قصيدة سكران حب (قصيدة جامده)للشاعر أحمد سعيد موسى أشوف تعليقاتكم بأه

**thesniper_12007** · 22 - 6 - 2010, 06:25 PM

سكران حب ... أحمد سعيد موسى

سكران حب - أحمد سعيد موسى

بحبك ياللي من حسنك تغير الحور
و بكتب شعر لعيونك بخيط من نور

وبكتب بالدهب وصفك
وكل الشعر مش واصفك
لكن يا حبيبتى بحلفلك
لهجعل كل أشعاري
تخلّي السحر من شعري
يكون مبهور

عيونك لؤلؤه شايله
معاني السحر ف النني
عيونك جنه والجنه
نسيمها بمسك متحنّي
وشَعرك نيل بدون ضفّه
جبينك طفل ف اللفه
قصاده الشمس تتخفّى
وتصبح بور

وعشقك شئ محيّرني
أسافر بيه لبره الكون
ياخدنى بشوقي ويجيبني
لا انا عاقل ولا مجنون
أسلّم ع الشجر بالإيد
وأكتب ع الورق إسمك
وأفرد ع الطريق تنهيد
ماهو مرّت عليه قدمك
تشوفنى صحابي تستغرب
تقرّب منّي وتطبطب
وناس بتشوفنى تتهرّب
يقولوا م الهوى مسحور

وانا وعنيكي قدّامي
بشوفها كالسما واصفى
عيون الحور على بابهم
في كفّه وتبقي في كفّه
أشوف فيهم شطوط عشقي
ومرسى الحب واللهفه
ما هيّا لوحدها صنعت
من القلب الحجر شاعر
وخلّت نبض إحساسه
فى قلب بحورها بيسافر
وموج العشق بيشيله
ويتمايل مع ميله
ونسمة حب بتجيله
وتتمنى يجيلها الدور
ويسكر قلبي من شفه
كما الجمره وسنان فيروز
وخمرة عطر بنضارة
زهور اللوز
واشوف الورد فوق خدّك
ربيع مصنوع على قدّك
دنا قلبي الملك.. عبدك
بشوقه يفوت جبال وبحور

دنا قلبي النهار عندك
وليل عمري ف جزيرة شوق
منايا أدق باب قلبك
فيفتحلي وياخدني لفوق
لأبعد نجمه ف عنينا
نعيش انا وانتي وحدينا
طيور الحب حوالينا
بتحمينا وتبني السور

دا حسنك ف الوجود آيه
وإسمك غنوه ف لساني
منايا تكوني ويّايا
وقلبك يبقى عنواني
نهاري تكوني شمسايه
وليلى تكوني قمرايه
أنام وتنامي جوايا
ونصحى بزقزقات عصفور

**نور الحرف** · 22 - 6 - 2010, 10:04 PM

كلمات أكثر من رائعة
بارك الله فيك أخى إكرام
على ماتتحفنا به من درر الكلمات

**الحريه** · 23 - 6 - 2010, 02:03 AM

كلمات جميله اكرام اشكرك

**thesniper_12007** · 23 - 6 - 2010, 12:25 PM

المشاركة الأصلية كتبت بواسطة mama_nour1

كلمات أكثر من رائعة
بارك الله فيك أخى إكرام
على ماتتحفنا به من درر الكلمات

أشكرك اختي الفاضلة على مرورك الكريم وأتمنى لو أن لديكم كلمات وقصائد لأخرين جميلة أن نستمتع بإذابتنا بين سطور القصائد

**thesniper_12007** · 23 - 6 - 2010, 12:27 PM

المشاركة الأصلية كتبت بواسطة الحريه

كلمات جميله اكرام اشكرك

أشكرك Freedom على إحساسك الجميل وأتمنى أن تشاركينا القصائد واكتبي ما لديك لنستمتع سويا بلغتنا العربية

**thesniper_12007** · 27 - 6 - 2010, 08:47 PM

الراجل سطكران حب حد يفوقه

**goliet** · 29 - 6 - 2010, 10:14 PM

جمييييييييييييييييييييله

**thesniper_12007** · 30 - 6 - 2010, 08:13 AM

أنت الأجما جولييت
تقبلي تحياتي
لك خالص ودي وتقديري واحترامي

**thesniper_12007** · 2 - 7 - 2010, 12:33 PM

ماحدش حاسس بالرومانسية اللي الراجل سكران حب حد يفوقة

**roro_rawan** · 2 - 7 - 2010, 04:48 PM

حلوى اوى

الموضوع: قصيدة سكران حب (قصيدة جامده)للشاعر أحمد سعيد موسى أشوف تعليقاتكم بأه

أدوات الموضوع

قصيدة سكران حب (قصيدة جامده)للشاعر أحمد سعيد موسى أشوف تعليقاتكم بأه

معلومات الموضوع

الأعضاء الذين يشاهدون هذا الموضوع

المواضيع المتشابهه

شرح طريقة تنصيب السكربت+بعض السكربتات الفريدة والمميزة

يوجد تعليق لصاحب قصيدة سكران حب أرجو من الجميع قرائته لأنه شرف لي

الكلمات الدلالية لهذا الموضوع

ضوابط المشاركة