>>>>:::... حسني مبارك فوق كوبري 6 أكتوبر .. ( نكـته قنبلة )...:::<<<<

[m&m2009]

السلام عليكم ورحمة الله وبركاته

ياجماعة قبل ماقول النكته أنتم بتدعولي ولا لاااااا ..

ربنا يسترها معايا ومعاكم ..

::::::::::::::::::::::::::::::::::::::::::::::::::

بيقولك ايه :

بيقولك الريس لقى البلد ساكتة و الشعب بقى مسالم أوي صعب عليه حالهم ..

و نده لأحمد نظيف :

قاله الشعب ماله بقى هادى و ما بيعملش مظاهرات ليه يا نظيف انتوا لازم تزودوا الضرايب شوية عشان ننكد على الشعب قبل نهاية 2010 ...؟؟؟

نظيف قاله تأمر بإيه يا ريس :

قاله خللى الضرايب على المرتبات الضغف :
يعني اللى بيقبض 100 جنية يدفع 200 جنية

و الناس دفعت و هى ساكتة ..!!

رجع الريس وقاله :

خللى اللى يطلع على أي كوبرى يدفع 10 جنية رسوم ...؟؟

والناس دفعت و هى ساكتة ..

قاله خللى اللى يطلع يدفع 10 و اللى ينزل يدفع 20 ...؟؟

والناس دفعت و هى ساكتة ..

أتجنن حسني مبارك وقال ايه ده الناس بقى عندهم لا مبالاة ليه ..؟

فا حبيب العادلي قاله أنا عندي أقتراح يا ريس :

قاله قول يا حبيب :

قاله ايه رأيك نخلي شوية ظباط من اللي ايدهم طرشة توقف عند اول الكوبري واخر الكوبري وكل اللي طالع واللي نازل من الكوبري يتضرب على قفاه وبكده الناس هتضايق ويعملوا مظاهرات وسيادتك هتلاقيهم بيشتمو فيك فا فرح حسني مبارك اوي بالفكرة بتاعة أنكل حبيب :

المهم حسني مبارك قال انا عايز اشوف الناس وهيا بتنضرب على قفاها فراح الصبح عند كوبر 6 اكتوبر متخفـي علشان محدش يعرفه وهناك لقى الناس بتضرب على قفاها و هى ساكته و راضية ماعدا واحد عمال يزعق و يعترض ويقول مش معقول كده يا جماعة ايه اللي بيحصل ده ...؟

فا حسني مبارك قاله أنت بتعترض على ايه ..؟؟

قاله كده كتير احنا كده بنتعطل عن شغلنا المفروض يزودوا عدد الظباط اللى بيضربونا شوية عن كده ...؟؟

:::::::::::::::::::::::::::::::::::::::::::::::

هههههه ههههههههه ههههههههه

إلى اللقاء في سجن المزرعة قريباً والدعوة عامة لكل شباب مصراوي الجدعان ..

تحياتي لكل اللي بيحبوا الريس والأربعين حرامي ..!!

......................................

[هشام اللول1]

هههههههههههههههه
طب وبعدين
هتفضل علي الحال ده كتير
هيتعملك محضر اشغال طريقه بعد كده
ومنها علي امن الدوله

انا برئ

باي باي ياحاج

بارك الله فيك وحفظك

[sohair]

هههههههههههههههههه..تصدق انت مش هتسكت وتتلم بجد الا لما فعلا تلاقيهم فوق دماغك بالبيت.....وانا لسه عند وعدى بالعيش والحلاوة

[m&m2009]

كده يا أتش دانا قلت لو كل الناس اللي في الكافية باعتني أنت لا يا أتش

ماشي على العموم مش هجيب أسمك في الموضوع بس يبقى لما تنزل مصر أمانه عليك يا شيخ يبقى تزورني وتجيب معاك العيش والحلاوة ..!!

هههههه هههههه

أشكرك يا أتش نورتني بمرورك العطر ..

..............................

[محمود سمير]

عيب الكلام الغير راقى ده على رموز مصر كل بلد بيتفاخر و يتباهى برموزه ورئيسه حتى لو كانوا على غير اهوائهم

[مسافر عبر الازمان]

هههههههههههههه
ان فى الخلعون يانجم
سلااااااااااااااااااااااا اام
ربنا معاك فى المزرعة
والى محمود سمير مش لوكانوا رموز محترمة نفتخر بيها

[دره]

ههههههه
انا رايي انك تستخبى احسنلك
ولا انت ناوى تروح ورا الشمس

[m&m2009]

هههههههههههههههههه..تصدق انت مش هتسكت وتتلم بجد الا لما فعلا تلاقيهم فوق دماغك بالبيت.....وانا لسه عند وعدى بالعيش والحلاوة

ليه دي نكته هو أنا بكتب منشورات ولا ايه ..؟

والنبي يا سهير لو عندكم مكان في المنيا أقدر استخبه فيه يبقى أطلبيني
على الرقم ده صفرين تلات تصفار زيرو ....؟؟

طب انتي عارف أن اخونا اللي ميتسموش بيحبوا النكت اللي على الريس طب دانا لما كنت بصيف عندهم في المزرعة السنة اللي فاتت كنت مقضيها نكت معاهم ...؟؟

هههههههه هههههههههه هههههههههههه

...................

[m&m2009]

ههههههه
انا رايي انك تستخبى احسنلك
ولا انت ناوى تروح ورا الشمس

حتى أنتي يا سمسمة بتفوللي عليا .. كل ده علشان نكته بريئة طب ماهو طول عمرنا معروفين بخفة الدم ولا يكنش أنا بكتب منشورات ضد النظام عالعموم لو انا رحـت السنة دي اصيف في المزرعة يبقى ما تنسونيش في العيش والحلاوة ...

هههههههههههههههه هههههههههههههه

.......................

[m&m2009]

هههههههههههههه
ان فى الخلعون يانجم
سلااااااااااااااااااااااا اام
ربنا معاك فى المزرعة
والى محمود سمير مش لوكانوا رموز محترمة نفتخر بيها

يا عم لعلمك بقى أنا كل اصحابي هناك في المزرعة بصيفوا بقالهم سنة وأهي فرصة خلينا نقابل الرموز الوطنية اللي هناك ..
هبقى أبعتلك دعوة تشرفنا كده قد شهرين يا مان ..

هههههههههههه ههههههههههه

.........................