ملحوظه:_
السلسله كلها منقوله............
ردا على الكلمة دى خلينا نفكر مع بعض شوية
ليه اللبس المحتشم ده بالذات هو اللى يتقال عنه إنه البدعة؟؟
وليه اللبس الكاسي العارى لم يقال عليه كذلك؟
أولا إجابة على السؤال الأول النقاب عمره ماكان بدعة وقرأت مرة كلاما ومش عارفة مصدره إن النقاب كان موجود حتى قبل ظهور الإسلام أيام الفراعنة !
تخيلواااااااااا ومعرفش الكلام ده مصدره صح ولا لا !
هذا إلى جانب ما كنت نقلته من قبل أن الغطاء الكامل كان موجودا في الديانة المسيحية
إلى جانب إننا عارفين إنه كان لبس زوجات النبي صلى الله عليه وسلم و
احنا عايزين نتأسي بهن ولو في أقل حاجة >>>> حجابهن
المهم إن النقاب مش بدعة
هتقولوا لى دليلك ايه؟؟
أقول لكم أولا مجتمعات كتيـــــــــرة جدا في دول إسلامية عربية وغير عربية يكاد يكون النقاب فيها هو اللبس الرسمى!
والمسألة مش مسألة إنه فرض ولا قرار جمهورى أخذته الدولة على نساء بلدها
لكن لأنه عرف أو تقليد من تقاليد البلد دى!
يعني مش بدعة زى ما بيقولوا !
والأمثلة على ذلك:
السعودية - اليمن - كتير من دول الخليج - بعض الأجزاء في العراق - أفغانستان
وأخيرا مصر !!!
بتقولى مصر ؟...مصر ؟؟..مصر ؟...مصر ؟؟..مصر ؟
ازاااااااى ؟
أقول لكم فاكرين مسلسل بين القصرين-ولو إن مش دى الحاجة اللى نستدل بها-(وأنا بقول ده للى كان شافه زمان في التليفزيون مش عايزة حد يروح يشوفه-(وأنا بقول ده للى كان شافه زمان في التليفزيون مش عايزة حد يروح يشوفه )؟
فاكرين لبس النساء فيه كان شكله عامل ازاى؟؟
كان شكله كده
لولا قاسم أمين-عليه من الله مايستحق- هو السبب عندما طالب بتحرير المرأة وعندها طلع المثل القائل
(خلعت برقع الحياء)
ده غير حركات تحرير المرأة لقاسم أمين وأعوانه ومن جاراه في دعوته مثل سعد زغلول والشيخ محمد عبده وبعض النساء اللى كانوا بينادوا بحرية المرأة أمثال هدى شعراوى وصفية زغلول وكثيرات...
ولا أقصد بالمثل اللى ذكرته إن التى لاتغطى وجها معندهاش حياء !
لا أبدا لا أقصد ذلك !
لكن أقصد إن النقاب كان عرفا سائدا في مصر لدرجة إن منظر امرأة تسير بدون نقاب حينها كان منظر مستبشع ومستغرب جدا
ما أريد أن أصل له هو إن النقاب ليس شيئا مستجدا أو بدعة حلَّت بديار المسلمين!
وبالنسبة للسؤال التانى:
وليه اللبس الكاسي العارى لم يقال عليه كذلك؟
فنقول سبحان الله على خطوات الشيطان! وكانت دى خطته من زمان في إفساد الشعوب كما وصفها الله تعالى:
"لِيُبْدِيَ لَهُمَا مَا وُورِيَ عَنْهُمَا مِنْ سَوْآتِهِمَا"
فالشيطان لعنه الله لعب على هذا الحبل وأثار الشهوات وفعلا كان على خطوات محسوبة بحيث إن فكرة الغطاء الكامل دى تندثر تماما وتنسي حتى ظننا دائما بسبب التشويه الإعلامى للماضي من خلال الأفلام القديمة(أبيض وأسود) إن ماضينا كان أسود وكانت النساء فيه عرايا وشرب الخمور إلف مألوف...والتبرج عرف معروف..و ..و !!
الخلاصة: إن النقاب ده كان شئ وارد في مجتمعنا وفي كثير من الدول العربية الآخرى العرف السائد فيها هو الغطاء الكامل على إختلاف أشكاله ومسمياته فمثلا:
في مصر>>> النقاب المصري(عبارة عن حجاب أو خمار مع غطاء للفم والأنف كما في الصورة)
وفي السعودية >>> نقاب سعودي له فتحتين للعين
وفي سوريا وبلاد الشام >>> المنديل
وفي دول الخليج >>> الملحفة (وبعضهم بيستخدموها أيضا في تغطية وجوههم بها)
وفي أفغانستان >>> البرقع
ااااه....فاكرين أيام حرب أمريكا على أفغانستان والقضاء على حركة طالبان فيها؟
نبذة تاريخية
حركة طالبان دى كانت جماعة ماسكة الحكم في أفغانستان بس كانت فارضة عليه نظام إسلامي مشدد مش عاجب السياسيين فأمريكا استغلت النقطة دى كتلكيكة عشان تقضي علي أفغانستان وعلى هذا الحكم الإسلامى اللى فيها
وبالنسبة للنظام المشدد -فيما يخصنا -أنها فرضت على النساء أن يكون حجابهم هو البرقع
عارفين البرقع ده شكله عامل ازاااى ؟
ده النقاب اللى بنلبسه ده مايساويش فتلة جنبه!
ده كان عبارة عن كأنك جبتى ملاية تقيلة طويلة ورموها فوق رأسك لحد قدميك وعند مكان العينين القماش خفيف شوية!
انظروا
دى حاجة وبعض وسائل الإعلام كانت أظهرت صورا إن اللى كانت بتمشي من غير البرقع تضرب بالكرباج
لكن للأسف !
بعد القضاء على حركة طالبان في أفغانستان النساء هناك كانوا زى اللى( كانوا في جرة وطلعوا لبرة) إلا من رحم ربي وثبَِّتهنّ
فلقد شاهدت لقاءا مع إحدى الكاتبات الأفغانيات اللاتى تطالبن بحرية المرأة وانشغل وانحصر تفكيرهم في هذه البدعة
ولقاء مع طالبة جامعية أفغانية يتحدثن عن شعورهن بالفرح بعد القضاء على حركة طالبان اللى كانت عاملالهم كبت بفرضها لبس البرقع عليهن (كلام فعلا مستفز اللى كانت عاملالهم كبت بفرضها لبس البرقع عليهن (كلام فعلا مستفز )
المهم:
رأيتهن بعد الغطاء الكامل الذى لايحمل أى معلم من معالم الزينة... نصف شعورهن ظاهر بل أغلبه ..و يضعن على رؤوسهن قطعة قماش لاتسمن ولا تغنى
في نظرى ما لهاش لازمة إلا إنها عاملالى شخصيا أزمة
والهواء يحرك الإيشارب ليظهر النصف الباقي المغطى من شعرها
أهذا الذى أردتموه لأنفسكن ؟؟؟
حقيقي خذلان ما بعده خذلان !!
بغض النظر عن الحالة السياسية التى فرضتها حركة طالبان على النساء الأفغانيات ولكن شرع الله هو الشرع!!
ده حجابك !
أنا مش بقول حتى يرجعوا يغطوا وجوههم مرة تانية لكن الكبت المزعوم اللى كان عليهم مش مبرر إنهم حتى لايغطوا شعورهن وصدورهن بالحجاب؟
وللحوار بقية إن شاء الله
السلام عليكم ورحمة الله وبركاته
ملحوظه:_
السلسله كلها منقوله............
تسلم ايدك
وربنا يعقل كل مجنون بيقول النقاب بدعه
أومال الناس ال بتخرج عريانه دول هما الاصلاح
للاسف يا اسماء احنا في مصر بالذات
خلعنا برقع الحياء
ولبسنا ملا بس شاكيرا ومايكل جاكسون
وعرفت فعلا امريكا
انها تأمركنا
سلسله رائعه
واللهم اهدي شباب وشابات المسلمين
بارك الله فيكي وحفظك ورعاك
دمتي بخير وصحه وعافيه وراحه بال
بارك الله فيك ورعاك
وستر عورات المسلمات اخواتنا وبناتنا وأمهاتنا
تقديرى لك
وجزاك الله الفردوس الأعلى
منى رشدى
المشكلة مش النقاب بدعة ولا مش بدعة المشكلة فينا أحنا
طالما احنا غايبن عن دين الله نبقى نستهل نعيش مع أى جاهل
التعديل الأخير تم بواسطة ahmedmokhtar ; 12 - 7 - 2010 الساعة 01:49 AM سبب آخر: خطاء
الذين يشاهدون الموضوع الآن: 1 (0 من الأعضاء و 1 زائر)