فى وشوش الناس
تشوف مليون احساس
ناس ماشيه بتحسبها
وناس ماشيه وخلاص

وده بيضحك
من قلبه
وده لربه بيشكى همه
وده فى لقمه عيشه محتاس

عجيبه الدنيا
والاعجب منها الناس

هتلاقى وشوش كتيره
مليانه فرحه
ووشوش كتيره
حتى تبتسم
مش قادره

عجيبه الدنيا
والاعجب منها الناس

انت يا الى ماشى حزين
وانت يالى دموعك نازله من العين
اضحك ابتسم
خلى الامل على وشك يترسم
ده الرزق من عند ربك بيجى
عليا وعليك بيتقسم
وعيش ماتحسبهاش

وانت يا اللى فرحان
احمد ربك وادعيه يفرحك كمان وكمان
ده من غير رحمه ربك
الدنيا مش هاتتعاش