للرومانسين فقط....عشان الإحساس Over شويه! (الحلقة التاسعه)

[فتى الإسلام]

بجد اللي عجبني في القصة كلها دي
الوااااااااد حودة مع انه زبالة
بس بيموتني من الضحك
على فكرة المفروض القصة دي تتعمل فيلم

[A7med elsayed]

هههههههه
أيه يا حبيب هارتى الكلام الجامد دا والقصص الحلوه دى
عارفه وانا بقرأ قصتك بحس انى شايف كل شخصيه فى القصه
على فكره اسلوب الحوار روعه والمواقف كمان حلوه اوى

مستنى بقيه القصه يا أميره
بس مطوليش عليا بقى انا مش بحب الانتظار يا عم العسل انت

ربنا يبارك فيك يا ياسمينا قصدى يا اميره

[ميره]

لا لا لا ...
أنا باستنى القصة كل يوم .....
كمليها يا ميرة ....

اوكيشن ياجميل هكمل الحلقات
حتى لو مفيش حد رد هكملها عشان
متابعتك الجميله تحياتى ليك

[ميره]

احنا معاكى ياميره

كملى ياقمر وبالتوفيق

مستنيه الباقى بلهفه و شوق

ميرسى مريان على المتابعه
الجميله وانا هكملها ياجميله
لمتبعتك العسل دى تحياتى ليكى

[ميره]

بجد اللي عجبني في القصة كلها دي
الوااااااااد حودة مع انه زبالة
بس بيموتني من الضحك
على فكرة المفروض القصة دي تتعمل فيلم

ميرسى ليك ياجميل
ايدى على كتفك ونخرجها
ونعملها فيلم يلا ويارب
تتابع معانا تحياتى ليك

[ميره]

هههههههه
أيه يا حبيب هارتى الكلام الجامد دا والقصص الحلوه دى
عارفه وانا بقرأ قصتك بحس انى شايف كل شخصيه فى القصه
على فكره اسلوب الحوار روعه والمواقف كمان حلوه اوى

مستنى بقيه القصه يا أميره
بس مطوليش عليا بقى انا مش بحب الانتظار يا عم العسل انت

ربنا يبارك فيك يا ياسمينا قصدى يا اميره

ميرسى ليك احمد وعلى كلامك الجميل ده بجد
وانا هنزل الحلقه الجايه فى معاده مش تقلق
ومش هخاليك تنتظر كتير ياجميل تحياتى
ليك وعلى كلامك الجميل ده بجد بسعد بمرورك

[دموع الاقمر]

هى باين عليها قصة حلوة واكيد عشان منك انتى امتة بقي الحلقة الجاية

[ميره]

هى باين عليها قصة حلوة واكيد عشان منك انتى امتة بقي الحلقة الجاية

ميرسى ياقمرايه
على مرورك الجميل تحياتى ليكى ياجميل

[ميره]

تسلم ايديكم على ردودكم وانا كل يوم هانزل حلقة بجد

ومش هتأخر عليكم -
لان لازم يكون فيه تفاعل منكم فى المنتدى لان بردودكم المنتدى هايكبر بيكم وليكم

توكلنا على الله



نبدا الحلقــــــــــــــــة الرابعـــــــــــــــه




يلا نبدأ 1 ..2 ...3 ... اكشن

اول ما عمرو سمع صوت منى بتنادى عليه قلبه وقع فى رجليه
دخل اول ما ياسمين شافته جاى عليهم
راحت بصاله بصة عمره ما هينساها
( رفعت حاجب ونزلت حاجب )

وراحت سابت منى ودخلت هى على جواه ووراها مروة صاحبتها
عمرو بينه وبين نفسه
( ياريتنى كنت مت قبل اللحظة دى ربنا يستر )





وطبعا فيه حيوان سلبنطح واقف بره مش همه غير حاجة واحدة بس
عمال يبص على صاحبة ياسمين ويعيش موهبته

دخل عمرو

منى :- انت ليه يا عمرو عملت كدا ؟؟

عمرو :- عملت ايه !!

منى :- انت اتصلت امبارح بببيت ياسمين
( بص عمرو لمنى وراح باصص فى الارض )





منى :- قالتله يعنى اتصلت

عمرو :- اه

منى :- طب ليه ؟؟

عمرو :- عشان بحبها

منى :- وانت مش شايف ان ده مش وقته خالص يا عمرو اهتم الاول بمزاكرتك ( طبعااااااااااا ماهى ما تعرفش اللى فيها )

عمرو :- طب ولو كانت هى السبب اللى بتخلينى اهتم بمزكرتى

منى :- يعنى ايه ؟؟

عمرو :- يعنى انا عاوزك تخوشيلها دلوقتى وتقوليها ....
عمرو واقف بره وعاوز يكلمك ثوانى
( وبعد ما عمرو اقنع منى انها تبقى الوسيط دخلت منى وقالت لياسمين )

منى :- عمرو عاوز يكلمك ثوانى
( طبعا ياسمين استغربت تماما )

ياسمين :- لا طبعا مش ها اطلعله في إيه يا منى ... انا جاية هنا علشان الدرس وبس

منى :- وطى صوتك بس

ياسمين :- منى خليه يلم الدور عشان ما يحصلش مشاكل لان لو بابا عرف مش هيحصل كويس





منى :- اهدى بس كدا على العموم براحتك انتى حرة

منى :- مش ها ينفع يا عمرو
عمرو :- هى بتعمل كدا ليه ؟؟ هو انا لعبة فى ايديها
( دخل حودة على كلام عمرو )

حودة :- فيه ايه

عمرو :- مافيش حاجة يلا بينا نمشى

منى :- طب والدرس يا عمرو استاذ محمد زمانه جى

عمرو :- ينحرق
( ومشى عمرو وعفاريت الدنيا بتتنطط فى وشه )
راح هو وحودة على كافيه كالمعتاد
وحودة يهدى فى الواد
وعمرو كل اللى شاغله حاجة واحدة بس
وما بيسالش نفسه غير سؤال واحد
.......... هى ليه بتعمل كدا ........

عمرو :- هى ليه مرة تخلينى طاير فى السما ومرة تانية ترمينى فى سابع ارض

حودة :- يا جدع اهدى فكك منها وحيات امك يا عمرو





عمرو :- والنعمة ما انا سايبها غير لما اعرف اى السبب هو ايه انا جزمة ف رجلها تقلعها وقت ما تقلعها ( يا واد يا جامد )





حودة :- يبنى هو ايه اللى حصل لكل ده





عمرو :- يا عم انت يعنى مش شايف بليل كانت تمام اوى وبتكلمنى بكل هدوء وتقولى افكر

حودة :- ما يمكن فكرت

عمرو :- خلاص لو فكرت تقولى انا مش تفضحنى كدا

حودة :- هى طبعا غلطانة بس اهدى بس

عمرو :- ااااااوووووووووووف

وفضل عمرو وحودة فى الكافيه لحد ما الخطيب جالهم
حكولوا اللى حصل
طبعا المعلم استغرب جداااااااااااا
واتفقوا انهم لازم تبقى نهاية الموضوع بليل ويتصل المعلم بيها
وافق عمرو على كدا
وبليل
قبل ما يوصلوا لبيتها
شافوها هى وصحبتها مروة مروحين
عمرو اول ما شافها كان ها يجن





عمرو :- اى الجمال ده

حودة :- يا خرابى

الخطيب:- طب ماهو من حقها يا عم تدوخك وراها

حودة :- شششششش شايفين صاحبتها والزعطلون اللى لبساه عامل ازاى عليها

الخطيب:- على قفاه ( بوووووووم ) يبنى احنا فين وانت فين

حودة :- يا جدع وسع ايدك

الخطيب :- ياجدع اسكت

عمرو:- اهدى يالة

حودة :- ماشى يا باشا

( وصلت ياسمين صاحبتها وهى راجعة عشان تروح اخدت بالها من عمرو اول ما شافته نزلت عينها فى الارض ومشت وهى موطية وشها لحد ما وصلت بيتها )

عمرو ما استناش راح على السنترال واتصل

السماعة اترفعت

نفس الصوت اللى بيحلم يسمعه على طول
صوت ملاك اجمل صوت لاجمل انسانه شافها





ياسمين :- الو

عمرو :- انتي ليه عملتى كدا ؟؟

( سكتت )





عمرو :- نفسى اعرف انتى ليه بتعملى كدا فيا ؟؟؟ يعنى انا غلطتى انى صارحتك من اول مرة و قولتك انى بحبك يا ياسمين يا ارق من النسمة واجمل من الياسمين
قولتيلى انك ها تفكرى مش انك ها تفضحينى بالشكل ده
( سكووووووووت منها )

( مش سامع غير تنهيدها ونبض قلبها )





عمرو :- حتى لو كنتى رافضة كنتى صارحينى مش ها ازعل
يمكن اكون ازعل انى خسرت اجمل عيون وارق صوت
لكن كنت ها احترم رأيك
وهاتفضلى انتى ياسمين هى هى اللى اخدتنى من كل الناس اللى حوليا بنظرة من عينها
( سكوووووووت ) ( بصراحة الواد ثبتها تثبيتة نااااااااااار )

عمرو :- ساكتة ليه

ياسمين :- مش عارفة اقولك ايه

عمرو :- انت ليه عملتى كدا

ياسمين :- خايفة

عمرو :- من ايه ؟؟

ياسمين :- منك

عمرو :- منى انا طب ليه !!

ياسمين :- خايفة يكون اول حب ليا اكبر جرح ليا

عمرو :- طول ما انتى معايا ما تخافيش من اى حاجة
لانى عمرى ما ها اخلى العيون دى تدمع دمعة واحدة لان مفيش اى حاجة فى الدنيا تستاهل دمعة واحدة من عيونك
واوعدك انى عمرى ما ها ازعلك فى يوم

ياسمين :- ماشى

عمرو :- ماشى ايه ؟؟

ياسمين :- ما انت عارف كل حاجة ( بضحكة خفيفة )

عمرو :- انا عاوز اسمعها منك

ياسمين :- على فكرة ماما نايمة وخايفة تصحى وبابا زمانه جى

عمرو :- ما انا مش ها اقفل غير لما اسمعها منك

ياسمين :- عمرو انت بتحبنى بجد

عمرو :- يا لهوى كل ده ولسة بتسالى دلوقتى اعمل ايه عشان تصدقى انى دايب فيكى

ياسمين :- ولا حاجة

عمرو:- طب بقى اسمعها منك

ياسمين :- وانا كمان

عمرو :- انتى كمان ايه ؟؟

ياسمين :- يلا بقى عشان ماما ما تصحاش
تصبح على خير

عمرو :- وانتى من اهله يا اجمل ملاك شفته فى الدنيا

وعمرو ما كنش عاوز يحط السماعة ابدا من ايده
وطلع الولهان برة وكله شوق عاوز يكون اخر صوت سمعه هو صوتها

واول ما طلع قدام السنترال سمع

( يا غزال يا غزال اى الاوام ده ارحمنى بقى وحن علينا )





والخطيب ميت على نفسه من الضحك





الخطيب :- اهو كدا من ساعة ما انت ما دخلت

عمرو شده من قفاه

عمرو :- حرام عليك يا جدع ضيعت اجمل لحظة فى حياتى انت ايه حيوان ما بتحسش




حودة :- يا جدع سيبك بس وربنا البت كانت ها تيجى
انتى يا مزة استنى
انا جى اهو

الخطيب وعمرو :-
ههههههههههههههههههههههههه


وانتظروا اجمد الحلقات والمفاجات


واتمنى يكون فيه تفاعل منكم اكتر واكتر فى ردودكم

واتمنى اكون وفقت فى تشويقكم للاحداث

ولا تنسوا انى بكتبها باللغه المصرية بالعامية كما حصلت بالظبط

[دره]

يا ميره بلاش التعليقه دى وياريت بقى الرابع لحسن عمرو صعبان عليا اوى