والله العظيم عيب الي بيحصل ده.....

[فاطيما]

والله العظيم عيب اللى بيحصل ده

السلام عليكم ورحمة الله وبركاته
انا هدخل ف الموضوع على طول امبارح طبعا كان فيه مطش بين الجزاير وانجلترا واحنا ف البيت مش عندنا وصله قلنا نخرج نتفرج عليه بره بس بصراحه مش كنا عارفين احنا مع مين ؟
يعنى هنشجع الجزائر ولا انجلترا شفتو الخيبه
المهم رحنا كافيه هادى كده وقعدنا نتفرج بس اللى حصل كان حاجه غريبه جدا
كان كل اللى ف الكافيه بيشجعوا انجلترا ويهيصو لو كان فيه هجمه لانجلترا وهتيجى جووووووووون ويزعلو اوى لو مدخلتش
العكس تماما لو حصل مع الجزائر
كان فيه شوطه هتيجى جوون للجزائر فواحد من اللى قاعدين قعد يهيص وزعل ان مجتش جون قام كل اللى ف الكافيه باصص ناحيه الراجل وف نفس واحد
هو انت بتشجع الجزائر؟
هو يعنى خلاص يامصريين الجزائر بقت هى العدو بتاع المصريين وانجلتلرا هى حبيبيتكم دلوقتى ؟
ليه كده ياجماعه نشمت الناس فينا
انتو نسيتوا ان انجلترا دى فضلت محتله مصر سنين طويله؟
انتو نسيتوا ان انجلترا دى دايما بتصوت لاسرائيل؟
انتو انشغلتو بالكوره ونسيتو العدو من الحبيب؟
يافرحة اسرائيل فينا وهى شايفه العرب والمسلمين بياكلو ف بعض وبيشجعو حلفائها
والله انا واثقه ان اسرائيل كان عندها فرح امبارح وهى شايفه المصريين وهما بيشجعو انجلترا وسايبين اخواتهم الجزائريين

طب اهو المطش الجاى بتاع الجزائرهيبقى مع امريكا شوفو بقا هتشجعوا مين؟
وانتو مش محتاجين اقولكوا مين هى امريكا
ياريت كلنا نفوق وننسى المشاكل والخلافات ونقف جمب اخواتنا ومنشمتش حد فينا
ياريت ياريت ياريت نرجع لعقولنا لان احنا انجرفنا غصب عننا ولغينا عقولنا
ياريت لو الموضوع عجبكم تقيموه عشان الناس تفوق وترجع لعقلها

[ELBRNSISA ESRAA]

عندك حق والله ميرسى على الموضوع

[عفريت أفندى]

و الله كلامك فى الجووووووووووون يا فاطيما

مهما حصل

الجزائر دوله مسلمه و عربيه و أفريقيه

يعنى أقرب لينا من إنجلترا او امريكا

و ملعون أبو الكوره اللى هتفرق بين الشعبين ( مصر و الجزائر )

المشكله سببها إعلام متعصب شحن الناس

و ف الآخر مش لاقى أى فايده فى ان يتفرق الشعبين و يكيل كل منهم الشتائم و السباب للآخر

قادر ربنا يخرجنا من المحنه و الفتنه دى و نتحد لإعلاء كلمة الله و راية الإسلام

بارك الله فيكى

و عذرا للإطاله

[فاطيما]

ميرسي ياقمر لمرورك

[دره]

والله يافاطيما الناس بقت حالها يبكى
وبقوا كانهم مش عرب
ولا بينتسبو للاسلام ولا
لاخلاقه

[فاطيما]

ميرسي ياوليد لمرورك وكلامك الجامد ده اخر حاجه وانت عندك حق فعلا في كل الي قلته
بارك الله فيك

[لولو كاتى]

فعلا والله مش الكوره الى هتزعل بلدين عربيين من بعض ومهما حصل لازم نشجعهم لان هما الى بيمثلونا دلوقتى

[الحريه]

هو كلامك معقول برده

واحنا طبعا عمرنا ما هنشجع اى دوله امبرياليه اذا كانت انجلتر او امريكا

واحسن حاجه نعملها ما نشجعشى وخلاص

هو لازم نشجع هنكسب ايه من كده ولا حاجه ومش الكوره حاجه

يعنى علشان نعملها حساب

[فاطيما]

والله يافاطيما الناس بقت حالها يبكى
وبقوا كانهم مش عرب
ولا بينتسبو للاسلام ولا
لاخلاقه

ميرسي لمرورك وردك الجامد ده

[فاطيما]

فعلا والله مش الكوره الى هتزعل بلدين عربيين من بعض ومهما حصل لازم نشجعهم لان هما الى بيمثلونا دلوقتى

ميرسي يالولو لردك ومشاركتك