للرومانسين فقط....عشان الإحساس Over شويه! (الحلقة التاسعه)

[ميره]

الحلقـــــــــــــــه السابعـــــــــــــــــه

كنا انتهينا ان عمرو ظبط كل حاجة مع مامتها وانها اتاكدت ان عمرو ده شخصية كويسة وابن ناس وانه مش بيلعب ببنتها ذى شباب اليومين دول
(( فاهمنى طبعا اا ))

كل شئ كان تمام وفى يوم كان عمرو بيكلم ياسمين وديه كانت المكالمة

ووووو نسمعها سواااااااا

عمرو :- وحشتينى

ياسمين :-انت اكتر

عمرو :- بجد والله انا نفسى اشوفك


ياسمين :- يسلام انت لو كنت عاوز تشوفنى بجد كنت زمانك جيت الدرس عشان تشوفنى بس انت بقى اللى ما جتش

عمرو :- والله يا ياسمين انا عندى اليومين دول امتحانات وبتاع ونفسى اشوفك بس مش قادر انزل

ياسمين :- لا خليك فى مزاكرتك احسن .... وكفاية عليا انى اسمع صوتك كل يوم

عمرو :- يا لهوى اهى الكلمة دى عندى بالدنيا وما فيها
انا بموت فيكى يا ياسمين

ياسمين :- بس انا اكتر

عمرو :- اكتر ايه ؟؟

ياسمين :- هههههه ما انت فاهم وعارف كل حاجة

عمرو :- بس انا عاوز اسمعها منك

ياسمين :- ما انت عارف انى مش بعرف اقول الكلام ده

عمرو :- طب ما انتى اول واحدة اقولها بحبك وبموت فيك يا ياسمين وربنا يخليكى ليا يا رب يا اغلى عندى من الدنيا ومافيها

ياسمين :- بجد يا عمرو يعنى انت بتحبنى زى ما بحبك

عمرو :- بصراااااااااااااااااااااا اااااااحة لا ( يا خرابى اعترف الواد )

ياسمين :- ايه ......!!!!!؟؟؟ ( راح ف دهية)

عمرو :- اكتر بكتييييييير اوى منك ( حرام عليك نشفت قلب البت )

ياسمين :- حرام عليك فجعتنى

عمرو :- ليه هو كل ده لسة شاكة فى حبى ليكى

ياسمين :- ليه هو انا لو شاكة كنت كلمتك ثانية واحدة

عمرو :- يا واد يا جامد والنبى عسل يا خواتى

ياسمين :- بس بقى عشان فيه موضوع مهم

عمرو :- خيييير

ياسمين :- باسم اخويا بدء يشك فيا وكل شوية الاقيه ماشى ورايا فى الشارع ويعملها صدفة
وكل شوية يقولى انتى بتكلمى مين فى التليفون وكدا يعنى ......
ولولا ماما كنت زمانى روحت فى داهية

عمرو :- ربنا يخلهالنا يا رب لحد ما اقدر اجى لحد عندك واطلب ايدك من باباكى
واقوله يا عمى انا بطلب ايد بنتك ياسمين وعاوزها تكون مراتى وام عيالى لحد ما اموت

ياسمين :- بعد الشر عليك ده انا اموت وراك
وبعدين كل سنة وانت طيب

عمرو :- يااااااا ده احنا عيد ميلادنا كمان 3 اياام ( 1 /4 )
كل سنة وانتى طيبة يا قمر

ياسمين :- على فكرة ماما عملالك مفأجاة

عمرو :- ايه هى ؟؟ ( استر ياللى بتستر )

ياسمين :- ما تبقاش مفأجاة
((( وتمر التلات ايام اوااااام )))

ويوم عيد الميلاد الصبح موبايل عمرو بيرن

عمرو :- الو

ياسمين :- الو صباح الخير

عمرو :- صباح النور يا روحى وحشتينى اوى رغم انى لسة سيبك فى الحلم

ياسمين :- ههههههههههه

ياسمين :- وكنت بتحلم بايه بقى ؟؟

عمرو :- بيكى انتي وبس

ياسمين :- كل سنة وانت طيب يا عمرو

عمرو :- وكل سنة وانتى طيبة يا ياسمين ونفضل مع بعض
على طول لاخر يوم فى عمرنا

ياسمين :- يا ريت يا عمرو
على فكرة ماما جمبى وعاوزة تكلمك

عمرو :- اوك ماشى

مامتها :- ازيك يا عمرو

عمرو :- الحمد لله حضرتك عاملة ايه ؟

مامتها :- الحمد لله
كل سنة وانت طيب

عمرو :- هههههههه وحضرتك طيبة يا رب

مامتها :- انا عندى مفأجاة ليك

عمرو :- اه ما ياسمين كانت قايلالى بس مش راضة تقولى اى هى المفأجاة

مامتها :- طب انت فاضى النهاردة بليل

عمرو :- ولو مش فاضى اكيد افضى نفسى

مامتها :- طيب الساعة 7 استنانا قدام الدرس

عمرو :- اشمعنا

مامتها :- ها تعرف فى وقتها وعشان نشوف حل لموضوع باسم

عمرو :- اه اكييييد ( وانا كنت ناقص )

ويعدى النهار وطبعا عمرو لبس الحتة اللى ع الحبل وجلجل شعره ورش كالونيا وحضر هدية جميلة جداااااا لاجمل بنت فى الدنيا
حبيبته اللى فضل يحلم بيها طول عمره ويشوفها فى احلامه خلاص
شاء القدر انه يجمعه بيها ويشوفها قدامه ذى الملاك
ما يقدرش يوصف لسانه اللى شايفاه عيونه لانه يفوق اى جمال شافه فى الدنيا
وقف قدامها مش عارف يقول ايه ؟؟ مش عارف يعمل ايه ؟؟؟
عاوز يبصلها وبس يمكن يشبع منها ..... مش عاوز يضيع ولا ثانية قدامها

ياااااااااااااه

كلام كتير جواه عاوز يقوله بس اكيد الزمن مش هيكفى حبه ليها
هى كمان كانت مش عارفة تنطق ولا كلمة
مش عاوزة ترفع عينها من عليه ..... عاوزة تعوض كل ثانية مش بيبقى قدام عنيها ...... نفسها تقوله بحبك يا عمرو وياريت ماتبعدش عنى ولا ثانية
بس مش قادرة
ليه مش عارفة

وفجأة تنقطع لحظة الرومانسية ......

مامتها :- ازيك يا عمرو ( ده وقته يا شيخة )

عمرو :- الحمد لله حضرتك عاملة ايه ؟؟

مامتها :- كل سنة وانت طيب

عمرو :- وحضرتك طيبة

ياسمين :- كل سنة وانت طيب يا عمرو اتفضل
( لفة باين من شكلها انه دبدوب )

عمرو :- وانتى طيبة يا ياسمين وبرده كل سنة وانتى طيبه اتفضلى

و إداها هديته واديته هديتها
واتمشوا لحد كافيه

وهناك كانت المفاجأه.................












ـــــــــــــــــــــــــ ــــــــ


ونعرف المفاجاه في الحلقه ال8

[A7med elsayed]

ههههههه
فكرتينى بالمسلسلات العربى
ماشى يا ستى هنسنتنى المفاجأه

[مريان]

انا حسه انها مفاجاه هتزعل عمرو ربنا يستر

بس والله فعلا انا مستغربه لموقف الام لغاية دلوقتى

يلا مش مشكله ياسمين امها كوووووووووووول اخر حاجه

مستنيه الباقى ميره

ربنا يوفقك

[Ali Pharouq Najar]

ها ...كملى بقى يا ميره .....
معلش ..الإثارة أخدتنى ....
ألف ألف ألف سلامة على والدتك ....
وأنا بجد مكنتش أعرف .....

[ميره]

ههههههه
فكرتينى بالمسلسلات العربى
ماشى يا ستى هنسنتنى المفاجأه

ميرسى ياحماده
على المرور الجميل والمتابعه
الحلوه يابتاع المسلسلات العربيه
تحياتى ليك ولمتابعتك
بس انا هنزل كل يوم حلقتين
عشان مطولش عليكو

[ميره]

انا حسه انها مفاجاه هتزعل عمرو ربنا يستر

بس والله فعلا انا مستغربه لموقف الام لغاية دلوقتى

يلا مش مشكله ياسمين امها كوووووووووووول اخر حاجه

مستنيه الباقى ميره

ربنا يوفقك

مريان حبيبتى ميرسى ياقمرايه
على متابعتك الجميل وانا هنزل
كل يوم حلقتين عشان ياقمرايه
تحياتى ليكى

[ميره]

ها ...كملى بقى يا ميره .....
معلش ..الإثارة أخدتنى ....
ألف ألف ألف سلامة على والدتك ....
وأنا بجد مكنتش أعرف .....

ميرسى على سؤالك يجميل
والله ميرسى ليك اوى تحياتى
ليك ولك كل الشكر والتقدير

[ميره]

كان فيه مفاجأه مستنية عمرو
كانت اخت ياسمين وصحبتها مروة
قاعدين وفيه تورتة جاهزة للشمع
طبعااا عمرو استغرب

عمرو :- ايه ده ؟؟

ياسمين :- ايه رايك فى المفاجأه بقى ؟؟

عمرو :- بقى كدا ما تقوليش

ياسمين :- كل سنة وانت طيب يا عمرو ويا رب كل سنة نبقى مع بعض

عمرو :- بحبك اوى يا ياسمين بموووووت فيكى

وراح عمرو مع ياسمين يطفوا الشمع
وهابى بيرث داى

وكله تمام والاكل كفى المعازيم والحمد لله
وقعد عمرو مع والدة ياسمين يتكلموا
وياسمين طبعااااا مضايقة لان المفروض اليوم ده يبقى عمرو معاها هى وبس

وعمرو قاعد على ناره ويبص لياسمين ونفسه يكلمها بس مش بايده

مامتها :- طب وانت ها تعمل ايه فى موضوع باسم

عمرو :- بصراحة مش عارف .... بس عاوز اروح اكلمه وانا ها اقدر اقنعه

مامتها :- طب ازاى مش ها ينفع

عمرو :- لا انا ها اعرف بجد والله اتفاهم معاه
وبعدين ما هو كمان بيحب وحكيلى على كل حاجة

مامتها :- يعنى ما افتحش معاه الموضوع انا

عمرو :- يعنى شوية من عندى وشوية من عند حضرتك
....................
وماصدق عمرو ان والدة ياسمين انشغلت مع مروة
وجرى على ياسمين

ياسمين :- ما لسة بدرى خليك شوية كمان وانا سيبنى واقفة كدا لوحدى

عمرو :- طب اعمل ايه ما انا لازم كنت اتكلم مع مامتك

ياسمين :- كل ده كلام على ايه يعنى كل ده !!!!

عمرو :- لو ما كنتش مامتك كنت قولت من طريقة كلامك انك بتغيرى عليا

ياسمين :- انا بغير عليك من الهوا مش ها غير عليك من ماما
( ده الواد علقها بيه جامد جدااااااااا )
ولو اعرف اخليك ما تشوفش غيرى ها اعمل اى حاجة

عمرو :- طب ما انا فعلا ما بشفش غيرك
وبعدين تصدقى انا كنت لايمكن اتصور انك بالجمال ده

ياسمين :- ميرسى

عمرو :- على ايه ديه الحقيقة انتى ما فيش حد فى جمالك

ياسمين :- مش يمكن انت بس اللى تكون شايف كداااا

عمرو :- كفاية عليا انى اكون الوحيد اللى فى العالم اللى يشوف الجمال ده
بزمتك مش يبقى ربنا بيحبنى لو خلانى من وسط الكون اللى يتمتع بجمال زى ده

ياسمين :- ههههههههههههههه

عمرو :- يا خرابى ده ايه السكر ده

ياسمين :- ههههههههه

على فكرة انا لايمكن انى كنت اتصور ان ممكن اقعد معاك فى مكان واحد ونتكلم مع بعض

عمرو :- تصدقى بقى انى كنت بحلم باليوم ده
وكتير كنت اتمنى ولو للحظة انى اشوفك صدفة فى الشارع
مش انى اقعد معاكى واتكلم كمان

عمرو :- مش ها تريحينى بقى وتقولى بحبك

ياسمين :- لالالالالالالا

عمرو :- طب ليه كداااااا

ياسمين :- مش عارفة بسسسسسس بجد مش عارفة ليه !!!!!

عمرو :- طب لو قلتلك انى بموت فيك
وفى جمال عنيكى
ونفسى اسمع منك كلمة بحبك يا اغلى واحلى انسانة فى حياتى
ولو ما قولتليش دلوقتى بحبك ها يبقى ده اتعس عيد ميلاد ليا

ياسمين :- بقى كداااااا اتعس عيد ميلاد وانا معاك

عمرو :- طب ما تكملى فرحتى وتريحينى وتقوليلى بحبك

ياسمين :- امممممممممم بحبك استريحت

عمرو :- ايه ؟؟؟!!!!!!!!
تاااااانى كدا

ياسمين :- بحبك والله العظيم بحبك انت وبس

عمرو :- يا لهوى ده انا ممكن اموت من الفرحة
تانى كدا الا اكون بحلم

ياسمين :- بحبك يا عمرو

عمرو :- بموت فيكى يا ياسمين
يا روح قلب وعقل عمرو يا كل كيان عمرو

ياسمين :- بس كدا عشان انا دلوقتى اسعد انسانة فى الدنيا

عمرو :- لا طبعااااا عشان انا اسعد منك بكتيييييير اوى اوى اوى
واتمنى ان العمر يقف فى اللحظة ديه وما يمشيش
وافضل معاكى بقيت عمرى كله

وفجأة النور يقطع ........ قصدى والدة ياسمين تطب عليهم فجأة وتقطع احلى لحظة فى حياتهم

[ميره]

الحلقه التاسعه ......... ونخوش بسرعة .......


كنا وصلنا لاحلى لحظة رومانسية بين عمرو وياسمين
لحظة الحب والعشق بين الطرفين
اللحظة اللى قالت فيها ياسمين اخيرا لعمرو انها بتحبه وبتموت فيه ويمكن اكتر كمان ما هو بيحبها ....

خلص اليوم بسرعة بالنسبة لياسمين( دايما اللحظات الحلوة بتخلص هوااا )

واول ما روحت اتصلت بعمرو
اتكلموا شوية وقالتله ان ده كان احلى يوم فى حياتها وانها كانت اسعد انسانة فى الدنيا عشان كانت مع حبيب قلبها وال انتظرته طول السنين يخطف قلبها

عمرو هو كمان كان اسعد انسان فى الدنيا
طبعا عمرو ما يقدرش يعدى يوم زى ده على كدا حب يشارك فرحته صحابه واللى كانوا سبب فى انه يكلمها

اتصل بحودة والخطيب
واجتمعو
واتمشوا على البحر وحكالهم عمرو على اللى حصل......
وكانو فرحانين علشانو جدااااااااا
بيتمشوا على الكورنيش
وحودة كالعادة بيمارس موهبته فى فن معاكسة البنات

حودة :- شايف ياض البنت اللى ذى البدر اللى هناك ديه

الخطيب :- هههههههه ... يا عم سيبها ديه ماشية مع حمار بدل ما ييجى يضربنا

عمرو :- لا والنبى يا حودة مش طالبة نضرب النهاردة خااااااااااااالص

حودة :- يا جدعان ضرب ايه وبتاع ايه
ساعة الضرب ........الجرى نص الجدعنة

حودة .......الخطيب ....... عمرو
هههههههههههههههه

الخطيب :- انت بالنسبة ليك الجرى كل الجدعنة

حودة :- يااااااااااااااا لهوى انت واخد بالك من الجيبة اللى هناك ديه

الخطيب :- ههههههههههههههههه
يبنى بس وجعتلى بطنى
هههههههههه

واستمر حودة على كدا طول السهرة وضحك وهزار
وعاش عمرو احلى يوم فى حياته واللى بيه تبدأ حياته

وتعدى الايام وتروح

وفى يوم كان اصعب يوم على قلب ياسمين
والساعة 8 بيرن موبايلها
شافت رقم عمرو جرت على الموبايل وبكل لهفة وشوق بترد

عمرو :- الو

ياسمين :- ازيك...................... وحشتنى

عمرو :- كويس ( صوت الواد متغير )

ياسمين :- مالك فيه ايه صوتك متغير !!!

عمرو :- لا ابدا مافيش

ياسمين :- لا فيه قول مالك عشان ما تقلقنيش عليك

عمرو :- فى موضوع كدا بس مش عارف اقول ايه ؟

ياسمين :- لا قول يا عمرو

عمرو :- ياااااااســـمــــين

ياسمين :- نعم

عمرو :- احنا مش ها ينفع نكمل مع بعض

ياسمين :- نعم

عمرو :- اسمعينى بس للاخر وسيبينى اتكلم .............. انا عارف ان الكلام اللى ها اقوله صعب عليكى ..................... بس انا اسف يا ياسمين

ياسمين :- عمرو انت عارف انت بتقول ايه ؟

عمرو :- سامحينى .................. ويارب تقابلى الانسان اللى يحبك اكتر منى و يخاف عليكى ادى

ياسمين :- عمرو ليه كل داا......!!!!.....
بدأ صوتها يبان عليه دموعها

عمرو :- اسف سلام يا ياسمين
(((((((( وقفل السكة ))))))))

ودى اصعب لحظة فى حياه ياسمين .......... طبعا ما سكتتش .......اتصلت بيه تانى كنسل .........وقفل الموبايل

جرت ياسمين ودموعها مالية عنيها على مامتها تقولها اللى حصل
ومش عارفة تتكلم ......... حاسة ان روحها بتطلع منها
الانسان الوحيد اللى حبته بيقولها ما ينفعش نكمل مع بعض وبدون سبب
طول اليوم عمرو قافل الموبايل
وبليل ...........

مروة صحبتها بتروحلها البيت وجواها كلام كتير مش عارفة تبدأه منين
............لقت ياسمين فى حالة عمرها ما شافتها فيها ولا كانت تتخيل انها تشوفها كدا
ذى الاطفال بتبكى على حبيبها اللى راح منها............. بين يوم وليلة بعد ما شافت معاه اسعد ايام حياتها

وكانت الكارثة الاكبر

مروة :- ما تبكيش عليه هو اساسا ما يستهلكيش

ياسمين :- انا بس عاوزة اعرف هو عمل كدا ليه ؟
مروة :- انسيه بقى ........... عمرو ما حبكيش ولا عمره ها يحبك

نزلت كلمات مروة على ياسيمن ذى الصاعقة
مش عارفة تقولها ايه ولا ايه

ياسمين :- فيه ايه وايه اللى حصل !

مروة :- عمرو لسة شايفاه هو والخطيب راكبين عربية ............
الخطيب سايق وعمرو قاعد هو وواحدة وراء

ياااااااااااااااااااااااا اااه
المصايب كلها بتيجى فى وقت واحد
حبيبها طلع بيخونها ......... لا ده حتى ما حبهاش ...........وفى اشد لحظات احتياجها ليه ....... نسيها ومع واحدة تانية

اتجنت ياسيمن وعاوزة تكلمه باى طريقة
فكرت .......

اتصلت ب سلمى ( اخت صباحو كدب ) صاحبهم الرابع

ياسمين :- ازيك يا سلمى عاملة ايه ؟

سلمى :- الحمد لله مالك صوتك فيه حاجة متغيرة

ياسمين :- لا ابدا تعبانة شوية

سلمى :- لا الف سلامة عليكى

ياسمين :- محمد اخوكى موجود

سلمى :- محمد اخويا !!!!!! .......وانتى عاوزاه ليه !!!!!

ياسمين :- موجود ولا لا ؟؟

سلمى :- لا مش هنا

ياسمين :- امال فين ؟

سلمى :- اكيد مع شلته هو وراه غيرهم

ياسمين :- انتى تعرفيهم كويس يا سلمى

سلمى :- اه اخويا دايما بيكلمنى عليهم ..........ليه ؟؟

ياسمين :- بيقولك ايه

سلمى :- يعنى انهم على طول فى سهر وخروج وبنات فى الكلية وهزار وضحك ولعب وكدا ........... عايشين حياتهم يعنى

ياسيمن بتكلمها وبتخبى دمعتها لا يبان عليها وبتقولها اوك ها اكلمك تانى وتقفل السكة
ومامتها قاعدة جمبها وبتقولها

مامتها :- خلاص بقى اوعى تجيبى سيرته تانى .......انسيه زى ما نسيكى .. و اوعى تندمى عليه...

ياسمين :- طب ليه يا ماما عمل كدا ؟ بقى ده ذنبى انى حبيته ؟

مامتها :- خلاص بقى ربنا يسامحه واهو عنده اخوات بنات

ياسمين :- بس انا متاكدة انه بيحبنى زى ما بحبه

مامتها :- كفاية بقى يا ياسمين اديه طلع كداب
وكفاية لحد كدا والحمد لله انها جت على اد كدا ............

وبتسيبها وتمشى
وياسيمن ما تلاقيش حد يمسح دمع عنيها وتقعد تفكر فيه
معقول ما حبنيش .................. طب ازاى ده انا كنت حاسة كل كلمة بيقولها ........طب ليه عمل كدااااا ... طب ليه قالى انه بيحبنى وضحك عليا
ليه ...... و ليه ...... وليه ...........؟؟؟؟؟؟؟؟؟
والف سؤال بيدور فى دماغها
وماحدش يقدر يجاوبها غير واحد بس
حبيبها عمرو
اللى ماحدش عارف هو فين دلوقتى ؟

وووووووووووووووو
تخلص الحلقه التاسعه على اصعب مشهد فى حياه ياسمين صدمة حياتها فى حبيب قلبها

___________________________________
ونكمل المرة الجابة مع الحلقه العاشره استنووووووووووووووووووناا اااااااااااااااااا

[Ali Pharouq Najar]

طيب هوا أيه اللى خاله عمرو يعمل كده .....
خلى الحلقة اللى جايه تيجى بسرعة يا ميرة ....
تحيــــــــــــــــــــــ ـــــــــــــــــــــــــ ـــــــــاتى