قول رأيك فى الاداره ( قول رأيك فى اداره منتدانا بصراحه شديده ... ومن حقك الانتقاد )

[ED GIEN]

عارف يا حازم انا داخله وعلى يقين انه موضوعك والله لان واضح بجد انك دمك حامى وعندك ضمير
وبالنسبه للعضو اللى عايز الحرق وعمل اللى عمله وحسبى الله ونعم الوكيل فيه الغلط اولا عليه هو لان فعلا هو رقيب نفسه
وانا شفت موضوعك وشفت تجوله بقازوراته وقمت ببعث رساله للاداره وفى خلال حوالى ربع ساعه كان كل اللى عمله اتحزف
وعادى اى حد بيسهو وميمنعش ان هما قامو باللى مفروض يتعمل لما عرفو فى ساعتها
وعموما الغلط عند الاداره لمات يبقو شايفين وساكتين بس مدام حزفو اللى اتعمل منه خلاص
ونهائيا الغلط فى العضو والاداره عند تعمد الاهمال
ونهائيا اسفه للاطاله
دمت بود سعاده وراحه بال

ربنا يخليكى يا اسماء وده واجبى
انا صعقت والله اول ما شوفت اللى شوفته ده

وبقيت ابعت للاداره

واعمل تقرير لكل مشاركه سيئه

والحمد لله .......

بس انا استغربت ان مفيش حد من الشباب اتكلم ولا حاجه


واجبى قبل ما يكون نحيه المنتدى

ده واجبى نحيه كل بنت محبهاش تشوف كده

وواجبى نحيه المنتدى اللى انا بحبه وعاوزه يكون احسن
مش شرط اكون مشرف .....

وواجبى نحيه نفسى ..... لما اتسأل امام ربنا على اللى حصل

حتى ولو كان مليش يد فيه .....


ومشكوره على المرور الكريم

[ED GIEN]

السلام عليكم
انا طبعا بغيب عن المنتدي طول الدراسه ومش بعرف اي اخبار عنه غيرفي الاجازه
بس انا السنه دي شايفه ان المنتدي ماشي الحمد لله باقدام ثابته علي نفس منهاج السنوات الماضيه ويارب يستمر علي كدا علي طول
بس انا في رأيي المتواضع ان فيه بعض موضوعات وخصوصا في ركن خمسه فرفشه مش ليها اي لزوووووووووووم خالص مش للفرفشه اطلاقا
ودا رايي وارجوا انكم تتقبلوه

حضرتك شايفه كده ..... ده حقك ومن حقك تقولى رأيك بصراحه

عشان كده دى دعوه لكل الاعضاء يخشو

يقولو ايه هيا الميزات والعيوب ..... ويقولو رأيهم بصراحه

ومشكوره على مرورك


واشكر كل اللى شاركو

وعقبال الباقى

ووجه نظر محترمه جدا

وزى ما قولت وحقول

الاختلاف فى الرأى لا يفسد الرز فى الملوخيه

[Innocent]

اولا ثانكس بجد على التوبك لانه فعلا مهم
ثانيا بقى انا ماعرفش حاجه عن الموضوع الى انتو بتتكلمو فيه بس فى حاجات كتير اوووووووى مش عجبانى من اول مادخلت المنتدى ومنها
ان بيبقى فى كتير اوووووووى توبيكات متكرره بشكل غريب
وكمان التوبيكات بتنزل كتير جدا المفروض مثلا يبقى فى نظام ان العضو ماينزلش اكتر من توبكين فى القسم
وكمان مافيش وسيله لتواصل الاعضاء ببعضها
والمشاركات قليله بالنسبه لعدد الاعضاء
بس كفايه كده
وثانكس

[ED GIEN]

بصراحه عندك حق فى كل كلمه قولتيها

اما بقا بالنسبه لعدد المواضيع مش متناسبه مع عدد الاعضاء

ده اكيد بس فى اعضاء كتير داخلين يردو ويلمو فى مشاركات وخلاص

وحبه وتلاقيهم لمو نجوم واترقو

وطبعا عاوزين يكونو مشرفين



ومشكوره على مرورك

[ميره]

اولا بشكرك على موضوعك الجرئ ده ودمك الحر الحامى
انك متخاليش بنت تشوف الموضوع الموقزيز الى نزل
من مش انسان اصلا ده حاجه الواحد مش عارف يقولها
ثانيا المفروض ان الاداره مع كل عضو جديد يكون فى رقابه
وفعلان على مدكور مش بيرد على اى موضوع وبيشجع
اى حد على اى حاجه ومش بنشوفه غير لما بيقفل موضوع
بجد وعلى فكره فى ناس كتير قالت رئيها فى الاداره وبيتوقف
عضويتها واكيد فى ناس خبفه تقول رائيهابجد وكمان ان لزم يتحدد
لكل عضو من موضوعين الى ثلاث موضوعات فى القسم الواحد
عشان نعمل تنشيط للاقسام الاخره مش نركز فى ركن واحد بس
او اتنين لزم نعمل فى كل الاقسام انا بئالى اسبوع طلبه من المنتدا
رد على موضوع انى انزله ولا لاء لحد دلوقتى محدش رد عليه ولا اى
حاجه خالص عشان كده تفاعل فى المنتدا قل عن الاول مش شيفه
اهتمام ولا اى حاجه خالص وردو تشجع على ان الواحد يكمل فى اى
حاجه برغم ان الواحد عيز يكون المنتدا ده احسن منتدا على مستوا
النت كل بس مفيش تشجيع وياريت الاداره تاخد بلها من كل حاجه فى
المنتدا وتحياتى ليك حازم على نشاطك فى المنتدا وموضوعاتك الجميله
ربنا يحميك يارب من كل شر ويعافيك يارب تحاتى ليك

[ED GIEN]

اولا بشكرك على موضوعك الجرئ ده ودمك الحر الحامى
انك متخاليش بنت تشوف الموضوع الموقزيز الى نزل
من مش انسان اصلا ده حاجه الواحد مش عارف يقولها
ثانيا المفروض ان الاداره مع كل عضو جديد يكون فى رقابه
وفعلان على مدكور مش بيرد على اى موضوع وبيشجع
اى حد على اى حاجه ومش بنشوفه غير لما بيقفل موضوع
بجد وعلى فكره فى ناس كتير قالت رئيها فى الاداره وبيتوقف
عضويتها واكيد فى ناس خبفه تقول رائيهابجد وكمان ان لزم يتحدد
لكل عضو من موضوعين الى ثلاث موضوعات فى القسم الواحد
عشان نعمل تنشيط للاقسام الاخره مش نركز فى ركن واحد بس
او اتنين لزم نعمل فى كل الاقسام انا بئالى اسبوع طلبه من المنتدا
رد على موضوع انى انزله ولا لاء لحد دلوقتى محدش رد عليه ولا اى
حاجه خالص عشان كده تفاعل فى المنتدا قل عن الاول مش شيفه
اهتمام ولا اى حاجه خالص وردو تشجع على ان الواحد يكمل فى اى
حاجه برغم ان الواحد عيز يكون المنتدا ده احسن منتدا على مستوا
النت كل بس مفيش تشجيع وياريت الاداره تاخد بلها من كل حاجه فى
المنتدا وتحياتى ليك حازم على نشاطك فى المنتدا وموضوعاتك الجميله
ربنا يحميك يارب من كل شر ويعافيك يارب تحاتى ليك

اول شئ نورتى الموضوع بمشاركتك

وبعدين الواحد حيخاف من ايه انا مبقولش حاجه غلط

بالعكس انا عملت شئ كويس

مش حخاف بقا ان عضويتى تتوقف ولا لا

انا بقول كلمه حق والباقى على ربنا


انا ماشى بمبدأ :::

العمر واحد والرب واحد يبقى حنخاف من ايه

نورتى الموضوع

[ED GIEN]

ههههههههههههههههههه

أيه يا جماعه ......... احنا بنقول رأينا فى كل حاجه

اشمعنا دى ؟؟؟؟

انا حاسس انكم خايفين تتكلمو بصراحه والله

على العموم انا قولت دى دعوه للنقاش

مش بس بين الاعضاء

لا دى بين الاعضاء والمشرفين ورئيس المنتدى

ومن حق كل واحد يقول رأيه

من غير ما يغلط فى حد ولا يهين حد

وبشكر كل عضو دخل وقال رأيه بصراحه

[mody00]

ايه يا حج هو الموضوع كبير ولا ايه

[ED GIEN]

يا حج خش قول رأيك

الموضوع زى ما انت شفته وقريته

لا حول ولا قوه الا بالله

[علي مدكور]

هههههههههههههههههههه
اية يا عم انت هتخوف الناس كده وانت قاعد

الحمد لله انا من النوع اللى بقبل النقد ... بس اكيد بحدود ... يعني في حاجة اسمها نقد وفي تعدي لحدود فى الكلام وده اللى مش بسمح بيه ...

بالنسبة لكسر القوانين :

القوانين دي الإدارة عملاها والمفروض ان الاعضاء تلتزم بيها ..
اكيد اعضاء مش هتلتزم بيها وده مش زنب الإدارة
بس بيكون الحل ان الاعضاء دي تتوقف او المواضيع المخالفه تتشال

بالنسبة للمشاركة اللى انت بتقول عليها
فأنا مش كمبيوتر
يعني مش مجرد ما مشاركة زي كده هتتعمل هشوفها وهشيلها فى اقل من 5 دقائق ...

الحمد لله انا متواجد اغلب الاوقات
ومعظم المشاركات المخالفه بشيلها
ده غير التطوير و و و وو وو و ووو


اما بالنسبة لـرد ميره ...

انا عُمري ما وقفت عضو انتقدني وزي ما قولت من الأول بقبل النقد بس مش بحب حد يتعدي حدوده
وبقبل النقد البناء .. مش واحد ييجي يحبطني وداخل بمبدأ خالف تعرف بس مش اكتر
وفي حاجات فى الإدارة مش بحب حد يتدخل فيها ...