سؤال لجميع الاعضاء فى مصراوى كافية........ارجو الدخول والمشاركة باجابتك.......

[didamona]

السلام عليكم ورحمة الله وبركاتة

فى البداية انا عايزة اشكر جميع الاعضاء اللى دخلوا مواضيعى ومشاركتهم الايجابية معايا THANKS FOR ALL

ندخل فى المفيد:
كل واحد مننا المحافظة اللى ساكن فيها او الشارع او الحى اللى ساكن فيه بيبقى مرتبط بيه عشان ذكرياتة الجميلة فية وهو صغير
بس اول مابيكبر وبيشوف اماكن تانية فى الدنيا بيبص لنفسه ويقول:"يا سلام انا كان نفسى ابقى عايش هنا؟"
انا دلوقتى هاتكلم عن مصر.....
يا ترى اللى عايش فى محافظة لما راح وزار العاصمة قال انا نفسى ارجى اعيش فى القاهرة بلد منفتحة اكتر من المحافظة اللى انا عايش فيها......
وياترى اللى عايش فى العاصمة وراح زار المحافظات اذا كان ليه قرايب هناك وراح قعد معاهم فترة قال انا نفسى اعيش هنا علطول بعيد عن الزحمة اللى فى القاهرة.......

مستنية اجابتكم ومشاركتكم
و كل واحد يدخل على الموضوع يقول هوة ساكن فين واية مميزات المكان اللى ساكن
ونفسه يروح المكان التانى ولا لأ؟
وانا هجاوب بعد ما اشوف ردودكم انتوا الاول
يارب يكون الموضوع عجبكم وشد انتباهكم

[آية الرحمن]

موضوع جميل اوى يا قمر
وفكرة جميلة وليا الشرف
انى اكون اول واحدة ترد على الموضوع
بصى هو انا ساكنة فى بورسعيد
وسافرت كتير ورحت محافظات كتير
وفكل حتة لقيت حاجات حلوة كتير
بس معرفتش ارتاح غير هنا فى بورسعيد
لقيت فيها حاجات كتير اوى مش موجودة
فى المحافظات التانية لقيت فيها بحر
انزل اشكى همى لية ولقيت فيها
اهلى واصحابى ولقيتها بلد صغيرة
تعرفى تعيشى فيها من غير ما تتوهى فيها
وكل ما اسافر اى حتة تانية بورسعيد بتوحشنى اوى
وميرسى ليكى على الموضوع الجميل دا

[roro roro]

علا اكيد الموضوع جميل بس الواحد بيحن الى ماضيه وانا زرت اماكن كتير
لكن لا استريح الى فى بلدى
مع انى بقول على الاماكن دى احلى انا من دمياط

[دره]

منون يا قمر موضوعك رائع
انا ساكنه فى القليوبيه بس مهما رحت او شفت اماكن مقدرش اتخيل نفسى غير فى بيتنا
على الرغم ان المكان هنا زحمه ومفيش هدوء خااااااالص

[Lovely Dina]

موضوع حلو اوي يا قمر
وانا ساكنه في القاهره وزرت محافظات تانيه بس لا يمكن ائدر اغير المكان اللي اتربيت فيه وعشت فيه
تسلمي يا جميل
وتقبلي مروري

[ابو احمد رزق]

فكرة جميلة اختي
لكن دائما وابدا
لن تجدي من هو تربي في مكان
وتمني ان يعيش في غيره
مهما كان فيه من سلبيات
انا اعيش في ارياف المنصورة
مستمتع جدا هنا
بطيبة الناس ونقاء الجو
والهدوء والاصدقاء والترابط
حجات كتير قوي جدا
رغم اني زرت اغلب محافظات مصر
ولم ارغب بالعيش الا في مكاني
رغم ان ببعض الامكان الاخري مميزات اكثر
وجزاك الله كل خير

[فاطيما]

موضوع لذيذ جدا اما انا فانا ساكنه في اسكندرية وبطبيعة الانسان بيتمني دايما الحاجه الي مش عنده انا اتمنيت اني اعيش في الريف حيث الهدوء والبساطه

[زيرو كول]

موضع جميل جدا
انا عايش فى الاسكندريه ولو كنت
عايش فى اى حته تانيه كنت اتمنيت اعيش فى اسكندريه
تقبلى مرورى

[عفريتـــة هانم]

مــــوضوعــــك جميـــل جداٌ ياقمرى وانا هقــولك انا كمان بقى
انا ساكـــنة فى cairo وبحبها جداٌ بس الحقيقة طول عمرى كنت بتمنى اعيش فى مكــان زراعى لانى بحب اوى منظر الخضرة والناس الطيبـــة وبعشق الهدوء مع ان مش باين عليا هههههههههههههههههه
تسلمى يا قمرى على التوبيك الجميل
تقبلى مرورى

[didamona]

انا مبسوطة جدا انكم دخلتوا وقولتوا رايكم
ميرسى على مروركم الكريم.......
انا على فكرة الموضوع بيجى دايما على بالى
انا من بنى سويف وبسافر كتير اوى القاهرة والاسكندرية
و فعلا زى ما قالت الرومانسية انا بحب منظر البحر جدا....
سلامى لزيزو و فاطومة
وبحب اروح القاهرة جدا
بستنى السفر اليها من وقت للتانى
بس كل ما ارجع بنى سويف
بحمد ربنا على النعمة اللى انا فيها
واللى ربنا وهبهالى ان انا ساكنة فى بنى سويف
مش زحمة زى القاهرة وناسها طيبين اوى
وقريبين من بعض اوى
ولو لقدر الله حد حصله حاجة
كله بيقف جنبة من غيرف ما يعرفة حتى.
وهى فيها زحمة اكيد وزحمة ساعات بتخنق كمان
بس مش اوى زى القاهرة
وعلى فكرة انا ساكنة فى اكتر حتة زحمة فى بنى سويف
اسمها الاباصيرى
حاجة كدة عاملة زى المعادى فى مصر
وزى شاطئ النخيل فى اسكندرية
بس انا فعلا بعشق هنا
بس الطبيعى ان اكتر حتة زحمة وسط البلد
انا مش بقول كدة عشان انا منها
انا على فكرة مولودة فى السعودية
وعشت فيها 10 سنين
بس جيت هنا الناس عارفة بعضيها
وممكن تبقى لسة متعرفة على حد
وتدخلوا فى كلام عن الاصحاب
تلاقى انها تعرف
نفس البنت اللى انتى مصحباها
وكل يوم بحمد ربنا ان انا من بنى سويف
وقبل كدة ان انا مصرية
والسلام عليكم ورحمة الله وبركاتة