أنا عاوز أتجوز بسنت ....!!!!!

[Hooba]

بص يا حاج الحكايه وما فيها انك أنت بتحب "بسنت".. و"بسنت" بتحبك.. إشطه كده ؟.. ما الشيء الناقص حتى تكتمل قصة حبكما؟!

ستجيء أنت إلى والدك ووالدتك في هذا اليوم من أيام الصيف وهما بيشربوا الشاي بالنعناع في البلكونة ويتكلموا -فيما يبدو- عن سنوات خطبتهما الأولى.. هذا هو الوقت المناسب.. الجو رومانسي.. والشمس توشك على الغروب.. والحاج والحاجة مزاجهم في السحاب...

"مساء الفل يا حاج.. مساء الورد يا حاجة"
ثم وبعد فاصل قصير -حتى لا تتفقس- من العبارات المنمقة عن أجمل زوجين في الدنيا.. وأحلى أب في الكون.. وأطيب أم في التاريخ.. ألقِ بقنبلتك..

"أنا عاوز أخطب...بسنت"

طبعا عليك أن تتفهم ردود الفعل الأولى التي عادة ما تكون حادة وشرسة وصادمة..
"بسنت.. مش دي البت الصايعة اللي بتقعد تكلمك في التليفون بالليل.. ها.. ده لو مبقاش فيه بنات في الدنيا كلها.. مش هتخطب البت دي".. والدتك تعبر عن رأيها كما هو واضح.. بطبيعة الحال سيعبر والدك عن رأيه بطريقته الخاصة هذا بعد أن يكون قد ألقى بفنجان الشاي المنعنع في الشارع ..

"بسنت..مش دي بنت الراجل اللي اسمه "عبعزيز حسونة".. الراجل ده أصلا مش بينزلّي من زور.. وشكله كده بتاع مشاكل.. ده كل يوم بيتخانق مع حد في الشارع.. بص.. أنا ممكن أوافق إنك تتجوز بنته في حالة واحدة بس.. إنك تقتله.. وفي الحالة دي هتدخل السجن وأكيد أهلها مش هيرضوا يجوزوها لك.. بس في الحالة دي يبقى أنا رضيت ضميري.. عشان ماتكتبش في مذكراتك اللي هتكتبها في السجن إن أبويا كان متسلط "

حتما ستنظر إليهما بعيون ملأتها الدموع.. ثم ستنظر لهما نظرة "عبد الحليم حافظ" لـ"عماد حمدي" في فيلم "الخطايا" عندما اكتشف أنه ليس ابنه!.. بعدها اجرِ على غرفتك وأغلق بابها عليك.. وتعالَ لنفكر معا في الخطة التي ستجعلهما يوافقان على الفور على زواجك من "بسنت".....

افتح باب غرفتك.. وانظر لوالديك نظرة "هذا ما جناه علي أبي وأمي!".. وقل لهما في مسكنة "أنا نازل الصيدلية.. دماغي مصدعة".. اذهب إلى الصيدلية التي يمكن أن يروها من البلكونة.. وقابل صديقك "سيد شامبو" الذي يعمل بها.. واطلب منه أن يجلب إليك علبة ضخمة من علب الحبوب المنومة.. فاضية طبعا!..


عندما تعود إلى المنزل احرص على أن تبدو وكأنك تخفي شيئا ما في جيب بنطلونك.. ثم انظر لوالديك نظرة تحمل معنى "الوادع.. أنا مش قاعد لكم في الدنيا دي!". وأغلق خلفك باب غرفتك في سرعة دون أن تتكلم كلمة واحدة.. حتما قلب والدتك لن يحتمل هذا المشهد.. ستطرق باب غرفتك "تك.. تك.. تك" لا ترد عليها.. ستتزايد سرعة ضرباتها ثم ستنادي على والدك وتصرخ "الواد جرى له حاجة".. سيكسر والدك باب الغرفة وسيجدك مستلقيا على السرير وفي يدك علبة المنوم الفارغة وفي اليد الأخرى ورقة بيضاء مكتوب عليها بخط كبير "بسنت.. بحبك.. وهم اللي مارضيوش.. الوداع".. ستصرخ والدتك ويهم والدك بالاتصال بالإسعاف..!!


عليك هنا أن تتنحنح "كح كح كح!" قبل أن يتصل والدك بالإسعاف وتنقلب القصة لفضيحة! انظر لهما بعيون زائغة واهمس لهم باسم "بسنت".. حتما وقتها ستقول لك والدتك "هاجوزها لك يابني بس ماتعملش في نفسك كده" وستجد والدك يقول متأثرا "خلاص يابني.. هاقتل أنا أبوها وأدخل السجن بدالك!"..


هكذا ستصبح الحياة حلوة.. ولونها بمبي.. إلا أن الكارثة ستكون في صديقك "سيد شامبو" الذي يطرق باب شقتكم الآن.. والذي سيظهر اندهاشا شديدا عندما يفتح له والدك الباب بعيون دامعة وهو يقول له "الحق يا شامبو.. صاحبك بلع الحبوب المنومة"..لأن "شامبو" سيكون ذكيا كما هي العادة وسيقول لوالدك في بساطة شديدة: "ازاي بس ياعمي..ده أنا اديته بنفسي علبة منوم فاضية أصلا ".

الله يخرب بيتك يا سيد ..باظت الجوازه

[ملكة الاحزان]

هههههههههههههههههههههههه
ديه اخرت الكدب وانك تعرف ناس من اشكال سيد شامبو

بجد موضوع جامد تسلم ايديك ياهوبا

[شيخ البلد]

ههههههههههههههههههههههههه ه القصة جميلة جداً هوبة عجبنى جداً مشهد البلكون وكباية الشاى ساعة العصرية وفكرتى بالبلد و ابويا الله يرحمة ويسامح سيد شامبو و يعوض على بسنت

[ahmedhsalama]

مشكور يا حبيبى على الموضوع الجامد ده

[MaRiYoMa]

ههههههههههههههههههههههههه هههههههه دى اخرتها مصيبه من مصايبكم ههههههههههههههههههههههههه ه بس موضوع حلو

[Essam Net]

الله يخرب بيت سيد على بيت شامبوا ..
الواد بوظ الدور اللى اتسبكـ ده كلوا .. دا الواد كان هياخد جايزة اوسكار على التمثيل ده ..
روح يا سيد منكـ له .. انت عارف ايه الحل ابو الواد هيقتل ابو بسنت ..
والواد يقتل سيد شامبوا .. ويخلص نفسوا يا عم من الجوازه دى ..
شكراُ ليكـ يا هوبااا تسلم على الموضوع

[Hooba]

هههههههههههه تعرفوا يا شباب إيه أحلي ما في الموضوع ده كلو ؟؟؟؟
تعلقاتكم النااااااااااااااار دي
تسلموا لي يا اغلي الناس ..

[Serag Magdy]

والله يا عم الموضوع زي العسل
تسلم يا معلم

[Lover Sendrella]

هههههههه
بجد بجد موضوع تحفه
تسلم ايدك
و ديه اخره الكدب ههههه

[Hooba]

سيد ده مش هيشوف خير تاني في حياته أبدااااااااااااا....

باظت الجوازه