النقاب 7

[دره]

السلام عليكم ورحمة الله وبركاته

سؤال بدعوكى أختى إنكِ تسأليه لنفسكِ
بالنسبة للأخوات اللى بيبقوا نفسهم يلبسوا النقاب وأهاليهم مش موافقة
ليه تلاقيهم بيجاهدوا مع أهلهم كتييير وبيبكوا ويتوسلوا ويقبلوا إنهم يتحرموا من حاجات كتيييييير عشان يلبسوا النقاب؟؟
وتسمعى إن أخت أهلها قعدوها في البيت لما بس فتحت سيرة النقاب مع أهلها وأصرت عليه
وأخت تانية أمها بهدلتها وفضلت تعاملها زى الشغالات في البيت وهى بنت أسرة كبيرة لما جت تلبس النقاب
وأخت تالتة والدها حلف عليها إنها ماتلبسوش طول ماهو عايش لحد مايموت لدرجة إنها لبسته من وراه
وأخت رابعة أمها حرضت عليها الأهل والمعارف كله ضدها عشان تثنوها عن النقاب
وأخت أبوها حبسها في البيت
وكتييييييييييييييييييييير كتييير

وأعرف من قصص أخوات كانت ساعدت بنسبة كبيرة في تثبيتى لما جيت ألبس النقاب
قصص مع النقاب جميييلة جدا وأشعر من خلالها بصدقهن مع الله والحمدلله لاقوا ثمرة الصدق ده
وماتخافيييييييش مش كل الأهالى بالدرجة دى من السوء والغلظة والشدة

في أهالى تانيين فرحوا ببناتهم جدا لدرجة إنهم بكوا جدا لدرجة إنهم بكوا من الفرح لما جت بنتهم بلغتهم بارتدائها النقاب
وفي أهالى نفسهم جو الاسرة بتاعهم من الأول بيشجع على النقاب

وبالعقل ايه الأولى؟؟إ
إن الأهل يعطوا لبناتهم الحرية في لبس الضيق أو اللى لبس اللى فيه زينة أو يكون الحجاب قصير؟؟؟
أم إنهم يعطوهم الحرية في الإستزادة من الإحتشام؟؟


وفي تجربة شخصية حضرت عقد زواج واحدة صاحبتى منتقبة وكنت لسه منتقبة جديد

ماشاااء الله ذهلت من عدد المنتقبات اللى حضروا وكنت أول مرة اشوف كده وكنت أول مرة اشوف كده
مش هقولك الأسرة نسائها منتقبات...... لا ......معظم نساااء العيلة والمعارف وأصحاب البنت وأصحاب الأم منتقبات
ورجال العائلة من الملتحين(ولو إنى والحمدلله ماشفتش الرجال ولكن سمعت.. ورأيت بس عدد من الرجال داخل قدرا وانا داخلة)
منظر بجد يفرح تحسي إنه مجتمع إسلامى جميييل يرجع بينا لعهد النبي صلى الله عليه وسلم وصحابته- ولا أشبههم بهم ولكن ده الله جه في بالى ساعتها
وتحسي بجو من الألفة وأكيد فيه تثبيت لنا إن شاء الله
وقدرا لسه من كم يوم كنت فى عقد واحدة صاحبتى شفت بنت صغيرة وقصيرة كده أمورة جدا ماشاء الله عندها 11 سنة ولابسة النقاب على ملحفة سوداء أمورة جدا ماشاء الله عندها 11 سنة ولابسة النقاب على ملحفة سوداءومامتها برضه لابسة زيها
ربنا يبارك فيها وفي والدتها

السلام عليكم ورحمة الله وبركاته

[didamona]

موضوع رااااااااااائع يا سمسم
ولو سمحتيلى
ممكن اسال كام سؤال كدة
1-انتى منقبة ولا لأ؟
2-انتى عايشة فين؟
3-انتى عندك كام سنة؟
وعايزة اعرف ردك
دة اذا كان مش هيضايقك او انتى مش عايزة تعرفى حد حاجة عنك
ومستنية ردك ياقمر

[دره]

يا حبيبتى يا قمر ميزعلنيش خالص والردود اهه



1-انتى منقبة ولا لأ؟


الحمد لله منتقبه من اقل من شهر

2-انتى عايشة فين؟


القليوبيه

3-انتى عندك كام سنة؟

هكمل 20 فى شهر 7 ان شاء الله


انا سر من جوايا لكن معلومات عنى اوكى انتى بقى ردى على الاسئله وكمان بتدرسى اه

[هشام اللول1]

بارك الله فيكي اسماء
وربنا يجعلك من الذين يقولون القول ويتبعون احسن عملا
وربنا يجعله في ميزان حسناتك ياااااارب

دمتي بخير وصحه وعافيه وراحه بال وود

[ابو تريكه]

بارك الله فيكى اخت اسماء

اللهم اهدنا فيمن هديت

ورزقنا الله واياكم جنات النعيم

[دره]

هشام اللول
جزاك الله خيرا
رزقك الله كل خير وكل ما تتمناه

[دره]

محمود
مرور اكتر من رائع
جزاك الله خيرا

[ED GIEN]

مش حقدر اقول غير ان فى بعض الاهالى

عاوزين بنتهم تلبس قصير وضيق والشباب كلهم يبقو حيتجنو عليها

وتكلمهم ..... يقولك البنت بتعيش سنها

ههههههههههه والله الواحد ما عارف يقول ايه

ربنا يهدى الجميع

[دره]

والله يا حازم دول ناس خسرانه دنيا واخره
ربنات يهدى الجميع
تحياتى اليك

[shahysoufy]

ممكن تجيبيلى كل الدلائل الي في القران والاحاديث ألي بتدل ان النقاب مفروض علينا لاني معرفش غير ايه واحده وكل ما اقولها لحد يقولى اشمعنى مسكتى فى الايه دي وبعدين هم الي محجبين مصيرهم هيكون ايه هم كده مش هيخشو الجنه وبعدين الكثير من الداعيات محجبين ارجو الرد