خطوات تمشى عليها ..... ونحل بيها مشكله العصر فى المنتدى (( ادخل وخلى دورك فعال )) !!!

[ED GIEN]

ازيكم يا احلى اعضاء ويا مشرفين

____________________________________
____________________________________

انا بعد ما طرحت موضوعى بعنوان :

دعوه للحوار

وبعد ما شفت تفاعل كبير من الاعضاء عشان يطورو المنتدى ومحدش عاجبه ان الاعضاء بيعملو 4 ولا 5 مواضيع فى قسم واحد فى نفس اليوم
حسيت ان الاعضاء متحمسين للفكره وعاوزين يطورو

بس كله بيقول ::

" كله كلام من زمان ولا حاجه بتحصل "

هههههههههههههههههههه بصراحه حسيت ان احنا موظفين غلبانين مش لاقيين المعاش ولا المرتبات وبنشكى حالنا للزمن

بصو يا جماعه فتحو مخكم معايا

دى خطوات ونظام حنمشى عليه ونتبعه عشان نطور المنتدى ونتجاوز مشكلتنا دى

خطوات حيتبعها كل عضو وعضوه لنجعل منتدانا افضل بكثيييير





1- ياريت حضرتك تلقى نظره على المنتدى بأكمله
من القسم الاول الى القسم الاخير

2- تشوف الاقسام المهمله شويه

ومنها مثلا قسم الرياضات الاخرى
قسم المصارعه الحره (( بجد فيه حاجات تكسف ))

طب فين المشرف بتاعه ؟؟؟

شوفو يا جماعه لو جربتو تخشو فى قسم المصارعه الحره
حتلاقو حاجات غريبه ملهاش علاقه بالمصارعه الحره خاااالص

طب فين المشرف ؟؟؟

شفتو اد ايه فى اقسام مهمله حتى من قبل المشرفيييين ؟؟؟

3- تحاول تنشط الاقسام المهمله

4- ياريت ميتركزش مجهودك كله فى قسم واحد
وهى دى المشكله الكبيره

5- حاول توزع مجهودك على جميع الاقسام ... على قد ما تقدر

6- كل عضو يعمل موضوع مميز وفيه طرح مناقشه
يقوم بأرسال رساله للاعضاء فيها رابط الموضوع

ليشترك فيه اكبر قدر ممكن من الاعضاء وليستفيدو منه

ومش شرط يكون صاحب الموضوع ممكن تخش حضرتك ولو انت حتى مش صاحب الموضوع .... بس حاسس ان الموضوع فيه استفاده
ابعت للاعضاء

7- ياريت بجد يا جماعه نتجنب جلب مشاركات والسلام

بمعنى : ان عضو يخش موضوع فيه مناقشه ولا حاجه يروح رامى كلمتين

" موضوع جميل ميرسى "

وتلاقيه ماشى على نفس الرينج فى كل المواضيع .... لا خلى حضرتك منسق ومنظم ومفيد حتى فى ردودك
حتى فى ردودك

8- نحاول نبذل مجهود اكتر من الفتره اللى فاتت دى فى معظم الاقسام

يعنى ممكن تخش حضرتك تعمل موضوع فى قسم مصراوى كافيه
وخمسه فرفشه و المسرحيات

وكل واحد ونشاطه بقا

[sheren19]

مرسى ااوى على مجهودك
ياريت كل الاعضاء تفهم دة و تعمل بيا
وان شاء الله يكون منتدى جامد بينا

[ED GIEN]

مشكوره يا شيرين يارب دايما منوره المنتدى بمشاركاتك وبمجهودك

اللى دايما منور الدنيا كلها

بس اسمحولى يا جماعه اقول حاجه انا بصراحه حاسس ان فى مشرفين متوليين الاشراف على اكثر من قسم

وانا بصراحه شايف ان فى اعضاء كتييير ممكن يستلمو الرايه من بعدهم

وده رأيى

ومشكوره يا شيرين مره تانيه على مرورك

[ميره]

اولا بشكرك على شغلك الجامد فى المنتدا وانك عيز تعمله
احسن منتدا انت عارف اصلا فى حاجه اسمها رسائل خاصه
المفروض انها تتفتح بين الاعضاء دى مش مفتوحه حاجه تانيه
يعنى لو على مدكور يعمل قايمه بكل عنوين الموضوعات
ويبعتها على الايمال توصلك كل يوم من المنتدا وتعرف كل الجديد
فى المنتدا وكمان لو نعمل احزاب فى المنتدا وكل مجموعه تعمل
حاجه وتكون مسؤاله عن القسم ده هيكون فى تفاعل جامد
وخصوصا انينا خالص كل الدراسات خالصت واحنا فى اجازه
هتكون الفرصه احسن بس يارب لو نعمل حاجه وحد يساعدنا
من الى انت بتقول عليها او انا قولتها وربنا معانا جميعا وتحياتى ليك حازم

[ED GIEN]

مشكوره يا ميره على مرورك الجميل

وبجد فكره حلوه اوى

بس انا كان عندى فكره زى دى

لكن انا لا قادر انشئ مجموعه ولا قادر ابعت رسائل خاصه نهااااائى

مع ان مشاركاتى قرب يبقى 600

وعدد مشاركاتك اللازمه لارسال رساله هى 150 مشاركه بس

على العموم مشكوره يا ميره على تفاعلك

ونورتى الموضوع

[مونه]

بجد ياحازم ياريت فعلاً يحصل كده
والله ساعتها هايبقى المنتدى أحسن كتير
وعلشان كمان الأعضاء مايحسوش بملل
ويبقى مصراوى كافيه يتحد الملل
بدل من ميلودى تتحدالملل

[دره]

بص يا حازم هو الواحد اه يتجول بين الاقسام بس يبقى الواضيع هادفه مش مجرد وجود بس وكمان نحاول بالتجول فى الاقسام مندخلش مواضيع فاشله تركبنا ذنوب وخلاص
وبعدين والله انت المفروض تبقى مشرف ولا اقولك رئيس قسم
ربنا يباركلك يارب

[~ man neO ~]

اولا بشكرك على شغلك الجامد فى المنتدا وانك عيز تعمله
احسن منتدا انت عارف اصلا فى حاجه اسمها رسائل خاصه
المفروض انها تتفتح بين الاعضاء دى مش مفتوحه حاجه تانيه
يعنى لو على مدكور يعمل قايمه بكل عنوين الموضوعات
ويبعتها على الايمال توصلك كل يوم من المنتدا وتعرف كل الجديد
فى المنتدا وكمان لو نعمل احزاب فى المنتدا وكل مجموعه تعمل
حاجه وتكون مسؤاله عن القسم ده هيكون فى تفاعل جامد
وخصوصا انينا خالص كل الدراسات خالصت واحنا فى اجازه
هتكون الفرصه احسن بس يارب لو نعمل حاجه وحد يساعدنا
من الى انت بتقول عليها او انا قولتها وربنا معانا جميعا وتحياتى ليك حازم

فى حاجه يا ميره فى اخر الصفحه من تحت اسمها اشترك فى جروب مصراوى
وده لما تشتركى فيه بيوصله كل ما هو جديد من المواضيع
اما الرسائل الشخصيه دى .. فبيحصل حاجات مش محبوبه من الاعضاء
وايميلات وارقام تليفونات .. فكان لازم انها تتوقف

[ED GIEN]

بجد ياحازم ياريت فعلاً يحصل كده
والله ساعتها هايبقى المنتدى أحسن كتير
وعلشان كمان الأعضاء مايحسوش بملل
ويبقى مصراوى كافيه يتحد الملل
بدل من ميلودى تتحدالملل

هههههههههههههههه اه صح

ونعمل قناه اسمها مصراوى كافيه

مشكوره يا مونه على مرورك الجميل ده

[ED GIEN]

بص يا حازم هو الواحد اه يتجول بين الاقسام بس يبقى الواضيع هادفه مش مجرد وجود بس وكمان نحاول بالتجول فى الاقسام مندخلش مواضيع فاشله تركبنا ذنوب وخلاص
وبعدين والله انت المفروض تبقى مشرف ولا اقولك رئيس قسم
ربنا يباركلك يارب

اول شئ اهلا بيكى يا سوما
تانى شئ كلامك صح مش كل المواضيع الواحد يخش فيها لان فيها مواضيع تافهه شويه

وده اللى انا بقوله ان احنا نبذل مجهود عشان كله يستفيد

تالت شئ انا مستحقش اكون مشرف خاااااالص والله

فى ناس احسن بكتيييير .....

بس انا كنت بقول ان فى مشرفين متعيين على اكتر من قسم

وبجد الواحد مش بيشفهم اون لاين الا كل فين وفييييين

والاقسام اللى هما مشرفين عليها فى منها اقسام تقدرى تقولى عليها مهجوره


ومشكوره مره تانيه يا سوما على المرور