حلقولى زلبطه يا ناااااااااااااااااااااااا اااااااااااس

[omaro]

دا هو الجزء التانى من جيش على حق ربنا
واللى بسطر فيه يومياتى فى الجيش
طبعا قولتلكم قبل كدا اننا بعد ما نادوا على الاسلحه الخاصة طلعت انا من ضمن الناس اللى اخدوهم المظلات وطبعا انا كنت زى اللى واخد بنج مش عارف انا فين ولا هعمل ايه ولا دارى بالدنيا المظلات طب انا عملت ايه ياربى علشان اروح المظلات
بعد ما ندهوا علينا اخدونا علشان نعمل تحليل فايرس
بعد ما خلصنا ادونا ميعاد تانى علشان نعمل كشف الهيئة بمما اننا كنا مرشحين ضباط احتياط وقالوا لينا لازم فى الموعد المحدد تكونوا موجودين فى حلمية الزيتون علشان الكشف الاخير
المهم روحت وانا الدنيا مش شايفلها ملامح بس سرعان ما تبدل الحال
اصل انا كنت فاكر انى انا بس من بين زمايلى اللى دخلت القوات الخاصة لكن اكتشفت ان ال3 اصحابى اللى كانوا رايحين معايا واحد منهم دخل الصاعقة والتانى حرس الحدود والثالث مدخلش خالص (( يا ابن المحظوظه )) وطبعا دا اكل مننا علقة موت نتيجة الغل والحقد اللى كنا بنحسه تجاهه
وروحت البيت وفى البيت دار الحوار الاتى :-
الحاج : ها ياعمر عملت ايه
انا : انا
الحاج : امال انا
انا : بص يا حاج انا عارف انى هصعب عليكم بس دا قدرى انا دخلت سلاح المظلات
الحاج : ابتسامه عريضه جدا يعقبها ضحكات متتاليه ومعاه الحاجه واخواتى كلهم ودا نتيجة الفرحة العارمه اللى كانوا فيها بسبب دخولى
انا : ايه انتوا مش زعلانين عليا
الحاج: ازعل ان ابنى هيبقى راجل
انا : ليه وهو انت كنت مفكر انك مخلف فوزية ولا ايه
الحاج : لا بس الجيش يخلى منك راجل
انا: يا عم الحاج انا عايز اقعد عيل طول عمرى
الحاج : بص يا ابنى فى مدرسة المظلات هتلاقى بعض التدريبات هناك زى مثلا القفز من فوق برج عالى زى النخله اللى هناك دى (( شاور بأيده على نخله ارتفاعها من3 الى 4 متر ))
انا : طيب ما هى حلوه اهى ومش كبيره
الحاج : لا انا اقصد اللى وراها
انا : فين دى
الحاج : شاور بأيده على اطول نخله فى البلد
انا : انت فرحان فيا ايه الظلم دا حرام عليكم
وطبعا انا زعلان ان والدى فرحان فيا اه على فكره انا نسيت اقولكم سبب فرحته اصل انا والدى قعد 9 سنين فى الجيش حضر حرب 67 والاستنزاف و73 يعنى الجيش دا عنده كيف وادمان
طبعا رحت لوالدتى اترمى فى حضنها واشكيلها همى وتعبى
الحاجه :خلاص هتدخل
انا : اه يا امى
الحاجه : هناك هتتربى
انا : انتى كمان فرحانه فيا
الحاجه : اكيد
انا : انتوا متأكدين انى ابنكم ولا لقيتونى على باب الجامع
الحاجه : لا لقيناك على باب الملجأ
انا : انتى بتهزرى
الحاجه : اه
انا : انا مليش قعاد فى البيت دا غير لما تعرفوا قيمتى
الحاجه : بكرا تندم يا دفعه
انا خرجت من البيت لقيت رجليا بتودينى عند اختى وجوزها
انا : شفتى اللى حصل فيا يا ام محمد
اختى: اه مش انك دخلت الجيش
انا : اه
اختى :احسن علشان تبقى تتريق على اكلى مره تانى وقال يا ناكر خيرى بكرا تعرف طعم اكلى من طعم اكل غيرى
انا : انا غلطان انى جيت هنا
وطبعا روحت البيت بعد ما لفيت فى الشوارع شويه وانا حاسس انى واخد بنج
واول ما روحت البيت
حصلت المفاجأه الكبيره
اخواتى
اخواتى
ولاد ابويا وامى بيقسموا التركة بتاعتى
واحد يقول انا هاخد السرير بتاعه
وواحد يقول وانا هاخد تليفونه
وواحد يقول طيب انا هاخد المكتب بتاعه وكمان هدومه ولبسه
تصوروا حتى خط التليفون بتاعى خدوه ( ايه العيال دى ) واختى بتتصل علشان تحفظ حقها فى التركة سمعتها بتقول انا عايزه مجموعة الاجندات اللى عندة انا ياما اتحايلت عليه علشان اخد واحده دلوقت هاخدهم كلهم ههههههههههههههههههههههههه هه ( اول مره اعرف انى معايا اخت شريرة )
انا قولت يمكن انا مزعل اهلى منى علشان كدا هما بيعملوا كدا
واكتشفت ان كل اللى يعرف انى دخلت يفرح اخر فرح
المهم حصل اللى كنت منتظره انى دخلت الجيش ضابط احتياط فى سلاح المظلات
وهناك عارفين اول حاجه عملوها معايا ايه
اول حاجه عملوها فيا انهم ((حلقولى زلبظه يا ناااااااااااااااااااااااا ااااااااااس ))
لو عايزينى اكمل ردوا على الموضوع وقولوا يا عمر كمل

[عفريت أفندى]

هههههههههههه

لالالالالالالالالالالالال ا


مش معقووووووووووله اللى بيحصل ده يا عمر

ده انت أسرتك كلها مالهاش حل يا عم

بقولك ايه

انت تكتب يومياتك من اول ما عرفت تنطق و تتكلم و تقف على رجليك و توعى للدنيا

يعنى مثلا من و انت عندك 3 او 4 سنين كده

و تنشرها

و ربنا هتلم فلووووووووس مش هقولك

و هتبقى تدعيلى

بس مش تنسى أخوك

أبو قسم يا برنس ( بالنص ) فيفتى فيفتى

و يلا بئه

ادينى بقولك اهو

كمل يااااااااااااااااا عمر

[omaro]

هههههههههههه

لالالالالالالالالالالالال ا


مش معقووووووووووله اللى بيحصل ده يا عمر

ده انت أسرتك كلها مالهاش حل يا عم

بقولك ايه

انت تكتب يومياتك من اول ما عرفت تنطق و تتكلم و تقف على رجليك و توعى للدنيا

يعنى مثلا من و انت عندك 3 او 4 سنين كده

و تنشرها

و ربنا هتلم فلووووووووس مش هقولك

و هتبقى تدعيلى

بس مش تنسى أخوك

أبو قسم يا برنس ( بالنص ) فيفتى فيفتى

و يلا بئه

ادينى بقولك اهو

كمل يااااااااااااااااا عمر

شكرا يا دكتور وليد على مرورك اللى فرحنى
بس علشان نبقى على نور من البداية فى موضوع الفلوس تحديدا
انا اخد ااااااااااااااااااااااه انما ادفع لالالالالالالالالالا
ايه ياعم هو انت متعرفش انى محامى هو فيه محامى بيدفع
وبعدين انت ما رديتش انت كنت ضابط ولا عسكرى
شكلك كنت عسكرى يا دفعه
اما لو بعتولنا استدعاء واتقابلنا
عارف انا هعمل ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انت رأيك انى اكمل

[آية الرحمن]

ههههههههههههههههههههههههه هههههههه
دا انت شكلك مزهق الناس كلها منك وكلة ما صدق
عملت اية وحش فى دنيتك علشان يحصل فيك كدة
ويا عينى حلقولك زلبطة ومشيت كدة وراسك عريانة
مش عيب كدة كنت تغطيها بيانك ولا حاجة هههههههه
كمل يا عمر كمل

[omaro]

ههههههههههههههههههههههههه هههههههه
دا انت شكلك مزهق الناس كلها منك وكلة ما صدق
عملت اية وحش فى دنيتك علشان يحصل فيك كدة
ويا عينى حلقولك زلبطة ومشيت كدة وراسك عريانة
مش عيب كدة كنت تغطيها بيانك ولا حاجة هههههههه
كمل يا عمر كمل

والله يا رومانسية انا غلبان ومعملتش حاجه
وبعدين لما حلقولى زلبطه مكنش بمزاجى
دا اجبارى وبعدين انا كنت مغطى راسى بالخوذه
خوذه وزنها كيلو ونص
شكرا على مرورك اللى شرفنى
ومن عونى هكمل حاضر ابقى تابعينى
يا رافعه من معنوياتى

[عفريت أفندى]

شوف يا عمر

انا اترشحت ظابط ف البدايه

و روحت حلمية الزيتون

و سقطت ف كشف الهيئه

و تخيل ده الكشف الوحيد انى اتمنيت انى اسقط فيه و الحمد لله سقطت

و ده الامتحان الوحيد اللى سقطت فيه ف حياتى

دفعتنا كانت حوالى 600 صيدلى

النص اترشح ظابط و النص التانى عسكرى

و لما روحنا كشف الهيئه أخدو 5 بس ظباط و الباقى سقط و دخل عسكرى

و انا يا عم كنت عسكرى بس مش العسكرى الأخضر


ههههههه

و أدينى بقولك أهو

يا عمر كمل

[♥بـونـبـونـايـه سـكـره♥]

الله بكد كامده مووووووووووووووت
و يياريت فعلاااااااااا تكمل لانها حلوه
و دمت متألق و منور القسم فعلا

[omaro]

الله بكد كامده مووووووووووووووت
و يياريت فعلاااااااااا تكمل لانها حلوه
و دمت متألق و منور القسم فعلا

بنبوناية انتى اللى منورة
ولو عايزين تشوفوا باقى الاجزاء انتظروا الجزء 3 اللى هيكون اسمه
(( انا والحيطه وهواك ))
مرورك اسعدنى يا سكره يا منوره

[omaro]

شوف يا عمر

انا اترشحت ظابط ف البدايه

و روحت حلمية الزيتون

و سقطت ف كشف الهيئه

و تخيل ده الكشف الوحيد انى اتمنيت انى اسقط فيه و الحمد لله سقطت

و ده الامتحان الوحيد اللى سقطت فيه ف حياتى

دفعتنا كانت حوالى 600 صيدلى

النص اترشح ظابط و النص التانى عسكرى

و لما روحنا كشف الهيئه أخدو 5 بس ظباط و الباقى سقط و دخل عسكرى

و انا يا عم كنت عسكرى بس مش العسكرى الأخضر


ههههههه

و أدينى بقولك أهو

يا عمر كمل

اهلا يا دكتره انت كنت عسكرى
بص بقى سواء كنت العسكرى الاخضر ولا العسكرى الازرق
انت من هنا ورايح تقف انتباه اول ما تشوفنى فى المنتدى
والا حبس فى العازولى وانت عارف يادفعه يعنى ايه حبس عازولى
بس بجد احسن انك مكملتش ضابط
دا احنا دخلنا ظباط واتظبطنا ظبطونا اخر تظبيط
ولو عايز تشوف الجزء 3 هيكون اسمه ان شاء الله
(( انا والحيطه وهواك ))
على فكره ان شاء الله هيكون احسن من اللى فات بس تنورنى بمشاركاتك اللى بترفع من معنوياتى يا دكتره

[ELBRNSISA ESRAA]

لا والله دا ظلم حرااااااااااااااااااااااا ام عليهم اللى هما بيعملوة دا المهم انتا خلصت ولا لسه