تاني حلقــــة من .: مصــــــراوي اليـــــوم :. أول برنـــامج اخبــــاري

[AhMeD El-Za3eEm]

السلام عليكم و رحمة الله و بركاته

أهلا بيكم في تاني حلقة من برنامج مصراوي اليوم

نبدأ فقراتنا علي طول عشان النهاردة البرنامج مليان فقرات

مع أول فقرة من برنامجنـــا

( حــــــــــوار x الكــــافيه )

النهاردة معانا فقرة جديدة أول مرة تبقي في البرنامج بدأنا الفقرة بعضوه معانا .. اشتهرت كتير بأدبها و أخلاقها و مجهودها علي الكافيه .. علطول بنشوفها في كل قسم و كل موضوع بنلاقيه علي الكافيه إن صح التعبير .. نقدر نقول انها ملاك الكافيه .. اشتركت في الكافيه الأول بإسم الخنساء ثم بعد ذلك تغير الاسم ليصبح

طيف عابر

أهلا بيكي طيف معانا في تاني حلقة من مصراوي اليوم

أهلا احمد

عندنا مجموعة اسأله علي السريع مش حناخد من وقتك كتير

بالأول اسمحلي أشكرك على المقدمة الجميلة والكلمات اللي فعلا أتمنى أكون يستحقها

يعني أتمني بس أكون أنا وفقت في استخدام كلمات توفي بحقك .. عموما طبعا كلنا عارفين انك تدرجتي من مجرد عضو لمشرفة ثم مشرف عام .. عايز تعليقك علي الموضوع دا

حقيقي أنا بالبداية لما علي نزل موضوع ترشيح للإشراف إنا ما طلبت إشراف لانى بعرف انه أمانة وبخاف فعلا منها وأتوقع الكل يعرف انها أمانة ولازم نؤديها بشكل كامل أنا طُلب مني إن أرشح نفسي فتركت موضوع اختيار القسم للإدارة وأيامها كنت نشيطة على الركن الأدبي فتم ترشيحي عليه و بالنسبة للإشراف العام فانا فعلا فوجئت باختياري مشرف عام وطبعا فرحت على الثقة الكبيرة التي منحنى إياها علي وبنفس الوقت خفت كتير خاصة أنا تزامن مع خروج علي للعمرة هي مسؤولية طبعا جدا كبيرة لكن تواجدكم معي سهل علي الأمر جدا

جميل جدا الروح اللي تتمتعي بها يا طيف، طيب عايزين نعرف .. ازاي عرفتي مصراوي كافيه .. مين اللي قالك عليه؟

شكرا احمد والروح عنجد استمديتها منكم الكافيه .. عرفني عليه احمد عمر كنا أنا وهو مشاركين بتلات منتديات قبل هيك و أول ما قلي عن الكافيه سجلت فوراً و طبعا سبنا الباقي

جميل جدا .. أنا من موقعي هذا بأشكر أحمد عمر كتير انه عرف طيف عابر علي الكافيه. طيف لاحظنا انك أول حاجة مسكتيها القسم الأدبي .. بتحبي الشعر أو بتحبي تكتبيه

ايوة بحب كتير اقرأ واحاول اكتب الشعر

إيه اكتر موقف حصلك في الكافيه اضايقتي منه ؟

بصراحة ضايقني كتير و ازعجنى انه أخ كتير بحترمه وطبعا ما زلت بحترمه مهما حصل وبدر منه، كتب موضوع من ضمنه عبارة أنا وأخوى على ابن عمى و أنا وابن عمى عالغريب الجملة عنجد لسه مأثرة بنفسي كتير، خاصة انها من أول إنسان رحب بوجودي و احترمني جدا وكان متابع ومشجع لي فاستغربت التغيير المفاجئ منه

أكيد طبعا لكل شخص أسبابه الخاصة عموما في نهاية لقائنا .. تحبي تقولي إيه لكل عضو في الكافيه

بقول للجميع انى عنجد بحبهم كلهم وبشعر انى مع اخواتى واخوانى وأهلي فأتمنى نحافظ على الحب والاحترام بينا على طوووووووووووول

شكرا كتير طيف عابر علي اللقاء اللذيذ دا و كلنا متأكدين من انك قد المسؤولية و ألف شكر

العفو وشكر ورقه واحمد على جهدكم الملحوظ، أتمنى لكم التوفيق

شكرا

ــــــــــــــــــ

و نروح مع ورقـــــة سريعا في فقرة

أخبار مش عاديه
ــــــــــــــــــ

1

يوم الأحد اللى جاى هيبقى يوم إضراب .. يعنى مصر كلها هتعمل إضراب

و دا لأسباب كتير منها الغلاء و لمطالبه لرفع الأجور اللى مش هتترفع لو وقفنا ميت سنه .. و بوستره أتنشر أوى على النت و كل الناس بتطلب من بعضها ماحدش يروح شغله يعنى يوم 6 اعد فى بيوتكوا .. يا إما انزل فى المظاهرات قول كفاية هتعمل ايه يا احمد صحيح اليوم دا ؟؟

و الله يا ورقة الخطوة في حد ذاتها إيجابية.. بس السؤال هنــا هل حيبقي يوم و يمر مرور الكرام و لا ممكن يتطور الوضع و يبقي إضراب علي مدار كذا يوم .. و بالنسبة للي حأعمله أنا ممكن أروح الكلية و أشوف هل المظاهرات حتبقي سلمية و لا زي كل مرة

2

دلوقتى يا احمد تفتح الجرايد تلاقى خبر من تلاته .. يا احتجاج .. يا عن طوابير العيش .. و أخيرا و ليس آخرا .. عن لحم الحمار ايه رأيك صحيح يا احمد فى لحم الحمار .. والله الواحد خايف ياكل لحمه يقوم تانى يوم ينهق .. مش عارفه ناقص ايه ماحصلناش هنا فى مصر .. ؟

لسه فاضل حاجة .. اننا نمشي و نسيب البلد و نهج منها و أعتقد إن دا قريب أوي لو ما فوقناش كشعب و كل مسؤول يتقي الله فينــا .. زي ما قال بوحة الناس بقت في بزرمت الخلاط و الزراير كترت في البلد

3

عمرو خالد شادد حيله الأيام دى فى الحملة بتاعة المخدرات .. بس تفتكروا إن فعلا فى حد بيروح .. و فى جديه فى الموضوع و لا كلام و برامج و دعايا و خلاص .. !! ايه رأيك انت يا احمد فى الموضوع دا

لأ طبعا بيبقي فيه أعداد بتروح بس الأرقام صعبة .. أهم حاجة إن الحملة نجحت من رأيي لأني عرفت إن فيه ناس كتير بطلت الإدمان و بتقاوم و الشعار موجود في كل حته .. بجد الحملة ناجحة بس يا ريت كلنا نساعد فيها

ــــــــــــــــــ

و بالخبر الجميل دا ناخد فاصل سريع و نرجع لكم علطول مع فقرة

( عنــــاوين الأخبــــــار )
ــــــــــــــــــ

يتصدر أخبــــار عناويننـــا اليوم

توقف الكافيه عن العمل ما يقارب الـ 24 ساعة

و السبب أن المساحة المتعاقد عليها الكافيه قد وصلت أقصاها

و الحمد لله تمت حل المشكلة

في تمـــام يوم الأربعـــاء الموافق 26 مارس

تمت ترقيــــة كلا من طيف عابـــر لتصبــح مشرف عـــام

و ترقيـة أحمد الزعيــم ليصبح مشرف مميــــز

و انضمـــام كلام من عصــام نت و أحمـــد عمــر لطــاقم المشرفيـــن

- مبروك لكم جميعـــا -

في تمام يوم الخميس .. انطلق علي مدكــور لأداء فريضة العمــرة

و من المتــــوقع أن يتغيب لـــمدة تتراوح ما بين الـ 10 و الـ 15 يــــوم

أعــــاده الله لنـــــا ســالمـا

بـــعد استمـــرار فتــــرة وقــف لأعـــداد من عضــــوية العضــو السابق المدعـو

السياسي الصغيـــر .. أعلــن مؤخــرا علي مدكــور بأنه سيترك له الفــرصة

ليـــري ما قد يحــــدث .. بعد ان سجل في الكافيه بإسم ملك الشطرنج

علمنـــا من مصــــادر سريـــة رفيعــــة المستــوي

بأن تريكـــة الكــافيه سيتغيــب فتــــرة عن الكـــافيه ليعــود اليــه بقـــوة

كمــا تغيبت أيضـــا كل مــن يــارا و روزي ماجيـــك و ياسمين

منتظـــرين عـــودتكــم جميعــــا

في استــمرار الحــرب بين حــزبي الشبــاب و البنـــات

قادت مريومة حـــزب البنــات بأعضـــائهـــا البــارزيـن بهجمة مباغته علي حزب الشباب

تداركها أمس الحزب الأخر بسلسلة مواضيع و ردود من بعض أعضاء الحزب ليشتعل الوضع الراهن

يا تري اخره الحرب دي ايه ؟!

( اكتشف الفوارق مع Magman )

اسم مـــوضوع جديد .. جميل .. مبتكر بدأ امبارح و حتي الان لاقي نسبة مشاهدات عالية

خشوا و شاركوا فيه .. الموضوع جميل جدا

ــــــــــــــــــ

ونرجع تاني مع ورقــــة في فقرة

حقائق دمها خفيف
ــــــــــــــــــ

تعالى أما اضحكك يا احمد و اضحك الأعضاء معانا ..

يا سلام انا موافق بعد الأخبار و الغم دا كله

تتخيل يا احمد ان الصرصار يقدر يعيش 3 أيام كاملة من غيردماغهو بيموت بعدها من الجوع عشان ما بيعرفش ياكل !!

3 أيام .. دا علي كدا بقي لو صرصار صومالي ربنا يكون في عونه بقي .. يعني براسه من غير راسه الاتنين واحد 3 أيام و يتكل

هههههههههه تخيل بقى

طب تتخيلى انت يا ورقه ان عمر الست اطول من عمر الراجلوالسبببكاءها و عياطها و غتاتتها،نكد نكد يعنى

ههههههههه شوفت بقى الميزة اللى فينا .. لكن انتو تفضلو تكبتو فى نفسكو عشان كدا بتموتو بدرى بدرى .. ههههههه هو البنات اكتر من الشباب من شويه !

لأ و انتي الصداقة .. الواحدة منكم بتستنزف الشاب منا و بيخلع بدري بدري

طب هقولك خبر و يا تصدق يا ماتصدقش .. كوكا كولا كان لونها في الاساس اخضر

أخضــــر و دلوقتي إســــود .. لا حلو و لا قوة إلا بالله، خلوها إسود عشان يبشروك باللي حيحصلك كل مرة بتشرب حاجة ساقعة، بس كان شكلها يبقي أروش لو فضل لونها أخضر

طب تعرف ان البقرة ممكن تطلع لسلم بس مستحيل تنزل .. . !!

و ايه اللي حيطلعها علي السلم من أصله .. حاجة غريبة بس ممكن تنزل بالأسانسير مش كدا
ــــــــــــــــــ

و بالبقرة دي ناخد فاصل سريع و نرجع لكم مع آخر فقرة معانا النهاردة

( الــ SmS ــ )
ــــــــــــــــــ

Zazoaa:البرنامج حلو جدا و مشوق لمعرفة باقىالأخباربس يا ريت توضحوا شوية انتو بتتكلموا على مينوعلى فكرة انا هتابعالبروجرم من على الستلايتلانى قررت بعد ازنكم انى افتح قناة فضائيةوازيعالبروجرم

شكرا للعضــوة zazoaa علي الـ sms الجميل دا .. و طبعا معندناش مانع زيعي براحتك، أهو برضه الواحد يطلع علي الفضائيات زي عمرو أديب كدا

الع ـوام ـ Mـى:بصراحة برنامج رائع يازعيم انتو ورقةوجهد جباربالتوفيق ان شاءالله

شكرا كتير عوامي علي الـ sms بتاعتك و الحمد لله علي التوفيق و أهم حاجة إنكم واقفين معانا و بتشجعونا للأمام دائما

همسه ولاء:بعد السلامبهنيكم على البرنامج الحلو جدا والممتعوان شاء الله من نجاح إلى نجاحو أحب اهني المذيعين الى نورواالبلاتوهوبتمنالكم الاستمراريةبادن اللهوفي النهاية بطلبأغنية سخبط لخبيطبهديها لكلالأعضاء بدون استثناء

أهلا بيكى يا ولاء يا رب دايما نعجبك و ندخل مزاجك كدا .. و أغنيه شخبط لاخبيط .. فى ما يطلبه الأطفال يا حبيبتي .. مش هنا .. احم احم .. حاااااضر لو عايزنا نجبلك نانسي كمان مفيش مانع ..

تريكا : ازيكـ يا عم انتا وهيعاملين ايه ؟؟كويسين ماشى الحمدللهمبروك وألفـــــ مبروك ع البرنامجـ اللى مش جميلــ، دهتحفه مش جميلــ - ده اروع من الروعة نفسها .ايه يا ورقة ده ايه يا زعيمناده - ايه الجمالـــ دهبجد رائع وأكثر من رائــع - تسلموووووووووووووووبجدوالله يباركلكمـ فـــ البروجــ - والحلقة الاولى تحفهـومنظرين الحلقة الجاية اللى بتقولو ان الشغل هيكونـفيهاكتيييييييييييير - لما نشوف - يامسهل - ربنا معاكمـويوفقكم ان شاء الله - كفاية بقى كدة عشان طولت عليكمـ

يا عم انت و هي .. ماااشى .. الله يبارك فيك .. اللى ادانا يديك يا سيدى .. و تعمل لنفسك قناة فضائيه بس ابقي افتكرنا .. و الحلقة دسمة أهي زي ما وعدنا

ديفيل:انا عايزه أقول ان البرنامج تحفه يا ورقه ولو جبتي الساندويتش ابقي اعزمي و أقول خبركمان ان البنات ان شاء الله هيجيبو اجل الشباب في الحرب احنا عندنا اسلحه دمار شاملو هنفتح مجال النووي وبحب اشجع كل البنات الي واقفه معانا في الحرب

سندوتشات من عينى يا سارة انتى تأمورى هجبلك فوق و قلاقل و هاكل انا الهبورجر .. اما عن الحرب .. فانا شايفه انها اشتدت جامد و انتى تمام ربنا يوفقنا على الشباب

ايه يا سارة كوز درة قاعد مع ورقة .. عموما اللي أقوي هوا اللي حيفوز في الحرب يا سارة

Magman :والله يا احمد انااحلف ما ابعت ولا اس ام اس تانيانا لحد الان باعت حوالي 1000000 اس ام اس وانت مش راضي تزيعه ... وبجد برنامج هايل ... وخد عندك اخر اس ام اس معايا لاني خلصت رصيد عليكم ... اولا انا بحب اشكر البرنامج واسره البرنامج وانت خاصهوياريت تسمعوني اغنيه بحبك وحستيني للفنان الجسمي ..سلامي .. بس انا عاوز اقول حاجه ممكناعرف رقم تليفونك يا احمد ..

يا سيدي إحنا متأسفين علي الـ sms اللي إحنا مذعنهاش دي و آدي الـ sms بتاعتك أهي و شكرا كتير علي كلامك يا جميل .. و بالنسبة للأغنية مفيش أغنية اسمها كدا ممكن تقصد (وحشتيني) و دا في برنامج ما يطلبه سهيره نص الليل .. و رقم تليفوني مع الكنترول خليك علي الخط و هما حيدوك الرقم
ــــــــــــــــــ
اهى .. (( يا خساره بقى الحلقه بتاعتنا خلصت النهردا و بردو احمد ماجبليش السندوتش الهمبروجر .. اللى ساره عنيها فيه .. بس هأستنى sms بتاعتكو .. و مش هتوحشونا خااالص خالص .. و كل سنه و انت طيب يا عوامى . و انا انا عيد ميلداى قرب ها عايزة الهديا ترف عليا .. يا رب تكون الحلقه عجبتكو
و استنونـــــــــــــا يوم الثلاثاء القادم تقريبا في نفس ذات الوقت مع برنامجنــــا
( مصـــــــــــراوي كــــــــــافيه )
كان معكم ورقــــــــة و أحمـــــد الزعيــــــم

[Rosy magic]

برنامج جميل ..

امتحاناتي خلصت اليوم وكنت لسة حسألك على الحلقة ...

بس خطيرة وحلو استضافتكو لطيف

وانا رجعت من امتحاناتي الحمد لله عقبال يارا وتريكة

تسلمو يا ورقة ويا احمد

[طيف عابر]

كتير مميزة الحلقه وممتعه كالحلقه الاولى بل وتقدمت عليها بنقطتين او اكتر

طريقة تقديم البرنامج احلى ما فيها الحوار توصيل المعلومة بطريقة طريفه عن طريق حوار بين احمد وورقه
وعجبنى جدا الجزء هاد

و أخيرا و ليس آخرا .. عن لحم الحمار ايه رأيك صحيح يا احمد فى لحم الحمار .. والله الواحد خايف ياكل لحمه يقوم تانى يوم ينهق

لا متخافيش ورقه والا كنا دلوقتى كلنا بنقول مااااااااااااااء لا عنجد مميزين جدا وابتديت اتمنى لو انها يومية لكن طبعا محتاجة تحضير ووقت وتعب منكم فاكيد صعب تكون يومية او حتى مرتين اسبوعياً

أهم حاجة إن الحملة نجحت من رأيي لأني عرفت إن فيه ناس كتير بطلت الإدمان و بتقاوم و الشعار موجود في كل حته .. بجد الحملة ناجحة بس يا ريت كلنا نساعد فيها

تغطية روعه ومتابعه ممتازة للاخبار المهمة

بالتوفيق يا رب
ورقه واحمد
تميز وتألق
اتمنى الاستمرار بقوة والى الامام

[MagMan]

تمام بجد يا زعيم ...

حلقه جميله جدا ...

واهم حاجه انك زعت فيها الاس ام اس بتاعي ....

ومرسي تاني ...

وممكن اقدم اس ام اس تاني ...

بحب اشكر كل الموجودين في البرنامج وانت يا زعيم خاصه ...

وانا عاوز اقول حاجه ان لحمه الحمير دي مش موجوده عندنا بس دي موجوده في العالم كله ...

ومرسي جدا لانك اهتميت بالموضوع ده ...

[Lover Sendrella]

حلقه جميله جدا
تسلم ايدك يا احمد

[ميشو مصريه]

الحلقه جميله خالص تسلم ايدك يااحمد انت وورقه

[AhMeD El-Za3eEm]

شكرا كتير لكل اللي مروا و شجعونــا بكلامهم
و الحمد لله ان الحلقة عجبتكم و ان شاء الله تتابعوا معانا الحلقات اللي جايه كمان و كمان
شكرا روزي علي مرورك .. و استحالة نتأخر في بث الحلقة .. احنا برنامج محترم
و شكرا طيف علي ردك .. و الحمد لله ان الحلقة عجبتك و شكرا علي مرورك
أي خدمة يا Magman الـ SMS و كمان الموضوع .. و استني كمان الـSMS التانية بتاعتك
برضه حنختم بيها الحلقة اللي جايه ان شاء الله
ياسمين .. ميرسي كتير علي مرورك و الحمد لله انه الحلقة عجبتك نورتي الموضوع
ميشو ثانكس علي كلامك الجميل و تابعينا و استني الحلقة اللي جايه .. ان شاء الله تعجبك أكتر و أكتر

[شمس الأصيل]

السلام عليكم ورحمة الله

المرة دي أحسن بكتير وأكتر تميز من الحلقة اللي فاتت

دنا مابقرأش جرنال

ولا حتى بحب أشوف الأخبار من البلاوي اللي فيها

بس بجد بحب أتابع الحلقات دي

ممتازين فعلا ورقة وأحمد

ممكن أعلق تعليق صغير

لطيف أولا

أنا وأخوى على ابن عمى و أنا وابن عمى عالغريب

احنا مسلمين

والمسلين اخوات

وعرب

والعرب اخوات وولاد عم وولاد خال

ومافيش بيننا غريب

أكيد اللي كتب الجملة دي مايعرفش كده

أو لحظة غضب نسته اننا اخوات في الله قبل كل شئ

يابنت العرب وأخت الاسلام

أما بالنسبة ليوم الاضراب

فان شاء الله هيخصموه من المرتبات

حد قالك تضرب يامصري

مبارك لكل أسرة الادارة

وبانتظار علي مدكور

تقبل الله منه

عمرة مباركة باذن الله تعالى

آه قبل ما أنسى

بالنسبة للصرصار

تعرفوا ان الصرصار

بيقرف أوي من الانسان

ولو صدف ولمس انسان بيفضل ينضف نفسه

على فكرة دي حقيقة علمية

[العوامى]

بصراحة يازعيم مش عارف اقول إيه
البرنامج بيزيد جمال عن جماله طبعاً بوجودكـ انت وورقة أحسن تزعل برده وتقول فيه تفرقة عنصرية
إحنا بنشجع الرداله وبرده بنتغاضى ونشجع الحريمات برده

[AhMeD El-Za3eEm]

السلام عليكم ورحمة الله المرة دي أحسن بكتير وأكتر تميز من الحلقة اللي فاتت دنا مابقرأش جرنال ولا حتى بحب أشوف الأخبار من البلاوي اللي فيها بس بجد بحب أتابع الحلقات دي ممتازين فعلا ورقة وأحمد

طيب الحمد لله .. كلامك أستاذتي شرف لينا
و إن شاء الله احنا بنحاول نحسن أكتر و أكتر في البرنامج
و لسه ان شاء الله حنحسن كتير في البرنامج و ان شاء الله البرنامج يحوز علي اعجابك أكتر استاذتي

أما بالنسبة ليوم الاضراب
فان شاء الله هيخصموه من المرتبات
حد قالك تضرب يامصري
مبارك لكل أسرة الادارة
وبانتظار علي مدكور
تقبل الله منه
عمرة مباركة باذن الله تعالى

نو كمنت بعد كلام حضرتك

آه قبل ما أنسى
بالنسبة للصرصار
تعرفوا ان الصرصار
بيقرف أوي من الانسان
ولو صدف ولمس انسان بيفضل ينضف نفسه
على فكرة دي حقيقة علمية

الصراصر هو اللي بيقرف مننا .. سبحان الله
هوا معندوش مراية دا و لا ايه

بصراحة يازعيم مش عارف اقول إيه
البرنامج بيزيد جمال عن جماله طبعاً بوجودكـ انت وورقة أحسن تزعل برده وتقول فيه تفرقة عنصرية
إحنا بنشجع الرداله وبرده بنتغاضى ونشجع الحريمات برده

منور التوبيك يا عوامي .. و يلا عشان يعرفوا بس احنا قد ايه جدعان
عموما ميرسي كتير علي مرورك الجميل و ردك الأجمل
و استني الحلقات الجاية ان شاء الله