ضابط شرطة يطالب بمحاكمة حبيب العادلي ( علشان الشهيد/ خالد سعيد )

[عمر خورشيد]

وشاهد شاهداً من أهلها ...!!

بعد حادثة قتل الشاب الأسكندراني الشهيد / خالد سعيد ..

وقف ضابط شرطة يطالب بمحاكمة الجناة الذين نفذوا تلك الجريمة ..؟

تحية حب وأجلال لهذا الضابط العظيم الذي وقف في وجه جهاز الشرطة
وطالب بإقالة حبيب العادلي وزير الداخلية إولاً ثم محاكمة الجناة ثانياً ...!!

هذا الضابط هو العقيد السابق / عمر عفيفي ..

والعقيد عمر عفيفي ظهر أخيراً على فيديو مسجل على اليوتيوب يقدم فيه العزاء إلى أهل الشهيد الشاب خالد سعيد ويطالب بمحاكمة حبيب العادلي وزير الداخلية ومحاكمة الضابط والمخبرين الذين قتلوا خالد سعيد ..!!

يقول العقيد السابق عمر عفيفي على مدى عشر سنوات كاملة عملت ضابط شرطة فى العديد من اقسام الشرطة فكنت رئيسا لمباحث الزمالك وضابط بمباحث المخدرات بالقاهرة ثم عملت بمصلحة السجون لكن كان من الصعب علىّ ان ارى شخصا يظلم او انسان تنتهك كرامته ..!!

ويؤكد عفيفي ان انتهاكات الشرطة مبنية على اساس جهل المواطن بحقوقه التى اقرها لها القانون .. فبسهولة يمكن لاى امين شرطة ان يستوقف اى شخص ويسأله عن بطاقته او يطلب منه تفتيش سيارته وغير ذلك فالثقافة العامة الحاكمة لعلاقة المواطن برجل الشرطة هى ثقافة "فتشنى فتش " لذلك شعرت ان من واجبى توعية الناس بحقوقهم ..!!

وبمبدأ" مبروم على مبروم ميلفش "تعاملت مع الضغوط الامنية فأنا ضابط سابق وادرك جيدا كيفية التعامل مع الجهات الامنية حتى نجحت فى النهاية فى نشر كتابى ( علشان ماتنضربش على قفاك ) بمساعدة بعض الشرفاء من المصريين وقررت ان لا انهزم ما دمت مقتنع اننى اؤدى خدمة لوطنى كنت ادرك تماما حجم المخاطر التى يمكن ان تواجهنى فكنت مهدد بتلفيق اى قضية لى او لاسرتى وكان ابنائى مهددون لكننى قررت ان اهزم اى خوف ونجحت فى ذلك والحمد لله تعالى وتم نشر وتوزيع الكتاب في وقت قياسي ..!!

كنت اقوم بجمع اسئلتى من الناس على المقاهى وداخل الاتوبيسات وفى الشارع وبدأت فى جمعها فى كتاب باللهجة العامية بحيث يفهمها اى شخص لكن عندما قررت طباعتها واجهت مشكلات عديدة مع الامن فقد مارسوا علىّ ضغوطا عديدة ورفضت دور النشر طباعة الكتاب تحت الضغوط الامنية فضلا عن اننى منعت من استكمال حلقاتى التى كنت اقدمها مع الاعلامى عمرو اديب فى برنامج القاهرة اليوم وكنت اشرح فيها الحقوق القانونية للمواطن عند تعرضه لاى تجاوز من رجال الشرطة وبعد الحلقة الثانية أتصل بي مسئول في الداخلية وطلب عدم استكمال الحلقات وبعد منعى من البرنامج اصررت على طباعة الكتاب مهما كانت المخاطر ..!!

يكفينى اننى انتصرت وخرج كتابى ( علشان ماتنضربش على قفاك ) الى النور رغم أن مضايقات الامن وصلت الى أن هددوا فيه باعة الصحف من بيعه فكانوا يبيعونه فى الخفاء لكنه حقق مبيعات كبيرة للغاية لقد تم بيع 55 ألف نسخة في 15 يوماً وتم سحبة من المكتبات بالعنف من قبل وزارة الداخلية ..!!

أقدم لكم كتاب (علشان ما تنضربش على قفاك )

الكتاب اللي أتصادر "بدري بدري"
و طبعا من أهم الطرق لنشر أي كتاب ... هو مصادرته !!
و طبعا الأغبياء لا يعرفون ذلك .. مش مشكلة .. خليهم في غباءهم ..!!

أتفضل حمل الكتاب من الرابط التالي >>>

http://www.mediafire.com/?ux5dzoenncy#1

وأتفضل شوف الفيديو بتاع العقيد عمر عفيفي
يطالب فيه بمحاكمة حبيب العادلي والجناة من الشرطة ..

أضغط الرابط التالي لمشاهدة الفيديو >>>

http://www.youtube.com/watch?v=E5myxaE3zMk

تحية عطرة إلى سيادة العقيد / عمر عفيفي ..

وتحياتي لكل شباب مصراوي كافية ..

...................................

[دره]

عمر خورشيد
مشكور اخى الفاضل

[ايسل]

يا عمر يا عزيزى المشكله مش فى انى اعرف حقوقى وازاى مضربش على قفايه وحياه ربنا عارفه وغيرى عارف وعذرا لاخوانى الجهله هم جهلة علم ولكنهم علماء فى خبرتهم فى الحياه هو كده المصرى اذكى من ناس كتير حتى لو جاهل .........
المشكله فى الجبروت والدليل اهو قدامك خالد عارف حقوقه قالهم ازاى بتعملوا كده حصلوا ايه
هى دى المشكله الجبروت وعجزنا وضعفنا وخوفنا
هو اللى وصلهم لكده لو عارف حقوقك واتوقفت علشان مخالفه مروريه واتكلمت مع ظابط المرور الباشا البيه بطريقه معجبتوش مش هتكون مخالفة مرور هتتحول لقضية امن قومى وهيتقال كنت بتنقل ارهابيين فى العربيه هى دى المشكله
لازم تطاطى تطاطى علشان تعيش مش جنب الحيط لا جوه الحيط وياريت يرضوا هيعملولك مخالفه ازعاج الحيط
شكرا ليك عمر

[الحريه]

ولا هيقدرو يعملو اى حاجه

هندين وهنشجو ونتكلم فى الفاضى

واللى بيقتلو عايشين وبيتحركو ولا حد بيقولهم انتو بتعملو ايه

[هشام اللول1]

موضوع جميل يا عمر
والراجل ده شكله راجل نزيه ومن القليل في هذه البلد

ولكن زي ما قالت ايسل
انه احنا عارفين حقوقنا كويس قووووي
لكن للاسف الحكومه محدش بيعرف ياخد منها لا حق ولا باطل
علشان هي الحكومه ومين هيقدر الحكومه غير القادر (( الله عز وجل ))

لكن لازم بجد مش نستسلم في اخد الحق
ولازم ما نخاف غير من ربنا بس
ورجال الشرطه احترمني احترمه علي عيني وعلي راسي
مش هيحترمني انا برده مش هحترمه والعين بالعين

بارك الله فيك عمر
ودمت بخير وصحه وسعاده وراحه بال

[عفريت أفندى]

شكرا أخى عمر على موضوعك

و بالفعل الكتاب ده ( عشان ماتنضربش على قفاك ) كتاب غايه فى الأهميه

يحتوى على العديد من النصائح المهمه و كيفية التعامل مع الشرطه بكل فئاتها من ضابط او امين شرطه او مخبر

و انصح الجميع بتحميل الكتاب و قراءته بعنايه للاستفاده

تسلم

و بارك الله فيك

[عمر خورشيد]

عمر خورشيد
مشكور اخى الفاضل

العفو يا أختي الفاضلة وأشكرك على مرورك العطر ..

[عمر خورشيد]

شكرا أخى عمر على موضوعك

و بالفعل الكتاب ده ( عشان ماتنضربش على قفاك ) كتاب غايه فى الأهميه

يحتوى على العديد من النصائح المهمه و كيفية التعامل مع الشرطه بكل فئاتها من ضابط او امين شرطه او مخبر

و انصح الجميع بتحميل الكتاب و قراءته بعنايه للاستفاده

تسلم

و بارك الله فيك

العفو يا وليد بس ياريت نشيل الخوف من جوانا علشان نقدر نواجه أي تجاوز من أفراد الشرطة المحترمين ..؟؟؟؟؟؟؟؟؟؟؟؟

تقبل تحياتي إليك يا وليد ..

[عمر خورشيد]

موضوع جميل يا عمر
والراجل ده شكله راجل نزيه ومن القليل في هذه البلد

ولكن زي ما قالت ايسل
انه احنا عارفين حقوقنا كويس قووووي
لكن للاسف الحكومه محدش بيعرف ياخد منها لا حق ولا باطل
علشان هي الحكومه ومين هيقدر الحكومه غير القادر (( الله عز وجل ))

لكن لازم بجد مش نستسلم في اخد الحق
ولازم ما نخاف غير من ربنا بس
ورجال الشرطه احترمني احترمه علي عيني وعلي راسي
مش هيحترمني انا برده مش هحترمه والعين بالعين

بارك الله فيك عمر
ودمت بخير وصحه وسعاده وراحه بال

إولاً أنا أشكرك على مرورك العطر يا هشام ..

ثانياً الراجل ده علشان هو أنسان بحق وحقيقي عمل لينا الكتاب ده علشان مانخفش من أي ضابط أذا تجاوز القانون ..؟؟

عارف يا هشام الراجل ده هرب إلى أمريكا منذ فترة علشان وصلت ليه أخبار من زملاءه في الشرطة أنهم هيلفقوله قضية علشان يسجنوه ..؟؟ المهم أنه كان عنده تأشيرة زيارة من أحد أصدقائه هناك فا بسرعة سافر في الخفاء قبل أن يتم أعتقاله والزج به في السجن ..؟؟

حسبنا الله ونعم الوكيل فيهم ..

[عمر خورشيد]

ولا هيقدرو يعملو اى حاجه

هندين وهنشجو ونتكلم فى الفاضى

واللى بيقتلو عايشين وبيتحركو ولا حد بيقولهم انتو بتعملو ايه

أختي الفاضلة نحن ننتظر العادلة الالهية لكي تأخذ لنا حقنا في قتلة أخونا خالد ..

أما العادلة الدنيوية أقصد العادلة العادلية ...؟؟؟ فهي معروفة للجميع تلفيق وأكاذيب لكي يخرج رجالهم من القضية وربنا يبارك في العادلي يجزية كل الخير على اللي عمله في الشعب من يوم ما مسك الوزارة ...؟؟؟؟؟؟؟؟؟؟؟؟؟؟؟؟؟؟؟؟؟؟؟� �؟؟؟؟؟؟؟؟؟؟؟؟؟؟؟

أشكرك أختي الفاضلة على مرورك