ولسه بسأل يا ترى أشجع مين أمريكا أم الجزائر ؟؟؟ هــــــــام

[A7med elsayed]

السلام عليكم ورحمه الله بركاته
....


إمبارح كان ماتش الجزائر وإنجلترا

ومكدبش عليكم مصر كلها كانت بشتجع انجلترا

أنا مش هنكر إن فيه جوايا شويه حقد على الجزائر
يمكن بسبب انهم طلعونا وموصلناش لكاس العالم
او يمكن من اللى عملوه فينا من حرق علم بلدنا وضربنا فى السودان
وتشويه صورتنا وسبنا فى الاعلام

بس عمرى ما كن أتصور انى فجأه ألاقينى بشجع إنجلترا

الإنجلــيــــــــــــــــ ــــــــــــــــز

يا ترى إحنا نسينا الانجليز واللى عملوه فينا ؟؟




يا ترى نسينا المذابح والقتل والنهب والاستعمار ؟؟





ياعم دى كوره واحنا بس مش عايزينهم يكسبوا ..
لأ اللى انا شايفه مننا المصريين مش كوره دا كره وحقد وغل ليهم

ياعم دول مش عرب اساسا دول مفيش واحد فيهم بيتكلم عربى
بس دى الجزائر دوله عربيه .. دى بلد المليون شهيد


واحد نيجيرى بيتفرج على ماتش لانجلترا والاكوادور فى كاس العالم وانجلترا كسبت
ودا عيط وزعلان جدا وطول الماتش بيشجع الاكوادورولما سألوه
قال الانجليز احتلونا وقتلوا ابائنا واجدادنا هل ممكن اشجع حد قتل ابويا ؟؟؟


بجد أنا خلصت الكلام

بس لسه سؤال واحد بس :

يا ترى هنشجع أمريـــكا ضد الجزائر ؟؟؟؟

[كريستيانو رونالدو]

اسرائيل والجزائر لا
امريكا والجزائر لا
اليهود والجزائر لا
الضربه من الاخ بتوجع اكتر من العدو
الجزائر بتلعب فى كأس العالم واحنا مش معاهم
اسرائيل بتلعب فى كأس العالم واحنا معاهم
مصرى

[هشام اللول1]

موضوع جميل يا احمد
وانا طرحت زمان بس قالوا انه هيعمل فتنه واتحذف وقته

وانت طرحت في وقته فعلا يا احمد
لان لو كل اللي دخل في الموضوع رد
عارف هتلاقي ايه بنسبه 90 % هيقولك هاشجع امريكا
واولهم الحاج هيرو ........ عادي ياحاج

بس علي فكره احنا عمرنا ما كنا كده قبل كده
عمرنا ما كرهنا مواطن او شعب عربي

وعلي فكره احنا احسن شعب بيضحك عليه
واللي بيضحك علينا الامريكان واليهود
ووصلوا فعلا لتشتيت الامه
ولا اقدم لهم الا التحيه والتقدير لانهم اثبتوا وجودهم
علي رايه الاسلام وهي رايه التوحيد
التي تجمع مليار مسلم

وعرفوا فعلا انهم يجبرونا نخضع لهم
وللاسف خضعا لهم حكومه وشعبنا

الف مبروك لكم يا مصريييييييين

ولكن انا مسلم وعربي
واشجع كل من هو مسلم وعربي

انا اشجع الجزائر يا احمد

بارك الله فيك وحفظك احمد
ودمت بخير وصحه وعافيه وراحه ببال وود

[احمد حسين]

انا بشجع الجزائر من اول المونديال

ويارب نشفها في دور الثمانية

وهي احسن من الغريب بكتيررررررر

[Licy]

بصراحه انا بكره الجزائر اوى وكنت من خمس دقائق
كنت بقول عندى اسرائيل تخدها ولا الجزائر بس بعد الا انت قلتوا فعلا عندك
حق بعد الا حصلنا من انجلترا وامريكا نسينا وبنشجعهم

[A7med elsayed]

اسرائيل والجزائر لا

امريكا والجزائر لا
اليهود والجزائر لا
الضربه من الاخ بتوجع اكتر من العدو
الجزائر بتلعب فى كأس العالم واحنا مش معاهم
اسرائيل بتلعب فى كأس العالم واحنا معاهم
مصرى

إنا لله وإنا إليه راجعون

بس عايز أخليك تشوف حاجه قبل ما تشجع أمريكا يمكن تغير رأيك


أمريكا فى العراق




إسرائيل فى فلسطين اللى انت معاهم




لسه بردو معاهم ؟؟؟؟

[A7med elsayed]

موضوع جميل يا احمد
وانا طرحت زمان بس قالوا انه هيعمل فتنه واتحذف وقته

وانت طرحت في وقته فعلا يا احمد
لان لو كل اللي دخل في الموضوع رد
عارف هتلاقي ايه بنسبه 90 % هيقولك هاشجع امريكا
واولهم الحاج هيرو ........ عادي ياحاج

بس علي فكره احنا عمرنا ما كنا كده قبل كده
عمرنا ما كرهنا مواطن او شعب عربي

وعلي فكره احنا احسن شعب بيضحك عليه
واللي بيضحك علينا الامريكان واليهود
ووصلوا فعلا لتشتيت الامه
ولا اقدم لهم الا التحيه والتقدير لانهم اثبتوا وجودهم
علي رايه الاسلام وهي رايه التوحيد
التي تجمع مليار مسلم

وعرفوا فعلا انهم يجبرونا نخضع لهم
وللاسف خضعا لهم حكومه وشعبنا

الف مبروك لكم يا مصريييييييين

ولكن انا مسلم وعربي
واشجع كل من هو مسلم وعربي

انا اشجع الجزائر يا احمد

بارك الله فيك وحفظك احمد
ودمت بخير وصحه وعافيه وراحه ببال وود

ربنا يكرمك يا هشام ويبارك فيك
فعلا هم وصلوا للى عايزينه
وصلوا انهم خلونا مش بنفكر غير فى نفسنا وبس
بقينا امه مواقف
لما تحصل حاجه نقف ونشجب ونعيط ونتبرع بدمنا وبعدها ولا حاجه
ونسنتى لما حاجه جديده تانيه تحصل
وادينا فى انتظار المفاجآات الصهيونيه

ربنا يحفظك يا هشام ودايما يارب فى صحه

[A7med elsayed]

انا بشجع الجزائر من اول المونديال

ويارب نشفها في دور الثمانية

وهي احسن من الغريب بكتيررررررر

هى دى الرجاله ولا بلاش
تسلم يا أحمد باشا على ردك

[A7med elsayed]

بصراحه انا بكره الجزائر اوى وكنت من خمس دقائق
كنت بقول عندى اسرائيل تخدها ولا الجزائر بس بعد الا انت قلتوا فعلا عندك
حق بعد الا حصلنا من انجلترا وامريكا نسينا وبنشجعهم

الحمد لله ان الفكره وصلت
ربنا يبارك فيك ويحفظك يا ......
قولتلى إسمك أيه ؟؟؟

[لولو كاتى]

اصل الجزاير كده كده مش هتاخد كاس العالم يبقى الاحسن ان احنا نشجع البلد الاقوى