الظروف بتحكم ساعات

[هبه اتش]

مش عارفه ده منطق سليم ولا ده استهبال؟؟
البنات معظمهم بيقولوا الكلمه دي
لما تلاقي واحده بتحب المدرس بتاعها وبتكلمه في الموبايل بالليل
ولما تيجي تسألها تقولك الظروف بتحكم
ظروف ايه طيب؟؟؟
-اصل هو اتحايل عليا وانا خوفت احرجه
-اصلي خوفت اقوله لاء يسقتني في الماده بتاعته
-اصلي محتاجه اعدي السنه دي وكان لازم اعمل كده

انا شايفه ان الغلط الاكبر في الموضوع ده بيقع على المدرس لان هو الاكبر والاكثر نضجاً
والله الموضوع ده مضايقني بطريقه وحشه اوي
لان معظم البنات معايا بيعملوه والمشكله ان المدرسين بيكذبوا عليهم
يعني ممكن نقول لو هو بيحبها بجد وقريب من سنها ماشي
لكن يضحك على عقلها ده اللي عيب بجد
انتوا ايه رأيكم؟؟؟؟؟؟؟

[thesniper_12007]

اسمعي عمك الشربيني قال ايه ع المدرسين تقبلي مروري
( قم للمعلم وفه التبجيلا..
كاد المعلم أن يكون رسولا )
البيت دا شوقى فى يوم قاله
ع المعلم فى شخص رجاله
قصده المعلم بجلاله
لازم يكون له شأن عظيم
*************
سألونى رأيى وشعورى
أنا قلت طبعا وضرورى
فيه كلمه واقفالى فى زورى
محتاج اقولها عن التعليم
*************
أنا عندى واد فى الاعدادى
آل إيه داشطر أولادى
واحلف بتربة اجدادى
اسمه لحد اللحظادى
مايكتبه ولا مره سليم
**************
فى مره امه بتكبر
بتقوللى ابنك يتبخر
دى شهادته حلوه وبتنور
أنا قلت:طيب قولى ياكريم
***************
بصيت لقيت اللى مدور
خمس دواير بالاحمر
أنا شفت بعيونى المنظر
وقلت انت ياربى عليم
****************
إيه بس أعمل يااخواتى
بعد الدروس الخصوصيه
عربى انجليزى وجغرافيا
حتى الرياضه البدنيه
وماعدش حيلتى ولا مليم

***************
وياميت خساره ياأميرنا
السوس بينخر ضمايرنا
ياشوقى بيه اصحى وجيرنا
شوف المعلم والتعليم
**************
تعليمنا أصبح شيئ موضه
فى شقه فيها كام أوضه
فتح المعلم سوق سوده
وكتبنا اسمهبفتح الميم
احمد الشربينى

[ابو احمد رزق]

والله ان الامر خطير
كاد العقل منه يطير
أعاد الله الينا ضمير
يوقظ بداخلنا الخير
أختي هبة
حتما هو خطأ مشترك
وان كان المعلم ينال منه
القسط الاكبر من لوم ووقفة جد
فان البنت لها 100 وقفة ووقفة
لا بد ان تحافظ البنت علي كرامتها وحيائها في الوسط التي تعيشه
مهما كان الاغراء
مهما كانت المخاوف
فقد غاب الوعي الديني عن كليهما
فالمدرس التي هو بمقدار الاب في المدرسة
يغازل ويداعب بنت في أوج شبابها
فينال منها كلمه او ابتسامه
وربما أكثر
والمسكينه تقع في لحظات نشوة
وتشعر بأنها مرغوبة لدي الرجال
وتجاريه في مهاتراته
غياب اخلاقي وديني
عافاكم الله جميعا
وحفظ لنا ديننا
وردنا الي السلوك القويم

[هبه اتش]

مرور طيب يااكرم بس بردوا ماسمعتش ردك في الموضوع كل اللي انت قولته عن التعليم

[هبه اتش]

مرور طيب ياابو احمد
وعندك حق في كل كلمه ويارب الحال يتعدل

[aeme3100]

الظروف اكتر كلمه سببتلى مشاكل فى حياتى اول متتقال قدامى شكرا اللى بيتكلم كدااااب

[سعيد الفيشاوى]

موضوع مهم جدا
ومشكله كبيره فعلا
ومش هلاقى كلام اقوله
اكتر من اللى قاله
اخى الفاضل ابو احمد

[مونه]

يعنى بجد أبوأحمد قال الكلام
المختصر المفيد كله
وبجد البنت لازم تعمل لنفسها
كرامة شويه أكتر من كده
بارك الله فيك أختى هبه
وجزاكى الله خيراً

[thesniper_12007]

أختي هبة
موضوع الواحد يستحييي من الكلام فيه كيف وهم رمز العلم في البلد الذي يشع حضارة منذ 7000 سنه ويتردى مظهرة بهذه الطريقة المشينةوالمخلةبالسلوك الإنساني
طبعا البنت عليها العبئ الأكبر في هذا الموضوع لأنها هي الهدف والفريسه فلو أرادت البنت فعلت والعكس صحيح الرجل في هذه الحالة أحيانا يكون كائن ضعيف أمام طلبات البنت الملحة وبعدين هو مش خسران حاجه لأنه لو كان إبن ناس يبقى مافيش حاجه ح تمس كرامته ولو العكس فكدا كدا مش فارق معاه يعني لو كان هو بتاع بنات بيتباهى انه بيعرف بنات ولما بتقوليلو انت بتعرف فلانه وكأنك بتنسبي له النجاح
طبعا الموضوع من أساسه نقص من الطرفين بس البنت عليها العبئ الأكبر بل والأسرة هي السبب في ذلك لان اللي بيزرع خير أكيد بيلاقي خير واللي بيزرع شر أكيد بيلاقي بنته قليلة أدب
معلهش طولت عليكي

[هبه اتش]

الظروف اكتر كلمه سببتلى مشاكل فى حياتى اول متتقال قدامى شكرا اللى بيتكلم كدااااب

مفهمتش قصدك
عموماً شكراً لمرورك اللي مش مفهوم