جيش على حق ربنا ربنا ما يوريكم

[omaro]

بصوا يا شباب بجد القصة دى حصلت معايا
فى يوم من الايام ومره من ذات المرارير بعد ما خلصت الكلية عقبالكم طبعا من الطبيعى انى هعمل زى اى شاب انى اتقدم للتجنيد وهناك كانت القصه وهقولهالكم زى ما حصلت بالظبط
اولا انا طبعا سلمت اوراقى الساعه 7 الصبح وبعدين خدونا على غرفة التصوير ومنها على الكشف الطبى وبعد الكشف الطبى خدونا فى ممر طووووووووووووووووووويل فى اخره غرفتين على اليمين والشمال انا خلصت مشيت فى الطرقة لاخرها وهناك قابلنى ظابط كانت رتبته ملازم اول وحدث ما يلى :
الضابط 1: انت يا مجند تعالى هنا بالخطوه السريعه .
انا : تقصدنى انا يا فندم .
الضابط 1: لا امى
انا : هى امك معانا هنا يا معلم ( طبعا فى سرى والا مكنتش طلعت من هناك حى )
الضابط 1: قرب هنا
انا : نعم يا فندم
الضابط 1: انت مؤهلات
انا : ايوه
الضابط 1: كلية ايه
انا : شريعه وقانون
الضابط 1: ادخل الغرفة دى ( الغرفة اللى على اليمين )
انا : حاضر يا فندم
وهناك دخلت ما لقتش الا الباب والشباك ولوحه على الحيط مكتوب عليها ( القوات الخاصه )
انا : يانهار بحلقى مش باين ليه ملامح ( قولتها بالصوت الحيانى )
بعد فتره من الوقت جالى ضابط تانى رتبته نقيب
الضابط 2 : انت ايه اللى جابك هنا
انا : سيادة الملازم اول
الضابط 2: انت مؤهلات عليا
انا : ايوه حضرتك
الضابط 2: كلية ايه
انا : طلية الشريعه والقانون يا فندم
الضابط 2: خساره خساره خساره
انا : انتوا نويتوا تدبحونى يا فندم ولا ايه
الضابط 2 : ( وقد ارتسمت على وجهه ابتسامة خبيثة لم اعرف معناها الا بعد ما جات الطوبه فى المعطوبه ) لا بس حرام بعد ما تاخدلك 5 سنين فى شريعة وقانون تدخل ضابط احتياط 3 سنين فى سلاح المظلات
انا :؟؟؟؟؟؟؟؟؟؟؟؟؟؟؟؟؟؟؟؟؟؟؟؟� �؟؟؟؟؟ ( وربنا ما يوريكم بصراحه انا مش عارف جالى مغص ولا سكر ولا ضغط ولا المراره ولا ايه بالظبط )
الضابط 2: عموما انت صعبت عليا
انا : ربنا يكرم اصلك
الضابط 2: روح امشى مع زمايلك
انا : وقد اطلقت ساقى للريح ( الحمد لله )
وفى اخر الممر لقيت اخينا الضابط الاول
الضابط 1: انت رايح فين يا مجند
انا : يافندم اصل سيادة النقيب .......
الضابط 1: انت حتحكيلى قصة حياتك
الضابط 2 : خلاص يا على سيبه دا قصير
الضابط 1 : بس دا مش قصير يا فندم
الضابط 2 : اعتبره قصير علشان خاطرى
الضابط 1: انت تؤمر سيادتك وحنا ننفذ
انا : سجدت لله شكرا
وبعد كام يوم جه ميعاد الارجاء او العزل
ولقيت نفسى داخل الجيش برتبة ضابط احتياط
وبعد ما مشوا زمايلنا اللى كرمهم ربنا ومدخلوش
العقيد : فى ميكرفون وبصوت عالى جدا
بص يابنى انت وهو انتوا بقيتوا ابطال البلد رجالتها اللى بتصد بيهم اى عدو ............................. الى اخر الخطبه العصماء اللى انا فاكرها كويس رغم انها استمرت ساعه ونص
الضابط 2: انا دلوقت هنادى على وحوش العمليات الخاصه
اولا : سلاح الصاعقة
1- عمر البرديسى
انا :الحقوووووووووووووووووووو� �وووووووونى
بعد ما اتجمعنا فى مكان واحد جالنا ضابط 3
ضابط 3: بصوا يا وحوش احنا مؤهلات عليا زى بعض وكمان ضباط احتياط زى بعض وشباب سنا قريب من بعض
وانا هنصحكم نصيحه
مين دخل المظلات
انا : انا دخلتها مجموعى مجبش غيرها
الضابط 3: شوف وانتوا بتقفذوا بالمظلات فيه نوعين من القفذ هقولهملكم ببساطه
النوع الاول هو القفذ الحر
ودا بعد ما بتقفذ انت اللى بتفتح مظلتك بنفسك بس تعمل ايه لو ما فتحتش معاك
انا : يالهوى هى ممكن ما تفتحش
الضابط3 : طبعا فى اغلب الاحيان
انا : وهنعمل ايه
الضابط 3 :تفتح المظلة الاحتياط
انا : الحمد لله فيه احتياط
الضابط 3: ولو المظله الاحتياط ما فتحتش
انا : هى ممكن ما تفتحش
الضابط 3 : فى اغلب الاحيان
انا : وانا فى قمة الرعب وهنعمل ايه
الضابط 3 :انت مسلم
انا : الحمد لله
الضابط3 : بسيطه ارفع وشك لفوق وغمض عنيك وافضل انطق الشهادة لغاية ما توصل الارض
انا : وهى الارض بعيده يعنى
الضابط 3 : لا كلها مسافة اربعين الف قدم




(( انتظرونى فى الجزء التانى ))
طبعا اذا كنتوا عايزين تعرفوا حصل ايه

[ELBRNSISA ESRAA]

ههههههههههههههههههههههههه هه لا والله حرام اللى بيحصل دا ميرسى جدا على التوبك

[omaro]

ههههههههههههههههههههههههه هه لا والله حرام اللى بيحصل دا ميرسى جدا على التوبك

لا انتى عارفه يا برنسيس اسراء دول نفخونا هناك انا جالى احساس اننا اسرائيليين ووقعنا فى اديهم اسرى وكانوا بيعذبونا
شكرا يا برنسيس ساره على مرورك الرائع يا رافعه معنوياتى

[♥بـونـبـونـايـه سـكـره♥]

ههههههههههههههههههههههههه ههههههههههههههه
بكد توبيك كامد موووووووت
دمت متالق بكد

[omaro]

[QUOTE=بونبونايه سكره;664310][CENTER][FONT=Microsoft Sans Serif][COLOR=Magenta][SIZE=5]ههههههههههههههههههههههههه ههههههههههههههه
بكد توبيك كامد موووووووت
دمت متالق بكد

بس برضه هتروحى فى نفس البوكس مع فاطيما البوكس الازرق مش انتى عايزه تبقى معاها وانا مش هترافع عنكم خالص
ميرسى على مرورك يا بونبونايه يا سكره يا منوره

[ELBRNSISA ESRAA]

العفو بس سؤال يعنى ازاى انتا قولتلى يا اسراء فى الاول وبعد كدة قولت سارة والنبى حدد انا اسراء اقولك اكتبها خمس مرات وسمعها وافضل رايح جى رايح جى عشان تحفظها هههههههههههههههههههه

[omaro]

انتى البرنسيسة سواء كنتى اسراء ولا ساره
انتى برنسيسة يا باشا
اسراء اسراء اسراء اسراء اسراء
اهو خمس مرات
ساره اسراء ساره اسراء ساره اسراء

[ELBRNSISA ESRAA]

ميرسى ميرسى على الكلام الحلو دا

[zawb3a.in.cup]

ههههههههههههههههههه
لا جامدة يا عمر
يلا في انتظار الحلقة التانية
وصلت الارض ولا لسة

[omaro]

لا دا كانو معلقينا يا زوبعه عارف معنى كلمة معلقينا
بكرا تدخل هناك وتعرف دول عالم جاحدين ومجرمين
شكرا على مرورك يا باشا