إحنا فقعنا مرارة الريس ....

[عفريت أفندى]

معتقل مصري

اه من الاعتقال وسنينه السودا
حد يعرف ان ممكن يتم اعتقالي في اي لحظه
يعني لو حد عرف هيعمل ايه ؟؟
طيب وليه يعتقلوني اساسا؟؟
يمكن عشان لساني طويل شويه
واتعلمت اقول الكلمه القبيحه اللي بتكرهها الحكومه ..اللي اسمها لا
اه من لساني اللي هيوديني في داهيه ده
نفسي حد دلوقتي يضربني ضربه جامده اوى
تعرفوا ليه عشان اقول اه اه اه واتعلم الكلمه كويس وابطل اقول لا
المهم لو اعتقلوني هاتنفخ وبدل ما اقول اه هقول فسسسسسس
عشان كدا لازم ارضي الحكومه وماتكلمش في اللي يزعلها واقول اه
لو قالولي تنتخب مبارك هقول اه ولو قالوا مبارك مش وحش هقول اه
بس خايف اول ما اخد علي الكلمه حد يعمل فيا مقلب
ويقولي الحكومه ظالمه وطبعا هكون متعود علي كلمه اه واقوله اه اه اه
واكيد حد هيعمل كدا انا عارف اللي ممكن يحصل لو الحكومه غضبت علي حد
انا سمعت ان عندهم خزوق كبير مقاس عشرين
وانا مش عاوز اتخزوق اليومين دول كفايه خزوق كل سنه
اه باين عليا هتبهدل يعني.. كان لازم لساني يطول علي البهوات
وعشان ارضيهم هقول تعيش الحكومه اللي مش ظالمه دول قمرات وحلويات وسكر نبات وابوهم السقا مات
واحنا اللي وحشين ومش بيطمر فينا الحكومه بتحوش لينا فلوسنا في سويسرا
بإسم الرئيس شخصيا عشان يضمن ان محدش يطمع فينا وياخدها.. يعيش الرئيس ابو قلب كبير
احنا شعب مش طامران فيه.. الناس بتتعب عشانا واحنا مش هنا
انا سمعت ان الرئيس من كتر التفكير في الشعب اتفقعت له مراره اه
مين السبب في فقع مراره الريس؟؟؟ اكيد احنا اللي فقعنالوا مرارته
فاضل ايه تاني يتفقع بسببنا؟؟ده حتى مجوع نفسه عشنا
الرئيس بياكل اقل مننا... بيفطر بيض ..ويتغدا بيض ..ويتعشى بيض
وهيخلي ايامنا كلها بيض اصل الرئيس بيحب البيض ونفسه الشعب كله يبيض
اقصد ياكل بيض
اه يا بلد ال...


( منقول مما راق لى )

[براكودا]

http://www.alsaha.com/sahat/3/topics/259064

عصر المعتقلات انتهى من زمان
من يوم تولي الرئيس مبارك الحكم
والرابط اعلاه فيه بعض الصور للرئيس مبارك والمفرج عنهم من المعتقلين بعد توليه الحكم
وصباحك فل وليد

[ايسل]

اه صحيح ياوليد عصر المعتقلات انتهى فى عهد عليه السلام وهيحتاج معتقلات ليه يا حاج مهما اللى بيضايقهم بيموتوا ضرب لحد ما يتحول الى شكل تانى غير كلمة انسان ويلفظ انفاسه الاخيره
او يلبسوا قضيه ياخد فيها تأبيده او اعدام ايه يخليهم يعملوا معتقلات بقى والناس تقول عليه عصر المعتقلات لا هو اذكى من كده كتير
شكرا وليد

[الحريه]

ايه يا وليد الموضوع ده

ده انت على طول فى الخلعون

بس على فكره موضوع حلوه اوى ههههههههه

ولا ايامنا هتبئه بيض دى

اشكرك وليد على الموضوع

[عفريت أفندى]

http://www.alsaha.com/sahat/3/topics/259064

عصر المعتقلات انتهى من زمان
من يوم تولي الرئيس مبارك الحكم
والرابط اعلاه فيه بعض الصور للرئيس مبارك والمفرج عنهم من المعتقلين بعد توليه الحكم
وصباحك فل وليد

بالتأكيد عصر الاعتقالات لم ينتهى

و مازال موجود

و الدليل على كلامى الناس اللى ف السجون بدون أى قضايا سياسيه

و كل ذنبهم إن لسانهم طويل و بيقولوا كلام مش على مزاج الحكومه

و أنا شخصيا أعرف ناس كتير جدا ف السجون و ينطبق عليهم كلامى ده

و تقول إنتهى ؟؟؟

طب إزااااااااااااااااى ؟؟؟؟؟



نورت يا براكودا و ربنا موجود و شايف و سامع و عارف اللى بيحصل ف السجوووون

[عفريت أفندى]

اه صحيح ياوليد عصر المعتقلات انتهى فى عهد عليه السلام وهيحتاج معتقلات ليه يا حاج مهما اللى بيضايقهم بيموتوا ضرب لحد ما يتحول الى شكل تانى غير كلمة انسان ويلفظ انفاسه الاخيره
او يلبسوا قضيه ياخد فيها تأبيده او اعدام ايه يخليهم يعملوا معتقلات بقى والناس تقول عليه عصر المعتقلات لا هو اذكى من كده كتير
شكرا وليد

خلاص يا ايسل

هنغير اسمه

من عصر المعتقلات

إلى عصر الظلم و القهر و الفسااااااد

إشطا كده؟

أظن مش حارمك من حاجه أهو


و ربنا منوووره

تسلمى و يسلم مرورك

[عفريت أفندى]

ايه يا وليد الموضوع ده

ده انت على طول فى الخلعون

بس على فكره موضوع حلوه اوى ههههههههه

ولا ايامنا هتبئه بيض دى

اشكرك وليد على الموضوع

بينى و بينك أيامنا مش لسه هتبقى بيض

دى بيض و ممشش من زمااااااااااااان

بس الظاهر إن حاسة الشم عندنا رااااااحت مع كل اللى راح قبلها

تسلمى و نورتى

و تااااااااااااك كير ( يعنى خودى باااااااااااالك ) ههههههه

[هشام اللول1]

ربنا يستر علي اللي جاي
وياريت اعتقالات وبس
ده بيقتلوا الناس في قلب الشارع
و بيتبطلجوا علي المواطنين وبياخدوا اتاوت
يعني من الاخر كده
كل المساؤي والعيوب اللي عدت مصر من ايام محمد علي
موجود في عصر الرئيس

تسلم ياحاج وليد
بارك الله فيك وحفظك

[عفريت أفندى]

ربنا يستر علي اللي جاي
وياريت اعتقالات وبس
ده بيقتلوا الناس في قلب الشارع
و بيتبطلجوا علي المواطنين وبياخدوا اتاوت
يعني من الاخر كده
كل المساؤي والعيوب اللي عدت مصر من ايام محمد علي
موجود في عصر الرئيس

تسلم ياحاج وليد
بارك الله فيك وحفظك

تسلم يا هشام

و ربنا يستر

و يجعل كلامنا خفيف عليهم

و يكفينا شر المستخبى قادر يا كريم

[اميره بلا وطن]

السلام عليكم
بص مايهمكش
شكلك من النوع زى ماقالوا اصحابك
انا ماقلتش حاجه
برئ يابيه
هم اللى قالوا فيما معناه انك مش بتحب تسكت ومشاغب
وال ايه انت قلت على نفسك ان لسانك طويل
عشان كده قول ولا يهمك
مااكتر العيش والحلاوه فى البلد دى
اى نعم هى غاليه شويه وماخفى كان اعظم
لكن هنجمع فلوس من بعض ونشتريها
ونوعدك هنحاول نزورك ويمكن كمان نعمل مظاهره
بس مااوعدكش اوى
خلينا جنب الحيط احسن

موضوع جميل
تقبل مرورى