قهوتنا على الانترنت
ابحث عن :  
النتائج 1 إلى 3 من 3
  1. #1
    تاريخ التسجيل
    8 - 6 - 2010
    ساكن في
    سراااااااااااابــــــــ
    المشاركات
    4,445
    النوع : انثيEgypt الفريق المفضل  : الاهلي

    كووول >>>قصــــة حــــب داكتورة سمسمـة وداكتـــور بــــاثم<<<


    حكـايـة جـــواز باثـــــم و سِمسِمه






    باثـــــم تتجوزيني ؟

    سمسمه ـ أفندم ؟


    باثـــــم ـ بقولك تتجوزيني ؟

    سمسمه ـ !!!!!


    باثـــــم ـ تتجوزيني ؟

    سمسمه ـ لا !


    باثـــــم ـ ليه ؟

    سمسمه ـ بصراحة كدة شكلك مش عاجبني ..


    باثـــــم ـ إزاي يعني ؟

    سمسمه ـ يعني .. أصل أنا ليا مواصفات معينة لفارس أحلامي .


    باثـــــم ـ مواصفات معينة ؟ .. هو انتي هتتجوزي عربية ؟

    سمسمه ـ لا ! .. بصراحة كدة .. إنت مش فارس أحلامي اللي باتمناه !

    *****

    باثـــــم ـ تتجوزيني ؟

    سمسمه ـ إيه ده ؟ شكلك اتغير !


    باثـــــم ـ إيه رأيك ؟

    سمسمه ـ واو .. شعرك بقة ناعم ! .. دي باروكة ؟


    باثـــــم ـ أيوة

    سمسمه ـ ودي عدسات خضراء ؟


    باثـــــم ـ أيوة

    سمسمه ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج !


    باثـــــم ـ مين عباس كيج ده ؟

    سمسمه ـ عباس ؟!! ياي .. إيه عباس دي ؟ اسمه نيكولاس ..


    باثـــــم ـ مين نيكولاس ده ؟

    سمسمه ـ بقة مالكشي في السيما وجاي تكلمني ؟ .. ياي !

    *****

    باثـــــم ـ تتجوزيني ؟

    سمسمه ـ انت لسة ليك عين تكلمني ؟


    باثـــــم ـ أيوة .. أنا عرفت مين بنكرياس كيج ده

    سمسمه ـ أولاً : اسمه نيكولاس كيج ..


    باثـــــم ـ أيوة أيوة .. كنت هاقول اسمه صح .. بس اختصرته .. ده ممثل

    سمسمه ـ ممثل إيه ؟


    باثـــــم ـ ممثل أمريكاوي

    سمسمه ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي


    باثـــــم ـ دونكي دي تبقى شتيمة ؟

    سمسمه ـ أوف كورس

    *****

    باثـــــم ـ تتجوزيني ؟

    سمسمه ـ عندك عربية موديل كام ؟


    باثـــــم ـ موديل دي تبقى شتيمة ؟
    *****

    باثـــــم ـ تتجوزيني ؟

    سمسمه ـ قوللي الأول .. حاطط أنهي نغمة في الموبايل بتاعك ؟


    باثـــــم ـ نغمة دي تبقى شتيمة ؟
    *****

    باثـــــم ـ تتجوزيني ؟

    سمسمه ـ ما قلتليش .. إنت بتشتغل إيه ؟


    باثـــــم ـ أنا -بلا فخر- دكتور

    سمسمه ـ دكتور ؟ .. يععع ! ..


    باثـــــم ـ مش أحسن من اللي ما بيشتغلش ؟

    سمسمه ـ لا


    باثـــــم ـ يعني مش هتتجوزيني ؟

    سمسمه ـ لا يا باثـــــم


    باثـــــم ـ كدة أنا أزعل

    سمسمه ـ ما تزعلش يا بابا .. خليك فريش


    باثـــــم ـ ماشي .. ماشي .. بس قوليلي ..

    سمسمه ـ إيه ؟


    باثـــــم ـ فريش دي تبقى شتيمة ؟
    *****


    باثـــــم ـ تتجوزيني ؟

    سمسمه ـ لقيت شغل ؟


    باثـــــم ـ أيوة طبعًا .. سنتين وأنا بادور .. أخيرًا لقيت ..

    سمسمه ـ وإيه هو ؟


    باثـــــم ـ سواق تاكسي .

    سمسمه ـ ياي ! .. مش مكسوف وانت بتقولها ؟


    باثـــــم ـ فيها إيه ؟ العمل شرف .. وكلها كام سنة وأجمع مبلغ كويس ..

    سمسمه ـ شرف ؟ جتك القرف !

    *****

    باثـــــم ـ تتجوزيني ؟

    سمسمه ـ جمعت مبلغ كويس ؟


    باثـــــم ـ طبعًا .. مبلغ كبير جدًا ..

    سمسمه ـ قد إيه يعني ؟


    باثـــــم ـ ألف جنيه

    سمسمه ـ نعم ؟!!! .. ألف جنيه دول تروح تسرح بيهم ببطاطا ..


    باثـــــم ـ يعني موافقة ؟

    سمسمه ـ روح اتنيل .

    *****


    باثـــــم ـ تتجوزيني ؟

    سمسمه ـ عندك شقة ؟


    باثـــــم ـ طبعًا .. أودة على السطوح ..

    سمسمه ـ نعم ؟!! ..


    باثـــــم ـ إيه المشكلة ؟! .. أحسن ما ننام في الشارع !

    سمسمه ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب


    شقة .


    باثـــــم ـ طيب .. كلها كام سنة وأجيبلك أحسن شقة في الدنيا .

    سمسمه ـ وهتجيبها في جاردن سيتي ولا في الزمالك ؟


    باثـــــم ـ لا .. في الأهلي .. هيهع هيهع هيهع !
    *****


    ( بعد سنوات) :


    باثـــــم ـ تتجوزيني ؟

    سمسمه ـ جبت الشقة ؟


    باثـــــم ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت

    لسبع سنوات .. لكن المهم إنها جات ..


    سمسمه ـ فانتاستيك


    باثـــــم ـ بس الشقة ناقصة حاجة .

    سمسمه ـ إيه هي ؟


    باثـــــم ـ مفيهاش حمام !

    سمسمه ـ امشي من قدامي ! .. مش طايقاك !

    *****

    باثـــــم ـ تتجوزيني ؟

    سمسمه ـ إنت تاني ؟


    باثـــــم ـ جبتلك حمّام إنما إيه

    سمسمه ـ خليه ينفعك


    باثـــــم ـ ليه بس ؟ .. ده ينفع لينا احنا الاتنين

    سمسمه ـ وأنا مالي ؟


    باثـــــم ـ مش عاجبك .. مش مشكلة .. أكتبه باسمك

    *****

    (بعد سنين) ..


    باثـــــم ـ هتتجوزيني ولا أولع فيكي ؟

    سمسمه ـ ومالك محروق كدة ؟


    باثـــــم ـ حكايتنا طولت قوي .. طولت أكتر من اللازم

    سمسمه ـ أوكي .. بس ممكن أعرف حاجة ؟


    باثـــــم ـ إيه ؟

    سمسمه ـ إنت ليه متمسك بيا أوي كدة يا ثمثم ؟


    باثـــــم ـ أصل .. أصل ..

    سمسمه ـ أصل إيه ؟


    بــاثم ـ أصل أنا بحُبك (بضم الحاء) !

    سمسمه ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! ..


    وبعدين خليك روش وقول : I love you


    باثـــــم ـ ماشي .. بس قوليلي ..

    سمسمه ـ نعم ؟


    باثم ـ روش دي تبقى شتيمة ؟

    *****


    بــاثم ـ تتجوز يني ؟

    سمسمه ـ بصراحة .. في حاجة كنت عاوزة أقولهالك من زمااااااان يا باثـــــم .


    باثـــــم ـ إيه ؟

    سمسمه ـ أنا بصراحة .. مش شايفة إن في حد في العالم يستاهلني


    بـــاثم ـ يا سلام ! .. ليه ؟

    سمسمه ـ عشان أنا جميلة .. خفيفة الدم .. رشيقة .. رقيقة ..


    باثـــــم ـ رقيقة ؟! .. ده انت بدأتي تقشفي

    سمسمه ـ فشر !


    باثـــــم ـ فوقي لنفسك .. العمر بيجري ..

    سمسمه ـ أنا مصرة على رأيي


    باثـــــم ـ يعني إيه ؟

    سمسمه ـ يعني اقطع معايا


    باثـــــم ـ بعد كل السنين دي ؟! .. بعد كل الحب ده ؟!!


    سمسمه ـ بلاش تراجيديا من فضلك


    باثـــــم ـ ماشي .. بس قبل ما أمشي عاوز أسألك سؤال واحد بس ..

    سمسمه ـ إيه هو ؟


    باثـــــم ـ تراجيديا دي تبقى شتيمة ؟

    *****

    ( بعد سنوات ) ..


    باثـــــم ـ تتجوشيني ؟

    سمسمه ـ إيه ؟


    باثـــــم ـ تتجوشييينييييييي ؟

    سمسمه ـ إنت مين ؟


    باثـــــم ـ أنا حبيبك يا هبلة .. البشي النضارة عشان تشوفيني

    سمسمه ـ طيب شاعدني عشان ألاقي النضارة


    باثـــــم ـ آهي على الترابيزة قدامك

    سمسمه ـ فين ؟!!


    باثـــــم ـ لا دي نظارتي أنا

    سمسمه ـ أيوة لقيتها ..


    باثـــــم ـ البشيها بقة

    سمسمه ـ ططييبب


    باثـــــم ـ عينيكي فوق شوية يا سماسم .. ده بقك ..

    سمسمه ـ طيب لبشهالي إنت


    باثـــــم ـ عقبال ما البشك الدبلة

    سمسمه ـ ما تكشفنيش يا ميشو بقي .. كنت بتقول إيه بقى ؟


    باثـــــم ـ كنت بقول تتجوشششيييينيييييي ؟

    سمسمه ـ أكوشك ؟ .. إزاي ؟


    باثـــــم ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟

    سمسمه دي شتيمة ؟


    باثـــــم- لاااااء .. بقولك تتجوشيني ؟

    سمسمه ـ آه !! .. أجوشك


    باثـــــم ـ بالضااااابط .. هاه ؟

    سمسمه ـ شيبني أفكر


    باثـــــم ـ أشيبك تفكري ؟! .. ده انت هتموتي خلاش !

    سمسمه ـ لا .. شيبني أفكر بش


    باثـــــم ـ ربنا يوفقك

    سمسمه ـ إيه ؟


    باثـــــم ـ ربنا يوفقك

    سمسمه ـ بتقول إيه ؟


    باثـــــم ـ ربنا ياخدك

    *****

    بقي عندهم 80 سنة

    باثـــــم ـ تـ … كوح .. كوح .. تتـ .. كوح كاح كيح .. تتكو .. كوح .. كوح ..


    تتكوشـ .. كوح كوح .. يني ؟


    سمسمه ـ مش شامعة


    باثـــــم ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح …….

    سمسمه ـ أجوش مين ؟!!!


    باثـــــم ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!!


    سمسمه ـ إيه ؟ .
    .

    باثـــــم ـ لا .. كوح .. أبدًا .. كوح .. كنت … كح كح .. بأكح

    سمسمه ـ كنت بتكح ؟!!!! .. شلامتك .. ما قلتليش ليه ؟


    باثـــــم ـ هو .. كوح .. إنتي .. لشة .. عارفـ .. ـة .. كوح كوح

    سمسمه ـ بتقول إيه ؟


    باثـــــم ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو.. شيـ .. كوح كوح كوح كوح .. نـي ؟

    سمسمه ـ أجوشك ؟!! .. طب بش خد الدوا الأول


    باثـــــم ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح


    كوح كوح .. ـني ؟



    سمسمه ـ أيوة يا حاج .. موافقة .. موافقة إنك تتكوشني ..





    وعاثـــــــــو في طبــــــاط ونبــــــاط وخلفو صوبـــــيان وبنـــــــاط

    ملطووووووووش




    تسجيل خروج نهائى
    8/7/2011
    ربنا يوفق الجميع











    البحث على جميع مواضيع العضو &!! Who's care&

  2. #2
    تاريخ التسجيل
    23 - 9 - 2008
    ساكن في
    محامى والمحاماة حياتى
    المشاركات
    732
    النوع : ذكر Egypt

    افتراضي

    وعاثـــــــــو في طبــــــاط ونبــــــاط وخلفو صوبـــــيان وبنـــــــاط
    خلفوا مين انتى هتضحكى علينا
    دول طلعوا من عند المأذون هى على ترب الامام
    وهو على ترب الغفير
    قال خلفوا قال ليه هيا سايبه

  3. #3
    تاريخ التسجيل
    8 - 6 - 2010
    ساكن في
    سراااااااااااابــــــــ
    المشاركات
    4,445
    النوع : انثيEgypt الفريق المفضل  : الاهلي

    افتراضي

    ههههههههههههههههه
    معجزة من المعجزات
    المهم خلفوا وخلاص




    تسجيل خروج نهائى
    8/7/2011
    ربنا يوفق الجميع











    البحث على جميع مواضيع العضو &!! Who's care&

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. احسن دكتور في التخسيس دكتور احمد دياب ونصائحه في عيد الفطر المبارك
    بواسطة مصراوية اوي في المنتدى فديوهات يوتيوب Youtube
    مشاركات: 0
    آخر مشاركة: 30 - 8 - 2011, 12:43 AM
  2. مشاركات: 0
    آخر مشاركة: 24 - 5 - 2011, 05:08 PM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©