لكل محبي البواخه نكت باااااااااااااااااايخه

[Rona Elmagnona]

ليه السمك بيخاف من اتصالات؟
علشان أقوى شبكة.....


- طب ليه عملاء موبينيل هيدخلو الجنة؟
علشان هما أحسن ناس......ـ


و ليه القطنه هتدخل معاهم؟
عشان مدام نظيفه قالت القطنه متكدبش....


- طب ليه عملاء فودافون ما بيبردوش؟
علشان فودافون أقوى تغطية.....


_ امتى السما يبقى لونها بتنجانى
لما الدنيا تبقى مسقعه.....


ليه القطر مهم
....... عشان تحتيه خطين


ليه سندوتشات الكفته والبطاطس بتجري
...... عشان وجبات سريعه


ليه اليابان معندهاش حنان
............ عشان ف قاره آسيا

ليه البرازيل معندهمش تين
............ .عشان ف امريكا اللاتينيه


ليه الفيل بينزل البحر بالشورت الاحمر .
.......... عشان الشورت الاخضر مش نضيف


ليه الصعيدي بيحط جنبه منبهين
............ . عشان واحد يضرب والتاني يحوش


عكس نجيب محفوظ ؟؟ .
........ نودي محفوظ


واحد بلدياتنا ماشي تحت الكوبري و رافع ايده ليه ؟
......... عشان الكوبري مسلح


عسكرى زهق من البندقيه عمل ايه
جاب حمصية.....

طماطمية عطست قالت
.... كا كا كاتشبب

واحد بيقول لواحد هى الساعة كام قالو انت فاكرنى جزرة وخد الشاكوش عالعجلة ومشى


حاجه بتجري وعندها راسين و 8 رجول
....... كلبين بيجروا جنب بعض


ليه القرد سريع
....... عشان القرد في عين امه غزال


اول مخلوق ظهر عالارض هو الحمار الوحشي ليه ؟؟
. ........ عشان ابيض واسود


و اخر مخلوق ظهر القنفد ليه ؟؟
عشان لسه بشوكه......


حاجه ليها اربع رجلين وطايره في الهوا.
....... قطه مضروبه بالشلوت


عاوزين نطير كلب نعمل ايه
.......... نضرب في ( 1\كلب )الكلب يطير مع الكلب


ليه النمل مش بترضي تركب الفيل قدامها عالعجله
......... عشان بيلعب في الجرس


فرخه معلقه سلسله فيها صوره بيضه ليه ؟؟
............ صورتها و هي صغيره


فرخه معلقه سلسله وفيها صوره طبق بيض اومليت ليه ؟؟
........... صوره اخوها الشهيد


ايه الفرق بين عمرو دياب و إليسا ؟؟
إليسا بتعمل شريط كاسيت ....
و عمرو دياب بيعمل شريط كاراجل ....


ليه المنبه بيرن
....... عشان مش معاه رصيد يتصل


ليه القطه بتدخل عن الحلاق_
...... عشان الباب مفتوح


طب ليه الأقرع بيدخل عند الحلاق _
........ عشان ياخد القطه


ليه الصيدلي بيبني عماره_
......... عشان يسكن الآلم


طب وليه العماره وقعت
.......... عشان بنااادول إكسترا )


ليه قبضوا على صاحب شركه جهينه
.......... عشان ( زبادو ) متلبس


ليه القطه بتخربش
............ . عشان نفسها تكسب


ليه الأهرامات تلاته بس
.......... عشان الشلن مش هايكفى نحط واحد كمان


ليه السائح بيتصور جنب الاهرامات
.......... عشان يطلع في الشلن


ليه الام مدرسه
........ عشان بتذاكر لولادها


عكس بالونه ايه ؟؟ .
........ نشفونا


ليه الفيل بيلبش شرابات خضرا
........ عشان خضرا بتلبس شراباته


عاوزين نحط فيلين في برطمان من غير ما يلمسوا بعض نعمل ايه ؟؟ ......
نحط فيل ما بينهم و نحطهم في البرطمان


ليه عمر دياب و هو بيقول فى اغنيه راجعين مخبطش فى اللى وراه
عشان طلعت زين واقف وراه وبيقولو تعالا تعالا


عاوزين نركب 4 افيال على عجله نعمل ايه ؟؟
........... نركب فيل و نديله البرطمان يمسكه في ايده


حكموا على صاحب شركه موبينيل احكام كتيره اوووي ليه
...... عشان بيتحاسب بالثانيه


خمسه صعايده قاعدين في اوضه كل يوم يخرج واحد ليه
...... بيلعبوا ستار ميكر


قطر ماشي بسرعة 60 كلم في الساعة فكم عصفورة في الشجرة اذا كان الببسي ب75 قرش؟


ايه وجه الشبه بين البطيخ و الشمام
....... الاتنين اجازه الحلاقين


حاجه صغيره و لونها احمر و بتاكل الزلط
......... بنت الحاجه الكبيره اللي لونها احمر و بتاكل الزلط


طب حاجه لونها اسود و بتاكل الزلط.
........ ظل الحاجه الصغيره اللي لونها احمر وبتاكل الزلط


ليه الفراعنه ريحه بقهم حلوه
......... عشان كان عندهم ابو الهولز


طب عندنا ازازه حاجه ساقعه و فيها طوبه .. عاوزين نطلعها من غير مانكسر الازازه ؟
........ نجيب الحاجه الحمرا الصغيره اللي بتاكل الزلط و نحطها في الازازه


ليه الفراعنه كانوا عيال
............ عشان كانوا بيرسموا عالحيطه


طب ليه ابو الهول كان وشه اصفر
......... من خوفو


طب اتنين فراعنه قعدوا عالفهوه هايطلبوا ايه ؟؟
...... اتنين اااااامون و حجر رشيد لايت


واحد ماشي في الشارع و لابس كوتشي ابيض ليه ؟؟
........... عشان ماشي مع الطقم


واحد بلديتنا واقف قدام المرايا و مغمض عنيه ليه ؟؟
............ ......... ..... بيشوف شكله و هو نايم


مهندس كمبيوتر، حلل دمه، طلعت فصيلته
.......... HP


لية السمك بيخاف من الجنية....؟!
علشان الجنية فية 100 قرش.........



القاضيه بقى

قطه بنت عم قطه تانيه ... وقطه تالته بنت عم التانيه ... و قطه رابعه تبقى بنت اخت التالته ...... و قطه خامسه تبقى عمه الرابعه ... وقطه سادسه تبقى بنت خاله مراة عمه الخامسه ...
تبقى القطه الاولى تقول القطه السادسه يا ..... ايه ؟؟





تقولها ناو ناو

[الحريه]

قطر ماشي بسرعة 60 كلم في الساعة فكم عصفورة في الشجرة اذا كان الببسي ب75 قرش؟

ولا عصفوره والبيبسى ب2ج ونصف

يالهوىىىىى ايه الرخامه اللى تجيب شلل نصفى دى

لا وكمان تجيب شوية عبط وتخلف هههههههه

تسلمى يا قمر على شوية النكت الرخمه دى المرة الجايه

عايزين نكت تموت من الاخر احنا لسه هنتشل

[♥بـونـبـونـايـه سـكـره♥]

ههههههههههههههههه
والله حلوه علشان منك انتى والله
منوره المنتدى و 5 فرفشه ب موضوعاتك ياعثل

[ابو تريكه]

هههههههههههههههههههه

بايخه جدا

[Rona Elmagnona]

الحريه

• مشاهدة الملف الشخصي
• مشاهدة مشاركات المنتدى
• مشاهدة مقالات المدونة
• مشاهدة المقالات
• إضافة إلى قائمة الإتصال

مصراوي شغال

تاريخ التسجيل 25 - 5 - 2010 ساكن في فى البيت طبعا المشاركات 125

قطر ماشي بسرعة 60 كلم في الساعة فكم عصفورة في الشجرة اذا كان الببسي ب75 قرش؟

ولا عصفوره والبيبسى ب2ج ونصف

يالهوىىىىى ايه الرخامه اللى تجيب شلل نصفى دى

لا وكمان تجيب شوية عبط وتخلف هههههههه

تسلمى يا قمر على شوية النكت الرخمه دى المرة الجايه

عايزين نكت تموت من الاخر احنا لسه هنتشل

طيب ولو تجيب امراض تانيه غيرا الشلل تمشي معاكي
عالعموم انا في الخدمه

[Rona Elmagnona]

والله المرور هوه اللي الحلو عشان منك يا بونبونايه
اما بالنسبه لحكاية منوره فانا مش بحب اكلم عن نفسي لما بشترك في اي مكان بكون منوره ازاي
مرسيييييييييييييييييييييي ييييييه اوي علي مرورك

[Rona Elmagnona]

مرسييه يا ابوتريكه علي مرورك
وانا عارفه انها بايخه جدا علي فكره وقلت لمحبي البواخه

[roro_rawan]

ميرسي يا رانيا
فعلا بايخه خالص

[جلاكسي و الكل عكسي]

نكت بايخة بجد

[_EVE_]

ايه الجمــــــــــــــال دا يا رانيا
مكنتش اعرف انك رخمة كدا
بجد قمة البواخـــــــــــــــــــ ـــــــــــــــــــــــــ ــــــــــــــــــــــــة
ميرسى على البواخة دى