وقفات احتجاجيه علشان خالد سعيد .... ادخل ..!!!!

[هشام اللول1]

لاحول ولاقوة الا بالله نصيبه كده ربنا يرحمه

ربنا يرحمنا جميعا يا محمود

[محمود أبو تركي]

بص يا هشام علشان نقوم بثورة بجد وتنجح 100% لازم واحد من قادة القوات المسلحة يقف وهو وزملاءة مع الشعب في وجه الداخلية حماية النظام الفاسد .. لأن الشعب لوحده مش كفاية محتاجين ضهر يحمينا ماهو لازم الجيش يتدخل لأنهاء الفساد وتغير حياتنا كلنا ..!!

ومش شرط اللي هيقود الثورة هو اللي هيبقى رئيس الجمهورية ولكن سيكون فيه أنتخابات حرة والشعب هو اللي هيختار الريس بنفسه ولا يفرض عليه ...!!

يارب ثورة تغير حياة الشعب المغلوب على أمره يا رب ..

أشكرك يا هشام على موضوعك الرائع ..

..........................

[m&m2009]

تسلم يا أتش على هذا الموضوع بجد احنا عايزين نفوق من الغيبوبة اللي احنا فيها بقالنا 30 سنة ...!!

وأنا مع اخي محمود تركي في كلامه أننا لازم نقوم بثورة يدعمها قادة من القوات المسلحة علشان تحمينا من الداخلية الفاسده والحامية للنظام الديكتاتوري الفاسد ..!!

أن شاء الله سوف يأتي فجر جديد على مصر وتشرق شمس الحرية لكل المصريين أن شاء الله ..

شكراً يا هشام وتقبل مروري ..

...............

[ED GIEN]

والله ما عارف اضحك ولا ازعل على حالنا

زمان كان فى رمز للشعب بيحركه وبيوجهه ويقوله يعمل ايه ويقودهم بجد

دلوقتى رمز الشباب يا اما : ( عمرو دياب ، تامر حسنى ، محمد حماقى ، ....... الخ )


حقول : ربناااا يصلح حالنا ...... ربنا قادر على كل شئ

[هشام اللول1]

بص يا هشام علشان نقوم بثورة بجد وتنجح 100% لازم واحد من قادة القوات المسلحة يقف وهو وزملاءة مع الشعب في وجه الداخلية حماية النظام الفاسد .. لأن الشعب لوحده مش كفاية محتاجين ضهر يحمينا ماهو لازم الجيش يتدخل لأنهاء الفساد وتغير حياتنا كلنا ..!!

ومش شرط اللي هيقود الثورة هو اللي هيبقى رئيس الجمهورية ولكن سيكون فيه أنتخابات حرة والشعب هو اللي هيختار الريس بنفسه ولا يفرض عليه ...!!

يارب ثورة تغير حياة الشعب المغلوب على أمره يا رب ..

أشكرك يا هشام على موضوعك الرائع ..

..........................

نورت يا محمود الموضوع
بس هو برده يا محمود الجيش ده مين

اخوي واخوك وابن عمي وابن عمك
يعني لو الشعب ومعاه قائد كويس
ثار
وقته مش هتلاقي اخوك واقف في وشك وهيضرب عليك نار
بس لازم الشعب باكملها مع بعض بكل فئاته

بس شايف انه اهم حاجه
الوعي
انا اوعي اخوي واصحابه الشباب
وانت توعي اخوك واصحابه الشباب
وربنا مع الشعب الغلبان
يااااااااارب

وصلت ياحاج حوده

نورت ياحاج
بارك الله فيك وحفظك

[هشام اللول1]

تسلم يا أتش على هذا الموضوع بجد احنا عايزين نفوق من الغيبوبة اللي احنا فيها بقالنا 30 سنة ...!!

وأنا مع اخي محمود تركي في كلامه أننا لازم نقوم بثورة يدعمها قادة من القوات المسلحة علشان تحمينا من الداخلية الفاسده والحامية للنظام الديكتاتوري الفاسد ..!!

أن شاء الله سوف يأتي فجر جديد على مصر وتشرق شمس الحرية لكل المصريين أن شاء الله ..

شكراً يا هشام وتقبل مروري ..

...............

نورتيني يامحمد والله
عندك حق انهم بياخدوا في الداخليه الناس الاميه بتاع الامن المركزي مع كل احترام وتقدير ليهم
حكومه دماغه شغاله والله قوووووووووووي
ربنا يستره علينا يارب
واناشاء الله نتفائل خير

نورت يا محمد
بارك الله فيك وحفظك ورعاك

[هشام اللول1]

والله ما عارف اضحك ولا ازعل على حالنا

زمان كان فى رمز للشعب بيحركه وبيوجهه ويقوله يعمل ايه ويقودهم بجد

دلوقتى رمز الشباب يا اما : ( عمرو دياب ، تامر حسنى ، محمد حماقى ، ....... الخ )


حقول : ربناااا يصلح حالنا ...... ربنا قادر على كل شئ

لا والله ياحازم
الشباب بدا يتهد عن الاول
اه في شباب هربانه منه خاااااااالص

بس بص علي الشباب اللي في الصور
مصاحف في ايديهم وشباب عادي مش اخوان يعني

بس احنا فعلا عاوزين واحد قلبه علي البلد
هو اللي يقوم بالناس دي
وهي والله العظيم مش اكتر من شهر
اه هيبقي شهر اسود ومهبب

بس بعده انا شاء الله البلد ممكن تنضف عن كده بكتير

نورت ياحازم
بارك الله فيك وحفظك
ودمت بخير وصحه وسعاده وراحه بال وود

[reko]

اديها كمان حرية .......اديها كمان فسااااااااااااااااااااااا ااااااااااد واهااااااااااااااااانة
لية الواحد بيتهان فى بلدة وينداس بال...........لية
وعلشان اية ......
وفصالح مين.......
طب واية اخرتها معاهم دول
بجد بقينا هدفنا دلوقتى انى نعرف هذة الاسئلة دية
مشكور يا هشام ......وتقبل مرورى

[zawb3a.in.cup]

سلام عليكم ورحمة الله وبركاته
اولا احيي فيك هشام حماستك وغيرتك على انتهاك حرمة المسلم ( اسأل الله ان يرحم خالد ويجعله من الشهداء ... اللهم امييييين )
واحيي فيك حبك لبلدك وبلدنا كلنا ... ام الدنيا مصر

بس اسمحلي اقولك انا مش معاك خااااااالص في اللي انت بتقوله
ثورات ... ثورات ... ثورات
انا ضد دة كله
وشوف فتوى ابن باز في الباب دة


هل يجوز الخروج على الحاكم ؟
السؤال : هناك من يرى أن اقتراف بعض الحكام للمعاصي والكبائر موجب للخروج عليهم ومحاولة التغيير وإن ترتب عليه ضرر للمسلمين في البلد ، والأحداث التي يعاني منها عالمنا الإسلامي كثيرة ، فما رأي سماحتكم ؟.



الجواب :
الحمد لله
القاعدة الشرعية المجمع عليها : ( أنه لا يجوز إزالة الشر بما هو أشر منه ، بل يجب درء الشر بما يزيله أو يخففه ) . أما درء الشر بشرٍ أكثر فلا يجوز بإجماع المسلمين ، فإذا كانت هذه الطائفة التي تريد إزالة هذا السلطان الذي فعل كفراً بواحاً عندها قدرة تزيله بها ، وتضع إماماً صالحاً طيباً من دون أن يترتب على هذا فساد كبير على المسلمين ، وشر أعظم من شر هذا السلطان فلا بأس ، أما إذا كان الخروج يترتب عليه فساد كبير ، واختلال الأمن ، وظلم الناس واغتيال من لا يستحق الاغتيال ... إلى غير هذا من الفساد العظيم ، فهذا لا يجوز ، بل يجب الصبر والسمع والطاعة في المعروف ، ومناصحة ولاة الأمور ، والدعوة لهم بالخير ، والاجتهاد في تخفيف الشر وتقليله وتكثير الخير . هذا هو الطريق السوي الذي يجب أن يسلك ؛ لأن في ذلك مصالح للمسلمين عامة ، ولأن في ذلك تقليل الشر وتكثير الخير ، ولأن في ذلك حفظ الأمن وسلامة المسلمين من شر أكثر .


كتاب مجموع فتاوى ومقالات متنوعة لسماحة الشيخ العلامة عبد العزيز بن عبد الله بن باز رحمه الله . م/8ص / 202.


بص هشام
انا مؤمنة اوي بقول " لا تنشغلوا بالدعاء على حكامكم ... فمن اعمالكم سلط عليكم "
والقول الاخر " منكم حكامكم "
واذكر انه كان في موضوع لاحد الاعضاء بيتكلم فيه عن انه حكومة مصر سارقة
وتذكرت وانا بتابع الموضوع قصة تروى عن الامام علي رضي الله عنه وارضاه
لما جيه واحد من المحكومين ينتقده ويقارن بينه وبين ايام حكم سيدنا عمر بن الخطاب وانتشار الفتن في عهد سيدنا علي
فكان رد سيدنا علي عليه رد يخرسه ويقطع لسانه قاله ايه؟؟؟
رد عليه فيما معناه:
كانت هكذا ايام عمر عندما كانت الرعيه امثالي ... وكانت هكذا ايامك عندما صارت الرعيه امثالك!!!

انا مقتنعه بحاجة يا هشام
واسفة لو كان كلامي دة عكس كل الكلام اللي اتقال ... وانه ممكن يستفز البعض
بس اسمحلي اقول
احنا السبب في كل دة
احنا اصلا فاسدين ولو جيه حد يحكمنا بحكم شرعي هنرفض ومش هنقبل
وشوف رأي الشعب المصري في حكم السعودية ايه وانت تعرف!!!
احنا اصلا شعب مايل لا مؤاخدة وبنحب العك
عاجبنا اوي الامركة والتغريب والمياعة اللي ملهاش معنى واللي فقدنا بيها هويتنا
ويكفيني قول مرهف

لازم إنتفاضه من الشعب بس لازم يسبقها خطوات

لازم نصلح من أنفسنا و نتقى الله و نراقب ضمائرنا

لما نبطل نتخانق علشان عمورة وتمورة
والجزاير والكورة
ساعتها الحال ممكن يتصلح يا هشام
بس كل واحد فينا يبدأ بنفسه
ويصلح نفسه
ساعتها الشعب هينصلح حاله
والمدير والوزير ورئيس الوزرا والريس نفسه من الشعب

اما عن اقتراحك بتأييد البرادعي
فانا برضو ضده تماما
البردعي دة عاش حياته كلها برة!!!
جاي يحكم مصر بمناسبه ايه!!!
كان عاش فيها واتبهدل فيها وضحك فيها وبكى فيها عشان يعرف يمشيها!!!!
اللي يحكم مصر يا هشام لازم واحد يبقى داق حلوها ومرها
مش هرب من مرها لحلو غيرها
ولما لقى انه ممكن يبقى ليها حلو رجعلها!!!!

واسأل الله ان يصلح بطانه حكامنا ... وان لا يسلط علينا بذنوبنا من لا يخافه فينا ولا يخشى عقابه ... وان يصلح حال الامه الاسلاميه


اه على فكرة
عمر ما مصر هتبقى بلد تمام
طول ما مصر مصر وسوريا سوريا والسعودية السعودية والسودان السودان

لما نرجع تاني دولة اسلاميه واحدة
تحت حكم واحد
ساعتها كل المشاكل هتتحل ... وفي انتظار دة يحصل
لما نصلح نفسنا وبالتالي اولادنا هيتصلحو
ويطلع منهم جيش التمكين يا هشام
والله المستعان

واسفة لو كان كلامي ممكن يضايق حد
مجرد وجهة نظر وقناعات

اختك سهيلة

[هشام اللول1]

اديها كمان حرية .......اديها كمان فسااااااااااااااااااااااا ااااااااااد واهااااااااااااااااانة
لية الواحد بيتهان فى بلدة وينداس بال...........لية
وعلشان اية ......
وفصالح مين.......
طب واية اخرتها معاهم دول
بجد بقينا هدفنا دلوقتى انى نعرف هذة الاسئلة دية
مشكور يا هشام ......وتقبل مرورى

في مصلحه الكبار اللي في البلد
علشان لما يلعبوا في الاسعار
يبقي الشعب مش فاضي يعمل مقاطعه او مظاهره
ويكون في وقته بيدور علي كرامته اللي اتهنت منهما

نورتي ياريكو
بارك الله فيكي وحفظك