تقبلى تتجوز مطلق أو أرمــــــل ؟؟؟

[A7med elsayed]

مع احترام اراء الجميع انا اقبل اتجوز ارمل او مطلق بس طبعا يبقى عنده دين وبيتقى الله وحكايه انى ابقى اول واحده فى حياته برفضها لان مش مهم انا رقم كام المهم ابقى الاخيره ويحس انه عمره مكان مرتاح قبلى حتى لو كان ماضيه وحش المهم انه تاب واتهدى

إنتى بقى عملتى بالحديث
"إذا جاءكم من ترضون خلقه ودينه فزوجوه إلا تفعلوا تكن فتنة في الأرض وفساد كبير "

يارب يبارك فيكى ويرزقك الزوج الصالح
دايما يارب فى سعاده يا أسماء بيتهيألى إسمك كدا

[A7med elsayed]

السلام عليكم ورحمت الله وبركاته
اولا بشكرك على موضوعك الجميل ده والى عيز نقاش جامد جدا وكرارات جامده بردو
ثانيا نخش فى الموضوع على طول بص يا احمد لو عن نفسى انا هوافق لو فى اعجاب
بينى وبينو ده لو هو ارمل اما لو مطلق فلزم اعرف كل حاجه عنه وسبب انفصله عند
زوجته الاوله وايه الاختلفات الى كانت بنهم دايما هى طبعا هتختلف من شحصيه
لسخصيه بس لزم اعرف كل حاجه عنه بردو وتكون هى انتهت من حياته تمام حتى
لو مثلا فى طفل وهو عيزه معاها هيكون ابنه دى ابنى عشان انا بحبه هو هحب اى
حاجه من رحته زاى ما بيقوله بس زاى ما قولتلك يكون الزوجه الاوله دى تكون صفحه فى
حياته وتقطعت مش اتمسحت سعات المسح بيسيب علامه او خيل انا مش عيزه كده
هتكون انفصلت تماما بس بنسه ليه يعنى تقوله لاء لراجل مطلق او ارمل او ست نفس
النظام انا من وجه نظرى هوافق لو حصل قبول للموضوع ممكن الانسان ده اختياره الاول
كان غلط مش صح مش هنعقبه عليه عشان اختار غلط ولا هنعقبها عليه عشان
اختارت غلط هى دى الحياه ولزم نتعرض لتجارب انت عارف يا احمد انا فى ناس قريبى
يعنى واحد قال انا لما افكراحب وحده لزم متكونش حبت قبلى يعنى انا اولا حب فى
حياتها عيزه اقولك انو لما حب وخطب وتجوز كانت متجوزه قبله ليه عشان عرف قيمتها
وعرف هى اد ايه انسان كويسه ومحترمه جدا بس هو النصيب مش اكتر يا احمد
والله الكلام كتير بس مش عيزه اطول عليك اكتر من كده تحياتى ليك ولو فى اى
سؤال انا ممكن اجوبك عليه عادى تحياتى ليك ويارب دايما فى تقدم وتميز كده

حبيـــــب قلبى اللى بستنى رده
هقول بس يا عم بعد الكلام الجميــــل اللى انت قولته دا
وبعدين أيه أطول عليك دى هو إحنا فينا من كدا ؟؟
ربنا يبارك فيكى يا أميره ويرزقك يارب بأحسن زوج فى الدنيا ويحافظ عليكى لانك إنسانه محترمه جدا
قولى أمين يا بت !!

[A7med elsayed]

انا مبسوط جداااااااااا بيكم يا بنات وبعقليتكم المتفتحه وربنا يهديكم ويرزكم بأزواج صالحين يتقوا الله فيكم

والله يا تريكه أنا مبسوط أكتر
ربنا يهدينا جميعا ويرزقك الزوجه الصالحه

[مونه]

بجد أحمد موضوعك جميل ويستأهل النقاش
وأنا على نفسى أكيد أوافق ليه لا أيه
عيبه يعنى وليه نحرمها لينا ونحللها ليهم
بمعنى لو الواحد أتجوز مطلقه او أرمله يبقى
عادى ولو العكس يبقى مش عادى
وحكايه إنى أبقى أول بخته دى حاجه عبيطه جداً
مع إحترامى الشديد لرأى أى حد بس ممكن
أكون أول بخته فى الزواج بس مش أول بخته فى الحب
ولو عنده طفل بجد والله عادى بالعكس دانا
هاحاول أحببه فيا ولما ربنا يرزقنى بطفل
هاخليهم زى بعض فى كل حاجه وبعدين كده أنا
بعامل ربنا فى الطفل قبل أى حد
وأكيد بدل وافقت عليه يبقى عمرى
ماهاحسسه أنى صاحبة فضل عليه ولاحاجه
لأنى رضيت بيه من الأول عن إقتناع
مش بالغصب او العافيه
وبجد والله دى وجهة نظرى
وطبعاً مع إحترامى الشديد لوجهة نظر غيرى
وبجد أحمد سورى على الرغى بس موضوعك رائع

[A7med elsayed]

بجد أحمد موضوعك جميل ويستأهل النقاش
وأنا على نفسى أكيد أوافق ليه لا أيه
عيبه يعنى وليه نحرمها لينا ونحللها ليهم
بمعنى لو الواحد أتجوز مطلقه او أرمله يبقى
عادى ولو العكس يبقى مش عادى
وحكايه إنى أبقى أول بخته دى حاجه عبيطه جداً
مع إحترامى الشديد لرأى أى حد بس ممكن
أكون أول بخته فى الزواج بس مش أول بخته فى الحب
ولو عنده طفل بجد والله عادى بالعكس دانا
هاحاول أحببه فيا ولما ربنا يرزقنى بطفل
هاخليهم زى بعض فى كل حاجه وبعدين كده أنا
بعامل ربنا فى الطفل قبل أى حد
وأكيد بدل وافقت عليه يبقى عمرى
ماهاحسسه أنى صاحبة فضل عليه ولاحاجه
لأنى رضيت بيه من الأول عن إقتناع
مش بالغصب او العافيه
وبجد والله دى وجهة نظرى
وطبعاً مع إحترامى الشديد لوجهة نظر غيرى
وبجد أحمد سورى على الرغى بس موضوعك رائع

شوفتى بقى الكلام العبيط بتاعك سورى طولت عليك ومش عارف أيه
يا ينتى انتى ارغى زى مانتى عايزه صحيح دماغى هتصعد شويه
بس زى بعضه زى اختى واتحملك هعمل ايه
وعلى فكره ربنا يبارك فيكى على رقى فكرك
وربنا يرزقك يا ستى بالزوج الصالح اى كان
عسل يا أمونه وردك جميل جدا

[عمارطه2009]

أنا عن نفسي ممكن أقبل أنسانه مطلقه لو في أعجاب بينا وبعدين المطلقه بتعمل المستحيل علشان تعيش وماتتعرضش للفشل مرة تانيه ومع ذلك تلاقي أغلب المطلقين الستات مالهموش ذنب في اللي حصل لان مفيش ست في الدنيا تحب لقب مطلقه أما بالنسبه للارمله فانا لا أقبل أتجوز أرمله لانها دايما هيكون في وجه مقارنه بيني وبين زوجها الراحل

[ميره]

حبيـــــب قلبى اللى بستنى رده
هقول بس يا عم بعد الكلام الجميــــل اللى انت قولته دا
وبعدين أيه أطول عليك دى هو إحنا فينا من كدا ؟؟
ربنا يبارك فيكى يا أميره ويرزقك يارب بأحسن زوج فى الدنيا ويحافظ عليكى لانك إنسانه محترمه جدا
قولى أمين يا بت !!

ميرسى ليك يا احمد يالى كلك زوق
والله زاى ما انت بتستنه ردى انا
كمان مستنيه ردك فى القصه
الى انا منزله لرومنسين فقط
شكلك رومنسى دى دعوه لحضور القصه
تحياتى ليك احمد يامتميز ياعسل

[هشام اللول1]

موضوع جميل يا احمد

ولكن النصيب

والزواج مثل الرزق
لا يعلمه الا الله

واراء تحترم كلها
وبارك الله فيهم جميعا وحفظهم
ونسال الله ان يرزقهم الزوجه الصالحه والذريه الصالحه

بارك الله فيك وحفظك ورعاك احمد
دائما مواضيعك مميزة

[A7med elsayed]

موضوع جميل يا احمد

ولكن النصيب

والزواج مثل الرزق
لا يعلمه الا الله

واراء تحترم كلها
وبارك الله فيهم جميعا وحفظهم
ونسال الله ان يرزقهم الزوجه الصالحه والذريه الصالحه

بارك الله فيك وحفظك ورعاك احمد
دائما مواضيعك مميزة

ربنا يخليك يا لول
وصح كل شئ بيد الله وكل الاراء بنحترمها
ربنا يبارك فيك

[ELBRNSISA ESRAA]

مش شرط مطلق او ارمل ايه المشكله يعنى هو يعنى فيه حاجة عادى جدا بس المهم يكون كويس