انا مش مزة .... ادخلو شوفو الشعار الجديد اللى لازم كل بنت ترفعه ،، عاجل جدا !!!!!

[ED GIEN]

السلام عليكم ورحمه الله وبركاته ، ازيكم يا احلى اعضاء ؟ يارب تكونو
بخير دايما

اكيد طبعا معظمكم استغرب من عنوان الموضوع اللى بيقول : انا مش مزة

هههههههههههههه اكيد طبعا انا مش بتكلم عن نفسى ،، دة نداء لكل بنت لازم ترفع الشعار ده .... لما كلنا نقول السبب الرئيسى فى المعاكسه هو

هدوم البنات ، ماشى انا مش حقول انه مش سبب .... لكن الشئ اللى بستغربه بيقولك بيستفز الشباب

طب يعنى ايه شاب كل همه انه ينزل الشارع يبص على البنات ؟؟
ويقولك انت مش شايف اللبس ؟؟؟ طب وحضرتك مالك يا محترم

والله الواحد بيشوف بنات محترمه وبتتعاكس برضه ، طب دى بقا حنقول اللبس هى كمان ؟؟

لا ، يبقى لازم كل البنات تعمل وقفه .... وقفه جامده ....

حتقوليلى ازاى ؟؟

ببساطه شديده ... حضرتك لازم تنزلى وشعرك منعكش ... وريحتك معفنه
وتلبسى هدوم مقرفه ، عشان الشاب المحترم اللى عماله البنات تستفزو
يسكت وميبصلكيش ، ولا حتى يقول كلمه تجرحك

انا برضه مش بدى الحق للبنات فى اللى بيعملوه ...
بس انا بتكلم عن البنات المحترمه اللى برضه بلاقيهم بيتعاكسو ... وبيتقالهم ألفاظ مقرفه

يبقى الحل ايه ؟؟؟؟ الحل ببساطه انك ترفعى الشعار الجديد اللى هو :

(( انا مش مزة )) ، هو ده شعار انهارده وبكره وبعده وبعد 20 سنه حتى ...... الى ان يتصلح حال الشباب

شعار سهل وبسيط وكل البنات ممكن تطبقو ....

(( انا على فكره بتكلم عن البنات المحترمه بس )) لكن طبعا اللى مش محترمين يستاهلو ::

معاهده انا مش مزه بتقول ايه :

1- حضرتك ممكن تلبسى بنطلون او جيب او عبايه ، بس ياريت وانتى بتلبسيهم تنزلى عليهم شويه شحم وزيت اكل ، وترمى عليهم تراب

2- بالنسبه للشعر ... لو انتى مش محجبه ممكن تنعكشى شعرك وتدلقى عليه جاز .... ولو عاوزه تحطى اسبراى ... يبقى اكيد مفيش غير
مبيد الحشرات متعدد الاستخدامات ،،،، ولو حضرتك محجبه يبقى بدل الحجاب والطرحه ... تحطى شوال ولو مفيش شوال يبقى شكاره رز
ولا قمح

3- بالنسبه للمعطرات والبرفان .... حضرتك ممكن تستخدمى ببساطه شديده ازازه محطوط فيها جاز ..... وترشى عليكى حتبقى الريحه جميله

4- وبدل حضرتك ما تلبسى شوز نضيف ، لا تلبسى شبشب زنوبه مقطوع ورايح فى داهيه

5- وبدل ما تشيلى شنطه تحطى فيها حاجتك ، لا حضرتك ممكن تشيلى كيس بلاستيك

__________________________

كدة اقولك انك ممكن محدش يعاكسك .... وبكده يبقى كل بنت طبقت المعاهده

وياريت كل واحده ترفع شعار (( انا مش مزة ))



____________________________________

ياريت اعرف رأيكم ... وأشوف تفاعلكم معايا

وعاوز اعرف رأيكم فى المعاهده ،
وطبعا شباب وبنات كله يخش يقول رأيه


اتمنى ان الموضوع يكون عجبكم .......

[Lovely Dina]

ههههههههههههههههههههههههه ههههههههههههههههههههههههه ههههه
لا والاهي ده من 30المستحيلات بس فكره مش بطاله
هجربها ولو حدفوني بأي حاجه في الشارع اكيد من ر يحتي الجميله ليلتك.........
اوكي
ههههههههه نيس توبيك وتقبل مروري

[ED GIEN]

هههههههههههههههههههه لا متخافيش محدش حيحدفك بحاجه

الموضوع فى الاول حيكون صعب لحد ما كل يعرف المعاهده الجديده

نورتى الموضوع بمرورك

[Lovely Dina]

ماليش دعوه يا خويا جربها انت الاول

[ED GIEN]

ههههههههههههههههه

مشكوره على المرور يا دينا ........ بس انا بتعاكس انا كمان

ماشى حبقى افكر واعملها

نورتى الموضوع ....... يارب دايما منوره الكافيه

[thesniper_12007]

متحاولش يا باشا والله اللي ح يعاكس مش ح يعتق حد حتى لو بالمواصفات اللي حضرتك بتقول عليها ح تلاقي قصائد الشعر نازلة زي النار

شعرك المنكوش في تصفيف إعجاز **** تفوح منه رائحة النفتالين والجاز

تقبل مروري

[manal2010]

ههههههههههههههههههههههههه ه
موضوع زي العسسسسسسل

[ED GIEN]

مشكورين على المرور الجميل الغالى عليا

والحمد لله ان الموضوع عجبكم

[بك أستجير فمن يجير سواك]

ههههههههههههه بجد جميلة اوى ربنا يسلم يمينك
مشكور بجد والله دمك خفيف ومعك حق محتاجين حاجات كتير تتغير
دمت متميز ونتتظر منك المزيد من الابداع

[ED GIEN]

ربنا يخليكى دة بس من زوقك

مشكوره على المرور ...... يارب دايما منوره