متيجى نتكلم بصراحه بعيد عن نفاق النت الفاضى ده

[زيرو كول]

الصراحه فى النت فعلا مشكله كبيرة وبتعمل مشاكل كتيرة بين الاعضاء وبعضها
يعنى لو الواحد قال رائيه بصراحه بيتهاجم ولو نافق وجامل عشرة على عشرة
ولذالك المجاملات بيفضلها الكثيرين فى النقاش
يعنى موضوعك جميل ياحسنيه ويسلملى مرورك يفتكات
من غير اى تفاعل فى الموضوع . طيب متكلم وتقول رايك فى الموضوع ونتفاعل فيه ونعرض مشاكل وحلول من قلب الواقع والرأى المخالف نتناقش فيه بكل وضوح وصراحه وال يشجعنا على الصراحه ان الكل داخل باسماء وهميه يبقى ايه المشكله فى الوضوح
اتفقنا . ... اتفقنا .. ماشى ياعم .. نشوف كده عملى التفاعل والصراحه
فى الاسئله دى .. جهزين .. يلا نتسلى شويه

_ ايه رايك فى الزواج من المنتديات وقصص الحب فيه ..؟؟
_هل انت تفعل ما تقوله هنا بالمنتدى ..؟؟
_ بتشارك فى المواضيع من اجل صديق او من اجل قيمه الموضوع ..؟؟
_ لو صديق لك خانك هل تخونه ولا تفضل اجتنابه ..؟؟
_ اعتذار تريد ان تقدمه لمن ..؟؟
_ لو شخص حبيته جامد واتخدعت فيه تقوله ايه ..؟؟
_ اذا اردت ان تبكي الان , فعلى من تبكي ..؟؟
_ من ستختار ليمسح دموعك ..؟؟
_ لو خيروك بين حبيبك وبين اعز صديق فمن تختار ..؟؟
_ من يسكن قلبك ..؟؟
_ هل تحب الانتقام من من خدعك ..؟
_ هل تدخل الشات ..؟؟
_ مستحيل انســـاك لمن تقولها ..؟؟
_ انت كل حياتي لمن تقولها ..؟؟
_ متى اخر مره بكيت ..؟؟
_ اي الدول تتمنى ان تزورها ..؟؟
_هل انت راضي عن نفسك ..؟؟
_بماذا تقر وتعترف أمامنا الان ..؟؟
_هل تؤيد الزواج العاطفي ام الزواج التقليدي ..؟؟ ولماذا ..!!
_ هل من الممكن ان تتحول الصداقه الى حب ..؟؟
_هل تعترف بشيء اسمه الصداقه بين الرجل والمرأة ..؟؟
_ من هو اكثر شخص تفكر فيه ..؟؟
_ حكمة تؤمن بها جدا ..؟؟
_ عاده تفعلها دائما تتمنى ان تتركها ..؟؟
_ هل انت من لديهم رغبة حب التملك ..؟؟
_غلطة فى حياتك واكيد ندمان عليها..؟
_ايه هو اصعب قرار اخدته .؟
وياتره ندمان عليه ولا لا.؟
_ايه هى الاغنية المفضلة وبتذكرك باايه.؟
_لمن تقول نسيانك صعب اكيد .؟
......... عندك اقوال اخرى .
امضى كلمه للذكرى .

[عضوية]

انا اويد الزواج التقليدى لان مفيش حاجة اسمها حب وهقولكم حكايتى انا مخطوبة وعندى 16 سنة خطيبى مش بيتصل اللا كل اسبوعين وراضية وبيفضل اهلة عن اى شى اخر بحس اللى بيتصل علشان يعمل واجب مش حاسة مع باى شى ولما نجحت مش حاسة باى فرحة وكل مكلمتنا عن مامته واخواتة والمشكلة اللى انا بحبة ارجو الرد عايزة يحبنى زى ما انا بحبه

[عضوية]

انا اويد الزواج التقليدى لان مفيش حاجة اسمها حب وهقولكم حكايتى انا مخطوبة وعندى 16 سنة خطيبى مش بيتصل اللا كل اسبوعين وراضية وبيفضل اهلة عن اى شى اخر بحس اللى بيتصل علشان يعمل واجب مش حاسة مع باى شى ولما نجحت مش حاسة باى فرحة وكل مكلمتنا عن مامته واخواتة والمشكلة اللى انا بحبة ارجو الرد عايزة يحبنى زى ما انا بحبه

وكمان كل حاجة يقف فيها وكل حاجة تدور بينى وبينة بيقول لممتة مش المفروض ان يكون فية اسرار ولا انا بكلم غلط

[آية الرحمن]

_ ايه رايك فى الزواج من المنتديات وقصص الحب فيه ..؟؟
لو الحب دا عن طريق المشاركات فقط مش بعتبلاة حب اصلا
_هل انت تفعل ما تقوله هنا بالمنتدى ..؟؟
اه الحمد لله بفعل كل ما اقول
_ بتشارك فى المواضيع من اجل صديق او من اجل قيمه الموضوع ..؟؟
قيمة الموضوع طبعا
_ لو صديق لك خانك هل تخونه ولا تفضل اجتنابه ..؟؟
افضل اجتنابة
_ اعتذار تريد ان تقدمه لمن ..؟؟
اقدمة الى ولدى وولدتى
وكل انسان ممكن اكون غلط فى حقة
_ لو شخص حبيته جامد واتخدعت فيه تقوله ايه ..؟؟
اقولة اسف على كل لحظة ضيعتها فى حبك
_ اذا اردت ان تبكي الان , فعلى من تبكي ..؟؟
ابكى على الزمن الذى نعيش فية
_ من ستختار ليمسح دموعك ..؟؟
طفل صغير لانة مازل برئ
_ لو خيروك بين حبيبك وبين اعز صديق فمن تختار ..؟؟
اكيد هختار اعز صديق لانى مستحيل هلاقى زية تانى
_ من يسكن قلبك ..؟؟
شخص تجتمع فية صفات الطيبة والصدق والامانة والرحمه
ويكون يعرف الله جيدا
_ هل تحب الانتقام من من خدعك ..؟
لا اتركة للايام هى التى ستنتقم لى
_ هل تدخل الشات ..؟؟
لالالاكانت مرة وخلاص
_ مستحيل انســـاك لمن تقولها ..؟؟
اعز صديق عندى
_ انت كل حياتي لمن تقولها ..؟؟
ابى وامى
_ متى اخر مره بكيت ..؟؟
امبارح
_ اي الدول تتمنى ان تزورها ..؟؟
الممكلة العربية السعودية
وبالتحديد مكة المكرمة والمدينة المنورة
_هل انت راضي عن نفسك ..؟؟
لا مش راضيه عن نفسى وبحاول اصلح منها علشان ارضى عنها
_بماذا تقر وتعترف أمامنا الان ..؟؟
اقر واعترف اننى عصبية جدا
_هل تؤيد الزواج العاطفي ام الزواج التقليدي ..؟؟ ولماذا ..!!
الزواج العاطفى حتى تكون هناك شئ قوى
يجمع بين الطرفين وهو الحب
_ هل من الممكن ان تتحول الصداقه الى حب ..؟؟
نعم ممكن
_هل تعترف بشيء اسمه الصداقه بين الرجل والمرأة ..؟؟
نعم هناك صداقه بينها ولكن لها حدود يجب عدم اختراقها
_ من هو اكثر شخص تفكر فيه ..؟؟
صورة شخص رسماها فى خيالى بس مش لاقيها
_ حكمة تؤمن بها جدا ..؟؟
لا تؤجل عمل اليوم الى الغد
_ عاده تفعلها دائما تتمنى ان تتركها ..؟؟
دائما بهز رجلى واكل ظوافرى
_ هل انت من لديهم رغبة حب التملك ..؟؟
لا والحمد لله
_غلطة فى حياتك واكيد ندمان عليها..؟
انى دخلت شات فى يوم من الايام
_ايه هو اصعب قرار اخدته .؟
قرار تحديد مستقبلى لما خلصت اعدادى
كان صعب عليا اختار اية المرحلة الجاية
وياتره ندمان عليه ولا لا.؟
لا الحمد لله قرار سليم
_ايه هى الاغنية المفضلة وبتذكرك باايه.؟
اجدع صحاب بتفكرنى بأحلى ايام عشتها مع اصحابى
_لمن تقول نسيانك صعب اكيد .؟
لشخص جرحنى كتير
......... عندك اقوال اخرى .
لا هذة كل اقوالى
امضى كلمه للذكرى .
حاول ان تكون صريح مع نفسك حتى تكون صريح مع الاخرين



بجد هى دى الحقيقة وبكل صراحة قولتها
وبجد موضع رائع يدعو الاعضاء للتصارح
مع انفسهم اولا ثم مع غيرهم
تسلم ايدك زيرو

[دره]

_ ايه رايك فى الزواج من المنتديات وقصص الحب فيه ..؟

كلام فاضى

_هل انت تفعل ما تقوله هنا بالمنتدى ..؟؟

بحاول مع نفسى اعمل بكل كلمه بقولها

_ بتشارك فى المواضيع من اجل صديق او من اجل قيمه الموضوع ..؟؟

من اجل الافكار وما اجل بعض الاصدقاء

_ لو صديق لك خانك هل تخونه ولا تفضل اجتنابه ..؟؟

المواجهه ثم اجتنابه

_ اعتذار تريد ان تقدمه لمن ..؟؟

لربنا

_ لو شخص حبيته جامد واتخدعت فيه تقوله ايه ..؟؟

طريق السلامه

_ اذا اردت ان تبكي الان , فعلى من تبكي ..؟؟

على احوال المسلمين

_ من ستختار ليمسح دموعك ..؟؟

سيدنا محمد

_ لو خيروك بين حبيبك وبين اعز صديق فمن تختار ..؟؟

معنديش صديق اوى ولا ليا حبيب
بس ممكن الصداقه لو لقيتها

_ من يسكن قلبك ..؟؟

النبى ثم فكره زوج المستقبل

_ هل تحب الانتقام من من خدعك ..؟

لا احب يعرف قيمتى بس

_ هل تدخل الشات ..؟؟

بدخل بناء على ميعاد متفق مع واحده علشان بيقولو اذكار وناس بتتكلم فى الدين

_ مستحيل انســـاك لمن تقولها ..؟؟

للامل والضحكه

_ انت كل حياتي لمن تقولها ..؟؟

والدى ووالدتى

_ متى اخر مره بكيت ..؟؟

من5 دقايق

_ اي الدول تتمنى ان تزورها ..؟؟

السعوديه

_هل انت راضي عن نفسك ..؟؟

لا خالص ساعات بتصعب عليا نفسى لما بغلط

_بماذا تقر وتعترف أمامنا الان ..؟؟

انى حبيت المنتدى ده اوووووووى

_هل تؤيد الزواج العاطفي ام الزواج التقليدي ..؟؟ ولماذا ..!!

التقليدى اكيد

_ هل من الممكن ان تتحول الصداقه الى حب ..؟؟

لا

_هل تعترف بشيء اسمه الصداقه بين الرجل والمرأة ..؟؟

مفيش صداقه بين رجل وامراه

_ من هو اكثر شخص تفكر فيه ..؟؟

النبى ثم زوج المستقبل

_ حكمة تؤمن بها جدا ..؟؟

الدنيا جيفه من ارادها فاليصبر على معاشره الكلاب

_ عاده تفعلها دائما تتمنى ان تتركها ..؟؟

العصبيه

_ هل انت من لديهم رغبة حب التملك ..؟؟

لا بس ميمنعش انى احب اكون محور لحياه اللى اتزوجه

_غلطة فى حياتك واكيد ندمان عليها..؟

مبندمش على غلط لانى بتعلم منه

_ايه هو اصعب قرار اخدته .؟

لما قولت لواحده كانت زى اختى " احنا مبقاش فى بينا احترام وكل واحد يروح لحاله"

وياتره ندمان عليه ولا لا.؟

لا خالص فرحانه يمكن لقيت نفسى من غيرها

_ايه هى الاغنية المفضلة وبتذكرك باايه.؟

مبسمعش اغانى بس فى انشوده" انظر لتلك الشجره" بحس بقدره ربنا فيها
وانشوده "اللى لى حبيب يروح يقوله بحبك" بحبها اوى بحس ان هو ده الحب

_لمن تقول نسيانك صعب اكيد .؟

ابى وامى

......... عندك اقوال اخرى .

لا خالص غير بس انتو فى النتدى اثرتو فيا اوى

امضى كلمه للذكرى .

وما الحياه الدنيا الا متاع الغرور






موضوع رائع زيزو
لك منى كل احترام وتقدير

[دره]

يايت يا زيزو ترد انت بقى عالاسئله

[الحريه]

الصراحه فى النت فعلا مشكله كبيرة وبتعمل مشاكل كتيرة بين الاعضاء وبعضها
يعنى لو الواحد قال رائيه بصراحه بيتهاجم ولو نافق وجامل عشرة على عشرة
ولذالك المجاملات بيفضلها الكثيرين فى النقاش
يعنى موضوعك جميل ياحسنيه ويسلملى مرورك يفتكات

انا هرد على موضوعك الاساسى

انا والحمد لله عمرى ما كنت بنافق حد وانا اهلى واصحابى

عارفينى بصراحتى من وانا كنت صغيره كنت بقول فى وش اللى ادامى

انت وحش او انت حلو

ولا للمجاملات اللى يعجبو موضوع يشارك فيه واللى مش يعجبو

يسلم ويمشى

ملحوظه صغيره يا جماعه : اى حد فى المنتدى هنا ميزعلشى منى

لو كنت قلت كلمه زعلته انا مش بكون قصده انى ازعل حد والله

الكلام بيطلع منى كده


اشكرك زيزو على الموضوع رائع

[نور الحرف]

_ ايه رايك فى الزواج من المنتديات وقصص الحب فيه ..؟؟

أعتقد إنها فاشلة وغير دائمة
_هل انت تفعل ما تقوله هنا بالمنتدى ..؟؟

أحاول ألا اخدع نفسى

_ بتشارك فى المواضيع من اجل صديق او من اجل قيمه الموضوع ..؟؟

أولا الموضوع بيشدنى وبعدين بالاقى عليه رد قيم من صديق

_ لو صديق لك خانك هل تخونه ولا تفضل اجتنابه ..؟؟

أجتنبه وإلى الأبد
_ اعتذار تريد ان تقدمه لمن ..؟؟

لرسول الله

_ لو شخص حبيته جامد واتخدعت فيه تقوله ايه ..؟؟

الله يسامحك

_ اذا اردت ان تبكي الان , فعلى من تبكي ..؟؟

على حال المسلمين فى كل مكان

_ من ستختار ليمسح دموعك ..؟؟

حضن أمى

_ لو خيروك بين حبيبك وبين اعز صديق فمن تختار ..؟؟

حبيبى هو أعز صديق

_ من يسكن قلبك ..؟؟

رسول الله ........ ثم زوجى وأولادى.

_ هل تحب الانتقام من من خدعك ..؟

الإنتقام شر ونار تأكل صاحبها

_ هل تدخل الشات ..؟
لا
_ مستحيل انســـاك لمن تقولها ..؟؟

لرسول الله
_ انت كل حياتي لمن تقولها ..؟؟

زوجى وأولادى
_ متى اخر مره بكيت ..؟؟

كل يوم لما أشوف مذابح الفلسطينين
_ اي الدول تتمنى ان تزورها ..؟؟

السعودية وبالتحديد ( مكة والمدينة فقط)
_هل انت راضي عن نفسك ..؟؟
باحاول على قد مااقدر
_بماذا تقر وتعترف أمامنا الان ..؟؟

إنى سعيد جدا لأنى من اعضاء مصراوى ( مش مجاملة والله)
_هل تؤيد الزواج العاطفي ام الزواج التقليدي ..؟؟ ولماذا ..!!

الزواج التقليدى لأنه يكون على أساس متين ( التفاهم والعشرة الطيبة ويأتى الحب متوجاً له بعد ذلك ( عن تجربة )
_ هل من الممكن ان تتحول الصداقه الى حب ..؟؟

لابد ان أحب أصدقائى حتى أقبل منهم العيوب قبل الميزات

_هل تعترف بشيء اسمه الصداقه بين الرجل والمرأة ..؟؟

بالطبع لاااااااااااااااااااااا
_ من هو اكثر شخص تفكر فيه ..؟؟

إبنى الأكبر لانه مُتعب شويتين
_ حكمة تؤمن بها جدا ..؟؟

الكدب مالوش رجلين

_ عاده تفعلها دائما تتمنى ان تتركها ..؟؟

شرب الشاى والقهوة بكثرة
_ هل انت من لديهم رغبة حب التملك ..؟؟

لا
_غلطة فى حياتك واكيد ندمان عليها..؟

عدم محاولة حفظ القرآن من الصغر لأنى أجد مشقة الآن وذلك لكثرة أعبائى .....والله المستعان
_ايه هو اصعب قرار اخدته .؟

التضحية بعدم دخول كلية الهندسة لأنها كانت بعيدة جداً عن المنزل ورفض والدى ركوب ابنته كل يوم مواصلات لمدة ساعتين رايح وساعتين جاى فدخلت كلية التجارة
وياتره ندمان عليه ولا لا.؟

الحمد لله لا
_ايه هى الاغنية المفضلة وبتذكرك باايه.؟
أنا لا أسمع أى أغنيات
_لمن تقول نسيانك صعب اكيد .؟

لأهل غزة
......... عندك اقوال اخرى .

إنت سبت حاجة ماسألتش عليها
امضى كلمه للذكرى .
إنما حالى والدنيا كمسافر استظل بظل شجرة ثم تركها ومضى
شكراً جزيلا لموضوعك

[زيرو كول]

عضوية

الرومنسيه

اسلامى حياتى

الحريه

mama nour


شكرا لمروكم بجد
نورتونى
تحياتى

[زيرو كول]

يايت يا زيزو ترد انت بقى عالاسئله

حاضر ياسلامى اكيد لازم انا كمان اشارك