ازاى ترخم على واحد صاحبك؟

[roro_rawan]

نايس بيبى عالموضوع ده

بس انا احب القى اعجابى بهذا الموضوع لانه مشابه لموضوع كنت كتبته بنفس العنوان

بس بصراحه موضوعك الرخامه اللى فيه اخف دم من رخامة موضوعى

تقبلى مرورى

ميرسى على مرورك بجد نورتنى
وبجد احرجتنى بكلامك دا

[roro_rawan]

لا بجد موضوع جامد وانا بالفعل هعمل كدة مع صحبتى خصوصا حكاية الموبايل والمفاتيح مفيش مانع اخد مفاتيح الشقة ويبات فى شارع انتى جامدة اوى ميرسى على موضوع دة

لاء بلاش تعمل كدا انت هتودينى كدا فى داهيه
ميرسى على مرورك

[roro_rawan]

لا دانا كده ابقى ارخم واحده بس بصراحه انا عملت موقف الموبايل من سنه ويا عينى البنت كانت مش مصدقه انه ضاع ودا لقيمه الموبايل عند البنات
لذيذ يا قمر تقبلى مرورى

بجد يا قمر نورتينى
وبجد مرورك دا فرحنى

[roro_rawan]

هههههه ميرسى رخامة ما بعدهاة رخامة يعنى تسلمى يا قمر

شوفتى الرخامه على اصولها اصل انا متوصاش فى حكايه الرخامه دى
تسلمى بجد على مرورك

[roro_rawan]

طب وليه اكون رخم

ومش عايز ارخم ع حد

ههههههههههههههه

براحتك مترخمش بس تعرف الرخامه دى احلى حاجه بنستمتع اوى بيها انا واصحابى
محمود بجد نورتنى

[رهيف الاحساس]

لو خارج مع صحبك مشوار أو بتروحوا حتة معينة كلية أو مدرسة أو أى حاجة
أتصل بيه قوله إوعى تنزل غير لما أفوت عليك وطبعا هو مش هيشوف وشك
يرن عليك نفض يتصل بيك نفض سيبه لحد مايطق وينزل لوحده
طبعا أنت عارف الأوقات اللى بينام فيها ولو من النوع اللى بينام بعد الكلية كلمه على تليفون البيت
وقول للى يرد عليك يصحوه ضرورى وهما احتمال كبير مش هيكونوا سايبلنه عدة تليفون فى أوضته
عشان طبعا ميقعدش يحب بيه طول الليل فا هيضطر يمشى لحد الصالة أقعد أرغى معاه ورذل عليه
واحد هيقولى طب أرذل عليه ازاى طب خلاص متزعلش أعلمك يعنى مثلا تقوله خبر يزعله جدا
حاجة حلوة تصدمة كده وتخليه بدل ماكان عايز ينام عينيه هتطلع من مكانها وفى الاخر قوله بهزر
المهم أفضل أستفزه لحد ماتطير النوم من عينه
لو صحبك بيتكلم فى التليفون حاطط السماعة على ودن وأستلم أنت بقى الودن التانية الفاضية
خليه يحس إنه واقف فى مولد مش عارف الكلام جى منين بالظبط
دبس صحبك فى كل حاجة مثلا فى مواصلات أو فى كافيه أو فى سينما
أدخل سنترال إتكلم وقوله معاك فكة أصل معييش غير مجمد قال يعنى معاك ورقة بمليون جنيه
أو قوله نسيت المحفظة فى البيت أو الفلوس ضاعت ولا إتسرقت أو متخانق مع باباك ومدكش فلوس
خليه مش فاضل غير بعد كده ياخد مصروف ليه وليك
لو صحبك رايح أى مشوار هيقابل حبيبته مثلا وقالك لو حد من بيتنا أتصل بيك قوله إحنا بنذاكر
وأول ما حد يتصل قولهم لا والله هو تحت مش عندى وقوله يعنى أنت عايزنى أكدب
قال يعنى الإيمان مقطع بعضه وصادق فى كله جت على دى
لو لسه مخلصين إمتحانات الشهر فى المدرسة أو إمتحانات الميد تيرم فى الكلية ودرجات صحبك وحشة
قوله أنا لازم أجى أذاكر معاك النهارده وطبعا هتشوف باباه ولا مامته وهيسألوك عن المذاكرة وكده
قولها والله إحنا بنذاكر بس مش عارف هو جاب درجات وحشة وسيحله بقى خليهم يستلموه
ويكبسوا على نفسه طول السنة
ياسلام لو اتأخرتوا 5 دقايق كده عن المحاضرة والدكتور قال مش مدخل حد بعدى وطردكوا
يبقى لازم تروح بيته وتشتكى لباباه ومامته وتعمل برئ ومظلوم دانتوا يادوب اتأخرتوا خمس قايق بس
هتخليهم يخلوه يروح يفتح الكلية بنفسه من الساعة ستة الصبح عشان ميتأخرش عن المحاضرة
خارج أنت من البيت بقى وبتستأذن باباه أو مامته بيقولوك ماتخليك ياحبيبى تتغدى معانا قولهم شكرا
صحيح يابنى أنت عملت شيت مادة كذا وطبعا أنت متأكد إنه لا عمله ولا جه ناحيته
الباشا بقى فى نص هدومه وهيرد باباه ولا مامته لا طبعا ويعمل ليه هو فاضى للحاجات دى
والأهل مش بيتفاهموا فى حكاية الدراسة دى بالذات يعنى أقلبها نكد على صحبك قبل ماتمشى
خد موبايل صحبك من غير مايحس وخبيه وخليه يفتكر إن الموبايل ضاع ولا إتسرق لحد مايجيب آخره
لو هو مفتح شوية وواخد باله يبقى على نفسه برضه قوله ورينى الموبايل بتاعك كده وفى وسط القعدة
استأذن مثلا هتجيب حاجة ولا هتعمل حاجة وخده وروح وخليه يدوخ عليك فى المكان ويتصل بيك مليون مرة
لحد مايجى ياخده منك من البيت وياسلام لو مفاتيح عربيته يبقى يجى بتاكسى ويرجع بتاكسى بعدين يبقى يروح بعربيته
امال هو يعنى يركب عربية وسواقين التاكسى ياكلوا عيش منين
لو شوفته واقف مع واحدة طب عليه زى القضى المستعجل وخده بالحضن ودخل نفسك فى الكلام وخلاص
ولو فاكر موقف محرج كده عن صاحبك ده مفيش مانع تقوله قدامها يعنى مثلا لو صحبك ده حاول
قبل كده يتكلم مع بنت وأحرجته قوله يا أخى كل ما أشوفك واقف مع بنت زى دلوقتى كده
أفتكر البنت اللى قالتلك لم نفسك ياروح أمك طبعا هو هيبقى واقف بيقول يا أرض إتشقى وأبلعينى
وما شاء الله عليك كده هتبقى بتحطه فى موقف أرذل من التانى
وهيبقى ربنا يصبره وممكن يدخل الجنة بسبب عمايلك دى


ملحوظه : لو ال شاف الوضوع لازم يرد والا.......................................... .................................................. .................................................. .................................................. .................................................. ........اوه نسيييييت بس انا كنت هعمل حاجه جامده اوى بس انا نسييت

طيب ليه الرخامه ده تلفون ومصاريف
مش اخد الشله واروح لحد عنده ونشرب شاي وقهوه
ونطير النوم من عينيه

[مونه]

ههههههههههههههههههههههههه
بجد رخامه صح
بارك الله فيك

[roro_rawan]

طيب ليه الرخامه ده تلفون ومصاريف
مش اخد الشله واروح لحد عنده ونشرب شاي وقهوه
ونطير النوم من عينيه

بجد فكره حلوى
بجد نورتنى

[roro_rawan]

ههههههههههههههههههههههههه
بجد رخامه صح
بارك الله فيك

ميرسى بجد على مرورك
نورتينى