قصيدة عن مكر الستات تموت من الضحك للشاعر أبي سمعوني ردودكم
مكر الستات
ياللي بلغت الشباب ونويت تحب حريم
إسألني عنهم دا انا بيهم خبير وعليم
الآية قالت عليه كيدهن عظيم
معناها صنف النسا خاين الهش أمان
الواحدة منهم تحبك تبقى تجري وراك
وان كان سكنه الهرم في القلعة تستناك
وتقول بحبك بشدة وقلبي داب في هوالك
وكل يوم تشتكي م البعد والحرمان
إن غبت عنها يومين خد منها ميت تليفون
يظهرلك إن غرامها ليك غرام بجنون
واحسن حكاية حداها قصة المأذون
وازاي نجيب الدبل ونفصل الفستان
تفضل تقولك بحبك حب من قلبي
ما اقدرش افارقك عايزالك تكون جنبي
لو بس حبك يوازي العشر من حبي
ماتنامش ليلك وتشوف العذاب ألوان
جوزين كلام من كلامها يدهنوا البلاص
وتقول دي دابت في حب وانتهينا خلاص
قلبك يميل بالقوي وتحبها بإخلاص
وتلاقي نفسك في دوامة وبحر ملان
عرفت بمكر ودهى ترميلك السنار
شبكت به قلبك وقادت فيه حرقة نار
وتشوفك إنك بقيت مطوي مع التيار
تنسى اللي قالته وتتلوى ولا التعبان
تبدأ تسوق في الدلال والتقل صنعتهم
تمنع تقابلك ودي أفكار بتاعتهم
دي الجنة شوف وسعها ملّت مساعتهم
إزاي ح تقدر عليهم إنت يا غلبان
تطلبها عشان تقابلك لأ مانيش فاضية
عارفه إن سكينها صبحت ع البعيد ماضيه
فاهمة إن عدم المقابله ضربة ليه قاضية
بتخلي عقلك يطير وتشعلل النيران
وبعد أسبوع تقابلك ربع ساعة وبس
وتقولك وحق الغلاوة جاية دس ف دس
لو كان أخويا لمحني ولا بيا حس
كان لمّ عيلتي وكانوا اتفرجوا السكان
يثبت كلامها إن البنت من عيله
ومش ح تقدر تقابلك بعد دي الليلة
فضلت وراك بالخداع والمكر والحيلة
لما وقعت في غرامها واللي كان أهو كان
وتقول دا واحد مدير شركة جاي يطلبني
ورفضته عشانك انت وربي يحاسبني
عجّل بسرعة وتعالى لبابا واخطبني
علشان نلم الشمل والعيشة تبقى أمان
تضطر تاخد لابوها ناس وتتورط
وهو يقعد على الكنبة ويتشرط
ويدوس عليك بالقوى يشد ويربط
دول جوم لبنتي خمستاشر من الأعيان
الشبكة تيجي وتتدبر في باقي المهر
بعديها كتب الكتاب والدخلة في نفس الشهر
وخلاص بقيت في العسل وتقول صفالي الدهر
وبعد شهر العسل كل المخبي يبان
من بعد شهر العسل يتغير الإسلوب
وتلاقي نفسك في دربكة وحال مقلوب
وان يوم لسانك غلط أهو هوّا دا المطلوب
تعمل لك خناقة وتبرز لك بألف لسان
تقوم م النوم لشغلك والمدام نايمه
وإن قلت قومي تقول لأ مانيش قايمه
عايزه تخانق وبايته للخناق هايمه
وانت تخاف م الفضيحة ولمة الجيران
تحمل كلامه وتقول الصعيب بيهون
عشان أنا لسه طالع م الجواز مديون
لحسن تزيد الحكاية وصنفهم مجنون
تاخد حاجتها وتترك لي المكان خربان
تبقى انت في الشغل والهانم بتتفسح
عارفه ميعادك تشبع لف وتروّح
تسيب سريرها وفوق الأرض تتلقح
وتروح تقول دا جسمى م الشقا همدان
في أول الشهر تاخد منك المصروف
وتلف شيكوريل شملا مع معروف
جميع محلات فؤاد سليمان شريف بتطوف
مايهمهاش إن فوق راسك متين ديان
ترجع م الشغل تلقى البهجة محطوطه
فستان وجزمة وقميص للنوم وكام فوطه
ودي حته تنفع جونيلا من حدا طوطه
ودا جوز شراب ليك ولكن في الحقيقه جنان
وإن قلت ليه كل دا ماكانش له لزمه
وانتي عارفه إننا طالعين من أزمة
تثور في وشك وتضرب روحها كام جزمة
وتقعد تعيط وتنعي بختها الندمان
محمد محمد مجاور
أنا لا أريدك أن تبكي
ولا أريد عيناك تصافحان أمامي البكاء
فأنا
وإن مات فيك الهوى
لا أريد أن يموت فيك الكبرياء
البحث على جميع مواضيع العضو thesniper_12007
مشرفه ركن ابدعات اعضاء مصراوي كافيه
ياسلام ياسلام
بصراحه بصراحه
الخلاف فى الرأى لا يفسد للود قضيه
مش معنى انى مختلفه معاك على مهاجمه الستات انى اقول ان القصيده وحشه
لانها بجد بجد بجد جنااااااااااااااااااااااا اااااااااان
حلوه جدااااااااااااااااااا
ويظهر انك من عيله فنيه
وعشان كده بتحب الشعر
وتحيه جامده جدا للى كتبها ان كان زى مابتقول والدك
بس هل لو هو والدك والدتك سمعت الكلام ده ولا ايه النظام؟
لا بجد والله حلوه جداااا
بس ده مايمنعش انى هرد عليك برضو
بس اصبر لما اكتب حاجه بقى بكره بأمر الله
ربنا يقدرنى
عضوه مميزه
لا القصيده وحشه وحشه وحشه
انت شكلك كده يا اكرام من بتوع جمعية يا رجال العالم اتحدو
بس ان شاء الله هنفركش الجمعيه دى وهنشردكمزى ما القصيده شردتنا بس
اميرة فعلا والله انا والدي هو اللي كاتب القصيدة أنا والدي كان واخد مركز تاني على مستوى الجمهورية في سنه 75 لقصيدة من وحي الثورة وكاتب حاجات كتير دي حاجات منها والحمد لله كلنا بنكتب شعر ما عدا اخي الأصغر ولكن كلنا بنحب الشعر وبعدين لما الست تعرف ان زوجها فنان وبيقدر يخلق جمال من حجر حتى لو الكلام عليها أكيد برضه بتكون مبسوطه وعلى فكرة ما تفكريش اني باجر واطي لا بالعكس انا عندي قصايد تدوخ الستات كلها والمناظرة شغالة بس صدقيني والله حاسس اني وسط أهلي بوجودكم معايا يا أخواتي البناتالمشاركة الأصلية كتبت بواسطة اميره بلا وطن
ياسلام ياسلام
بصراحه بصراحه
الخلاف فى الرأى لا يفسد للود قضيه
مش معنى انى مختلفه معاك على مهاجمه الستات انى اقول ان القصيده وحشه
لانها بجد بجد بجد جنااااااااااااااااااااااا اااااااااان
حلوه جدااااااااااااااااااا
ويظهر انك من عيله فنيه
وعشان كده بتحب الشعر
وتحيه جامده جدا للى كتبها ان كان زى مابتقول والدك
بس هل لو هو والدك والدتك سمعت الكلام ده ولا ايه النظام؟
لا بجد والله حلوه جداااا
بس ده مايمنعش انى هرد عليك برضو
بس اصبر لما اكتب حاجه بقى بكره بأمر الله
ربنا يقدرنى
تقبلي خالص تحياتي
ولك خالص ودي وتقديري واحترامي
أنا لا أريدك أن تبكي
ولا أريد عيناك تصافحان أمامي البكاء
فأنا
وإن مات فيك الهوى
لا أريد أن يموت فيك الكبرياء
البحث على جميع مواضيع العضو thesniper_12007
عارفه يا حرية لو منواحده غيرك كنت قلت فعلا وحشه لاني عارف إحساسك أيه بالنسبالي (سم) هههههههههههههه وبعدين انا مش تبع جمعيات انا لوحدي جمعية وباعلن التحدي على الستات واللي يقدر يرد يقابلني وساعيتها كلامكم لا يحرك ساكن لديلا القصيده وحشه وحشه وحشه
انت شكلك كده يا اكرام من بتوع جمعية يا رجال العالم اتحدو
بس ان شاء الله هنفركش الجمعيه دى وهنشردكم
هههههههههههههههههه
عارف انك متغاظه ههههههههههههههههههههههههه هه
تقبلي تحياتي
لك خالص ودي وتقديري واحترامي
أنا لا أريدك أن تبكي
ولا أريد عيناك تصافحان أمامي البكاء
فأنا
وإن مات فيك الهوى
لا أريد أن يموت فيك الكبرياء
البحث على جميع مواضيع العضو thesniper_12007
مشرفه ركن ابدعات اعضاء مصراوي كافيه
طيب يااكرام
المناظره شغاله
شكلك لسه ناوى على الشر
وهتدخل مع اميره فى تحدى
وربنا يستر عليك
بنصحك تغير رأيك
احنا لسه فيها
ها :D
نجم مصراوي
با أكرم ما تخفش وراك رجالة
ولا يهمك
ربنا معاك وأقبلني أكون معاك
طبعا المناظرة شغالة انتي فاكرة نفسك ايه اميرة دانتي حتى بلا وطن هههههههههههههههههههه ما زلت في التحدي بس اللي ما يهربش ويقول ياماما يا باباطيب يااكرام
المناظره شغاله
شكلك لسه ناوى على الشر
وهتدخل مع اميره فى تحدى
وربنا يستر عليك
بنصحك تغير رأيك
احنا لسه فيها
ها :D
ههههههههههههههه
تقبلي تحياتي
لك خالص ودي وتقديري واحترامي
ر
التعديل الأخير تم بواسطة thesniper_12007 ; 1 - 7 - 2010 الساعة 10:59 AM
أنا لا أريدك أن تبكي
ولا أريد عيناك تصافحان أمامي البكاء
فأنا
وإن مات فيك الهوى
لا أريد أن يموت فيك الكبرياء
البحث على جميع مواضيع العضو thesniper_12007
اخي فتى انت ما زلت فتى ولكن فتى الإسلام صغير سن كبير مقام خليك انت وانا قادر الستات كلها انا البطل هههههههههههههه لما احتاجلك اتركك تحاربهم وحدك لما انزل اجازه
علشان بس يتأكدوا إن راجل واحد بمنتدى ستات
هههههههههههههه
تقبل تحياتي
لك خالص ودي وتقديري واحترامي
أنا لا أريدك أن تبكي
ولا أريد عيناك تصافحان أمامي البكاء
فأنا
وإن مات فيك الهوى
لا أريد أن يموت فيك الكبرياء
البحث على جميع مواضيع العضو thesniper_12007
يسلم فمك عزيزي
والله كل كلامك صح
وااااااااااااااااه
من النسوان وغدرهم
ومية اااااااااااااااااااه
واسأل مجرب يا صديقي
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
