النقاب6

[دره]

السلام عليكم ورحمة الله وبركاته

طب بعض الناس بيقولوا إن اللى بتلبس النقاب بتبقي غاوية"منظرة" وبتهتم بالمظهر وتترك الجوهر !!
طب احنا لم ندخل في نوايا وسرائر الناس حتى نحكم عليها هكذا !!!

والإهتمام بالجوهر بيكون في تزكية النفس والعبادات وأكيد احنا لم نراها بالكلية وحتى لو رأيناها مش احنا اللى نحكم عليها
وربنا سبحانه وتعالى بيقول:
" إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ"

لكن مفروض نوجِّه الكلام لجهة تانية
يعنى مثلا لما تشوفي واحدة ملتزمة أكتر منكِ تقولي يا ترى هل أنا أكرم عند ربنا ولا هى؟
وهل اللى أنا اخترته كشكل لنفسي وحجابي فيه تقوى لربنا 100% إذا فضلت على نفس حالى ولا لما أعمل زيها؟

وعن تجربة لما بقف مع نفسي هذه الوقفة بتدفعنى نفسى لحاجات كتير.


أخوات تانيين ممكن يقولوا طب والشغل؟؟؟؟؟
آااه جينا لنقطة مهمة جدا...في اية كريمة جميلة بتقول
" وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى "
شوفي معايا الآية
" وَقَرْنَ فِي بُيُوتِكُنَّ "
أد ايه جميلة تحسى إن الاسلام فعلا دين بيعزز المرأة وبيكرمها
تفتكرى لو زوجك قال لكِ اقعدى في البيت ماتشتغليش هتطيعيه ولا لا ؟
طب ده ربنا عز وجل هو اللى بيأمرك ليه ماتطيعيهوش ؟!!!
وتدبّرى معايا أختى إن ربنا قرن الخروج من البيوت ومخالفة أمرة بالقرار فيها بــ"وَلَا تَبَرَّجْنَ تَبَرُّجَ الْجَاهِلِيَّةِ الْأُولَى "
وأنا مش بقول لكِ خليكى في البيت محبوسة لحد مايجي لك كبت لحد مايجي لك كبت...لا أبدا....!!
إسلامنا عمره ماكان دين شدة وعنف...وماكان الله سبحانه وتعالى ليكلِّفنا مالا نطيق!
أنتِ مأمورة إنك تتعلمى(طلب العلم فريضة) وتسعي في تعلم ما لايسعكِ جهله من العلم الشرعي كعلم الفقه والعقيدة

ولكن
تلتزمى في خروجك بالضوابط الشرعية كالحجاب السابغ وغض البصر وعدم الخضوع بالقول وعدم الإختلاط والحجاب السابغ
والنقطة الاخيرة (عدم الإختلاط) كلنا للأسف مش عارفين نحققها لأنها موجودة في كل حتة في الكلية..في الأسواق..في الشغل
أنا دلوقتى مش بناقش فرضية النقاب بس بفكر معاكو بصوت عالى
لذا كيف السبيــــل؟؟؟
وأقول لك يا أختى عليكى إنك تنفذى الآية بظاهر ما تقتضيه الآية!...ازاى؟
بإنك تبقي برة بيتكِ زيك كأنك جوة بيتكِ!!
أنتى لما بتكونى في بيتك حد بيبقي شايفك؟
لا!!...الجدران والستائر والأغطية مغطياكى.
طيب نفذى الاية بقي اخرجى وأنتى متغطية

طب في الشغل اضمنى لى إنه مايبقاش في إختلاط وأنا أقول لكِ اشتغلى وطبعا ده في حدود الضرورة وطبعا مش كلامي لكن كلام أهل العلم!
عموما أنتِ مش مأمورة بالشغل لإنك ملزومة من زوجك-إن شاء الله- وأهلكِ ومحارمكِ بأنهم يصرفوا عليكِ
وده من حفظ الإسلام لكِ !
ولو تلاحظى عمرنا ما سمعنا إن واحدة من نساء الصحابة نزلت للعمل اللهم إلا في الطب والتمريض وهذا من فروض الكفاية!
وبعض أهل العلم دلوقتى -وهو ما أميل له- قالوا إن المجالين الوحيدين اللى أجدر للمرأة أن تشغلهما هو مجال الطب والتدريس.
فان كان ولابد اوى بإن اقتضت ضرورة للعمل (ضرورة بمعنى ضرورة مش فانتزيا وشغل وقت فراغ فعلا الشغل مليات فتن انتِ في غنى عنها بقراركِ في البيت)
فاشتغلى واحفظى نفسك بنقابكِ وبالضوابط الشرعية وإن شاء الله ربنا هيحفظك
السلام عليكم ورحمة الله وبركاته

[نور الحرف]

إبنتى إسماء
أنت أكثر من رائعة
موضوعك اليوم متكامل لدرجة إننى كلما خطر ببالى سؤال أجد الإجابة عليه
وأنا ألتهم موضوعك إلتهاما
أنا فى شوق لكل مواضيعك
دمتى ياإبنتى وجعله الله فى ميزان حسناتك
ورزقك الزوج الصالح والذرية الصالحة

[ابو تريكه]

موضوع اكثر من رائع

ياريت كل البنات تدخل وتقرا وتعمل بما فيه

بارك الله فيكى وجزانا واياكم جنات النعيم

[دره]

امين يا ماما نور والله حضرتك من الناس اللى بعزهم اوى ويارب يكرمك فى ابنائك

[دره]

وجزاك الله الف خير يا محمود ويرزقك بالزوجه الصالحه

[محمد أبراهيم]

حرفك سارَ على نمط القصص المبدع


وكأنما

يترجى عودة شيءٍ

قد فات

ولكن بعد إتيانه


لبِسَ فستانًا ملونًا بلون قوس قوزح خلاّب .؛



يا أسماء..!


وأرى نصكِ كـ شمس الدفء

تلك

جميلة بِـ قدر الجمال الذي يسكنك


بارك لنا الله فى قلمكـ وفكركـ

نصُّكِ أُختى ،

يَغرَقُ بِـ جَمَالٍ أَخَّاذ،،

أَهلاً بِـ هذَا الجَمَال ..

[دره]

فارس الكلمه
اهلا بك بعد غيا ب دام طويلا
عوده فى غايه الجمال

[هشام اللول1]

بارك الله فيكي اسماء
وسلسله رائعه
واسال الله ان كل من يقراه
يتبع اوامره

بارك الله فيكي وحفظك
وجعله في ميزان حسناتك
ودمتي بخير وصحه وسعاده وراحه بال وود

[دره]

متشكره اوى على مرورك يا هشام
وربنا يجعل الموضوع نفع للجميع

[زيرو كول]

أسأل الله ان يثبت اخواتنا وان ينصرهم على من اراد بهم سوء

اللهم انصرهم يارب العالمين وثبتهم على الحق

جزاك ربى الجنه يا اسماء
وجعله الله فى ميزان حسناتك
امين امين يارب العالمين