الرجاء من الأخوة الاعضاء الدخول لوضع حل لمشكلتي الكل يدخل

**عمارطه2009** · 4 - 7 - 2010, 12:04 PM

شكرا بجد ليكي يا أميرة وبجد كلامك أسعدني وشكرا علي المعلومات اللي قولتيها

ولا يهمك يا فارس نورتني بمرورك

**عفريت أفندى** · 4 - 7 - 2010, 08:07 PM

أخى الفاضل

اولا لازم تحببها ف التعليم

و طبعا ممكن ده يحصل بإنك تكلمها عن المستقبل و عن الأطفال

ثانيا تقدر تستعين بالإسطوانه اللى اسماء قالت عليها

ثالثا لازم تصبر عليها و تطول بالك

رابعا ممكن تستعين بأخصائيين ف التعليم عن طريق البحث على جوجل

و يارب تقدر تقنعها و تتعلم و تكملوا مستقبلكوا مع بعض

دمت بود

**ELBRNSISA ESRAA** · 4 - 7 - 2010, 08:18 PM

فعلا انا راى من راى اسماء لازم تحببها فى العلم

**عمارطه2009** · 5 - 7 - 2010, 05:34 AM

شكرا ليك يا مرهف الاحساس وعلي رأيك

**معا لنصرة ديننا** · 5 - 7 - 2010, 09:50 AM

صراحة أخي الكريم
أنا أبدي بك اعجابا شديدا وعلي تمسكك بخطيبتك برغم عدم اجادتها للقراءة والكتابة
وأحسن الظن فيك أنك لم تتأخر في عرض مشكلتك وسط اخوانك وتتبع يا أخي نصائح اخواني الذين سبقوني بالحديث
وأسأل الله أن يهديها لك وأن يبارك لكما وأن يبارك عليكما وأن يجعل حياتكما دائما ميسورة وسعيدة،،واعلم يا أخي أنك بفعلك هذا مأجور بالثواب ان شاء الرحمن
ربي يحفظك اخي ويبارك في عمرك

**عمارطه2009** · 5 - 7 - 2010, 01:32 PM

أخي الفاضل
أولا أشكرك علي كلامك الجميل واللي قد أيه أسعدني وبارك الله فيك
أما بالنسبه لتمسكي بخطيبتي ان مؤمن تماما ان لا يوجد أنسان كامل لان الكمال لله وحدة
ويكفيني فخرا ان خطيبتي مؤدبه ومحترمه ومحبوبه من كل الناس
وأيه قيمه ان تكون شريكه حياتي معاها أعلي الشهادات وهي سليطه اللسان وتحول حياتي الي جحيم
أعتقد اني الادب تم تفضيله علي العلم وانا الحمد لله خطيبتي عندها كل المميزات اللي بيتمناها الواحد في زوجته أما بالنسبه للتعليم فانا لا أحب اليأس ولا أعرف المستحيل
فأكيد هايجي يوم من الايام وهعلمها تقرأ وتكتب وتكون أحسن واحدة في الدنيا ان شاء الله

**omaro** · 5 - 7 - 2010, 02:01 PM

بص يا عم عمار
الموضوع اسهل مما تتخيل
طالما اننكم انتوا الاتنين بتحبوا بعض
وعايز تعلمها انا اقولك اسهل طريقه علشان
تخليها تعرف تقرأ وتكتب
اولا : ابدأ معاها بأنك تخليها تستنى الوقت اللى انت بتعلمها فيه
بمعنى انك اولا تخليها تحب اللحظه دى
ازاى بقى
اقولك خدلها هدية وانت رايح ورده حلوه اديهالها
ولما تلاقيها بدأت تتعلم شوية بشوية اتصل بيها دايما وحسسها
انك مبسوط وهى طبعا هتحب انك تكون مبسوط
ثانيا : لما تحب تخليها تقرأ او تكتب ابدا معاها بالكلمات الرومانسيه
زى كلمة بحبك او كلمة بعشقك
يعنى الكلمات الرومانسية هتلاقيها بتتعلمها بسرعة
ومفيش مانع ابعتلها جواب غرامى مع اختك الصغيره
شوية بشوية هتلاقيها هى كمان بتبعتلك جواب
يعنى الطريق لتعليم خطيبتك القرأه والكتابه
هى الطريقة الرومانسية
جربها وادعيلى

**عمارطه2009** · 5 - 7 - 2010, 02:24 PM

شكرا ليك يا جميل علي نصائح الغاليه بس لسه بدري شويه علي الجواب الرومنسي
المشكله اني مش موجود معاها عالطول لاني طبيعه شغلي بتتطلب السفر لفترة كبيرة وبشوفها كل شهرين
عموما كلها كم شهر وهنتجوز وابقي أعلمها براحتي
شكرا ليك مرة أخري_

**ابو احمد رزق** · 5 - 7 - 2010, 05:30 PM

وفقك الله أخي الكريم
ويسر لك الامر ونلت به الاجر
وجزاك ربي كل خير علي حرصك ان تعلمها
قل لها الا تحبي ان تقرئي القرآن
مش عاوزة تأخذي الاجر
ده لكل حرف حسنه والله يضاعف لمن يشاء
حببها في القرأة عن طريق الخير
وان شاء الله ستنال ما تشاء
وتنال الاجر

**عمارطه2009** · 5 - 7 - 2010, 11:48 PM

شكرا ليك يا أبو أحمد وجزاك الله كل خير

الموضوع: الرجاء من الأخوة الاعضاء الدخول لوضع حل لمشكلتي الكل يدخل

أدوات الموضوع

معلومات الموضوع

الأعضاء الذين يشاهدون هذا الموضوع

المواضيع المتشابهه

رنة رهيبة بشكل تاتي وشاتي وهاتي مكي هوس

رنة رهيبة بشكل تاتي وشاتي وهاتي مكي هوس

الكل يدخل ويقول لعمتي تقي "تقي" حب العمر كل سنه وانتي طيبه وأزعل اوي لو محدش دخل وقال لعمتي عام سعيد

الكلمات الدلالية لهذا الموضوع

ضوابط المشاركة