احمدى ربنا انك بنــــــت

[emoo_201017]

تقول سرا (( يابخت الاولاد )) لانها مفكره ان الولد بياخد كل حاجه عايزها والدللع كلو والابواب مفتوحا ليه ليعمل الى عاوزو واللى يحلم بيه اما البنات مش بيسمعو غير ممنوع طول الوقت ده بخلاف ايمان بعضهم بان البنات درجه تانيه .
البنات مجنونه بطبعها وتبالغ حصر المزايا التى ييحصل عليها الولاد ولا يفكرو فى المزايا الل بيحصلو عليها هما يوميا (ممكن يكونو عارفين وبيستعبطو )
والمزايا اللى تحصل عليها البنت مثلااااااااا:
1- لو كنتى فى العباره 98 او الباخره تايتانيك وحصل -لاقدر الله- كارثه اول ناس هيتم انقاذهم هما البنات والاطفال ولو كان على السفينه 5 طوق نجاه بس هيتوزعو على البنات والاطفال واللى يزيد يتوزع على الرجاله وبالنسبه لمراكب الانقاذ هتتملى فى الاول بالبنات والاطفال ولو فيه مكان زياده يبتدو يفكرو فى الرجاله .

2-هدوم الولاد بتبقى جميله جدا على البنات والبنت اللى تلبس بنطلون جينز او حذاء رياضى او كاب او تيشيرت تبقى بنت لها جاذبيه خاصه وشخصيه فريده ومتميزه وكده البنت بقى عندها option زياده. فى الموضوع الهدوم هو انها تقدر تاخد هدوم اخوها فى اى وقت ده بالاضافه لهدومها البناتى اما بالنسبه للولد اعتقد ان هدوم البنت مش تناسبه خالص ومتنفعلوش لو الولد فكر يلبس فستان غالبا الناس هتقول عليه (.....)

3- بالنسبه بقى للمواصلات البنات ليها فرصه اكبر فى ان التاكسيات تقفل ليها اكتر من الولد وفى الاتوبيس او المتررو زحمه لو قالت عايزه اعد جنب الشباك عشان مخنوقه محدش يعترض لكن الولد لو قال كده هيقولو عليه (دلوعه)

4-فى المصالح الحكوميه بيتحرك الطابور بتاع الستات اسرع من طابور الرجاله (وده طلم للرجاله طبعا لان طابور الرجاله بيبقى فيه 25 مواطن على الاقل انما الستات هما 5 بس بالكتيييير اوى وتلاقى الموظف بيمشى واحد من الطابور بتاع الرجاله قصاد واحده من طابور الستات

5-الولد لو سايق عربيه وخبط واحد غالبا بياخد علقه للزكرى اما لو البنت كانت راكبه العربيه دى هتلاقى الناس يعاملوها كانها ضحيه زى اللى خبطتو

6-البنت لو مكتئبه ممكن تروح للكوافير او تشترى صباح روج لونه مبهج وتقف ادام المرايا وتتامل جمالها بعد ماعملت شعرها وحطت روج وتلاقى الاجتئاب راح خلاس
الولد لو مكتئب وحط روج يبقى ده معناه ان الاكتئاب اتحول لهبل او جنون

7-اى بنت تقدر تعد على البحر فى اى بلاج او شاطئ اما الولد يقدر يعد على اى شاطئ معادا شاطئ السيدات

8-البنت لو ماشيه فى اى حته وشكلها تايهه مش عارفه هى فين هتلاقى 100 واحد يتبرع ويدلها على الطريق اما الولد ماحدش بيهتم بيه عشان شكلو ماشى تايه طول الوقت

9-البنت لو شافت نانسى عجرم فى اى حته ممكن تروح تسلم عليها وتبوسها وتحضنها اما الولد هيبقى صعب بالنسبالو انه يبوس نانسى عجرم .

10-البنت بتعد فى بيتها معززه مكرمه وبيعدى عليها العرسان علشان يخطبوها وتفضل ترفض براحتها لحد ماتوافق على العريس اللى يعجبها اما الولد يلف على البنات لحد مايلاقى واحده ترضى بيه

يارب الموضوع يعجبكو تبطلو تقرو علينا وعلشان تعرفو اننا غلابه وطيبين والله

[thesniper_12007]

8- البنت لو ماشيه فى اى حته وشكلها تايهه مش عارفه هى فين هتلاقى 100 واحد يتبرع ويدلها على الطريق اما الولد ماحدش بيهتم بيه عشان شكلو ماشى تايه طول الوقت

جميله والله تسلم يمينك
بسبب البند 8 مشيت ساعتين كنت باسأل على مستشفى السلام الدولي ونزلت المعادي كل اللي يقابلني يقولي هعلى اليمين قدام شويه يعني حوالي 10 دقايق مشي مشيت ساعتين وعشر دقايق دا لاني شاب

[ELBRNSISA ESRAA]

ايه الجمال دا كلة ميرسى على التوبك

[emoo_201017]

اه والله ظلم ميرسيب على المرور ياباششا
وتسلمى على المرور ياقمر والكلام الجميل ده

[دره]

انتو اللى متحسدوناش
مشكور يا ايمو عالحسد ده

[emoo_201017]

العفووووو طب انا متاااااكد ان البنات كلهم نفسهم يبقو ولاد انا عارفكم
عشان الخروج بس

[آية الرحمن]

ههههههههههههههههههههههههه ههه
يا ناس يا شر كفاية قر
ماشى يا احمد احسد براحتك
نايس توبيك

[emoo_201017]

احنا بردو لينا ميزات بس مش عاوزين نعقدكو وسسيبونا فى حالنا بقى

[omaro]

10-البنت بتعد فى بيتها معززه مكرمه وبيعدى عليها العرسان علشان يخطبوها وتفضل ترفض براحتها لحد ماتوافق على العريس اللى يعجبها اما الولد يلف على البنات لحد مايلاقى واحده ترضى بيه

لالالالالالالالالالالالا
دا كان زمان يا ايمو
دلوقت كل البنات هتعنس
كلهم هيعنسوا
كلهم
ههههههههههههههههههههه
واحنا مش هنتجوزكم

[♥بـونـبـونـايـه سـكـره♥]

الحمد لله انى بنت بكد
و انا مبسوته من كته ته اانا منفعش اكون ولد نهااااااااااائى
ههههههههههههههههههههههههه ههه
بكد توبيك كامد كداااااا
تسلم emoo بكد