محتاجلكو اووووووووووى

[problem]

السلام عليكم ورحمة الله وبركاتة

يسعدنى انى اكون اول بروبلم الفكرة حلوة اوى المهم انا هاحكى مشكلتى كلها وياريت نتناقش فيها علشان محتاجة لحد
بصو بقى ( انا دلوقتى عايشة فى بيت بابا حالتنا متوسطة يعنى الحمد لله بابا وماما موظفين انا فى اولى كلية خدمة اجتماعية المهم انا اتعرفت على واحد حبيتو اوووووووووى حب جنون بموت فية وهو كمان بيحبنى اوى دايما يقولى احنا عايشين ببعض محدش فينا يقدر يعيش من غير التانى جيت الولد دة انا ارتباطنا ارتباط عاطفى كنت بكلمو ومحدش يعرف فى البيت هو مبيخبيش عليا حاجة اعترفلى بكل حاجة عنو زمان كان يعرف بنات كتير دة عادى المصيبة بقى انو اتعرف على وحدة كبيرة عن طريق واحد صاحبة الست دى مش مصرية هو كان نفسو يسافر ضحكت علية ووعدتة انها هاتسهلو حوار السفر دة وكدة قعدت تتضحك علية المهم اتجوزها عرفى دى كانت اكبر غلطة فى حياتو ومستمرش كتير فى الغلط دة وسابها الكلام ة كان من قبل مايعرفنى هو دلوقتى بقى بنى ادم تانى بقى مالوش فى حاجة وربنا هداة وهو لما حبنى كمان دة ساعدو انو يثبت على اللى هو فية لوقتى الاحترام وكدة يعنى المهم الولد دة هو معاة دبلوم وشغال كوافير رجالى بس دماغى انا وهو واحدة نفس التفكير ومتوافقين اوى المهم ماما عرفت انى بكلمو وطبعا كانت مشكلة كبيرة عندى فى البيت ماما بقى لما عرفت انى بكلمو ابن الحلال اللى راح قلها قلها على موضوع الجواز العرفى دة وكل حاجة غلط كان بيعملها ونسى يقولها هو دلوقتى بقى اية وبقى يصلى وكل همة كلة انو يشتغل علشان يكون نفسو ويجى يتقدملى الحمد لله كون نفسو وهو جاهز دلوقتى المشكلة بقى ان لما ماما عرفت قولتلها هو عايز يجى يتكلم فى البيت ماما راحت قالت لبابا انو عايز يجى يتكلم بابا رفض واحلو قالو انا بنتى لسة قدمها كتير على ما تخلص وكدة وقالو انا بنتى مش عايزاك دة الكلام اللى قالهو انا مقولتش كدة طبعا بس بابا قالو كدة علشان يبعدو عنى ى اسباب الرفض اللى بابا قالهالو بس اللى قالهولى هو وماما احنا عمرنا شماهنوافق علية دة مش من مستوانا وشغلو دة ميشرفش والشهادة اللى معاة وكدة يعنى المشكلة انهم واخدين فكرة عنو وحشة اوووى هو مش المهم هو بعد كدة جة قالى انا مش هاسيبك انا هاخدك يعنى هاخدك ولازم اقنعهم بيا واثبتلو انى اتغيرت وهو فعلا عمل حاجات تسبت انو اتغير بجد هو مستنى لما اخلص امتحانات وهايجى يتكلم فى البيت انا خايفة ومرعوبة لمايوفقوش ودة الاحتمال الاكبر انا مش عارفة اعمل اية مع اهلى ومش هاعرف اسيبو او ابعد عنو لو هو مش نصيبى انا عمرى ماهكون لحد غيرو لهو لمفيش ) محتاجة لرايكم وتقولولى اعمل اية واقنعهم ازاى فى البيت عندى

[دره]

حبيبتى
مش معنى انه كان عنده غلطات فى حياته انه وحش
ولو كان الحمد لله تاب وبقى حد محترم حاولى اول حاجه متكلميهوش من ورا اهلك لان كده بدايه غلط وربنا مبيوفقش فى العلاقات اللى بتبقى بدايتها غضبه
واكيد انتى عارفه ان كلامك معاه حرام وبعدين اختارى وقت مناسب واقعدى مع بابا وماما وكلميهم بهدوء وقوليلهم ان الواحد مبيبقاش صح على طول اكيد فى غلط فى حياته ولو تاب عنه خلاص وفهميهم ان اللى قالهم عن عيوبه حد مش محترم لانه مقلش الصح كان لازم يقول الايجابيات والسلبيات وكمان فهميهم ان ارتباطكم ببعض مش هيخليكى ضعيفه فى تعليمك وان الانسان مش بوظيفته لا باخلاقه واضربيلهم امثال على الناس الناجحه وكان مستواهم تحت الصفر وخليكى فى الكلام هاديه واسلوبك راقى وزى مهتقولى مميزاته قولى عيوبه بس بطريقه لطيفه ومهذبه وفهميهم انك غلطانه انك كلمتيه من وراهم وان مهما حصل هتبقى معاهم يعنى هما اللى عوزين راحتك
يارب اكون وصلتلك اللى عاوزه اقوله
ربنا معاكى وطبعا قبل ده كله "وانتى بتصلى ادعى ربنا واتزليليله قوى "
متنسيش ان حكايتك نصيب يعنى لو مش نصيبك اكيد ربنا هيرزقك باللى يريحك
ربنا معاكى
اختك اسماء

[آية الرحمن]

طالما اتغير يبقى خلاص بقى انسان تانى وكمان انتى بتقولى انك كنتى الدافع لية علشان يتغير اكتر يعنى انتى فى ايدك ان انسان يبقى واحد تانى لية نضيع الفرصة دى حاولى تفهمى اهلك الكلام دا ولو الشغلة مش عجباهم هو ممكن يدور على اى شغل تانى ويحاول فية بسرعة فى اسرع وقت ممكن قبل ما تخلصى امتحانات علشان لم يجى يتكلم يقول انة غير شغلة وكمان خلية يتكلم مع اهلك ويعرف منهم اى حاجة مش عجباهم فية ويحاول يغيرها وانتى كمان كلمى مامتك وعرفيها انك مش فارق معاكى الشهادة وموافقة علية وانو اتغير كتير علشانك وانتى هتكونى سعيدة معاه وصدقينى لو دا حصل
ان شاء الله هيوافقو لان مفيش حد بيبقى مش عايز سعادة اولادة
ويارب اكون قدمتلك الافادة

[سمير حماد]

السلام عليكم ورحمة الله وبركاتة

يسعدنى انى اكون اول بروبلم الفكرة حلوة اوى المهم انا هاحكى مشكلتى كلها وياريت نتناقش فيها علشان محتاجة لحد
بصو بقى ( انا دلوقتى عايشة فى بيت بابا حالتنا متوسطة يعنى الحمد لله بابا وماما موظفين انا فى اولى كلية خدمة اجتماعية المهم انا اتعرفت على واحد حبيتو اوووووووووى حب جنون بموت فية وهو كمان بيحبنى اوى دايما يقولى احنا عايشين ببعض محدش فينا يقدر يعيش من غير التانى جيت الولد دة انا ارتباطنا ارتباط عاطفى كنت بكلمو ومحدش يعرف فى البيت هو مبيخبيش عليا حاجة اعترفلى بكل حاجة عنو زمان كان يعرف بنات كتير دة عادى المصيبة بقى انو اتعرف على وحدة كبيرة عن طريق واحد صاحبة الست دى مش مصرية هو كان نفسو يسافر ضحكت علية ووعدتة انها هاتسهلو حوار السفر دة وكدة قعدت تتضحك علية المهم اتجوزها عرفى دى كانت اكبر غلطة فى حياتو ومستمرش كتير فى الغلط دة وسابها الكلام ة كان من قبل مايعرفنى هو دلوقتى بقى بنى ادم تانى بقى مالوش فى حاجة وربنا هداة وهو لما حبنى كمان دة ساعدو انو يثبت على اللى هو فية لوقتى الاحترام وكدة يعنى المهم الولد دة هو معاة دبلوم وشغال كوافير رجالى بس دماغى انا وهو واحدة نفس التفكير ومتوافقين اوى المهم ماما عرفت انى بكلمو وطبعا كانت مشكلة كبيرة عندى فى البيت ماما بقى لما عرفت انى بكلمو ابن الحلال اللى راح قلها قلها على موضوع الجواز العرفى دة وكل حاجة غلط كان بيعملها ونسى يقولها هو دلوقتى بقى اية وبقى يصلى وكل همة كلة انو يشتغل علشان يكون نفسو ويجى يتقدملى الحمد لله كون نفسو وهو جاهز دلوقتى المشكلة بقى ان لما ماما عرفت قولتلها هو عايز يجى يتكلم فى البيت ماما راحت قالت لبابا انو عايز يجى يتكلم بابا رفض واحلو قالو انا بنتى لسة قدمها كتير على ما تخلص وكدة وقالو انا بنتى مش عايزاك دة الكلام اللى قالهو انا مقولتش كدة طبعا بس بابا قالو كدة علشان يبعدو عنى ى اسباب الرفض اللى بابا قالهالو بس اللى قالهولى هو وماما احنا عمرنا شماهنوافق علية دة مش من مستوانا وشغلو دة ميشرفش والشهادة اللى معاة وكدة يعنى المشكلة انهم واخدين فكرة عنو وحشة اوووى هو مش المهم هو بعد كدة جة قالى انا مش هاسيبك انا هاخدك يعنى هاخدك ولازم اقنعهم بيا واثبتلو انى اتغيرت وهو فعلا عمل حاجات تسبت انو اتغير بجد هو مستنى لما اخلص امتحانات وهايجى يتكلم فى البيت انا خايفة ومرعوبة لمايوفقوش ودة الاحتمال الاكبر انا مش عارفة اعمل اية مع اهلى ومش هاعرف اسيبو او ابعد عنو لو هو مش نصيبى انا عمرى ماهكون لحد غيرو لهو لمفيش ) محتاجة لرايكم وتقولولى اعمل اية واقنعهم ازاى فى البيت عندى

اختى الكريمة اولا الحمد لله انك قدرتى تلاقى نصك التانى الى يقدر يصونك اتمسكى بيه علشان هو اتغير علشانك زى ما قولتى وشغلو كمان كويس كوافير رجالى ودى من المهن المطلوبه ودخلها كويس يعنى دى مش دافع يخلى اهلك يرفضوه علشانها سبب رفض اهلك هو انو كان سلوكو مش كويس وانو كان متجوز عرفى يعنى رفضهم ده حفاظا عليكى علشان فى الاول والاخر انتى الى تهميهم وكل الى عليكى انك تتقبلى الوضع دة بصدر رحم وفى نفس الوقت بكل هدوء تقدرى توصلى وجهه نظرك لمامتك الاول وتشرحلها ازاى هو بقى انسان كويس ويستهلك وان انتى متقدريش تعيشى من غيرو حولى مرة واتنين وعشرة مع مامتك لحد ما تقنعيها بحبيبك ومن خلال ماما هتقدر تقنع باباكى وان شاء الله تعزمينا قريب على الفرح

[فاطمة اسامة]

حببتي لو هو اتغير زي ما بتقولي وبقي انسان تاني اية المشكلة دلوقتي لو بابا وماما حاولي تكلميهم بهدؤء لو مش عرفتي تقنعيهم بية قولي لاقرب وحدة ليكي من خلاتك او عماتك وانشاء اللة يبقي من نصيبك وانا هدعيلك يا قمر

[Licy]

هو اكيد اتغير والى يدل على كده انه جه واتقدملك وكمان اعترفلك بكل حاجه عن ماضيه
وان شاء الله اهلك هيوفقوا اختك مى

[problem]

بصي يا قمر انا عارفة اهلك لية مش موفقين اكيد عشان الشغل وانك انتى كمان تعليمك اعلى منة صح بس انتى اتمسيكى بية وحاربي عشانة كل الناس حتى لو اهلك فهميهم انك بتحبية وانك مش هتقدري تبعدى عنى الحب مش عيب ودة الي انتى اختارتية هو دة الي هتعيشى مرتاحة معاة لازم تفهميهم كدة وربنا معاكى ويارب يكون نصيبك بس انتى اتمسكى برايك وكلامك

[المستشار محمد]

بسم الله الرحمن الرحيم

قبل اى حاجة اتمسكى بيه واوعى تسبيه لو هو فعلا بيحبك بجد

وثانيا تقعدى مع اهلك يابنت الناس وتعرفيهم الىل فى الحكاية كلها ولو كان وحش واتغير ده مش عيب لان محدش كان عمره كله حلو اكيد كل واحد ليه اخطائه ومزاياه وعيوبه بس المهم الحب يكون بينكم موجود عشان تقدروا تواجهم الحياة وعلى فكرة هو شغلته مش عيب لانها اكل عيشه طالما شغلانة شريفة ومش من حرام ربنا يكرمكم يارب ببعض ومتتحرموش من بعض ابدا يا بنت الناس زى ما قولتلك اثبتى واوعى حد ياثر عليكى وفهمى اهلك ان الانسان اللى وصلهم كده هو اللى مش محترم ومش كويس ومش بيحبلك الخير واكيد كالما عمل كده يبقى التانى انسان كويس وهقولك حاجة لو حبيبك ده مش بيحبك كان ممكن يخبى عليكى حاجات كتير اوى ومكانش اتغير عشانك لكن اساسا اللى انا متاكد منه انه بيحبك انه اتغير عشانك وده صعب اوى فى الزمن ده

خلى بالك منه ومن نفسك واوعى تسبيه او تفرطى فيه وبردو مش تمنعى اهلك من رايهم بس فهميهم بالعقل وبالزوق وبراحة عشان دول اهلك مهما كان هما بردو يحبولك الخير

تقبلى مرورى

معالى المستشار

[tottyfrotty]

بصي ياقمراية مدام هو اتغير وبقى بنى ادم كويس ومحترم خلاص يبقى مفيش مشكلة ولو بابا وماما مش موافقين عليه عشان الشغل خليه يقدم ع اى شغل تانى وفهميهم انه بيعمل كدة علشانك وانه شاريكى وع فكرة هما ليهم نظرة ف موضوع المستوى دة لانهم خايفين انه ميقدرش يعيشك ف نفس المستوى اللى انتى كنتى عايشة فيه بس انشاء الله ربنا يقويه ويقدر ع دة وانتى كلمى بابا وماما بهدوء وانشاء الله هيوافقوا

يارب يكون من نصيبك