مع حسنى مبارك مش هتقدر تغمض عينيك

[مريان]

السلام عليكم

مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم
أبليس : طب هات ودنك وخد الفكره دي .....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك
------------------------------
واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا
عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين
---------------------------
مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه سوفت و انت مبتعملش حاجه ؟
ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين
كل حاجه فى البلد ؟
4 - ليه مصر حالتها الاقتصاديه سوفت و انت مبتعملش حاجه ؟
5 - ليه جرس الراحه رن ربع ساعه بدرى ؟
6- فين رامى ؟؟؟؟؟؟
--------------------------------------
*كان فى سرير المرض حينما أخذ يلقى بوصاياه الأخيرة لوزيره نظيف :
- وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
(ثم راح فى غيبوبة .. أفاق منها بعد قليل )
- احمد
- نعم يا ريس؟
- ماتنساش .. توكيل الزلط لعلاء
--------------------------------------
ذهب نظيف عندما كان نائبا الى
نزهة فوجد تمثالا للجندي المجهول يققف ممسكاً
ببندقيته فاقترب منه وأخذ يتأمله، فقال له
التمثال: لقد تعبت من الوقوف فأحضر لي حصاناً
أركب عليه، فتعجب نظيف مما حدث ، وعندما عاد
أخبر مبارك بما جرى، فلم يصدقه ، وطلب
من نائبه أن يذهب سوياً للتحقق من الأمر
وعندما وصل نظيف ومبارك واقتربا من التمثال قال
التمثال لنظيف: لقد طلبت منك حصاناً وليس حماراً
-------------------------------------
* بيقولك جمال مبارك بعد الخطوبة ..أبوه حب
يضمنله مستقبله ..جابله عقد عمل فى السعودية ..وشغلوه برضه ابن رئيس جمهورية بالساعة.
---------------------------------------
* بيقولك فى عيد ميلاد حفيد حسنى مبارك ..كل وزير جابله هدية ..اللى جابله طيارة لعبة ..واللى جابله مسدس مية ..حبييب العادلى جابله تلات عربيات أمن مركزى وأربع مخبرين لعبة.
--------------------------------------
* اشتكى حسنى مبارك لحبيب العادلى إن "حمو النيل "ما بيخلهوش ينام ..بعد تلات تيام اتصل بيه حبيب العادلى وقاله تمام يا فندم قبضنا على كل اللى اسمهم حمو وجارى ردم النيل سعادتك.
----------------------------------
* سبب عدم غناء محمد ثروت فى الحفلات الوطنية إنه مرة غلط وغنى :الله أكبر فوق كيد المعتدى.
------------------------------
* حسنى مبارك ركب طياره هو وعيلته. طلع ورقه بمية جنيه من جيبه وقال انا حأرمى المية جنيه دى واللى حيأخدها حأسعده. سوزان قالت له طب ما تخليهم ورقتين بخمسين وتسعد إتنين. علاء قال طيب ماتخليهم خمس ورقات بعشرين وتسعد خمسه . جمال قال طيب ماتخليهم عشر ورقة بعشره جنيه وتسعد عشره. الطيار قال طيب ما ترمى نفسك وتسعد 75 مليون
-------------------------------
مرة واحد ركب تاكسي ولقي السواق معلق في العربية صور جمال عبد الناصر وانور السادات وحسني مبارك
الراجل استغرب سال السواق مين اللي انت معلقهم صورهم عندك
قالة دا جمال عبد الناصر الزعيم المصري الراحل
ودا انور السادات قائد حركة السلام والامن في البلد
ودا حسني مبارك أبو علاء شريكي في التاكسي
----------------------------------
مبارك ماشي في الصحرا شاف تمثال ، قال لحبيب العادلي شوفلي التمثال ده بتاع مين يا حبيب ، ربع ساعة رجعله حبيب العادلي و قاله : ده
رمسيس التاني يا فندم ، مبارك قاله : عرفت منين ، العادلي رد : اعترف يا فندم
---------------------------
بيقولك واحد تانى لقى الفانوس السحرى ده دعكه طلعله العفريت وقاله:شبيك لبيك تطلب أيه؟ قاله الراجل: أنا عايز كوبرى بين القاهره وأسوان العفريت قاله: دى صعبه قوى نقى
حاجه تانيه الراجل قاله:خلاص خلى حسنى مبارك يسيب الحكم؛العفريت قاله:أنت عايز الكوبرى رايح جاى ولا رايح بس
------------------------------
قرر مبارك ان يعين سكرتيره , فلجا الي نظيف
مبارك : اهم حاجه يا نظيف في اللي يشتغل معايا الامانه
نظيف : يا ريس احنا عملنا اختبار لتلات بنات , ادينا لكل واحده كيس وقلنالها ودي الالف جنيه دول البنك , كل واحده فتحت الكيس لقت فيه الفين جنيه , واحده حطت الف ورجعت بألف , التانيه حطيت الالفين وجابت الوصل , التالته رجعت بالفلوس كلها وبتسأل تتصرف ازاي , ها يا ريس هتعين مين ؟؟؟؟؟؟
مبارك : اللي لابسه جيبه ميكرو طبعا


مستنيه الردود

[عمر خورشيد]

ههههههههه ههههههههههه



حلوة أوي بسي خافي على نفسك بقى لحسن كان فيه واحد معانا هنا في الكافية اسمه m&m2009 بيصيف دلوقتي عند
اللي ميتسموش وربنا يستر وما تروحيش تصيفي معاه هناك ...؟؟

ههههه ههههه هههههه

لا بجد تسلم أيدك على النكت دي ...

...............................






.................................................. .................

[مريان]

تسلم على ردك

بس انت كده خوفتنى اوى انا مش بحب اصيف مع حد معرفوش ربنا يستر

فى حد هنا من امن الدوله؟؟؟

[ELBRNSISA ESRAA]

حلوين اخر حاجة ميرسى

[emoo_201017]

والله انتى لسه صغييره على اللى هيحصلك لا حول ولا قوه الا بالله هتوحشينا يا مريان اوى
هههههههههه
موضوع جامد يا مريان عوزين من ده كتييييييييييييييييييييييي يييييييير

تثبلى مرورى

[ابو تريكه]

مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم
أبليس : طب هات ودنك وخد الفكره دي .....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك

ههههههههههههه

ع فكره انت متراقب وربنا يستر

ولا اعرفه يا حضره الضابط

[omaro]

انا قولت مليون مره بلاش النكت اللى تودى ورا عين الشمس دى
حرام عليكم عندنا عيال عايزين نربيهم
ايه انتوا مش بتحرموا
هو انتى عايزه تطلعى رحله الوادى الجديد
يا مريان الرحمه حلوه انتى هتتخطفى من المنتدى على لاظوغلى على معتقل العقرب اللى فى الوادى الجديد عدل
ااااااااااااااااه الله يرحمك ويحسن اليكى
نكت جامده يا مريان وربنا يكون فى عونك

[♥بـونـبـونـايـه سـكـره♥]

ههههههههههههههههههههههههه ه
بكد كامده موووووووووووووووت وربنا
ميرسى ع التوبيك بكد ياقمر
و متالقه كالعاده

[فاطيما]

نايس توبيك

[مريان]

حلوين اخر حاجة ميرسى

تسلمى على مرورك ياقمر