فى رأيك ما هى أكثر عيوب المصريين؟{وأنا مالى}

[ماجد m]

ما هى أكثر عيوب المصريين؟
تعرضت لهذا السؤال من إنسان غير مصرى....
وذلك بعد أن سرد لى سلسة من مميزات المصريين بأنهم شجعان ,جدعان,أهل ضيافه,أهل كرم, يتحملون فى الشدائد إلى غير ذلك من المميزات
وهذه المميزات ليست بالقليله وقد يفتقدها الكثير من الشعوب
وفى النهايه سألنى هذا السؤال؟
وفى الحقيقة أنى إضطربت جداً وكأنى لم أجد ولاعيب فى المصريين
وبعد فتره من السكوت والحيره
جاوبته بقولى:
أنا أر ى أن أكثر عيوبنا نحن المصريين هو شعارنا المرفوع دائما فى كل الأمور وتحت كل الظروف {وأنا مالى}
وهذا الشعار هو سبب لما نحن فيه من تخلف علمى وسياسى إلى غير ذلك
لأن المفسدون فى بلادنا أكثر من المصلحين............
والفساد إذا لم يحارب عم وانتشروالفساد فى بلادنا لم يجد محاربه أكثر من هذا الشعارالمرفوع وإذا حاول البعض أن يحطموا هذا الشعار وتلك الرايه لم نعرف لهم طريق بعد ذلك
والواضح أنهم يستعاروا للتغير فى كوكب آخر
هذا كان رأيى كما جاوبته
فما هى أكثر عيوب المصريين فى رأيك؟
محاولةً للإصلاح لا لفضح أنفسنا

[مونه]

بجد ماجد موضوع جميل ورائع
وزى ما أنت قولت عيبنا هو إننا بنقول
إحنا مالنا وبنقول كمان يالله نفسى
بنشوف الغلط ونقول إحنا مالنا
بنعرف الناس علشان نفسنا ومصلحتنا
وده أكتر عيب فى المصرين
بارك الله فى ماجد
ويلرب دايماً منور

[A7med elsayed]

طبعا رغم المزايا الكتـــــير جدا اللى فى شعبنا الطيب
فى ايضا عيوب كثيره

بس أنا أكتر حاجه بتضايقنى :
إننا بندخل فى كل حاجه ولازم نحشر نفسنا فى كل حاجه
مفيش ابدا ان واحد يعيش فى حاله خرج اكل لبس كويس لبس وحش
لازم نعلق على اى حاجه

لو واحد مثلا لابس شبشب
نضحك ونبص له ولابس شبشب
لو واحد اتجوز وجاب حاجات مش عارف نقول بردو ونتكلم

بصراحه دى اكتر حاجه تخنق فينا

خلونا نعيش فى حالنا
ومندخلش فى حياه الناس بقى

[ماجد m]

بنعرف الناس علشان نفسنا ومصلحتنا
الحمد لله إنى مفتكرتش العيب ده ساعتها
كنت خسرت صاحبى ده
شكراً لمرورك العطر أختى منى

[ماجد m]

طبعا رغم المزايا الكتـــــير جدا اللى فى شعبنا الطيب
فى ايضا عيوب كثيره

بس أنا أكتر حاجه بتضايقنى :
إننا بندخل فى كل حاجه ولازم نحشر نفسنا فى كل حاجه
مفيش ابدا ان واحد يعيش فى حاله خرج اكل لبس كويس لبس وحش
لازم نعلق على اى حاجه

لو واحد مثلا لابس شبشب
نضحك ونبص له ولابس شبشب
لو واحد اتجوز وجاب حاجات مش عارف نقول بردو ونتكلم

بصراحه دى اكتر حاجه تخنق فينا

خلونا نعيش فى حالنا
ومندخلش فى حياه الناس بقى

فعلا دى حاجه بضايق جداً
فى المصريين
وأنا شخصيا مبحبهاش
وبحاول على قد ما أقدر إنى معملهاش ولا حتى أشارك فيه
أسعدنى مرورك جداً أحمد

[الحريه]

أكثر عيوب المصريين فى رأيك؟

{وأنا مالى}

وكمان

(ياعم سيبنا نعيش )هى جات عليا هو انا يعنى

اللى هغير البلد ما الناس كلها ساكته اهى انا اللى هتكلم

ما الناس قاعده اهى انا اللى هتحرك

ما الناس نايمه انا اللى هفوق

ما الناس عامله عبيطه وسكته على اللى بينهبو انا هعمل مفتح

انا انا انا انا انا
................................................
......................................
............................


اشكرك على الموضوع

[ايسل]

عيب المصرين انا اراه من وجهة نظرى واراه واضح جدا وضوح الشمس (الخوف)
وهذا ما يحزننى واستغرب طول عمر المصرى شجاع واتسائل لما هذا الخوف ومن من
شكرا ماجد لما كتبت دمت متميز بموضوعاتك

[ماجد m]

أكثر عيوب المصريين فى رأيك؟

{وأنا مالى}

وكمان

(ياعم سيبنا نعيش )هى جات عليا هو انا يعنى

اللى هغير البلد ما الناس كلها ساكته اهى انا اللى هتكلم

ما الناس قاعده اهى انا اللى هتحرك

ما الناس نايمه انا اللى هفوق

ما الناس عامله عبيطه وسكته على اللى بينهبو انا هعمل مفتح

انا انا انا انا انا
................................................
......................................
............................

اشكرك على الموضوع

فعلا عندك حق كله ماشى فى وسط الزحمه
ومحدش عايز تكون نقطه التغير من عنده
وانا انا انا انا انا انا انا انا
بشكرك على مرورك الرائع

[ماجد m]

عيب المصرين انا اراه من وجهة نظرى واراه واضح جدا وضوح الشمس (الخوف)
وهذا ما يحزننى واستغرب طول عمر المصرى شجاع واتسائل لما هذا الخوف ومن من
شكرا ماجد لما كتبت دمت متميز بموضوعاتك

فعلا بس انا أعتقد أن المصرى لا يخاف على نفسه
وانما يخاف على غيره
فمثلا الأب يخاف إذا تكلم أن يضر بأولاده
والإبن كذلك يخاف ان يضر بوالديه حزنا عليه
اسعدنى مرورك جدا

[فتى الإسلام]

أنا بالنسبالي اكتر عيب مجنني
هو عدم النظام والاتقان
دا لو فيه شوية نظام كنا نبقى رواد العالم
موضوع جميل
بارك الله فيك