استحملي (ولا مش قادرة ) قصيدة لأشرف توفيق

[thesniper_12007]

استحمِلي
..جايْ لِك مع الفجر اللي راجِعْ مهما موج بحرِك عِلِي
..لا يهمّني.. بُعد السَفَر
..ولا حتى سُورِك والغَفَر
..ولا خندق اليأس اللي بإْيدِيكي اتحفَر
..هَانْدَهْ واقول لِك: يا حبيبتي
..أسمع غُناكي وتنزلي
..استحمِلي
..فاضِل مَفِيش
..وعشان نعيش
..لازم يصبّرنا الأمل
..وماتسأليش إيه اللي ممكن يتعمل
!!دا البدر عايش في السما بْيصبُر لحدّ ما يكتمَل
الحلم قرَّب.. قرَّبي
مدِّي إيديكي وْجرَّبي
..وماتِيْئَسِيشْ مِ الحبّ.. لمّا بيتولد ويعيش عفيف
..واطَّمِّني.. أنا مش ضعيف
..ومانيش جبان
..لكن بابان طيِّب قوي
..وباحبّ اكون ابسط من الناس كلها
..لكنْ فى نفسى باكون قَوِى
لا الدنيا تكسر قلبي يوم
..ولا حدّ فيها يهزِّني
..طبع السنابل يا حبيبتي يشدِّني
لو فاضيه... ترفع راسها فوق
!!لو فيها حَبّ... بتِنحِني
..استحمِلي
..أنا وانتي ورده فْ أحلى جنّه عبيرها واصِل للسَما
..لو يوم قَسَمْتِى الورده... لازم كل نصّ هيترمَى
..دا انا قلبي فوق كفِّك نَمَا
زهَّر.. وكل زهوره قاعدالِك تغنِّي
ازَّاي تعيشي فْ لحظه وانتي بعيده عنِّي؟
..طبْ جرَّبي
..انسيني يوم
..وقولي لي بس ازَّاي هتنسي وهتعيشيه
ازَّاي يعيش قلبك ثواني ماكُونش فيه؟
ازَّاي تقومي الصبح مابْقَاشْ حلم عايش بتشوفِيه؟
..ازَّاي عينيكي تشوف بشر
!مايكونش وشِّي فْ أيّ واحد تلمَحُه؟
أنا ننّ عينك.. يبقى بسّ ازَّاي عيونك يجرحُوا؟
ازَّاي تغنِّي وتلعبي
وف قلبي عُودِك.. ملعبك؟
ازَّاي تذاكري.. ماتنحتيش إسمي فْ قلوب على مكتبِك؟
ازَّاي هتمشي ماتحلميش
إنك تقابليني في أقربْ مُنحنَى؟
ازَّاي تنامي وْتحلمِي بْفارس يجيلِك عَ الحصان
َ!وماكُونش انا؟
وان يوم قِدِرتي على الفراق.. هتكمِّلي؟
..استحمِلي
..دمعِك كِتِر
..حتى امّا اشوف ضحكِك.. بتنزل دمعه تايهه بتعتذِر
..دمعِك طريقي للكسَل
دا انا لما اشوف دمعه فْ عيونِك
..نسْج قلبي بيتنَسَل
..وبيتغسَل
!!من دمع عينِك... والخجَل
..ضحكه فْ عيونك... أبتدي بيها اللي جيّ
..بسمة شفايفِك... قلبي يفضَل بيها حيّ
..خليكي جنبي.. نخلِّي كلّ الدنيا ضيّ
..واستحمِلِي
لكِنْ
..يا نبْض النبْض فيَّه.. وْحِلم عمري وْفرحتُه
..لو يوم رماكِي اليأس في إْيدين الملَل
..ونَدَه خلاص قلبِك عليكي بْدون أمَل
..هاتي الرسايل.. والهدايا.. والصوَر
..بصّي بْخيالِك عَ اللي فات.. والذكريات
..افتِكْري ضحكةْ قلبنا فْ يوم اللُّقا
..افتِكري دمعة قلبنا فْ يوم الشّقَا
..افتِكري كلّ شريط حياتنا وحبِّنا
!!وانسِيه بقَى
..انسِي حبيب ضيَّعْتِي قلبه بْدون سبَبْ
..كان كلّ ذنبُه
..إنُّه قال لِك لمّا شافْ قلبِك تِعِبْ
..استحمِلي"
..جاي لِك معَ الفجر اللي راجِعْ
... "مهما مُوج بحرِك عِلِي

[thesniper_12007]

ودي برضه جامده

[دره]

الله الله الله
جميله جدا يا اكرام
تسلم على النقل الممتاز

[ابو تريكه]

..وماتسأليش إيه اللي ممكن يتعمل
!!دا البدر عايش في السما بْيصبُر لحدّ ما يكتمَل
الحلم قرَّب.. قرَّبي
مدِّي إيديكي وْجرَّبي
..وماتِيْئَسِيشْ مِ الحبّ.. لمّا بيتولد ويعيش عفيف
..واطَّمِّني.. أنا مش ضعيف
..ومانيش جبان
..لكن بابان طيِّب قوي
..وباحبّ اكون ابسط من الناس كلها
..لكنْ فى نفسى باكون قَوِى

جامده مووووووت

[thesniper_12007]

الله الله الله
جميله جدا يا اكرام
تسلم على النقل الممتاز

أشكرك على اهتمامك يا اسماء
وعلى مروركالطيب الكريم
أشكرك على مرورك الطيب الكريم
تقبلي تحياتي
لك خالص ودي وتقديري واحترامي

[thesniper_12007]

..وماتسأليش إيه اللي ممكن يتعمل
!!دا البدر عايش في السما بْيصبُر لحدّ ما يكتمَل
الحلم قرَّب.. قرَّبي
مدِّي إيديكي وْجرَّبي
..وماتِيْئَسِيشْ مِ الحبّ.. لمّا بيتولد ويعيش عفيف
..واطَّمِّني.. أنا مش ضعيف
..ومانيش جبان
..لكن بابان طيِّب قوي
..وباحبّ اكون ابسط من الناس كلها
..لكنْ فى نفسى باكون قَوِى

جامده مووووووت

أشكرك يا ابو تريكه على تعليقك الجميل أشكرك على مرورك الطيب الكريم
تقبل تحياتي
لك خالص ودي وتقديري واحترامي

[هشام اللول1]

.استحمِلي
..فاضِل مَفِيش
..وعشان نعيش
..لازم يصبّرنا الأمل
..استحمِلي"
..جاي لِك معَ الفجر اللي راجِعْ
... "مهما مُوج بحرِك عِلِي

بجد كلمات في قمه الجمال
تسلم اكرام علي الاختيار
بارك الله فيك وحفظك ورعاك

[اميره بلا وطن]

طيب تعالى وقولّى مين فينا السبب
قولى وهقولك كلمتين فيهم عجب
انا كنت عارفه انك حبيبى ودنيتى
لكن رفضت بين قلبى وبينك نسب
وفارقت فكرى هعيش بدونك للأبد
وهموّت الحب اللى من أول ماشافك إتولد
ونويت اصوم للقدر من أول رجب
وادعى ف صلاتى القلب ينسى اللى اتكتب
وانا برضو هنسى اللى اتكتب

[اميره بلا وطن]

طيب تعالى وقولّى مين فينا السبب
قولى وهقولك كلمتين فيهم عجب
انا كنت عارفه انك حبيبى ودنيتى
لكن رفضت بين قلبى وبينك نسب
وفارقت فكرى هعيش بدونك للأبد
وهموّت الحب اللى من أول ماشافك إتولد
ونويت اصوم للقدر من أول رجب
وادعى ف صلاتى القلب ينسى اللى اتكتب
وانا برضو هنسى اللى اتكتب

[thesniper_12007]

.استحمِلي
..فاضِل مَفِيش
..وعشان نعيش
..لازم يصبّرنا الأمل
..استحمِلي"
..جاي لِك معَ الفجر اللي راجِعْ
... "مهما مُوج بحرِك عِلِي

بجد كلمات في قمه الجمال
تسلم اكرام علي الاختيار
بارك الله فيك وحفظك ورعاك

نورت صفحتي يا لول بتعليقك الجميل أشكرك على مرورك الطيب الكريم
تقبل تحياتي
لك مني كل الحب والتقدير والإحترام