انا مش عارف ابتدى الموضوع منين

[hemavic]

يا اخوانا انا حاسس انى عايش من كتير اوى وكل مرة اقول هعمل حاجات كتير بس للاسف ما بعملش اى [SIZE="5"]حاجة يعنى ببساطة اناعندى 25.5 ونفسى اعمل 3 حاجات:
1-احافظ ع الصلاة
2-ابطل سجاير
3-العب رياضة

بس للاسف مش قادر اعمل اى حاجة من التلاتة يمكن الحاجة الوحيدة اللى بعملها هى الصلاة ومش بانتظام اوى حد يقولى يا جماعة اعمل اية عمال اسوووووووووووف طب لحد امتى تعبت وزهقت من التسويف عايز اخد خطوة ايجابية ف الموضوع دة يمكن عشان انا حاسس انى ممكن اعمل الحاجات دية ف اى وقت ف عشان كدة مطمن بس للاسف الموت مالوش ميعاد انا زهقت بجد وتعبت جدااااااااا.

[فتى الإسلام]

أولا أتعدل
ثانيا خد نفس عميق
ثالثاً خد قرار حاسم دلوقتي أنك تنفذ ال3 حاجات دي
وأعتبره قرار مصيري هيتبني عليه مستقبلك كله
رابعا قوم صلي
خامسا أدعيلي معاك في الصلاة

[فاطيما]

بالنسبه للصلاه والسجاير
خاف من ربنا وافتكر عقابه واعرف كويس ان الانسان ممكن يموت في اي وقت
اسال نفسك
لو واحد نام من غير مايصلي العشاء ومقمش من النوم يعني مات هيبقي ايه عقابه؟؟؟؟؟؟؟؟؟؟
طب لو واحد بيدخن ومات وهو بيدخن
هيبقي ايه عقابه؟؟؟؟؟؟؟؟؟؟؟؟؟؟؟؟؟
الحاجه الي تفرق بين المسلم والكافر هي الصلاه
خلي عندك هدف
واصرار
لازم تتحدي الشيطان لانه هو الي بيخليك تكسل تصلي
وهوو الي بيغري السيجاره قدامك

[عفريت أفندى]

أخى الكريم

النفس أماره بالسوء

و التوسيف او التأجيل يجعل النفس تميل للكسل

و لا احد يعلم متى يحين أجله

تذكر الله عز ووجل

و تذكر وقوفك بين يديه يوم الحساب

و أعلم انك محاسب على كل ما فعلت بحياتك

و أرى من كلامك ندمك الشديد على التقصير و التفريط فى الصلاه

كما ارى عزمك الشديد على ترك السجائر

و رغبتك الملحه فى ممارسة الرياضه

و تلك ايجابيات

عليك استثمار ندمك و رغبتك الشديده فى اصلاح نفسك

عليك ان تتوكل ع الله

عليك بالعزيمه و الإراده

و بذلك تستطيع الوصول الى ما تريد تحقيقه

وفقك الله الى ما فيه الخير

و دمت بود و إحترام و تقدير

و بارك الله فيك

[فاطيما]

بالنسبه للصلاه والسجاير
خاف من ربنا وافتكر عقابه واعرف كويس ان الانسان ممكن يموت في اي وقت
اسال نفسك
لو واحد نام من غير مايصلي العشاء ومقمش من النوم يعني مات هيبقي ايه عقابه؟؟؟؟؟؟؟؟؟؟
طب لو واحد بيدخن ومات وهو بيدخن
هيبقي ايه عقابه؟؟؟؟؟؟؟؟؟؟؟؟؟؟؟؟؟
الحاجه الي تفرق بين المسلم والكافر هي الصلاه
خلي عندك هدف
واصرار
لازم تتحدي الشيطان لانه هو الي بيخليك تكسل تصلي
وهوو الي بيغري السيجاره قدامك

ااما بالنسبه للرياضه احنا مش هنعرف نساعدك في حاجه زي كدا
انت الي هتساعد نفسك
باصرااراك وتصميمك
الاراده هي الي بتحرك الانسان لاهدافه
وسوري لو كنت طولت
ويارب اكون افيدتك

[دره]

اولا كده نسلم عليك الاول
يارب تتبسط معانا
انت سبب اللى انت فيه سيطره الشيطان عليك وتملكه وانت السبب وده لانه ممشيك على مزاجه وفى النهايه هيقولك انا مليش دعوه بيك وامل اللى هقولك عليه:
.حاول تفكر فى النعم اللى ربنا مديهالك وعددها وحاسب نفسك وابكى اوى وياريت لو انهارت من البكاء وندمت واستغفرت ودعيت ربنا يبقى معاك
.اقف قدام نفسك دلوقتى واتحداها واعرف ان حياتك قصاد التحدى ده
.اسمع دروس عن الموت وانك انت اللى بيوجهلك الكلام مش حد تانى
.اقنع نفسك ان مش ضعيف لا دانت اقوى واحد بس بربنا
. خليك دايما على وضوء
. اعمل كل اللى نفسك فيه فى نفس الوقت يعنى تصلى وتبطل سجاير وتلعب رياضه متقولش واحده واحده لان الكلمه دى هتخليك ترجع زى الاول ودا عن تجربه
.عليك والدعاء صدقنى احسن علاج
. اشطب كل صحابك اللى بيرجعوك للصفر دون النظر لعواقب بعدك عنهم
وصدقنى اللى كاتبهولك ده انا عملته والحمد لله دلوقتى فى نعمه وابقى طمننى عليك
ربنا معاك وانا هدعيلك

[الحريه]

هو مفيش غير حاجه واحده بس انت تعملها

التوكل على الله

توكل على الله بنيه صالحه واطلب من ربنا اللى انت عايزه

وان شاء الله ربنا هيساعدك

[ابو تريكه]

اهم حاجه بجد النيه الصادقه والتوبه النصوحه والندم ع اللى فات

ان الله يغفر الذنوب جميعا الا ان يشرك به

اقرأدى كويس



اعصِ الله لكن بشروط

إذا دعتك نفسك إلى معصية الله. فاعصه ولكن اليك خمسة شروط !
أقبل رجل إلى إبراهيم بن أدهم .. فقال : يا شيخ .. إن نفسي .. تدفعني إلى المعاصي .. فعظني موعظة .
فقال له إبراهيم : إذا دعتك نفسك إلى معصية الله فاعصه .. ولا بأس عليك .. ولكن لي إليك خمسة شروط .. قال الرجل : هاتها ..

قال إبراهيم : إذا أردت أن تعصي الله فاختبئ في مكان لا يراك الله فيه ..
فقال الرجل : سبحان الله ..كيف أختفي عنه ..وهو لا تخفى عليه خافية..
فقال إبراهيم : سبحان الله .. أما تستحي أن تعصي الله وهو يراك .. فسكت الرجل .. ثم قا ل : زدني ..

فقال إبراهيم : إذا أردت أن تعصي الله .. فلا تعصه فوق أرضه ..
فقال الرجل : سبحان الله .. وأين أذهب .. وكل ما في الكون له ..
فقال إبراهيم : أما تستحي أن تعصي الله .. وتسكن فوق أرضه ؟
قال الرجل : زدني ..

فقال إبراهيم : إذا أردت أن تعصي الله .. فلا تأكل من رزقه ..
فقال الرجل : سبحان الله .. وكيف أعيش .. وكل النعم من عنده ..
فقال إبراهيم : أما تستحي أن تعصي الله .. وهو يطعمك ويسقيك .. ويحفظ عليك قوتك ؟
قال الرجل : زدني ..

فقال إبراهيم : فإذا عصيت الله .. ثم جاءتك الملائكة لتسوقك إلى النار .. فلا تذهب معهم ..
فقال الرجل : سبحان الله .. وهل لي قوة عليهم .. إنما يسوقونني سوقاً ..

فقال إبراهيم : فإذا قرأت ذنوبك في صحيفتك .. فأنكر أن تكون فعلتها ..
فقال الرجل : سبحان الله .. فأين الكرام الكاتبون .. والملائكة الحافظون .. والشهود الناطقون ..
ثم بكى الرجل .. ومضى .. وهو يقول : أين الكرام الكاتبون .. والملائكة الحافظون ..
والشهود الناطقون ...

وإذا هممت بريبة في ظلمة والنفس داعية الى الطغيان
فـاستح من الله العظيم وقل لها إن اللذي خلق الظلام يراني

[&!! Who's care&]

مفيش احسن من اللى اتقال
توكل على الله انوى بس وربنا يثبتك ان شاء الله
اذا لم تستحى من الله فافعل ماشئت
تذكرها دائما حتى تثبت
ربنا يهديك ويثبتك انت والامه اجمعين

[aeme3100]

طبعا كل الكلام اللى اتقالك صح المهم بقى انك تنفز يا بطل ومتقولش مش قادر بردوا
توكل على الله وجاهد مع نفسك ومتخليش للياس مكان فى حياتك طول ما انته عايش لازم تحاول من غير ياس واكيد هتوصل للى بتسعى ليه ان شا الله