راجل واثق فى نفسه

[دره]

فتح باب البيت وهو مكشر وحالته صعبه اوى واول ما دخل نادى على مراته بصوت عالى
_يا اهل البيت....انتى فين؟
هى : انا هنا يا حبيبى بكوى هدومك
هو:سيبى المكواه وتعالى عاوزك
جاتله جرى وعلى وشها اروع ابتسامه واحلى تعبير ..ست ايه؟ فى منتهى الجمال والرقه برفانها بيؤول كده
هى: نعمين يا حبيبى
هو:حضرى شنطتك؛هتروحى بيت باباكى كام يوم كده
هى:"بمنتهى القلق"خير؟ فى حاجه؟
هو: لا ابدا ...انا اتجوزت عليكى ورايح مع عروستى اقضى شهر العسل وميصحش تقعدى فى البيت لوحدك المده دى.
لو قلتلكم انها حست ان كان جدران البيت اتهدت عليها...تصدقونى لونها بقا ابيض من القطنه والدنيا غامت بيها
هو:اتحركى حضرى الشنطه ؛مش هستناكى لبكره حصلينى على العربيه
هى:طب والمكواه مين هيخلصها؟
هو:مكواه اه وزفت اه؟اتحركى
حضرت الشنطه وهى مش عارفه حطت فيها اه اصلا ؛سحبتها لحد تحت ونزل هو حطها فى شنطه العربيه
طول السكه لبيت باباها وهى بتضرب اخماس فى اسداس مش عارفه ليه ولا ازاى؟؟؟؟ مذهوله ؛لا مصدومه
وصلو لبيت باباها وهو نزل اخذ الشنطه وطلعها فوق؛ فتح لها باب العربيه ووقف قدامها وهو بيؤول :
على فكره انا متجوزتش عليكى ولا حاجه ؛ بس باباكى اتوفى النهارده وكان لازم تيجى بيت اهلك انا اسف
اخيرا طلعت منها حركه ؛ اتنفست بصوت عالى وهى بتبكى وبتؤول : الحمد لله قضا اخف من قضا
تخيلو انها كانت بتبتسم ويمكن بتضحك كمان وهى بتبكى ؟؟
منكو الدموع المنهاره دى ...دموع راحه ولا حزن ؟؟
انا عارفه الاجابه لانى انثى ...بس ياترى الشباب عارفين الاجابه
يا كل زوج حسيت اهميتك فى حياه زوجتك اد اه؟؟؟
من فضلك خد بالك منها باءه
الا صحيح قولولى ...ايه رايكم فى تصرف الزوج ده؟؟دا يتقال عليه فى منتهى الذكاء والثقه بالنفس ولا منتهى الغرور ؟؟[IMG]file:///C:/DOCUME%7E1/MOHAMED/LOCALS%7E1/Temp/moz-screenshot.png[/IMG]
انا لو مكان مراته كنت ضربته وعضيته كمان ...منه لله ؛ وقع قلبى تحت رجلى

[دره]

اه يا جماعه كلها مشاهدات ليه

[ابو احمد رزق]

هي البنات خايفه ترد ليه
ماتخفيش ردي مش هيحصل معاكي كده
وانتم يا رجاله
ايه اخباركم
انا أري يا أسماء
ان الصدق أولي في كل حال
حتي حين الصدمة
فالصبر عند الصدمة الاولي
عافانا الله جميعا من اي صدمة
وما كتبها عليكم ايتها البنات
علشان تردو علي اختكم اسماء

[SCREEM]

راجل معندوش دم ولا بيحترم مراته واتجوز علي مراته وبيقولها ف وشها هيتكسف من ايه الي في طبع مبيغيرووش

تسلم ايدك عالموضوع ولو اني شايف ان العيب ف المكوه

[دره]

تسلملى يا ابو احمد يا ناصر المظلومين

[دره]

تسلملى يا سكريم بس بجد دمك خفيف مش ماشى على الصوره الرمزيه وليه مبشوفش مرورك فى مواضيعى

[SCREEM]

تسلملى يا سكريم بس بجد دمك خفيف مش ماشى على الصوره الرمزيه وليه مبشوفش مرورك فى مواضيعى

ربنا يخليكي ده بس من زوقك ومعلهش اني مبمرش ف مواضيعك ومش انتي بس اي حد ياريت ميزعلش مني لاني مش بدخل كتير اليومين دول

[الحريه]

بصراحه ده انسان غبى جداااااااااااا

ازاى يقول لمراته سبب زى ده علشان يوديها بيت باباها

كان ممكن يقولها انه تعبان تعالى اما نشوفه كده يكون انسان جنتل

وعنده احساس ويكبر فى نظرها

سانكس اسماء على الموضوع

[دره]

لعل المانع خير يا سكريم
بس ياريت ميبقاش حرمان خالص

[دره]

منورانى يا الحريه
دا راجل خلانى خلاص كنت هقتله انا كمان
تسلميلى