للرومانسين فقط....عشان الإحساس Over شويه! (الحلقة التاسعه)

[مريان]

مش بقولك ياميره فكرتينى بالذى مضى

كانه نفس المشهد بيتعاد تانى

المهم

مستنيه الباقى

[دموع الاقمر]

انا كان حصلي ظروف ومكنتش اقدر افتح فانا قرات الحلقات الي فاتتنى ورا بعد بس بجد يا قمر هى قصة جميلة اوى بس ياعنى انا نفسي اعرف بقي لية اى ولد بيعمل زى معمل عمر ولما هو كان بيكلمها كان صوتة حزين لية وعلي اية مدام مش بيحبها

[A7med elsayed]

yes

yes

yes

....

[ميره]

طيب هوا أيه اللى خاله عمرو يعمل كده .....
خلى الحلقة اللى جايه تيجى بسرعة يا ميرة ....
تحيــــــــــــــــــــــ ـــــــــــــــــــــــــ ـــــــــاتى

تحياتى ليك
ميرسى للمتابعه
الجميله والحلقه
هتنزل بعد شويه

[ميره]

مش بقولك ياميره فكرتينى بالذى مضى

كانه نفس المشهد بيتعاد تانى

المهم

مستنيه الباقى

بس كملى ياجميله وشوفى
اخر الموضوع ايه
ومش هطول عليكو والله تحياتى
لمتابعتك الجميله

[ميره]

انا كان حصلي ظروف ومكنتش اقدر افتح فانا قرات الحلقات الي فاتتنى ورا بعد بس بجد يا قمر هى قصة جميلة اوى بس ياعنى انا نفسي اعرف بقي لية اى ولد بيعمل زى معمل عمر ولما هو كان بيكلمها كان صوتة حزين لية وعلي اية مدام مش بيحبها

يارب كان المانع خير ياقمرايه
بس انتى هتعرفى باقى القصه
وهو مش بى ايده وهتعرفى هو
هيعمل ايه عشنها تحياتى ليكى

[ميره]

yes

yes

yes

....

مغسى حماده yes

[ميره]

الحلقــــــــــــــة العاشـــــــــــــرة


كنا انتهينا عند الفراق وازاى الفراق بيبقى صعب اوى اوى
وخصوصا للعشاق اللى بيحبوا بجد وبيخلصوا لحبهم بجد من كل قلبهم

بس يا ترى عمرو
خاين
وكداب
وانانى
وضحك عليها وماحبهاش بعد كل ده !!
طب ليه عمل كل ده من الاول ؟؟
وليه سابها من غير حتى وداع ويقولها على سبب ؟؟!!
يا ترى ياسمين عملت حاجة غلط ؟؟
ياترى كان بيضحك عليها طول الفترة ديه ؟؟
.....

كل ديه اسئلة كانت بتدور فى عقل ياسمين بس بدون اى اجابة
ومش لاقية اللى يرد عليها

عمرو وقافل موبايله وكل اللى تسألهم عنه يحزروها منه
طب بعد ايه ؟؟؟؟؟؟
... بعد ما حبته من كل قلبها...

يلا نكــــــــمل

ها نسيب ياسمين واللى هى فيه
ونروح لعمرو
ونرجع لليوم اللى عمرو اتصل بيها وقالها انه خلاص مش ها ينفع يستمروا مع بعض
ايه اللى خلاه يعمل كدا ها نعرف دلوقتى
....................

والد عمرو :- بنت عمك جاية النهاردة ولازم تروح تجيبها من المطار

عمرو :- اشمعنا

والد عمرو :- ياعمرو انت عارف اشمعنا انت ؟؟!!
(( وده موضوع قديم اوى ومعروف فى المجتمع المصرى ومنتشر جدااااا ...ان لازم ابن العم يجوز بنت العم عشان بنات العيلة ما تخرجش بره ))

وهما متربين من صغرهم مع بعض ... لكن عمرو ما بيحسش قدامها غير انها اخته وبس ............وهى كمان زى اخوها

بس والد عمرو ووالدها مش شايفين كداااا

عمرو :- يا بابا احنا ها نتكلم فى الموضع ده تانى مش كان انتهى من زمان

والد عمرو :- يعنى ايه انتهى ديه بنت عمك وخطيبتك من وانت فى اللفة

عمرو :- طب وانا ذنبى ايه ؟ هى بالنسبة ليا مجرد اختى وبس
وبعدين انا فيه واحدة فى حياتى وبحبها وما اقدرش احب غيرها وعاوز اتقدملها

والد عمرو اول ما سمع الكلام ده اتجن اكتر واكتر

والد عمرو :- وديه بنت مين البرنسيسة ديه اكيد واحدة من الشارع

والدة عمرو :- براحة الكلام ما يبقاش كدا عمرو مش صغير

والد عمرو :- افهم مين؟؟؟ ابنك عاوز يجننى

عمرو :- يا بابا انا حر وده مستقبلى وانا بحبها وهى بتحبنى ومتفقين على كل حاجة

والد عمرو :- يعنى ايه متفقين .... ها تكسر كلمتى .... انا ابوك واعرف اكتر منك
انت لسة صغير وما تعرفش حاجة

عمرو :- لا انا مش صغير وعارف مصلحتى كويس وبعدين ان حر فى انى اختار شريكة حياتى

(( وفى جزء اقل من الثانية ))

ينزل الم على خد عمرو

والد عمرو :- ها تعمل اللى انا عاوزه وها تنفذه

(( عمرو بيدخل اوضته ويقفل الباب ))

وعشان ما حدش عارف اى حاجة فى اى حاجة ........... ودايما الاب والام بيحسوا ان ابنهم ده لعبة فى ايديهم يشكلوها ذى ما هما عايزين ..........وما لهمش حق حتى فى اختيار شريكة حياتهم ولا مستقبلهم

ويستمر النقاش قصدى العراك بين عمرو ووالده وكانت مامته بتقنع عمرو انه يسمع كلام والده اختصارا للمشاكل .......

اخد والد عمرو الموبايل من عمرو ........ واجبره على الاتصال وانه ينهى كل حاجة ..........ولما عمرو رفض شاط الاب اكتر واكتر

ووالدة عمرو ما بقتش عارفة تعمل ايه ؟؟؟
خايفة على عمرو وما ينفعش تكسر كلمة والده .......... اقنعت عمرو انه يتصل ويقول الكلام اللى عمرو قاله ......... ووعدته انها تقف جمبه ........ وتساعده بس لما الامور تهدى

وتحت الحاح الجميع
اضطر عمرو انه يتصل ويقول الكلام اللى عمره ما اتخيل انه ممكن ينطقه وكانت كل كلمة بتطلع منه ...... وكأن روحه بتتسحب بيموت كل مرة بينطق فيها كلمة وداع

اخد والد عمرو من عمرو موبايله
واتصل بالخطيب صحبه عشان ييجى ياخد عمرو ويروح المطار يجيب بنت عمه
وانه يحاول يقنعه انه يدور على مستقبله وانه لسة صغير ..... ولسة ها يقابل كتير

راح عمرو وهو شايل هموم الدنيا وعمال يفكر فى ياسمين
وياترى بتقول عليه ايه دلوقتى .. ؟؟؟؟

اقنعه الخطيب انه يهدى ويستنى يمكن مامته تعرف تعمل حاجة وبلاش انه يسابق الامور

عدى يومين ولسة المشكلة ما اتحلتش
اتصل عمرو ب ياسمين من موبايل صحبه
وكانت النتيجة متوقعة
.....

عمرو :- الو

والدة ياسمين :- ايوة مين

عمرو :- انا عمرو يا طنط

والدة ياسمين :- عمرو .............. انت لسة ليك وش تتصل هنا

عمرو :- طب ممكن افهم حضرتك اللى حصل

والدة ياسمين :- لا مش عاوزة افهم اى حاجة
وياريت تنسانا وتنسى ياسمين وما تحاولش تتصل هنا تانى ابدا
وسيبها فى حالها وكفاية اللى شافته منك

عمرو :- طب .....

والدة ياسمين :- خلاص يا عمرو ما ينفعش الكلام
ياسمين خطوبتها كمان اسبوع
( ياااااااااااااااااااااااا اااااااا لهوى )

عمرو :- نعم

والدة ياسمين :- زى ما سمعت وما تحاولش تتصل هنا تانى من فضلك

والدة ياسمين :- سلام

اتجن عمرو وكره دنيته وحياته بعد ما سمع الكلام ده ...... عاوز يروح يرمى نفسه فى اى حتة ويختفى من الدنيا ...... ما خلاص اللى حبته فى الدنيا راحت وضاعت من ايده
وبسبب ايه ...... ؟؟
حاجة مش بايده

كان هاين على عمرو انه يولع فى الدنيا ها يموت من حزنه عليها قلبه بيتقطع على حبيبة قلبه
ولولا انه كان معاه صحبه هداه....... الله اعلم كان اى اللى ها يحصل

الخطيب :- يا عم انت اهدى بس اهدى شوية

عمرو :- اهدى ايه انت مش شايف مامتها قالت ايه ؟؟

الخطيب :- يا عمر وانت ايه اللى يخليك تصدق....... ما يمكن بتقول كدا عشان تبعدك وتخليك ما تتصلش تانى

عمرو :- لا لا لا لا لا

عمرو :- عاوز اشوفها عاوز اكلمها
مش قادر ها اتجنن

معقول ها يبعد عنها معقول مش ها يشوفها تانى !!
معقول ها تبقى لحد غيره !!
معقول تنساه بالشكل ده !!
معقول بعد ما القدر يخليه يشوف سعادة الدنيا وما فيها !!
يخليه اتعس انسان فى الدنيا !!
معقول القدر يلعب معاه ويدمر حياته !!

يا ترى ها اعيش لمين من بعدك يا ياسمين !!
بيقولها عمرو بكل حسرة والم وشوق وجراح

الخطيب :- يا جدع اهدى بقى حرام عليك مش كدا

الخطيب :- طب استنا انا ها اعرفلك كل حاجة

(( الخطيب بيتصل باخوها على موبايله ))

الخطيب :- الو باسم

باسم :- ايوة

الخطيب :- انا الخطيب ............ازيك يا باسم

باسم :- الحمد لله

الخطيب :- انا كنت عاوز اقابلك دلوقتى ضرورى

باسم :- ليه ؟؟

الخطيب :- عاوزك بس فى حاجة ضرورية

باسم :- عشان عمرو صح ؟؟

الخطيب :- ايه ده انت عرفت

باسم :- اه عرفت كل حاجة وعيب اللى عمرو عمله ده على فكرة

الخطيب :- يا عم طب انا عاوز اشوفك دلوقتى وها افهمك كل حاجة

باسم :- تفهمنى ايه ؟؟

(( ويخطف عمرو الموبايل من الخطيب ))

عمرو :- ايوة يا باسم انا عمرو وعاوز اشوفك دلوقتى

باسم :-اهلا يا عمرو ماكنش العشم يا عمرو ده احنا اصحاب

عمرو :- ماهو عشان اصحاب يبقى لازم اشوفك دلوقتى

باسم :- انتم فين ؟؟

عمرو :- انت فين واحنا نجيلك

اتقابلو هما التلاتة

وكان رد فعل باسم غريب جداااااااا
بس .....


_________________
ها نعرف فى الحلقه ال 11

[ميره]

الحلقـــــــــة الحاديــــــــة عشــــــــــر





وندخل بسرعة وبدون مقدمات عشان المفأجات..؟؟

وصل عمرو والخطيب وباسم وتقابلوا هما التلاتة
اتكلموا كتير اوى

اقنع عمرو باسم انه فعلاا نيته كويسة وانه عاوز يتقدم لاخته وانه عمل كل ده عشان بيحبها وكان عاوز يتاكد الاول من مشاعرها........ ويصارحه بعديها وان كل اللى حصل ده مش بايده
طب بعد اييييييييييه ....... قالها باسم وهو قاصد كل حرف فيها
بعد ايه .... يا ريتك كنت فهمتنى من الاول وياريت اللى حصل ده ما كنش حصل

عمرو :- ليه ايه اللى حصل ؟؟ وبدأت نبضات قلب عمرو تتزايد .... قلبه بيدق فى الثانية الف مرة .. حاسس ان حبيبته ها تضيع بجد المرة ديه

اكد باسم لعمرو ان والده بعد ما عرف الحقيقة ان ياسمين بتكلم واحد من وراه ....... غصب عليها انها لازم توافق على العريس ( ابن صاحبه ) وانها لو رفضت يبقى تاخد امها وتسيب البيت !!!!

ماكنش فيه حاجة فى ايد ياسمين غير انها توافق وخلال يومين كل حاجة كانت اتحددت المهر .. الشبكة .. الخطوبة ... حتى ميعاد الفرح اتحدد
كل ده حصل بين يوم وليلة
كل ده حصل ازاى
وامتى وفين ؟؟

كل ده بسبب حاجة هما الاتنين ما لهمش ذنب فيها غير انهم حبوا بعض من قلبهم
بس ما يعرفوش ان نهاية حبهم ها تبقى على ايد القدر اللى ذى ما جمعهم صدفة .... صمم انه لازم يفرقهم برده صدفة

اتجنن عمرو اكتر واكتر ... وما عرفش يعمل ايه غير انه جرى على البيت زى المجنون

عمرو :- مش انتى قولتيلى انك ها تقفى جمبى وها تساعدينى فين كلامك دلوقتى ياسمين خلاص ها تتخطب وانتم السبب
ولو حصل والله لموت نفسى وانتم بقى عيشوا بقية حياتكم ندمانين ...... ولا ليه تندموا وانتم اساسا مش حاسين بحاجة ... مش عارفين يعنى ايه حب .... مفكرينى لسة صغير....... لا انا مش صغير واخترت شريكة حياتى وانتم اللى ها تضيعوها من ايدي وعمرى ما هاسامحكم على اللى عملتوه فيا.....

قالها عمرو وهو مش حاسس بحاجة غير دموعه على خده ومامته بتحضنه ومش حاسة بنفسها ومش مصدقة اللى بتسمعه .........

اخدت رقم بيت ياسمين من عمرو
واتصلت بوالدة ياسمين وصممت انها لازم تقابلها

وقابلتها وفهمتها كل حاجة حصلت وانها على استعداد انها تروح لوالد ياسمين وتشرحلوا كل حاجة ...... وتفهمه ان والد عمرو على استعداد انه يقابله ...... لانه استحالة يقدر يشوف عمرو بالحالة ديه ... ووصفتلها اد ايه عمرو حزين وليل ونهار ماعندهوش سيرة غير ياسمين وقافل اوضته عليه وعامل ذى الاطفال وانها عمرها ما شفته بالمنظر ده قبل كدا ... بس للاسف .........

شرحتلها والدة ياسمين اد ايه والدها صعب جدااااااا ... وانه استحالة يخسر صحبه بعد ما اتفقوا تقريبا عل كل حاجة ........ وان ديه قسمة ونصيب ... وانها سعيدة بمعرفة عمرو ووالدة عمرو وان اللى فيه خير يقدمه ربنا ... وان كان ليه نصيب فيها ماحدش يقدر ياخدها منه وانها ها تعمل اللى عليها وربنا معاها.......

والدة عمرو كانت بتسمع الكلام ده ومش عارفة هى ها توصله ازاى لعمرو .... وياترى عمرو ها يعمل اى لما يسمع كلام زى ده.....

وما قدرتش والدة عمرو تقول الكلام ده لابنها بس هو فهم كل حاجة من غير ما تقوله بمجرد انه بص فى عنيها وشاف دموعها

فهم عمرو انه خلاص ما لوش نصيب فى ياسمين .... بس من جواه رفض الاستسلام
اتصل بياسمين وكان من جواه نفسه يسمع صوتها لاخر مرة ...... نفسه يكلمها لاخر مرة بس مش نفسه يقول وداع .... كان من جواه متاكد ان ياسمين عمرها ما ها تبعد عنه وان استحالة الحب ده كله يضيع فى الهوا
كل جزء من جسمه ها يفضل فاكر ياسمين ..... لان مش قلبه بس اللى حبها .

اتصل عمرو بياسمين
وسمع صوتها وكانه اول مرة يسمعه سامع نبض قلبها .. سامع دمع عنيها ... وبيرد قلبه عليها وبيقولها ما تخفيش يا ياسمين ... عمرنا ما ها نبعد عن بعض .. حتى لوافترقنا ها يفضل قلبى فاكرك

ياسمين :- بحبك يا عمرو وخايفة ابعد عنك .... خايفة يبعدونا عن بعض واحنا ما صدقنا نلاقى بعض .... خايفة ابقى لانسان تانى غيرك

عمرو :- ما تخافيش يا ياسمين واوعى تقولى كدا تانى انا ها افضل معاكى لاخر لحظة فى عمرى
وعمرى ما ها سيبك تضيعنى منى ابداااا ولو وقفت قدام الدنيا كلها

بكى عمرو وبكت ياسمين وكانت دموعهم هى ضحية هواهم ... بس اكيد القدر مش ها يبعدهم عن بعض ابدااااااا .....وتمر الايام وتفوت وقلب عمرو مجروح ومش عارف يكلمها ومش فى ايده اى حاجة يعملها.... وبعد ايااااام بسيطة جدااااااا

بيسمع عمرو ان خطوبة ياسمين النهاردة ...... معقول اكيد ده بيحلم اكيد ده حلم مش علم .....

اصحاب عمرو حاولوا انهم يخففوا الصدمة عليه شوية بس كانه كان عارف من جواه ان ده ها يحصل وكان مستنيه وكأنه مستنى الموووووت
حاولوا انهم يمنعوه بس عمرو صمم انه لازم يروح الخطوبة ويعمل اى حاجة ...

صحابوا خافوا عليه ...

الخطيب :- اكيد انت مجنون

عمرو :- انا ابقى مجنون لو سبتها تضيع من ايدى ... لازم اعمل اى حاجة

وبعد طول نقاش بينهم قرر عمرو انه لازم يروح بس اكيد صحابو مش ها يسيبوا فى يوم ذى ده

وفعلااااااااااااااااااااا ا راح عمرو الخطوبة ودخل القاعة بس كانت فيه مفأجاه

وفجأأأأأأأأأأأأأأأأأأأأأأ أأأه !!!!!!!!

____________________________________________
نكمل الحلقه ال 12 مع يوميات عمرو وياسمين

استنونا واوعوا تغيبوا عننااااااااااااا
فى الحلقه القادمة المفاجاه بكل المقاييس

[دره]

ميره
دلوقتى حالا حالا انا عايزه اعرف اللى حصل