الحمد لله رغم كل شئ

[هبه اتش]

انا بقول الحمد لله على كل شئ
رغم اني كنت بذاكر بجد ودعيت كتير ان ربنا ينجحني من الدور الاول
بس النصيب وحكم ربنا فوق كل شئ
انا مانجحتش
بس عندي دور تاني وانشاء الله تكون ماده واحده وانجح فيها وادخل كليه الهندسه بس انتوا ادعولي من قلبكم
يمكن ربنا يسجاب لدعاكم ليا

سامحوني لو زعلتكم او شيلتكم همي
بس انتوا اول ناس حسيت اني محتاجه اتكلم معاهم واحكيلهم على اللي حصل

[هبه اتش]

حتى انتوا؟؟؟
هو مفيش حد بيواسي حد في الزمن ده؟؟؟؟؟

[مونه]

ليه كده ياهبه كلنا معاك ياقمر
وإنتى قولتيها الحمد لله على كل شىء
وإن شاء الله هاتبقى ماده واحده
وهاتنجحى فيها وتدخلى كليه الهندسه
وتبقى أعظم مهندسه كمان يارب
ربنا معاك ويوفقك وينجحك يارب
(قدر الله وماشاء فعل)

دمتى بخير وراحه بال وسعاده دائمه

[A7med elsayed]

قال رسول الله صلى الله عليه وسلم عجبا لأمر المؤمن إن أمره كله له خير وليس ذلك لأحد إلا للمؤمن إن أصابته سراء شكر فكان خيرا له وإن أصابته ضراء صبر فكان خيراً له..

إوعى تزعلى على حاجه فى الدنيا دى خالص
بس صدقينى فى حاجات بتغير مجرى حياة الانسان
ممكن تدخلى هندسه زى ما انتى عايزه بس ممكن تقابلى حد فى هندسه يخليكى اتعس واحده فى الدنيا
وممكن تدخلى اى كليه تانيه وتقابلى حد او تحصل حاجه مكنتش هتحصل الا لو طريقك كان هنا وتخليكى اسعد بنت فى الدنيا

انتى إعملى اللى عليكى وتيجى زى ما تيجى وكل حاجه خير
معلش طولت عليكى
تقبلى مرورى

[هبه اتش]

ميرسي للطيبه الجميله دي
انا الحمد لله دلوقتي في كليه هندسه
ادعولي بقى ربنا يهديني ويقويني اني اكمل فيها احسن دي صعبه اوي

[الحريه]

ربنا يهديكى ويقويكى يارب

وتخرجى منها بالسلامه هههههه

ربنا يوفئك يا هبة

[thesniper_12007]

ربنا يهديكي ويقويكي بس انتي لازم تذاكري وتشدي حيلك وتكوني أد المسئولية هو مافيش حاجه صعبه مع المذاكرة ولكن ضعي نصب عينيك
to be or not to beأكون أو لا أكون وإن شاء الله هتكوني مهندسه ناجحه بس لازم تتخلي عن أي شيئ يغضب ربنا وإن شاء الله تعالى هيكون جنبك باستمرار
تقبلي تحياتي
لك خالص ودي وتقديري واحترامي

[هبه اتش]

ربنا يهديكي ويقويكي بس انتي لازم تذاكري وتشدي حيلك وتكوني أد المسئولية هو مافيش حاجه صعبه مع المذاكرة ولكن ضعي نصب عينيك
to be or not to beأكون أو لا أكون وإن شاء الله هتكوني مهندسه ناجحه بس لازم تتخلي عن أي شيئ يغضب ربنا وإن شاء الله تعالى هيكون جنبك باستمرار
تقبلي تحياتي
لك خالص ودي وتقديري واحترامي

والله بجد ربنا يخليك ياجميل
انا عارفه والله اني لازم اذاكر بس مش عارفه كل مابفتح كتاب بتغم واقفله
مش حاسه اني لسه حبيت الدراسه

[هبه اتش]

ربنا يهديكى ويقويكى يارب

وتخرجى منها بالسلامه هههههه

ربنا يوفئك يا هبة

ربنا يكرمك ياقمر
انتو بس ادعولي ربنا يهديني احسن شكلي هاريح السنه دي

[thesniper_12007]

والله بجد ربنا يخليك ياجميل
انا عارفه والله اني لازم اذاكر بس مش عارفه كل مابفتح كتاب بتغم واقفله
مش حاسه اني لسه حبيت الدراسه

ابدأي المذاكرة بذكر الله وقراءة القرآن وإن شاء الله ربنا يجعل لك كل شيئ سهل
فيه حكمه بتقول
من الصعب الإستمرار على الطريق المستقيم
ولكن الأصعب خلق ذلك الإستمرار
فديما البدايه صعبه ولو فكرتي فيها بعقلك هتبدأي النهارده أو بكرة أو بعد شهر أو بعد سنه كدا كدا هتبدأي يبقى البدايه بدري أحسن
ربنا يوفقك
تقبلي تحياتي
أخوك في الله إكرام مجاور