انا والحيطه وهواك

[omaro]

اصدقائى اعضاء المنتدى الكرام
دا هو الجز ال3 من مسلسل جيش على حق ربنا
قولت ليكم فى الجزئين السابقين انى بعد ما خلصت الكلية دخلت الجيش وطبعا اللىعايز يعرف تفصيلا يشوف الجزئين
المهم انا وقفت معاكم عند انهم حلقولى زلبطه ياااااااااااااااااااااانا س
النهارده نكمل سوا ايه اللى حصل
______________________
يوم الترحيل :اليوم دا طبعا خدونا من منطقة التجنيد للمدرسة
مدرسة المظلات
وهناك دخلنا تعرفوا شفنا ايه
اول منظر شفناه ان زمايلنا الاقدم مننا بيناموا تحت الدبابات
اه تحت الدبابات الواحد فيهم يشوف الدبابه جايه عليه يختار موضعه
وينام فى الجزء الفراغ بين الجنازير
دى حقيقه ولأننا وصلنا اخر النهار قرروا انهم يبدأو معانا تدريب من تانى يوم
طبعا انا مقدرتش انام كل معنيا تغمض افتكر الموقف والمنظر اللى شفته
طيب ياربى اعمل ايه لو وقعت مع سواق دبابه احول يا نهار بحلقى
ولا سواق نظره 6/6 بس جات الطوبه فى المعطوبه وجه عندى انا تحديدا وعطس عطسهجامده وايده اللى بيسوق بيها اتحركت
]
المهم تانى يوم وقفونا صف واحد وبصوت عالى اللى عايز ينضم لسريه رياضيه انا اطمطعت وقولت انا يا فندم

جالى ضابط قالى عايز تلعب ايه

رديت عليه ملاكمة لأنى كنت بلعبها وانا فى الكليه

سجل اسمى وبعد كام يوم فى مدرسة المظلات لقيتهم بيقولوا (( الحيطة رجع الحيطة رجع ))

سألت ايه الحيطه دا قالوا دا (( محمد )) اه وبعدين يعنى قالوا دا بطل المدرسة فى الملاكمة

واسم الدلع بتاعه (( محمد الحيطه ))

انا قولتلهم وايه يعنى انا اقدر اغلبه (( غبااااااااااااااااااااااا اااااااء ))

المهم قولت الكلام دا والسكينة سرقانى

الخبر وصل للحيطه بصراحه زعل وزعل جامد قال بلااااااااااااااااااااااا اش

انا قولت لا لازم يضرب منى اه محدش هنا بيلاكم احسن منى



طبعا لما المدرب بتاعى عرف انى عايز الاعب الحيطه اتبرى منى وقال انه ما يعرفنيش

كل دا وانا لسه ما شفتش الحيطه

ويوم الماتش

حد فاكر فيلم كتكوت

دا كان مقتبس من اللى حصل معايا

فجأة لقيت بغل اه بغل واقف على الحلبه

حيطه بقى

الواد انا بصيت فيه وبصراحه ندمت اشد الندم وحسيت انى عايز امسك لسانى اقطعه وابوس على ايده واجرى

المهم الناس كلها زعلانه عليا

اول الماتش ما بدأ هوانا بصراحه معرفتش ايه اللى حصل

اصل الواد الحيطه دا غبى وحمار هى خطافيه واحده الواد ضربهالى كانت بسرعة (( الزربو )) وحسيت انى طاير

هما قالولى بعد كدا انى انا طرت فعلا للناحية التانية من الحلبة

وعنيكم ما تشوف الا النور اكلت حتة علقه فى الماتش دا مكلهاش حرامى جزم فى جامع

نمت بعدها يومين فى المستشفى ولا كأنى شكرى سرحان فى فيلم رد قلبى

بعدها اكتشفت ان المعلم الحيطه صف ظابط

طبعا طلعت من المستشفى حاطط وشى فى الارض

بس كل دا وانا شايل فى قلبى وانا صعيدى والصعيدى ما ينساش تاره

ومصيبتة كانت مصيبة لأنه جه فى التشكيل بتاعى اللى انا كنت ظابط فيه

وعملت فيه عمايل لو عايزين تعرفه عملت ايه قولولى كمل باقى الجز4 وانا اقولكم

[فاطيما]

عملت ايه بقا؟؟؟؟؟؟؟؟؟؟؟؟؟؟؟؟؟؟؟؟
ياريت تكمل
وعلي فكره الصعايده احسن ناس
بس انت احسنلك تعمل كتاب عن نفسك عشان تضم الاجزاء كلها مع بعض

[فاطيما]

الواد انا بصيت فيه وبصراحه ندمت اشد الندم وحسيت انى عايز امسك لسانى اقطعه وابوس على ايده واجرى

هههههههههههههههههههههههه
واضح انك اخدت علقه منه محترمه

[فاطيما]

تعيش وتاخد غيرها

[omaro]

عملت ايه بقا؟؟؟؟؟؟؟؟؟؟؟؟؟؟؟؟؟؟؟؟
ياريت تكمل
وعلي فكره الصعايده احسن ناس
بس انت احسنلك تعمل كتاب عن نفسك عشان تضم الاجزاء كلها مع بعض

ايه يا طمطم طيب وليه التقطيم والتريقه دى
انا اسمى عمر البرديسى مش عباس محمود العقاد

[ج‘ـنـآأإتًٍَِ]

ههههههههههههههههههههههههه هههههههههههههههههه

فعلاا قصه حلوة اوى ياريت تكمل الجزء الرابع عاوزة اعرف ازاى هتاخد بتارك يا صعيدى ....

[omaro]

ههههههههههههههههههههههههه هههههههههههههههههه

فعلاا قصه حلوة اوى ياريت تكمل الجزء الرابع عاوزة اعرف ازاى هتاخد بتارك يا صعيدى ....

تعرفى يا جنات انا خليته يزحف زحف
يكفيه مشى من القاهره لأسوان
دا غير البلاوى التانية
مشكورة على مرورك يا جنات

[عفريت أفندى]

فكرتنى بمسرحية محمد صبحى

و هو بيقول للقزم هاضربك !

القزم يرد و يقول ما تقدرش

هههههههههه

بس إنت اللى جيبته لنفسك

واحد بيلعب ملاكمه و اسمه الحيطه

هيكون إيه يعنى؟؟

أكيد جته و جسم يسد عين الشمس

معلشى بئه إنت دخلت ف حارة سد



كمل يا عمر

يا عمر كمل

[omaro]

فكرتنى بمسرحية محمد صبحى

و هو بيقول للقزم هاضربك !

القزم يرد و يقول ما تقدرش

هههههههههه

بس إنت اللى جيبته لنفسك

واحد بيلعب ملاكمه و اسمه الحيطه

هيكون إيه يعنى؟؟

أكيد جته و جسم يسد عين الشمس

معلشى بئه إنت دخلت ف حارة سد



كمل يا عمر

يا عمر كمل

عاش من شافك يا دكتره
انت فين
عموما انا كنت مفكر نفسى محمد على كلاى ولا مالك تايسون
بس فى الاخر عرفت ان الله حق
اصل الواد كان غبى وحمار قوى
دا مكنش بيلعب
حسسنى انى مموت ابوه وهو بياخد بتاره منى
الواد كان بيضرب بغل وغباء
شكله كان عامل حسابه للى هعمله فيه بعدين
شكرا يا دكتره ومرورك بيفرحنى

[♥بـونـبـونـايـه سـكـره♥]

ههههههههههههههههههههههههه ههههه
توبيك كامد مووووووووووووت وربناااااااااا
دمت متألق بكد