احترت بين المثلين

[thesniper_12007]

أميرة
أقبلي قصيدة إهداء مني على لسان خطيبك تخيليه بيقولهالك وادعيلي القصية لشاعرني الجميل أشرف توفيق اسمها حقي وحقك
حقي وحقك
كان زمان..الحِلم كان واحد في قلبي
..إني احبِّكْ
..وامّا حبِّيتِك
..بقى الحِلم اللّي عندي ازّاي احبِّكْ
..داب خلاص الحبّ فينا
..وابتدِينا.. يبقى لِينا
..فوق بحور الشوق سفينه
..بس لازم لجْل ما نكمِّل طريقنا تبقِي عارفـَه
..إن نار الحبّ دايماً عايشَه خايفـَه
واللّي هيخلّيها تطّمّن وتكبرْ
..لو ترقِّي
..وْتعرفي حقِّك... وحقِّي
تعرفي إيه يبقى حقِّك؟
..حقّك انيِّ ابقى لعيونِك ألف حارسْ
وابقى وقت الحب عاشق
..وابقى وقت الشدَّه فارسْ
..واعملِك جدول مُذاكرَه زيّ أطفال المدارسْ
وانّي احسّ القلب فاضي
..مهما شال من شوق وجابْ لِكْ
واجري والأشواق بتسبقني
..عشان اوصَل بسرعه.. بسرعه قبلِكْ
..حقِّك انِّ الدمع يفرَحْ
..ينتشِي
..يسكَر
..يدوخْ
..ينزِل بسُرعَه لمّا اقابلِك
..حقّك اني انطق: "باحبّك" كلّ ثانيه
..وارسمِك في القلب دُنيا... دنيا تانيه
..أبقى انا بالحبّ سُورْها
..وانتي تبقِي هناك قَمَرْها
وانتي نورها
..وانتي نارها
..والنجوم سابحه فْ مَدَارها
..وانتي أحلامها وجَمالها
..وانتي وِدْيانها وجبالها
..والكُبار فيها وْعِيالها
دنيا فيها تكوني وحدِك... يبقَى مَالهْا؟
..حقّك اني اكتب في رمش العين قصايدْ
..وفْ سواد العين قصايدْ
..وفْ جمال الروح قصايدْ
حقّك اني اقرا فْ ملامحِك كلّ يوم
..زيّ الجرايدْ
حقّك اني استنىَّ قلبِك
يوم
يومين
شهرين
سنه
للعمر كلـُّه
واني اشِيل مِن شوقنا شوكنا
..وْتاخْدي بسّ الشوق وفُلـُّه
حقّك انّ القلب ينطق
!أحلى شيء في الحبّ ذُلُّه
..حقّك اني ابقَى لِك البحر الحنَيِّنْ
وابقَى لو شدّيتي هادي
..وابقَى لو هدّيتي ليّنْ
..حتى لو مرَّه اتعاتبِنْا
..في العتاب تلِْقيني هيّنْ
..وادفِن الجرح فْ كياني
..مهما كان في عْينَيَّه بيِّنْ
حقّك اني اعمِل لِك انتي كُرسي فوق الشمس
..واعمل بينكو طاقَه
لمّا نور الشمس يضعف
..نورك انتي يْجيب لُه طاقَه
حقّك اني اقفل بيبانِك عن قلوب الخلق
..وادخُل لك بقلبي يكون بِطَاقَه
..حقّك انّي اسمع واسامِحْ
..حقّك انّي ازعَل واصالِحْ
وان قلبي يكون ديوان مُلْكِكْ
ما يدخلهوش في مرّه... وبْأوامرِكْ
..إلاّ أصحاب المصالحْ
..حقّك انيّ اهزمْ ظروفِكْ
..حقّك انىّ امنع خسوفِكْ
..وانيّ اشيل بالحب خوفِكْ

..أمَّا حقِّي يا حبيبتي
...حَقِّي إنـِّي
!!!إنـِّي اشوفـِكْ

تقبلي تحياتي ولك خالص ودي وتقديري واحترامي وإنن شاء الله ربنا يوفقكم بس تعزميني على الفرح

[فتى الإسلام]

يابختك يا أميرة
كلام جميل بس وأنا كمان عايز عزومة متنساش تبلغها

[thesniper_12007]

قلتي محتارة وجاوبنا
بعتنالك قصيدة ومش سائله
اسكتي يا اميرة والله ابويا كاتب قصيدة عن مكر الستات قنبلة
ح تردي عليا ولا افرج المنتدى عليكم
ههههههههههههههههه
مستني ردك
لك خالص ودي وتقديري واحترامي

[اميره بلا وطن]

هههههههههههههههههههههههه
خلاص هرد يااكرام
بصراحه والله قصيده تحفه
جميله جدااااااااااااااااااااااا ااااااااااااااااااااااااا ااااااااااااااااااا
وبعدين بقولك ايه
لو كتبت قصايد تهددنا بيها انا بحذرك مش هسكت والله وهرد عليها بقصايد تانيه
والبادى اظلم

[اميره بلا وطن]

فتى الاسلام
اكيد معزوم بس هات اكلك معاك
شرفنى حضورك جدااااااااا

[thesniper_12007]

طيب خدي في وشك
قابليني
هههههههههههههههههه

[اميره بلا وطن]

طيب يااكرام لما نشوف بقى
استعنا على الشقا بالله

[فتى الإسلام]

مش مهم نجيب عشانا معانا
بس المهم اننا أنعزمنا
شكرا على العزومة
أنا قبلتهــــــــــــــــــــ ــــــــــــــــــا

[اميره بلا وطن]

مش مهم نجيب عشانا معانا
بس المهم اننا أنعزمنا
شكرا على العزومة
أنا قبلتهــــــــــــــــــــ ــــــــــــــــــا

انت ماصدقت ولا ايه
دى عزومه مراكبيه على فكره
على العموم تشرفنا وتنورنا
ربنا يكرمك