سؤال لية الحب يضيع

[احمد..دش]

حبيت واحدة وعشنا حياة تنفع قصة حب رهيبة احسن من قصة ( روميو وجوليت ) واتجوزنا وربنا رزقنا ببنوتين توئم زى القمر وتوفت واحدة وبقت بنوتة واحدة وبعد اربع سنين جواز تقولى انا عايزة اطلاق ومننفعش لبعض وبكل هدوء بتهد البيت علينا من غير رحمة .
واللة العظيم انا بقالى سنة منفصلين ومش عارف اشوف بنتى خالص وكمان ( انا لغاية دلوقتى مش عارف هي طلبت كدة منى لية وتفتكرو اية السبب الجامد اللى يخليها تهدم البيت وتحرم اب من بنتة ) وهو دة السؤال مش لاقى لية ايجابة خالص .. وشكرااااا جدا

والحمد الله على كل شئ

[الحريه]

انا لغاية دلوقتى مش عارف هي طلبت كدة منى لية وتفتكرو اية السبب الجامد اللى يخليها تهدم البيت وتحرم اب من بنتة ) وهو دة السؤال مش لاقى لية ايجابة خالص ..

طيب وانت مش سألتها عن السبب ليه؟؟؟؟؟؟؟؟؟

مش لازم تعرف منها هى السبب

[Samr Samora]

ازيك يا احمد

هو انت طيب ماحولتش تتكلم معاها او مع حد من اهلها ما انت لازم تفهم ومن حقك حتى

لو هى سابتك لسبب قوى حقك انك تشوف بنتك وسنة كتير اوى

وبعدين اكيد فى حاجة حصلت منك هى اللى خالتها تاخد القرار دة

ربنا معاك يا احمد

[احمد..دش]

اناسألتها كتير وكانت بتتهرب من الايجابة
أصدق الحزن إبتسامة في عيون دامعه

لا تشكو للناس جرحاً أنت صاحبه لا يعرف الجرح إلا من به ألم


اما بنسبا للشكواة لانى الحيرة والتفكير اكبر عزاب ممكن الانسان يقع فية ومتشكر على ردك واهتمامك متشكر جدااااااااا

[احمد..دش]

للا سف كل الى بيدخل فى الموضوع مبيوصلش لحل معاها ومتشكر على الرد يا سمر

[Samr Samora]

طب انت لية ملجاتش للمحكمة مثلا دة حقك انك تففهم وتعرف تشوف بنتك

[thesniper_12007]

ممكن اقدر ارد عليك بقصيدة لفارس العامية احمد الشربيني
بتقول هزم الكلام الصمت
هزم الكلام الصمت

فى صميم..جدار الخوف,
خلق القلق.. طاقه,
قلبى ارتجف.. سهمت,
واحترت بين أمرين..
هزم الكلام.. الصمت.
أصفر ياوش القمر,
وطريقى متخفى,
بطّل أنين ياليل..
د القلب مستكفى,
خايف أدوس ع الشوك..
أصل القدم حافى,
وانا حملى أصله تقيل..
بيزل ف كتافى!
مجروح ومتعافى,
لو انخ زى الجمل,
يمكن ساعتها ارتاح!
لكن بصيح الأمل,
لمحلى بالمحتمل,
ورجعت أتساند!
محتار مابين أمرين.
لاجرئ, ولا خايف!
أجرى وأجرى و كأنى..
من دهر فات واقف..
جوه حدود ضيقه,
تعصر شرايينى.
تمحى ملامحى العتيقه,
تنهك..ضيا عينى
تهتك براح طللتلى,
تعكس مسار رؤيتى,
تخنق وليد التجللى,
توئد.. تفانينى.
وأتوه مابين أمرين
بين الخطأ.. والصح!
وعجيبه يامسأله..
الجمع قبل الطرح!
و الجمع مين يقسمه..
من غير مايخلق جرح؟!
والحل مين يفهمه..
من غير دخول فى الشرح؟!

[احمد..دش]

وأتوه مابين أمرين
بين الخطأ.. والصح!
وعجيبه يامسأله..
الجمع قبل الطرح!
و الجمع مين يقسمه..
من غير مايخلق جرح؟!
والحل مين يفهمه..
من غير دخول فى الشرح؟!
متشكر لكل مصراوى فى الكافية واضح ان المسألة صعب حلها متشكرررررررر جدا ياجماعة

[احمد..دش]

متشكر جدا ياسمر سمورة وربنا يوفقك ونصيحة من اخ اكبر ( اوعى تخسرى حد بيحبك بجد )

[قطقوطة]

الموضوع فيه غموض كبير انا مش قادرة افهم يعنى ايه فجأة كدة ومن غير مقدمات طلبت الطلاق ؟
وكمان حضرتك نفذت طلبها من غير ماتعرف السبب؟
طب فين الاهل في كل دا؟ وازاى وافقو على كدة؟
طب لما انتو كنتو بتحبو بعض اوى كدة ليه تحرمك من بنتك؟ ودا حقك المفروض بعيد عن اى اعتبارات اخرى..........
هنقول اللى حصل حصل بس الموضوع عدى عليه يمكن اكتر من سنة انت تحاول تقعد مع كبيرها المفروض ان لها كبير ابوها اخوها كدة يعنى وتشوف معاهم طريقة تقرب من بنتك وهى دى الاهم دلوقت اما الست دى بقا الله يسهلها حاول تنساها بجد اللى ينساك انساه وحاول تشوف حد يملى حياتك من جديد ويعوضك عن اللى فات وتركز في شغلك
تقبل تحياتى
اه نسيت اقولك نورت الكافيه ويارب مشكلتك تتحل بسرعة