مييييييييين اللى قال ان البنت زى الولد ....!!!!!!!!

**emoo_201017** · 19 - 6 - 2010, 02:19 PM

اطلقت سعاد حسنى الشهيره باالسندريلا صيحه قوية منذ سنوات تقول أن (البنت زى الولد.....ماهيش كمالة عدد) ، بعدها تحولت الصيحة الى شعار يتبناه المجتمع بقوة ، لكننى لا أصدقه ولا اعتقد أن البنت زى الولد.. لأن الحقيقه مش كده خالص والأسباب كثيره..

بيقول المثل (الولد لخاله والبت لعمتها)أى أن الابن يشبه خاله والبنت تشبه عمتها، واذا لم يكن هناك فرق وكبر الولد وهو يشبه عمته وكبرت البنت وهى تشبه خالها.. تبقى مصيبة

-يقول المثل (أعز الولد.. ولد الولد) ، ولم نسمع مثلا يقول (أعز البنت.. بنت البنت ).

-تتم معاقبة الولد الذى يعاكس بنتا فى الشارع بمقولة (هو انت ما عندكش اخوات بنات يا كابتن)،
والبرغم من وجود بنات تعاكس أولاد فى النادى أو الجامعه أو الشارع فاننا لم نسمع واحدة تعاقب أخرى بمقولة(هو أنتى ما عندكيش أخوات أولاد يا"mozza"

-الولد يقدر يفك الأنبوبه وينزل يغيرها وكمان يركب الانبوبة الجديدة ويجربها ..البنت بالكتير قوى ممكن تصرخ وهيا فى المطبخ (يا ماما.. الأنبوبة فضيت)

-البنت ممكن كلمه صغيره تجرحها وتخليها تبكى.. الولد عنده طبقه جلد سميكه فوق مشاعره بتخليه يحس أقل وعمره ما يعيط، ولو مرة عيط .. كل الناس هتفهمه بانه (بيعيط زى البنات)

-لو فيه موسيقى شغاله صعب حد يقول للولد ما تقوم ترقص شويه.

-الولد ممكن يرقص فى الشارع فى زفه ابن عمه، البنت اخرها تسقف وتزغـرت وتحترم نفسها

- البنت لما تحط ماكياج تبقى احلى ، والولد لما يحط ماكياج يبقى بلياتشو.

- الولد مش مضطر يمشي بشنطه

- الولد ممكن يقلع جزمته فى الشارع ويديها للراجل بتاع الورنيش يلمعها له.. البنت مستحيل.

-لو البنت زى الولد ابقى انا زى بنت خالتى، وتبقى "اليسا" زى "عصام الحضري"
و"الهام شاهين" زى "يوسف شعبان"

- الولد ممكن يقعد عند الميكانيكى ويشرب عنده الشاي، ماعرفش ايه الميزه فى كده ، بس اللى اعرفه ان البنت ماينفعش تقعد عند الميكانيكى...

-الولد يقدر ينهى مكالمة تليفون فى اقل من ثانيه..
لأنه مش رغاى ، يقدر يعمل مكالمه يقول فيها كل اللى عايزه بسرعه، ودا معناه فاتوره تليفون اقل أو كارت شحن عمره اطول .
البنت ممكن تخلص كارت شحن بــ(150)قبل ما تدخل فى الموضوع

-في ال اتوبيس او الميكروباص الولد ممكن يقوم و يقعد البنت مكانه بس عمرنا ما شفنا بنت بتقووم عشان الولد يقعد مكانها
-لو البنت مثلا عملت حادثة بالعربية وهي كانت الغلطانة حتقعد تعيط والناس حاطبطب علييها و معلش يا امورة وفداكي 50 عربية اما الولد لو عمل قرد حايتضرب وحيدفع تمن العربية مرتيين
-لو البيت في لمبة محروقة وف نفس الوقت الاب عايز يشرب شاي عمره ما هيقول لابنه اعملي شاي ويقول لبنته انزلي هاتي لمبة مسمار
-لو الدنيا حر ممكن الولد يحط راسة تحت الحنفية لو حر قوي ممكن يشيل شعره بالموس طيب بالنسبة للبنت.....؟
-الولد لو سافر اجازة5 ايم مش هحتاج غير بنطلون و2تيشرت وفوطة وفرشة و جل يرميهم في شنطة علي علي كتفه البنت لو مسافرة 5 ايام هتاخد معاها شنطتين من بتوع واحد مسافر الكويت

**الزهرة123** · 23 - 7 - 2010, 03:46 PM

موضوع حلو و جميل وتسلم واقبل مروري

**♥بـونـبـونـايـه سـكـره♥** · 23 - 7 - 2010, 08:17 PM

ههههههههههههههههههههههه
توبيك كامد مووووووووووت
تسلم ايديك بكد Emoo
دمت متألق بكد

**omaro** · 23 - 7 - 2010, 08:52 PM

هم بصراحة كتروا قوى وبقيت خل على الاخر
ربنا يقل منهم علشان نرتاح

**البنت الجديده 1** · 23 - 7 - 2010, 11:08 PM

ابدا والله عمر البنت ماهتكون زي الولد حتي وان كثرت التجاوزات في المجتمع او كثر التنافس بين الطرفين علي الوظائف يبقي الرجل رجل باحترامه واصلته وتبقي المراه بحيائها وعفتها وتكريمها الذي كرمه الله تعالي لها لكن للاسف لم يعد في زماننا من يلتزم بتلك المبادئ ولن يحدث اطلاقا مساواه بين الطرفين
بسم الله الرحمن الرحيم ( الرجال قوامون علي النساء) صدق الله العظيم
..................... شكرااااااااا لروعه الموضوع