مراتك هي الأساس خش وانت تشووووف

**mido202010** · 8 - 7 - 2010, 12:11 AM

مرة واحد ماشى مع خطيبته واخر انسجام فقالها "عارفة اية هو الحب واية الجواز؟" قالته "لا" قالها: "الحب زى النجوم الجميلة اللى فى السماء" قالتله"طب والجواز؟" قالها:"دى البلاعة اللى واحنا بنبص على النجوم بنقع فيها.."

واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ليه يا حبيبي؟" قالها: "مش عارف يا حياتي المأذون كتب تاريخ انتهاء العقد فين

واحد نشر في إعلانات مبوبة :مطلوب زوجة!!! تاني يوم جاله 100 جواب فيهم نفس الرد: تاخد بتاعتي؟؟

واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!! الزوج: "فيه ايه يا بنت الحلال؟ ليه كدا؟؟؟" الزوجه:"ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده أسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟" الزوجه:"حصانك على التليفون ..!!"

مرة واحدة قالت لجوزها "إهدى حبيبى كدة وأرجع زى زمان"، الراجل طلقها و رجع لأيام العذوبية

واحد بيقول لمراته ... انا النهاردة عايز رومانسية فى البيت ... راحت الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز

واحده وحشه بتقول لجوزها بكره عيد ميلادى . قالها هنقف دقيقتين حداد

مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه الكوابيس دى بتجيلك؟"

مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا "هتعمل إيه؟" قالوا "هوديها الصين" قالوا "يا راجل فى عيد جوازكوا العاشر توديها الصين، أومال فى عيد جوازكوا الخمسة وعشرين هتعمل ايه؟" فقالوا "هروح اخدها"

يارب تعجبكم بس ياريت تشجعوني و انا مش هخليكوا تقفلوا بقكوااااااااااااا

مع تحيات : البطه المرحه

**Ali Pharouq Najar** · 8 - 7 - 2010, 12:25 AM

هههههههههه
جميلة جدا...
نايس توبيك ..

**mido202010** · 8 - 7 - 2010, 12:28 AM

مشكووووووووووووووووور

**mo7a26** · 8 - 7 - 2010, 12:30 AM

واضح انك معقد/ة
من الجوازجدا
بس بجد نكت هايلة
استمر/ي

**mido202010** · 8 - 7 - 2010, 12:42 AM

و مييييييييييييين مش متعقد

**البنت الجديده 1** · 8 - 7 - 2010, 01:08 AM

ههههههههههههه حلو اوووووووي الموضوع
في استمرار وعلي نفس النحو داااااااااااااااااااا
لان الموضوع دا اصلا النتكت فيه حلوه علشان اللي متعقدين من الجواز

**mido202010** · 8 - 7 - 2010, 01:20 AM

وراكوا وراكوا لحد ماتعنسواااااااااااااااااا اااااااااااااااااااااا

**omaro** · 8 - 7 - 2010, 03:09 PM

مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا "هتعمل إيه؟" قالوا "هوديها الصين" قالوا "يا راجل فى عيد جوازكوا العاشر توديها الصين، أومال فى عيد جوازكوا الخمسة وعشرين هتعمل ايه؟" فقالوا "هروح اخدها"
يا صبر ايوب
صبر عليها عشر سنين بحالهم
دا لو انا كان زمانى قاتلها

**ابو تريكه** · 8 - 7 - 2010, 03:22 PM

مرة واحدة قالت لجوزها "إهدى حبيبى كدة وأرجع زى زمان"، الراجل طلقها و رجع لأيام العذوبية

ههههههههههههههههههههههه

**mido202010** · 8 - 7 - 2010, 11:38 PM

شكرااااااااااااااا ليكوا بجد

الموضوع: مراتك هي الأساس خش وانت تشووووف

أدوات الموضوع

مراتك هي الأساس خش وانت تشووووف

معلومات الموضوع

الأعضاء الذين يشاهدون هذا الموضوع

المواضيع المتشابهه

تلميد رخممممممم اووووى بجد

الحقوووونى

دع الدنيا تبكي من جبروت ابتسامتك منقوووول

دع الدنيا تبكي من جبروت ابتسامتك منقوووول

لية على طول مخنووووق

الكلمات الدلالية لهذا الموضوع

ضوابط المشاركة