؟؟؟؟؟؟
ويعني ايه الحكومه تحجم الموظف وتحارب اصحاب المشاريع الصغيره .؟؟؟؟

لك الله يا شعب مصر

[دره]

والله يا هشام متزعلش لما اقولك دا اللى بيحصل اكتر من كده مسمعتش عن اللى اتقتلو واللى واللى واللى
مش هقولك عادى اللى بيحصل بس طول ما الناس بتخاف من اى حد وكل حد وماشيه جنب الحيط اسفه عاللفظ اللى هقوله " بقو زى الحمير اى حد يمشيهم" وعموما لما الناس تقتل الخوف اللى جواها وتقرر تضحى علشان يبقى فى كرامه ساعتها نقدر نقول الحق رجع والبلد اتغيرت لان الناس اتغيرت لان الحكومه مش هتتغير

[hadede]

يا اخى الفاضل هشام

ممكن أسألك سؤال لو سمحت؟

سمعتك وانت بتقول اسأل

طبعا فيه ثلاث اشياء

حكومة وشعب واهانة

لو الحكومة عايزة تهين حد هتهين مين ؟

برافو عليك

الحكومة تهين الشعب امال هتهين نفسها يعنى

والشعب لازم يستحمل

امال شعب ازاى وليه


دمت فى حفظ الله يا هشام

[SCREEM]

[COLOR=Red]

يعني ايه بقي اللي بيحصل في البلد ده ....؟؟؟؟
وهيفضل الشعب ده متهان لامتي .....؟؟؟؟؟؟
والحكومه هتفضل تحارب الشعب لامتي ......؟؟؟؟؟؟
ويعني ايه الحكومه تحجم الموظف وتحارب اصحاب المشاريع الصغيره .؟؟؟؟

لك الله يا شعب مصر

انا هرد عالاسئله دي كلها
بص ياحج والله كل يوم في مواقف بتحصل قدام عيني وحجات ابشع من دي ولا حد بيتكلم بقت حاجه عاديه ياخي المصري لو متهانش ف بلده بيحس ان في حاجه نقصاه وطبعا الحكومه اهم حاجه عندها متحرمش من حاجه
بس طبعا الموقف الي حصل معي قريبك ده بتبين قد ايه الفساد الي وصلت ليه الداخليه وقانون الطوارئ الي يخلي عسكري ملوش لازمه يتحكم فيك يعني شوف قريبك ده صاحي يسترزق بالحلال والظابط برضه صاحي يسترزق بس علي صاحب المحل شوف الحال وصل بينا لفين


تقبل مروري ان شاء الله اانا وانت ف زنزانه واحده

سلام ياحج

وتصرخ مهما تصرخ ولا حد هيسمعك

[ايسل]

هو كده ومفيش غير كده هنعمل ايه ليهم ولا حاجه
ولا حاجه خالص ياهشام قولتلك مفيش فايده طول ما الشعب خايف وساكت هيزيدوا فى اللى بيعملوا
خلاص عليه العوض ومنه العوض
وربنا يكون مع قريبك الفتره دى لن اللى بيحس بالظلم والقهر متعرفش بيكون جواه عامل ايه صبروا وهديه شويه
وربنا هو المنتقم
سلام

[عفريت أفندى]

المشكله يا عم هشام

مش فى القوانين

لالالالالالالالالالالالال الالالا


المشكله فى من يقوم بتطبيق القوانين دون ضمير و دون مراقبه

عشان كده المثل بيقول

اللى ليه ضهر ............................

و الغلبان بئه ياخد على ...................

و أبجنى تجدنى

رشوه و فسااااااااااد

لو كل واحد عرف حدود سلطته لحد فين ؟ و عرف واجباته قبل حقوقه سواء كان مواطن أو رجل شرطه

كانت البلد بقت فله


تسلم يا هشام

و ربنا يسترها مع كل واحد مظلوم

قادر ربنا ينصفه و ياخد له حقه و لو بعد حين

[معا لنصرة ديننا]

للأسف هشام هذا ما يحصل يا أخي نحن في زمن ضاعت فيه كرامتنا وعزنا ليس كمصريين ولكن كانسانيين وهذا الظابط والأغلبية والله يا أخي يعتبرون أنفسهم يعني في عليين بسلطتة فقط وليس بعلمه ومع ذلك طالما لا يوجد رقيب عليهم الا ربنا فلا يسعنا غير أن نقول حسبي الله ونعم الوكيل في كل ظالم يارب العالمين نقتص من كل من يظلمنا في يوم لا ينفع فيه مال ولا بنون الا من أتي الله بقلب سليم
جزاك ربي الجنة أخي

[محمود سمير]

والله يالول عندك حق فى مساْلة اصحاب المشاريع الصغيرة الظاهر ان اللقمة فى اْيد اليتيم عجبة والحكومة بتحاربهم بس مش كلهم عندك ناس محلاتها مش مترخصة وناس ورقها مش كامل ومخالفات كتيرة جدااا اما بالنسبة لاصحاب المشاريع العملاقة اللى بتتكلم عنها ياهشام مش كلهم ياعم انت كده دايما بتجمع فى ناس محترمة وفى اللى غير كده مش كل رجال الاعمال اصحاب المشاريع الكبيرة بيتهربوا من الضرائب او بيهربوا بره والكلام اللى انت قايله ده فى قانون بيحمى ياسيدى وزى مقولت انه اخو صحبنا ده راح للنائب العام وخلص الموضوع وبعدين متكبرش الموضوع وتقول ايه اللى بيحصل فى البلد ايه ياعم اللى بيحصل يمكن انا مش من هنا ولا حاجة وبعدين عمال على طول فى جميع مواضيعك تقول احنا هنفضل متهنين لحد امتى اهانه ايه بس اللى بتتكلم عليها وبالنسبة للحكومة يعنى تفتكر ايه السبب اللى الحكومه هتحاربنا عليه وبعدين ياهشام مصر ليها الله اولا ثم شعبها ثانيا تقبل مرورى عزيزى هشام

[هشام اللول1]

والله يا هشام متزعلش لما اقولك دا اللى بيحصل اكتر من كده مسمعتش عن اللى اتقتلو واللى واللى واللى
مش هقولك عادى اللى بيحصل بس طول ما الناس بتخاف من اى حد وكل حد وماشيه جنب الحيط اسفه عاللفظ اللى هقوله " بقو زى الحمير اى حد يمشيهم" وعموما لما الناس تقتل الخوف اللى جواها وتقرر تضحى علشان يبقى فى كرامه ساعتها نقدر نقول الحق رجع والبلد اتغيرت لان الناس اتغيرت لان الحكومه مش هتتغير

سمعت كتير وشوفت بعيني من الناس اللي اتقتلت داخل اقسام الشرطه

وعلي فكره قريبي ده مخفش وطلع راجل ورد علي الضابط الشتيمه
وقطع له القميص بتاعه
بس للاسف بتاع (( العبد المامور )) العساكر كانوا كتير

علي العموم فعلا احنا اللي الخوف مسيطر علينا
علشان جيرانه كانوا موجودين لكن للاسف كل بيقول هو انا قد الحكومه

شكرا لمرورك اسماء وحفظك الله وبارك الله فيكي

[هشام اللول1]

يا اخى الفاضل هشام

ممكن أسألك سؤال لو سمحت؟

سمعتك وانت بتقول اسأل

طبعا فيه ثلاث اشياء

حكومة وشعب واهانة

لو الحكومة عايزة تهين حد هتهين مين ؟

برافو عليك

الحكومة تهين الشعب امال هتهين نفسها يعنى

والشعب لازم يستحمل

امال شعب ازاى وليه


دمت فى حفظ الله يا هشام

هي الاهانه دي اصبحت جزء من قلوبهم وعقولهم ودمائهم
مش قادرين يستغنوا عنها مش يخافوا من انفجار الشعب
ومش عارف والله ياعماد الناس هتستحمل ايه ولا ايه ولا ايه

نورتني عماد
بارك الله فيكي وحفظك