قهوتنا على الانترنت
ابحث عن :  
النتائج 1 إلى 8 من 8
  1. تمام انــــا خـــــــايــفــه





    انا خــــايفه

    ده مش مجرد عنوان يشدكم

    لاء بجد انا خايفه جدا


    ومين فينا مش خايف!!


    مين مش خايف على نفسه وعلى اهله؟؟
    مين مش خايف من بكره واللى ممكن يحصل فيه؟؟
    مين مش خايف يفقد اعز واحب الناس ليه؟؟
    مين مش خايف يضيع عمره فى الفشل؟؟


    ...اكيد كل واحد فينا خايف من حاجه...


    طيب هسأل سؤال تانى مالوش علاقه بالاول بس استحملونى

    ايه اللى شاغل بالك؟؟

    *عاوز تأمن مستقبلك ومستقبل اولادك.
    *عاوز تكون انسان ناجح فى حياتك وفى شغلك.
    *عاوز تكون صاحب سلطه ونفوذ الاهم طبعا صاحب مال.
    *عاوز تبنى بيت واتنين وعشره.
    *عاوز...عاوز...عاوز...محدش فينا هيقول خلاص كفايه.



    يعنى خايف من او على
    ومشغول وسط الدنيا
    وعاوز كل حاجه

    طيب فى وسط ده كله فكرت للحظه
    ان المفروض تخاف على نفسك وبس
    اه خاف على نفسك وبس
    مين هيقول دى انانيه
    ايوا بالظبط كده دى انانيه
    وانا بطالب بالانانيه
    ....يوم لاتنفع فيه مال ولا بنون...



    فاكرين سؤالى الاول


    طيب مين فينا مش خايف من....


    .....المـــــــــــوت.....


    بس الخوف من الموت بيختلف من انسان عن التانى
    يعنى هتخاف تموت علشان حياتك واولادك وفلوسك
    ولا هتخاف علشان هتتحاسب على كل صغيره وكبيره !!

    طيب اعتقد لحد دلوقتى الاسئله اللى بسألها طبيعيه ومنطقيه كلنا خايفين نموت ...
    طيب السؤال اللى مش طبيعى بقى

    جاهز تموت؟!!
    انت جاهز تموت؟؟

    سؤال غريب بس اتسألته هتجاوب تقول ايه؟؟

    طيب جاهز تتحاسب؟؟

    جاهز تدخل قبرك ويتقفل عليك وينصرف عنك الاهل والاحباب ...؟؟

    جاهز لنعيم او لهلاك؟؟

    جاهز تقف ادام ربنا وتاخد كتابك بيمينك او بشمالك؟؟

    ((اللهم يمن كتابنا ويسر حسابنا))




    ها ... حد يرد عليا

    عاوزه واحد بس يطلع يقولى اااااه انا جاهز للموت وجاهز للحساب كده بكل ثقه...

    كتير ممكن يكونوا مش خايفين من الموت لانه قضاء ربنا والحمد لله كلنا مؤمنين بيه

    ومسلمين لقضاء الله

    بس حد جاهز فعلا!!

    *بتصلى...بتصومى...بتزكى..اديتى العمره والحج
    ...برااااافو عليكى....(طيب يالا جاهزه!!)





    ...طيب قبل ماتردى على سؤالى
    اقرأى اللى جاى كده وبعده هسألك نفس السؤال

    *قاعده الحريم او الرجاله مش فارقه كتير
    بتحلى غير بسيره الناس؟؟
    طيب بطلتى غيبه ونميمه علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    *صباح الخير ياحبيبتى ايه مش بشوفك ليه وحشانى موت
    واول ماتسيبها تقول لصاحبتها يااااه دى بت خنيقه اوى وعلى قلبى زى السم
    بطلتى نفاق علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    *شوفتى فلانه شايفه بيتها عامل ازاى
    ولا جوزها انا عارفه بيحبها على ايه
    صحيح ناس ليهم بخت...
    بطلتى غيره وحسد علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    *بقولك ياماما انا هنزل اروح ل سمر
    علشان عيانه اوى ولازم اطمن عليها
    الو ايوا ياسمر اوعى تتصلى فى البيت انا قايلالهم انى عندك وانك تعبانه علشان لو ماما سألتك.....
    بطلتى تخونى الامانه علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    *مبقاش الا دى اللى تسووها بيا
    ازاى يعنى تترقى وانا اقدم منها وخبره عنها
    ياأنا ياهى فى الشغل ده...
    بطلتى غرور وتكبر علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    *يوووه بقولك ايه انا جايه من الشغل تعبانه ومش ناقصاك..
    بطلتى تعصى جوزك علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    *انتى مجيتيش ليه امبارح يابنتى استنيتك كتير
    معلش يامنى اصلى كنت تعبانه ومقدرتش انزل معاكى..وهى اصلا كانت خارجه مع واحده تانيه
    طيب بطلتى تكدبى علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    *اووووف بقى ياماما هو مفيش غيرى انا فى البيت
    ماعندك كلهم قاعدين اهم ماليش دعوه بقى
    بطلتى تعصى ابوكى وامك علشان تبقى جاهزه للموت!!


    * ♥♫♥♫♥* ♥♫♥♫♥* ♥♫♥♫♥

    *مش فاطمه زعلانه منى ومخصمانى ماتصالحينى عليها..
    تصالحيها ايه يابنتى بطلى الهبل ده سبيها تخبط راسها فى الحيطه
    بقى تبقى هى الغلطانه وانتى اللى تروحى تصالحيها كده ميبقاش عندك شخصيه...
    بطلتى توقعى بين المسلمين علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥
    *ايه يابنتى ده لبسك ضيق اوووى
    وايه المهرجان اللى فى وشك ده
    يوه ياماما ماكل البنات كده اشمعنى انا
    انتم هتعقدونى انا لسه صغيره
    (اصل الموت بيفرق بين صغير وكبير)
    بطلتى تقتدى بالاسوء علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    الامثله كتيييييييير ولو قعدنا نعدها مش هتخلص
    حاجات كتير فى يومنا بنعملها واتعودنا عليها
    وبقت بالنسبه لينا عادى جدا مفيهاش اى حاجه
    ومتنسيش بعد الامثله دى كلها وبعد كل الكلام ده
    اللى ممكن اوى يدخل من هنا ويطلع من هنا
    ان فى حاجه اسمها رد المظالم
    اى واحده اغتابتيها
    اى واحده ظلمتيها
    اى واحده خوضتى فى عرضها
    اى واحده ضحكتى عليها
    كل ده موجود ومكتوب عند ربنا وحسابك فى الدنيا والاخره عسير




    هسألك بقى سؤال اخير بس تجاوبى بصراحه

    ولو حتى بينك وبين نفسك ومتكدبيش على نفسك

    لو مثلا عرفتى انك هتموتى وانك هتدخلى الجنه وتتمتعى بنعيمها ان شاء الله

    بس فى شرط واحد بس

    قبل ماتموتى لازم تروحى لكل واحده اغتبتيها

    تقوليلها انا قولت عليكى كذا وكذا وسامحينى

    تفتكرى هتقدرى...مش هتتكسفى من نفسك...مش هتندمى..

    طيب مكسوفه تروحى تقوليلها يبقى بتتكلمى عليها من الاول ليه اصلا ومكسوفه منها
    ومش مكسوفه من ربنا اللى خلقك...

    الموضوع ده اظن محتاج وقفه جامده مع النفس واعاده تفكير وتغيير السواد اللى فى القلوب

    * ♥♫♥♫♥* ♥♫♥♫♥* ♥♫♥♫♥

    مش معنى الكلام ده انى بلا عيوب
    لا طبعا كلنا بنغلط بس بتفرق امتى ؟
    بتفرق من اللى بيعرف غلطه وبيصلحه
    واللى مش مقتنع انه غلط اصلا

    * ♥♫♥♫♥* ♥♫♥♫♥* ♥♫♥♫♥

    مش معنى انى بصلى وبصوم وبزكى و...و...و..
    يبقى انا كده تمام صحيح انا احسن من غيرى كتير

    لسه مبدؤش ..لسه مبيصلوش..لسه محتاجين صدمه تفوقهم...

    والمشكله انهم عارفين ان الصلاه عماد الدين من تركها ترك الدين
    وبيسيبوها للاسف الناس دى بقولهم بجد فوقوا

    مفيش احلى من القرب من ربنا

    جربى كده وهتشوفى الفرق فى حياتك وفى اولادك وفى زوجك اللى معاكى او لسه ربنا هيرزقك بيه

    وانا معاكى وجانبك هساعدك وهساندك وهنصلى

    وهنتغير للاحسن وهنلغى اى سلوك وحش من حياتنا

    اى سلوك نهانا عنه ربنا اللى بيحبنا

    واللى مفيش حد فى دنيتك دى

    حتى ابوكى وامك هيخاف عليكى

    وهيبقى حنين عليكى وهيحبك تقربيله

    وهيفرح برجوعك له الا ربنا احسن من الخلق اجمعين ..

    وقفى شيطانك وابدئى

    وقوليلى انا معاكى وهبقى احسن

    اوعى تتردى يمكن نيتك للتغيير دى تشفعلك عند ربنا لو قبض روحك دلوقتى.

    *دعوه لغلب الشيطان.
    *دعوه للقرب من ربنا.
    *دعوه لتحسين الاخلاق.
    *دعوه من قلب صادق بيحبكم

    عايز ربنا يظلنا يوم لاظل الا ظله وينادى علينا اين المتحابون فى جلالى
    نرد ونقول احنا يارب اجتمعنا على طاعتك فى الدنيا
    فيجمعنا فى جنته وينعمنا بها فى الاخره

    !!...جاهزه تموتى...!!


  2. #2
    تاريخ التسجيل
    6 - 5 - 2010
    ساكن في
    مدينتى
    المشاركات
    5,279
    مقالات المدونة
    3
    النوع : انثيEgypt الفريق المفضل  : الاهلي

    افتراضي

    والله انا ما لاقيه كلام اقوله
    ربنا يكرمك يارب
    جزاكى الله خير عنا


    ابتسم وتامل
    ترى الدنيا حافله بالامانى






    البحث على جميع مواضيع العضو دره

  3. #3
    تاريخ التسجيل
    25 - 5 - 2010
    ساكن في
    فى البيت طبعا
    المشاركات
    1,375
    مقالات المدونة
    3
    النوع : انثيEgyptالفريق المفضل  : الزمالك

    افتراضي

    جاهز تموت؟!!
    انت جاهز تموت؟؟


    اى حد فى الدنيا دى كلها مش جاهز للموت

    كل انسان مش متأكد ان ربنا راضى عنه ولا لا

    كل انسان ادام عينيه دائما جنه ونار ويقول لنفسه يا ترى هكون من

    اهل اليمين

    ام من اهل الشمال والعياذ بالله

    اللهم ان نعوذ بك من النار


    انا خايفه ومش جاهزه للموت

    لسه معملتش حاجه لاخرتى حتى لو بصلى او بصوم او او او

    مش راضيه عن نفسى برده

    وبطلب من ربنا فى كل صلاة انه يرضى عنى وانى اموت على حسن الخاتمه

    ده اللى بتمناه من ربنا

    ومش عايزه اكتر من كده



    بارك الله فيكى موضوعك رائع جدااااااااا ومكنتش عارفه ارد ازاى

    على اصعب واسهل كلمه الموت

    جزاكى الله الجنه




  4. #4
    تاريخ التسجيل
    10 - 1 - 2009
    ساكن في
    هناك
    العمر
    30
    المشاركات
    1,384
    النوع : ذكر Egypt الفريق المفضل  : الاهلي

    افتراضي

    موضوع رائع
    بارك الله فيكى
    وجزاكى كل خير



    I'm POP

    (يوميات شاب عادى)
    حلقات متجدده
    ان شاء الله هتلاقى فيها

    الاستفاده والعظه
    ادخل
    هنا

    البحث على جميع مواضيع العضو Sezer

  5. #5
    تاريخ التسجيل
    7 - 7 - 2010
    ساكن في
    فى عيون القمر
    المشاركات
    129
    النوع : ذكر Egypt الفريق المفضل  : الاهلي

    افتراضي

    جزاكي الله خيرا اختي المسلمه

    وجعله الله في ميزان حسناتك

    وبجد كل واحد لازم يكون
    مستعد للموت في اي وقت

    لان الموت قريب اوي مننا


    . لا تحزن إذا جاءك سهم قاتل من أقرب الناس إلى قلبك

    .. فسوف تجد من ينزع السهم ويعيد لك الحياة و الابتسامه

    البحث على جميع مواضيع العضو القلب الشجاع

  6. #6
    تاريخ التسجيل
    22 - 11 - 2009
    المشاركات
    2,705
    مقالات المدونة
    13
    النوع : انثيEgypt

    افتراضي

    بامانه كلامك كله مهم جدا وكثيرا منا يسأل نفسه كل هذه الاسئله ومن الممكن ايضا ان تكون هذه الاسئله لاتفارقنا بس الآهم ان من بستطيع ان يقوم نفسه ولو فى جزء من هذه
    الأخطاء ويصلحها وبالتدريج نستطيع التخلص من اخطاءنا
    مشكوره عزيزتى لأختيارك لهذا الموضوع وجزاكى الله كل خير
    <a href="http://up.masrawycafe.net/"...66.jpg" /></a>
    البحث على جميع مواضيع العضو ايسل

  7. #7
    الصورة الرمزية mona roshdi
    mona roshdi غير متواجد حالياً المشرفه المميزه للأسلامي العام والصوتيات والمرئيات الاسلامية
    تاريخ التسجيل
    27 - 6 - 2008
    ساكن في
    خلف دائرة الأحذان
    المشاركات
    12,425
    مقالات المدونة
    1
    النوع : انثيEgypt

    افتراضي

    *دعوه لغلب الشيطان.
    *دعوه للقرب من ربنا.
    *دعوه لتحسين الاخلاق.
    *دعوه من قلب صادق بيحبكم

    عايز ربنا يظلنا يوم لاظل الا ظله وينادى علينا اين المتحابون فى جلالى
    نرد ونقول احنا يارب اجتمعنا على طاعتك فى الدنيا
    فيجمعنا فى جنته وينعمنا بها فى الاخره

    !!...جاهزه تموتى...!!
    اللهم أصلح أحوالنا وأهدينا آجمعين
    ووفقناإلي طريق مستقيم وأبعدنا عن غواية الشيطان
    وأهدى بناتنا واولادنا واخواتنا وأمهاتنا

    وآبائنا وسائرالمسلمين آجمعين

    بارك الله فيك وحفظك

    تقديرى
    منى رشدى

  8. #8
    تاريخ التسجيل
    13 - 4 - 2010
    ساكن في
    القاهره
    العمر
    48
    المشاركات
    32,835
    النوع : ذكر Egypt

    افتراضي

    مَِسَآحآتٌ مِنَ آلشُكرْ لِحُروفك هُنآ ..

    بآرَكـِ الله فيكـِ ..

    رَفَعَ الله شَآنكـِ في الآرْضَ وَآلسَمآءْ

    وَآبْعَدَ عَنْكـِ آلبَلآءْ وَآسْكنكـِ فَسيحُ آلجنآنْ ،،

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©