انت ابن مين في مصر ؟؟!!

[The dealer]

انت ابن مين في مصر ؟؟!!

مشكله كبيره قوى بنعيشها هنا فى مصر

وانا حبيت اسميها مشكله (انت ابن مين فى مصر)

ودا عن تجربه حصلت اكتر من مره قدام عينى الا وهى

تحصل مشكله بين شخصين ايا كانو او ايا كان الموقف بس الغالبيه للشباب طبعا

وواحد يقول للتانى انت متعرفش انا ابن مين

طبعا حصلت مع كتير منكم

والشرطه كمان ليها نصيب

مشكله تحصل وتيجى الشرطه وواحد يقول انت متعرفش انا ابن مين ويمسك

الموبايل ويطرقع فى الازرار ويقول للظابط خد كلم وبعد كده الظابط يقوله اتفضل

مع السلامه والشخص التانى الغلبان الظابط يبصله ويقوله

انت بقى ابن مين فى مصر



لحد امتى الكوسه شغاله

لحد امتى هنمشى بالوسايط والمعارف

وانتوا عاملين ايه دلوقتى

والله هى الكوسة خلاص بقت

الشعار الرسمى بتاع البلد دى

لو نهر النيل صلصه ميكفيش الكوسه اللى فى مصر

انا بقى عايزكم تقولولى اية رايكم في الحكاية دي

وحصلت مع مين فيكم قبل كدا وانت اللي قلتها ولا حد قلهالك

مش عايز دوبلاماسية فى الردود اوكى

و لو محدش رد بصراحه

هقوله انت ما تعرفش انا ابن مين في مصر

[A7med elsayed]

إنسان خلق من طين ويمسح القذاره عن نفسه بيده
ويموت ويوضع فى التراب
من أنت إذا ؟؟؟؟؟

ربنا يبارك فيك ويحفظك

[ELBRNSISA ESRAA]

والله عندك حق ميرسى على التوبك

[مخدوعه]

ياترى هنعيش فى امان الان دلوقتى جميع الشركات اتبعيتمش مهم اتبعت لمين بس لو فاكرناهنلاقيه اتبعت لسرائيل وفى يوم هيجوا علشان يبعيون بيوتنا والاحتلال هيرجع من تانى وكمان شبابنا بتروح مننا على ايدى رجال الامن المفروض ان الشرطه فى خدمه الشعب هى فى خدمتنا اه بس بموتنا

[هشام اللول1]

انا ابن الناس الطيبين
العايشين وراضيين وحمدين

وليس الرجوله والمروءه من يقول ابن مين
بل يقول انا مين

بارك الله فيك وحفظك
موضوع ممتاز

[Elpry]

ههههههههههههههههههه
توجك جامد و رائع من شخص أروع
عندك حق على فكرة و بتحصل كتييييييييييييييييييييييي ير أوى
وتعرف كمان الإنسان إل بيحس و عنده دم بيزعل من الموقف ده حتى ولو هوه إل إبن الوزير
عشان لو بيحس ضميره هيكلمه و يقوله إنتا أحسن من الشخص ده فإيه
يعنى من الآخر هيه مسأله إحساس و كرامة و ضمير



و بعدين يعنى إنتا إزاى تكتب موضوع زى ده إنتا متعرفش أنا بن مين ؟؟؟؟ وممكن أعمل إيه ؟؟؟؟
ههههههههههههههههههههههه
جود لك

[دره]

والله كان التانى دى من كوكب تانى وفريد من نوعه
بلد كوسه صحيح

[الحريه]

حصلت مع مين فيكم قبل كدا وانت اللي قلتها ولا حد قلهالك

مش عايز دوبلاماسية فى

وهى ايه الدبلوماسيه فى كده

فوق واصحى انت متعرفشى انا بنت مين فى مصر

بنقولها لبعض انا واخواتى هههههههههه

وبالنسبه للكوسه انا مش بحبها مفيش ملوخيه

اكيد فى ملوخيه عندنا فى بلدنا طالما الكوسه متوفرة

[The dealer]

شكرا لردودكم جميعا ارجو قرائة الموضوع الاخر اللى ان شاء الله هيعجبكم (كوسه بالصلصه)
NADER
A
M
I
N

[الحريه]

انت مصمم على الكوسه برده

وانا مصممه على الملوخيه