000 اطلع برة يا حيوان

[The dealer]

بسم الله الرحمن الرحيم
اهلا باحلى اصحاب واجدع ناس
اولا انا بعتزر جداااااااا عن اسم العنوان
بس بصراحة هى حاجة بتدايقنى
مشكلة مش عارفين نعمل فيها اية ولا نتصرف فيها ازاى
الدكاترة ف الجامعة
الواحد فيهم شايف نفسة على اية مش عارفة
لو قاعد ف المحاضرة والموبايل بتاعك رن
ابسط كلمة يقلك
امسح اسمك من الغياب
واطلع برة ياحيوان
لية
لية الدكتور عايز يثبت نفسة بالطريقة القذرة دى
لية بيتعامل كدة مع الطلبة
لية بيشتم اصلا
والطالب بقى فين حقة ؟
خلاص كدةى خلصت شايل المادة شايل المادة
ولو اتقلبتلة قرد واتنطط ع الحيط ومشيت ع السقف
خلاااااااااااااص
كلمة قالها الدكتور
متحضرليش لاخر السنة واعتبر نفسك شايل المادة
بقى بزمتكو مش حرام المعاملة اللى بنتعامل بيها دى ؟
يعنى احنا ناقصين تلاكيكة هو كمان
اسم الله شايفنا بنطلع صافى وننجح اوى لما هايجى بسلامتة عشان اللموبايل رن يشيلك المادة
فين التفاهم او حتى المعاملة الكويسة
ما احنا بنى ادمين برضو
وطبعا متقدرش تنطق ولا تفتح بقك بنص كلمة
وزى الشاطر هاتروح لامم حاجتك وخارج برة المحاضرة
وتشيييييل المادة
حسبى الله ونعم الوكيل
وياسلام بقى لما يكون الدكتور بيشرح مثلا وانت تضحك على اى حاجة
ليلتك طيييين
بتضحك على اية ؟
وسين وجيم وتحقيق مفتوح عشان ضحكت
وف الاخر برضو
اطلع برة يا حيوان
ويطلع برة الحيوان
ياجماعة لية ف بلدنا لما الواحد بيعلى او بيكون صاحب منصب ولا مركز بيفترى ع الخلق ؟
لية دايما بيتعامل على انة من طبقة والباقى من طبقة تانية ؟
انا اعرف دكتور لو عملتلة اى حاجة حمرة ف ورقة الاجابة ينجحك
عشان بسلمتة بيحب اللون الاحمر
من ير ما يقرة الورقة ولا الاجابة
يعنى ارسملة وردة حمرة ينجحك
اكتب بالاحمر ينجحك
اية الهبل دة
دة دكتور ازاى اصلا ؟
المواقف دى الحمد لله مش انا اللى اتحطيط فيها
بس بتحصل كتيير اوى وف كل الكليات وكل يوم
بس انا زهقت فعلا من الظلم والذل دة
وف الاخر ياتنجح يا متنجحش
بمزااااااااج ام الدكتور
انتو موافقين ع الكلام دة ولا اية ؟؟؟
قولو رايكم بقى معايا

[The dealer]

ههههههههههههههههههههههههه هههههههههههه

[ELBRNSISA ESRAA]

لا طبعا مش موفقين لان دا ظلم حرام كدا اصلا بس انا بقى لسة مدخلتش جامعة انشاء الله كمان سنتين

[مونه]

لا طبعاً مش موافقين على كده
بس أيه اللى ها يحصل
ما إحنا مش موافقين على حاجات
كتير فى البلد كان أيه اللى حصل
بارك الله فيك على طرحك للموضوع

[ابو تريكه]

هههههههه

مش بيحصل كتير

مفيش دكتور بيشتم اصلا الا قليل اوى

وبعدين لو قالى اطلع بره يا حيوان




































































هطلع بره من سكات

[نور الحرف]

لا حول ولا قوة إلا بالله
ربنا معاكم ياشباب على الزمن اللى جاى

[دره]

الاخ الكريم والاخوه الاعزاء
عندى الدكتور فى المحاضره كان مش مجرد اطلع بره يا حيوان
دا كان بيقول الفاظ لاشرع ولا دين يسمح بيها
وانا سامعاه بيشتم الطالب لمجرد انه بس الموبايل رن
ولا عمل احترام للمكان ولا للشئ اللى جاى من اجله ولا حتى ان بنات موجوده ولا الهوى
ومجرد ان طالب قاله يا دكتور عيب فى بنات قاعده
قال سب وقبح باسوء الالفاظ
وللاسف هو راجل ليه مركزه ومشهور
ادى اخره الظلم والسكوت
حسبى الله ونعم الوكيل

[The dealer]

لا يسعنا سوى ان نقول لا حول ولا قوة الا بالله

[سعيد الفيشاوى]

اخى الكريم
لى تعليق بسيط وان اختلف مع البعض
او مع الكل
لما يكون الدكتور بيشرح فى المحاضره
وانا مقضيها لعب وضحك وموبايلات
ومش مدي له ولا لشرحه اى اهتمام
يبقى دا استهتار وتقليل من شأنه
وعدم احترام ليه وعدم الاهتمام به وبكلماته
اللى هو اكيد مش بيشرحها علشان نفسه
لا دا بيشرحها علشانى وعلشان كل الموجودين
فى المحاضره ولو انا مش مهتم به
ولا بالماده بتاعته ممكن ما احضرش
واسيب غيرى يستفيد
وبدال انا دخلت المحاضره المفروض
احترمها واحترم اللى فيها
الدنيا مش هتتهد لما اقفل تليفونى وقت المحاضرات
واصحابى اللى بنكت واهرج معاهم
ممكن اعمل كل ده بره المحاضره
والنتيجه انه هو كمان مش هيحترمنى
( العين بالعين )
طيب ليه انا زعلا انه هو اهاننى ولم يحترمنى!!
مع انى انا اللى بدأت
ومع ذلك دا مش عزر علشان يكون الدكتور
مش محترم معانا
او مش مهزب فى كلماته والفاظه
لكن نبدأ الاصلاح من انفسنا
ولا ندعو او نطالب ان يحترمنا غيرنا
ولا نحترمهم نحن

واخيراا
اسف على اختلافى معكم
واسف على الاطاله

[roro_rawan]

انا طبعا عمرى ما أوافق على كدا ازاى يعنى يشتمنى هوا انا الهوم سيرفيس بتاعتو ولا ايه
بس انا لسه مروحتش الجامعه
بجد نايس توبيك