هل شخصيتك تتناسب مع اسمك المستعار؟!! دعوه للمشاركه

[زيرو كول]

السلام عليكم ورحمة الله وبركاته
بهذا الموضوع سأتحدث عن الإسم المستعار (النيك نيم) الخاص بكل شخص يلجأ إليه من خلال كتاباته بالأنترنت...
طبعاقليل جدا أن يظهر أحدنا اسمه الحقيقي بالانترنت ، لذا يلجأ مستخدمي الانترنت الى التخفي وراء اسم مستعار ، وهذه طبعا لعدة أسباب يطول شرحها .. منها التأثر بشخصيات معينه سواءا تاريخية او معاصرة سواءا اسماء شعراء او مغنيين او حتى لاعبي كرة قدم ، او يعبر عن ذوق صاحب الاسم المستعار حال اختياره اسم جميل ، وغيرها من الاسباب والدوافع الكامنه وراء اختيار كل منا لاسمه المستعار ، بينما يظل الاسم المستعار قناع يستعمله كل واحد منا حيث يصور هذا القناع ويخبئ وراءه سجايا حامله ونواياه ... وهو بالاصح الهوية التي يبحر من خلالها كل منا ويتنقل عبر فضاءات الانترنت .


قد يخالط حديثي الخطأ ولكن هذه وجهة نظري نحو الاسم المستعار. (بيد أن ليس هذا هو لب الموضوع)


فأرجو من الجميع دون أستثناء الأجابة على خمسة أسئلة :
1/ ما معنى إسمك الستعار؟
2/ما سبب أختيارك لأسمك المستعار ؟؟ بصراحة
3/ ما أجمل أسم بالمنتدى؟؟
4/ ما أغرب أسم بالمنتدى؟؟
5/ هل ترى شخصيتك متناسب مع إسمك المستعار؟؟

أرجو من جميع الأعضاء المشاركة وأن لا يخيبوا ظني ؟؟
تحياتي للجميع
ودمتم بخير ,,

[هبه اتش]

انا اكتر حاجه عجبتني الصوره
sorry يامان انا بتكلم بجد
بس ممكن اقولك ان هبه اسمي الحقيقي
واتش ده اللي هو تريبل اتش المصارع
اما هو ماشي معايا ولا لاء دي حاجه ترجع للناس اللي عارفين اللقب وعارفين صاحبته
اما احسن اسم واوحش اسم فده هايعمل حساسيه جامده
منور يامااااااااااااااااااااان

[آية الرحمن]

/ ما معنى إسمك الستعار؟
انا اسمى معناه الرومانسية وهى الحالة الى بيعيش
فيها بعض الناس
2/ما سبب أختيارك لأسمك المستعار ؟؟ بصراحة
لان انا انسانة بحب الرومانسية جدا وبحب كل شئ
يخصها مثل الاغانى
3/ ما أجمل أسم بالمنتدى؟؟
هناك اسماء كتير حلوة فى المنتدى
4/ ما أغرب أسم بالمنتدى؟؟
فى اسامى ملهاش معنى هى دى الى بستغربها اوى
5/ هل ترى شخصيتك متناسب مع إسمك المستعار؟؟
من وجه نظرى انا هى ببتناسب جدا

شكرا يا زيرو على الموضوع بس ياريت انت كمان تجاوب علية
وعلى فكرة انا اه داخلة باسم مستعار بس تقريبا
معظم المنتدى يعرف اسمى الحقيقى وانا قولتة عادى

[alexklash]

1- ما معنى إسمك الستعار؟
معناه كلاش الإسكندراني
2-ما سبب أختيارك لأسمك المستعار ؟؟ بصراحة
لأني كنت بغني لواحد اسمه كلاش
3- ما أجمل أسم بالمنتدى؟؟
لسه معرفش عفواً جديد بقي
4- ما أغرب أسم بالمنتدى؟؟
انا لمحت واحد اسمه جلاكسي والكل عكسي
5- هل ترى شخصيتك متناسب مع إسمك المستعار؟؟


نوعاً ما ايوة

[دره]

1/ ما معنى إسمك الستعار؟
ان حياتى هى اسلامى يعنى الاسم واضح
2/ما سبب أختيارك لأسمك المستعار ؟؟ بصراحة
بحاول اغير من نفسى واعمل بالايه "وما خلقت الجن والانس الا ليعبدون " يعنى عايشه للاسلام
3/ ما أجمل أسم بالمنتدى؟؟
كلهم حلوين والله
4/ ما أغرب أسم بالمنتدى؟؟
عفريته هانم
5/ هل ترى شخصيتك متناسب مع إسمك المستعار؟؟

بش بدرجه 100/100 بس بحاول باكبر قدر ممكن

[اميره بلا وطن]

السلام عليكم
1/ ما معنى إسمك الستعار؟
اسمى معناه انى اميره لكن على الرغم من كده تايهه فى دنيا واسعه او يمكن مش حاسه انى مرتاحه فى اى مكان او لاقيه نفسى فيه عشان كده بقت اميره بلا وطن
2/ما سبب أختيارك لأسمك المستعار ؟؟ بصراحة
بصراحه سر اختيار الاسم يمكن انا قولته فوق انى حاسه انى فى دنيا مش بتاعتى او يمكن اكتر حقوقى ضايعه
3/ ما أجمل أسم بالمنتدى؟؟
بصراحه بما انى جديده مش قديمه اوى هنا فيمكن مااتعرفتش على كل الاسماء او مش الكل صادفنى لكن اعتقد ان افضل الاسماء ماارتبط بمعنى دينى
4/ ما أغرب أسم بالمنتدى؟؟
كل اسم لايحمل معنى اعتقد انه غريب لكن مااقدرش احدد اسماء
5/ هل ترى شخصيتك متناسب مع إسمك المستعار؟؟
بصراحه انا اسمى ينقسم اسمين او جزئين الجزء التانى منطبق على الحاله اللى يمكن بمر بيها واللى شرحتها قبل كده لكن الاولانى بقى بالنسبه للاخلاق الحمد لله ولكن مازالت مااقدرش اقول عن نفسى اميره او لا لان دى يشوفها الناس ويحكموا عليا من خلال افعالى واقوالى مش انا اللى احدد



فى الاخر موضوع جميل
تقبل مرورى

[ابو احمد رزق]

اولا بارك الله فيك
ثانيا ياريت توضح لنا معني اسمك انت
ولما اخترته؟
انا اسمي ابو احمد رزق
وهذا هو اسم ابني احمد
ولقب عائلتي رزق
يعني اني لا احب الاستعارة
ولا احب التخفي وراء اسماء ما
أما عن اجمل اسم في المنتدي
فهو كل اسم ارتبط باسم الله
واغرب اسم هو
زيرو كول و عفريته هانم
وتقبلو مروري

[الحريه]

/ ما معنى إسمك الستعار؟
اسمى مش محتاج تفسير لمعناه لانه واضح
2/ما سبب أختيارك لأسمك المستعار ؟؟ بصراحة
.................................................. ................................
3/ ما أجمل أسم بالمنتدى؟؟
كتير
4/ ما أغرب أسم بالمنتدى؟؟
كتيييييييييييييير
5/ هل ترى شخصيتك متناسب مع إسمك المستعار؟؟

لا

مرسى على التوبيك

[القطة المشمشية]

1/ ما معنى إسمك الستعار؟
انا اسمى القطة المشمشية واعتقد ان المعنى يتاعه واضح
2/ما سبب أختيارك لأسمك المستعار ؟؟
انا بعشق القطط وبحب اربيهم وكمان عندى قط فى البيت
3/ ما أجمل أسم بالمنتدى؟؟
بصراحة انا لسه عضو جديد معرفش حد هنا
4/ ما أغرب أسم بالمنتدى؟؟
بصراحة انا لسه عضو جديد معرفش حد هنا
5- هل ترى شخصيتك متناسب مع إسمك المستعار؟؟
انا فعلا شخصيتى تشبه القطط كتير وكمان اصحابى بيقولوا انى شبه القططفى ملامحى وكمان فى تصرفاتى

[ELBRNSISA ESRAA]

بصراحة انا مش بستعمل اسم مستعار ميرسى على التوبك