رساله الي حاكم فاسد وزبانيته .....!!!!!

**هشام اللول1** · 21 - 6 - 2010, 11:29 PM

انتو اشتريتوا البلد وإحنا مش وعيين

ولا اشتريتوا البلد وإحنا نايمين

ارحمونا بقي ولا احنا علشان ساكتين

واحنا مش عارف ليه علي الظلم ساكتين

ولحقوقنا دايما ناسيين

بس لو احنا أتحركنا علينا مش هتبقوا قادرين

احنا الشعب اللي حررنا سيناء ولو سيبتونا

ودعمتونا نقدر نحرر كمان فلسطين

بس احنا برده للأسف ضعفنا وحاطين

دماغنا في الطين

لأننا سلمناكم رقابينا وانتم بأيديكم ماسكين

ارحمونا شويه وتشوفوا مين هما المصريين

ضموا أيديكم في أيد شعبكم خلينا علي

الشعوب التانيه متفوقين

ولا انتو خلاص سقط نظركم وعلشان

ترفعوا مش قادرين

حبوا بلدكم ومدوا ليها أيديكم اليمين

علشان نهايتكم مش تكون نهاية طين

وأوعي في يوم من الأيام تفكروا

انه احنا أحسن من الناس التانيين

أننا أحسن من العراق ولا باكستان

ولا الشيشان ولا فلسطين

انتوا لو بصيتوا كويس هتلاقونا بنقتل

بعض علشان الأكل والشرب مش لاقيين

احنا خلاص عايشين ميتين

وانتوا اللي موتنا بضميركم الملعونة

**دره** · 22 - 6 - 2010, 12:11 AM

احنا خلاص عايشين ميتين

وانتوا اللي موتنا بضميركم الملعونة

هشام
جزاك الله خيرا اخى الفاضل
ويارب متكونش نهايتك من وجع الاعصاب

**SCREEM** · 22 - 6 - 2010, 12:41 AM

بص يا حاج الرساله دي لو اتبعت ف البوسطه مش هتوصل لو بريد مستعجل مش هتوصل لو ف مظاهره هيعتقلوك لو اس ام اس يخساره قناه ميلودي لغتها

وحتي لو وصلت للراجل الكبير هيقولك

بلها واشرب ميتها

تسلم ياحج عالرساله ولو ان عرض فودافون خلص

تقبل مروري

**الحريه** · 22 - 6 - 2010, 12:53 AM

انتو اشتريتوا البلد وإحنا مش وعيين

اكيد اكيد واحنا مسطولين بالبانجو والحشيش بتاع الحكومه

ولا اشتريتوا البلد وإحنا نايمين

بارك الله فيك هشام والرساله وصلتلنا احنا مش هما

**عفريت أفندى** · 24 - 6 - 2010, 12:13 AM

إنت عاوز إيه يا اتش ؟

عموما الرساله وصلت لينا احنا بس

لكن تقريبا صعب توصل للمرسل إليه

سلام يا عمونا

**ELBRNSISA ESRAA** · 24 - 6 - 2010, 12:15 AM

ميرسى جدا على التوبك الحلو دا

**محمود سمير** · 24 - 6 - 2010, 11:01 AM

ايه يهشام انت مش شايف غير السلبيات وبس انا كل مبخش موضوع ليك بيكون عندى امل انى اشوفك بتعرض ايجابيه واحده بس يااخى مش كده الحياة مش سودة قوى كده وبعدين تفائل يامعلم وزى مبيقولوا فريد الاطرش الحياة حلوة بس نفهمها الحياة غنوة محلة انغمها ارقصوا وغنوا وانسوا همومها تقبل تحياتى ياهشام

**مخدوعه** · 24 - 6 - 2010, 11:23 AM

بصراحه عندك حق بكره هيبعون واحنا حساسين وهكون زى ما احنا وفين فى نفس المكان

**هشام اللول1** · 24 - 6 - 2010, 03:12 PM

المشاركة الأصلية كتبت بواسطة اسلامى حياتى

احنا خلاص عايشين ميتين

وانتوا اللي موتنا بضميركم الملعونة

هشام
جزاك الله خيرا اخى الفاضل
ويارب متكونش نهايتك من وجع الاعصاب

ربنا معانا كلنا
يعني اللي بنشوفه وبنسمعه ده مش يوجع الاعصاب
ربنا يتولنا برحمته
بارك الله فيكي وحفظك اسماء

**هشام اللول1** · 27 - 6 - 2010, 12:35 AM

المشاركة الأصلية كتبت بواسطة SCREEM

بص يا حاج الرساله دي لو اتبعت ف البوسطه مش هتوصل لو بريد مستعجل مش هتوصل لو ف مظاهره هيعتقلوك لو اس ام اس يخساره قناه ميلودي لغتها

وحتي لو وصلت للراجل الكبير هيقولك

بلها واشرب ميتها

تسلم ياحج عالرساله ولو ان عرض فودافون خلص

تقبل مروري

ياحاج انت ليك معزه خاصه عنده
يعني هيستلمه منك علي طووووووول
السلامه امانه تقوله
هشام اللول بيقولك
(( مش عاوز يتجوز علشان عاوز ابنه يشوف حد غير
هينفع يعني تخليني اعنس ياريس ))
متنسيش

نورت ياحاج
بارك الله فيك حفظك

الموضوع: رساله الي حاكم فاسد وزبانيته .....!!!!!

أدوات الموضوع

رساله الي حاكم فاسد وزبانيته .....!!!!!

: رساله الي حاكم فاسد وزبانيته .....!!!!!

معلومات الموضوع

الأعضاء الذين يشاهدون هذا الموضوع

الكلمات الدلالية لهذا الموضوع

ضوابط المشاركة