أنا مش مدب

[Hooba]

هي لازم تفهم اني أنا مش مَدَبّ

كنت قاعد جنب صديقي على المقهى
امسك لي الشيشة بيد وانا اشيح بالاخرى في وجهه
انا : انا مش مَدَبّ.. انا مش عارف هي جابت الكلام ده منين؟
هو : اهدى بس
انا : كل ما اقولها حاجة.. تقولي انا مَدبّ.. حمارة مبتفهمش في المشاعر
هو : احكيلي ايه الي حصل

وإحنا قاعدين في الكافيه
قاعدين على ترابيزة مدورة وهي قدامي
قولتلها أديني جايبك حتت نضيفة اهه ماروحتيهاش قبل كده
طلبنا برتقان و موكاهازلنت.. وبكلمها يا عم وعمّال اقولها الكلام الكبير بتاع المشاعر
و هي غاية في الغباء
عمال المّح لها و اقولها انا بتصل بيكي كتير وبكلمك كتير.. و بسأل عليكي
لكن مش معنى كده اني مهتم بيكي
انا بعمل كده مع الناس كلها.. علشان انا مهتم بالانسان مش بيكي انتي بس
علشان تفهم اني اجتماعي
و هي آخر غباء
اقولها انها تخنت والمفروض تقلل من البيبسي وتبطل أكل شوية بالطفاسة اللي هي فيها دي علشان تفهم اني مهتم بيها وبرشاقتها و خايف عليها من كتر الاكل
و هي آخر حمورية
أقولها حاولي تلبسي لنسيز علشان النظارة دي مبيناكي عجوزة ومش حلوة على وشك وخصوصا انه مش حلو قوي
علشان تفهم اني باخد بالي من التفاصيل

اقولها ان بعض تصرفاتها مش عجباني و انها بترغي كتير في الموبايل
تقولي: ما انا بكلمك برضه
اقولها ماهو ده قصدي.. انتي بترغي وبتكلفيني كتير في الفاتورة
علشان تفهم اني مدبر واقتصادي
و هي آخر جهل
لما جه الشيك علشان ندفع
كانت حاتدفع فأخدت منها الشيك وقولتلها انا اللي حادفع
وضحكتْ وقلتلها مافيهاش حاجة لما أدفع ده كمان.. ما احنا المرتين الي خرجنا فيهم انا اللي صرفت عليكي
علشان تفهم اني جدع معاها
و هي نازل عليها بغباء
قعدت تحكي في القراءة والثقافة
و انت عارف محسوبك تقيل في الحاجات دي
لغاية ماقالتلي على الكاتب اللي بتقراله دلوقتي ومدى حبها ليه وبكتاباته
قولتلها انه حمار واللي بيقروله بهايم
علشان تفهم اني مثقف وداري بما يدور في الساحة الثقافية
ومطلع على جميع الكتاب و الاصدارات
ولا حياة لمن تنادي

دفعنا الشيك و خرجنا
سيبتها عند الباب ولما قالتلي مش حتوصلني
قلتلها لأ طبعا
سيبتها في الشارع و ركبت العربية ومشيت
علشان تفهم اني مش مدلوق عليها
حلو لحد كده يا عم؟

عاطفة و اشواق وحب من الأصلي
هي دي الرومانسية
شوف بقي غباوتها اللي جايه

قلت أكلمها بالليل و انهي الموضوع و اقولها إني معجب بيها والكلام الكبير ده بتاع الارتباط والحب والجواز
و انها هي الكسبانة والموضوع حيقع عليّ بخسارة
كلّمتها وقلتلها الكلمتين

قالتلي اني ظريف وطيب بس هي عايزة واحد رومانسي
ضحكتْ و قلتلها انتي حمارة بقى.. ههههه.. كل ده ومش رومانسي
انتي لازم تعملي اختبار ذكاء.. ههههه.. غباء غريب
دا انا وديتك اماكن ماروحتيهاش وصرفت عليكي
دا احنا مثقفين زي بعض وبلاش كده
و كلمتلك عن وشك وجسمك يا تخينة.. هههههه

عجبتني قوي اخر جملة دي.. رحت عدتها تاني
سكتتْ كتير
و قعدت أقول: الو الو الو.. ومحدش رد
قفلت واتصلت بيها ومحدش رد

وفي الاخر البني آدمة تبعتلي مسج تقولي


انت مدب.. مدب.. ومبتحسش.. انت مدب.. مبتفهمش
شفت اخرتها
انا مدب ؟؟؟

[ميشو مصريه]

ده مش مدب خالص ده حتي كله زوق وحنيه ورقه والله محدش طايل دي المفروض تشكر ربنا علي النعمه دي

[طيف عابر]

لا بصراحة عندها حق هو مدب ومدب كمان

صرف عليها وتعب بالمشاوير عشانها وكلمة حلوة ما قال
يعنى كل تعبه ومصاريفه ذهبت عالفاضي

مشكووووووووووووووووور جدااااااااا على موضوعك الجميل هوبا

[BA7IBAK YA BOY!]

انت اكيد بتهزززززززر
استرها يارب ياريت ميكنش حد زى الراجل دة
دى حتبقى مصيبة
هههههههههههه
ال مدب ال
لا خالص

[يحيي عبدالسلام]

حنعلموك لحد امته بس يبني التقل ده صنعه .
يعني مش تسبها لوحده في الشارع وتقلى بتقل غلط المفروض توصله لو عيز بقه تقل توصلها بدون ما تكلم معها خالص ومش تصل بيها وتسبها لحد ما هي تكلمك ولم تكلمك تعمل الى انت مشغول ومش فاضي وخلاص اليوم مش مكفي مشغلك وتكلمها وشيه وتعمل ان انت معاك تلفون تاني لحد هي ما تقلك لم تفض تبق تكلمني تقلها اوكي حبيبي وتقفل السكه وبعديها بشوسه تصل بيها انا اسف حبيبي الشغل بقه اعمل ايه .
حتيجي هي قيللك ولا يهمك وتقعد تدلع عليك وتخف عنك التعب وكده سعتها تديها جرعة حنان وبعد كده تتقل يعني تلعب شويه حنان وشويه تقل اتعلمها بقه

[ملكة الاحزان]

لالالا ده مش مداب خااااااااااالص ده يابابا بيذهلها مش بيتكلم برومنسية
كويس ان البنت مش ادتلو بحاجة فى وشو
ههههههههههههههههههههههههه هههههههههه
بجد موضوع جامد تسلم ايديك

[MaRiYoMa]

ههههههههههههههههههههههههه هههههههههههههههه

مين ده الى مدب هو مدب لا حرام عليكم ظلمتو ده زى النسمه ههههههههههههههههههههههههه هههههه ال مدب ال شوفتو اخر مصايبكم ههههههههههههههههههههههههه نايس توبك

[Young DeviL]

ايه الظلم دا دا حتي الواد مؤدب مش مدب خالص

تسلم ايدك يا هوبا

[Hooba]

مين اللي قال بقي إنه مدب ؟؟؟؟؟

مش هتبطلوا ظلم وإفترا علي الناس بقي ؟؟؟؟